225
aiddirsə, siyasət ayrı-ayrı qrup və siniflərin fəaliyyəti ilə
bağlıdır. Siyasət əsasən dövlət tərəfindən həyata keçirilir, bu
işdə müxtəlif sosial institutlar və partiyalar da iştirak edir, əxlaq
isə bütün insanlar tərəfindən reallaşdırılır. Siyasi fəaliyyət
zamanı qarşıya qoyulan məqsədlərə uyğun olaraq bu və ya
digər vasitə və metod seçilir. Əxlaq isə, qarşıya qoyulan
fəaliyyət məqsədlərini rəhbər tutaraq, bunlara nail olunma
metodlarından daha çox səmərəlilik baxımından yox, onların
mümkünlüyü və zəruriliyi baxımından istifadə edir. Eyni
zamanda məlumdur ki, əxlaq və siyasətin ümumi cəhətləri də
var: məsələn, uzaqgörən və düşünülmüş siyasət əslində
humanizm və ədalətliliyin tələblərinə cavab verir. Hüquqi
dövlət, vətəndaş cəmiyyəti, açıq cəmiyyət şəraitində əxlaqi
idealların reallaşması üçün bütün imkanlar var.
Tarix boyu əxlaq və siyasətin nisbəti ziddiyyətli
xarakter daşıyırdı. Söhbət ilk növbədə siyasi məsələlərdə əxlaqi
meyarların tətbiqindən gedir. Məlumdur ki, bəzi dinlə bağlı
əxlaqi baxışlarda əxlaqi ideyaların insanların gündəlik həyatı
ilə, cəmiyyətin inkişafı ilə əlaqəsi inkar olunurdu.
Tədqiqatçıların bir qismi isə, əksinə, əxlaqı insanın tələbatları,
sosial həyatı ilə əlaqələndiridilər. Burada həm də əxlaq və
siyasətdə olan ümumi məqamlar da nəzərdə tutulur. Məsələn,
N.Makiavelli hesab edirdi ki, əxlaq özünü bütövlükdə siyasi
vəzifələrə tabe etməlidir. Hobbs isə ümumiyyətlə mənəviyyatın
vəzifələrini siyasət və hüququn qarşısında duran vəzifələrlə
məhdudlaşdırırdı. Onun fikrincə, yaxşılıq dövlətin əsaslarının
möhkəmləndirilməsindən ibarətdir. Fransa materialistləri isə,
əksinə, dövlət siyasətinin ən vacib məqsədlərindən birini onda
görürdülər ki, “ağıllı” qanunvericilik əsasında insanlarda əxlaqi
davranışa marağın yaranması təmin olunmalıdır; dövlət
siyasətini də onlar məhz həmin meyar əsasında, yəni həmin
vəzifənin yerinə yetirilməsinə uyğun olaraq qiymətləndirilməsi
tövsiyə edirdilər.
226
Qeyd olunmalıdır ki, əksər hallarda əxlaq və siyasətin
bir-birini istisna edən sosial hadisələr olduğunu qeyd edirlər.
Əxlaqın ideal, praktik məqsəd və faydadan uzaq olan, siyasətin
isə, əksinə, praktik məqsədə uyğunluq baxımından
qiymətləndirilməli olan bir sahə kimi nəzərə alınması tövsiyə
olunurdu. Bu cür yanaşma Kantın yaradıcılığına xasdır.
Əxlaq və hüquq haqqında da demək olar ki, hər ikisi
ictimai şüur formalarıdır. Burada həm oxşar, həm də fərqli
cəhətlər var. Hər ikisi cəmiyyətdə insan davranışının
tənzimlənməsi vəzifəsini yerinə yetirirlər. Həm əxlaq, həm də
hüquq ictimai şüurda təşəkkül tapmış, nisbətən sabit çərçivəsi
müəyyənləşdirilmiş, cəmiyyətin sosial-tarixi tələbatlarını
özündə əks etdirən davranış normaları məcmusudur. Bu
normalar ümumi səciyyə daşıyır, cəmiyyətin bütün üzvlərinə
aid edilir. Məsələn, əxlaqda bərabərlik prinsipi hüquqda
insanların qanun qarşısında bərabərliyinə uyğun gəlir. Əxlaq və
hüquq normalarını müxtəlif həyat fəaliyyəti sahələrinə bölmək
olar (əxlaqda bu cür bölgü bir qədər şərtidir, məsələn, əmək
etikası, peşə etikası, məişət əxlaqı, ailə-nikah əxlaqıvə s.).
Əxlaq və hüquq arasında fərq əsasən insan davranışının
tənzimlənməsində seçilən üsulu ilə izah olunur. Məsələn,
hüquq normaları dövlət tərəfindən, onun iradəsi əsasında
müəyyən edilir, rəsmi qanun və qanunverici aktlarda bildirilir.
Həmin normalara riayət olunmasını təmin etmək üçün
məcburetmədən (iqtisadi və hüquqi sanksiyalar, zorakılığın
tətbiqi, məhkəmə və s.) istifadə olunur. Əxlaqın tələblərinə
riayət olunmasını ictimai rəy təmin edir. Burada adət-ənənənin
gücündən də istifadə olunur. İnsanın şəxsi əqidəsi də burada
əhəmiyyətlidir.
Məlumdur ki, əxlaqi sanksiya mənəvi təsiretmə
imkanlarına aiddir. Həmin imkana cəmiyyətin hər bir üzvü
malikdir. Əxlaqi qaydalar adətən qələmə alınmır, ictimai
şüurda ümumi təsəvvürlər şəklində yaşayır, nəsildən-nəsilə
ötürülür. Burada gündəlik ünsiyyətin və əxlaqi tərbiyənin rolu
227
olduqca böyükdür. Əxlaqi normalar xalq rəvayətlərdə,
əfsanələrdə, atalar sözlərində, incəsənət əsərlərində, əxlaq
kodesklərində (bunlar tam olmur) öz əksini tapır. Cəmiyyətin
əxlaqi şüurunun mürəkkəb quruluşu var, bu da hüquqda norma
və prinsiplərin əsaslandırılması zamanı istifadə oluna bilər.
Məlum olduğu kimi, hüququn yaranması sinifli
cəmiyyətdə dövlətin yaranması və inkişafı, hakimiyyətin
ümumxalq iradəsindən ayrılması ilə bağlıdır. Həmin andan
hüquq və əxlaq fərqləndirməyə başlanmışdır. Əxlaq
cəmiyyətdə insana qeyri-rəsmi şəkildə mənəvi təsir göstərir.
Əxlaq və hüquq arasında vəzifə bölgüsü də əmələ gəlir. İctimai
həyatın bəzi sahələrini məhz hüquq tənzimləyir (mülkiyyət
məsələsi, ictimai vəzifələrin bölgüsü, cəmiyyətin fəaliyəti üçün
təhlükə yarada biləcək əməllərin qarşısının alınması və s.).
Qeyri-rəsmi və daha çox şəxsi münasibətlər yazılmamış
qanunlarla - əxlaqi normalarla tənzimlənir. Bununla belə
ictimai münasibətlərin əksər hissəsi həm hüquq, həm də əxlaqla
tənzimlənir.
Bəzən problemin hüquqi və əxlaqi tərifləri arasında
müəyyən ziddiyyət yaranır. Bu cür uyğunsuzluq qanunvericilik
və ona riayət olunması arasındakı ümumbəşəri və milli
dəyərlərə aid normalar və insan əqidəsi arasındakı fərqlərdən və
s-dən irəli gəlir. Həmin ziddiyyətlər o zaman aradan qaldırıla
bilər ki, əxlaqi prinsiplərin gözlənilməsi dövlət siyasətinin
vacib hissəsinə çevrilsin. Bu zaman siyasət ictimai təsiretmə
imkanlarından daha çox istifadə edir.
Əxlaq və din, ictimai şüur formaları olaraq mürəkkəb
münasibətlərə malikdirlər. Məlumdur ki, etika bilavasitə
mənəviyyatın meyarı məsələsi ilə bağlıdır. Dində əxlaq
haqqında təsəvvürlərin tarixi icmalı dərsliyin əvvəlki
bölmələrində nəzərdən keçirilib. Xatırladaq ki, dini baxışlara
görə allaha inam “yüksək” əxlaqi prinsiplərin əsaslandırılması
üçün yeganə vasitədir. Bu prinsiplərə zidd olan insanın sosial
həyatındakı “alçaq” meylləri, günahlarıdır. Bu mənada əxlaqi
Dostları ilə paylaş: |