5
ç) Hasilat və satışlar haqqında məlumat;
d) Dövlətin mədən sənayesində iştirakı;
e) Daxil olmuş gəlirlərin növləri, gəlirlərin idarə edilməsi və xərclər;
ə) Xüsusi razılıqların reyestri və xüsusi razılıqların verilməsi qaydaları.
2.4
Administratorun Rəyi və QHT Koalisiyasının Rəyi
2.4.1.
Administrator müsabiqə yolu ilə Əlavə 4-də verilmiş Administratorun seçilməsi
meyarlarına uyğun olaraq ÇQ tərəfindən seçilir.
2.4.2.
Komissiya Administratorla müvafiq xidmətlərin göstərilməsi barədə, Əlavə 4-də
nəzərdə tutulmuş fəaliyyət dairəsinə əsaslanan müqavilə (“Müqavilə”) bağlayır.
Müqavilənin müddət və şərtləri ÇQ tərəfindən təsdiq edilir.
2.4.3.
Müqavilənin surəti ÇQ-nin üzvlərinə təqdim olunur.
2.4.4.
Komissiya Şirkətlər Qrupu Üzvlərinə hesabat formalarının təqdim olunması
barədə bildiriş məktubu göndərir. Məktubda yerli və xarici şirkətlərin
hesabatlarının Müqavilədə müəyyən edilmiş hesabat tarixinədək kağız və
elektron formatda birbaşa Administratora göndərilməsi xatırladılır.
2.4.5.
Hökumətin hesabatı Komissiya tərəfindən, yerli və xarici şirkətlərin hesabatları
isə Şirkətlər Qrupu Üzvləri tərəfindən Müqavilədə müəyyən edilmiş hesabat
tarixindən gec olmayaraq birbaşa Administratora təqdim olunur.
2.4.6.
Müqaviləyə uyğun olaraq Administrator Hökumətin hesabatı ilə Şirkətlər Qrupu
Üüzvlərinin hesabatlarını təhlil edərək tutuşdurur, uyğunsuzluqları araşdırır və
bunun əsasında Administratorun Rəyini hazırlayır.
2.4.7.
Hökumətin və bütün şirkətlərin hesabatlarının təqdim olunduğu son tarixdən
sonrakı 60 (altmış) təqvim günü ərzində Administratorun Rəyi ÇQ-yə təqdim
olunmalıdır. Zərurət yarandıqda, ÇQ-nin qərarı ilə bu müddət uzadıla bilər.
2.4.8.
Hesabatlarda aşkar edilmiş bütün uyğunsuzluqlar aradan qaldırılana və ya
onların izahatı tapılana qədər Administratorun Rəyi təqdim olunmaya bilər.
Bütün aşkar edilmiş uyğunsuzluqlar və onların həlli barədə müvafiq məlumatlar
Administratorun Rəyində öz əksini tapır.
2.4.9.
Administrator Rəyinin ÇQ-nin iclasında açıqlanmasından sonrakı 1 (bir) ay
ərzində QHT Koalisiyasının Rəyi hazırlanır və ÇQ-nin iclasında təqdim edilir.
2.5
Ləngimələrin həlli
Tərəflər MHŞT Hesabatı hazırlanan zaman ləngimə, çatışmazlıq, texniki qüsurların
olması ehtimalını istisna etmir və bunların xoş məramla, Administratorla əməkdaşlıq
nəticəsində aradan qaldırılması zərurətini qəbul edirlər.
2.6
MHŞT Hesabatının dərc edilməsi
ÇQ MHŞT Hesabatı ilə bağlı mətbuat üçün məlumat hazırlayıb onu bu
Memorandumun 1.6 bəndinə uyğun olaraq dərc etdirir. MHŞT Hesabatının nəşr
olunması və paylanması ÇQ-nin qərarları ilə həyata keçirilir.
6
3. Məxfilik
MHŞT prosesi çərçivəsində Tərəflər Azərbaycan Respublikası qanunvericiliyinə görə
məxfi sayılan məlumatların açıqlanmasına yol verməyəcək, həmçinin mineral
ehtiyatların istifadəsi üzrə müvafiq sazişlər, o cümlədən hasilatın pay bölgüsü
sazişlərindəki məxfilik barədə bəndləri nəzərə alacaq.
Tərəflərin hər bir üzvü ÇQ-nin qərarı ilə açıqlanmış məlumatlar istisna olmaqla bu
Memorandumla, həmçinin ÇQ-nin fəaliyyəti ilə bağlı yazılı, şifahi və ya elektron
formada əldə etdiyi bütün məlumatların tam məxfiliyinə cavabdehdir. Bu bənddə qeyd
olunmuş vəzifələr Tərəflərin Memorandumu və ya ÇQ-ni tərk etmiş hər bir üzvünə
şamil olunmaqda davam edəcək.
4. Yekun müddəalar
4.1
Memorandumun qüvvəsi
Bu Memorandum niyyət bəyanatı olaraq, Tərəflər arasında (Tərəflər üçün məcburi
hüquqi qüvvəyə malik olan bu 4.1 bəndi və 3-cü bənd istisna olmaqla) hüquqi qüvvəyə
malik müqavilə yaratmır və uyğun olaraq, yerinə yetirilmədiyi təqdirdə, bu 4.1 bəndi
və 3-cü bənd istisna olmaqla, Tərəflərin heç biri üçün hüquqi məsuliyyət yaratmır.
Lakin, Tərəflər xoş məramla bu Memorandumun müddəalarını yerinə yetirmək üçün
səy göstərəcəklər. Bu 4.1 bəndi və 3-cü bənd ilə əlaqədar Tərəflər arasında yaranan
mübahisələr Azərbaycan Respublikasının qanunvericiliyinə əsasən həll olunur.
4.2
Memorandumun qüvvəyə minməsi
Bu Memorandum bütün Tərəfləri təmsil edən səlahiyyətli nümayəndələrin onu
imzaladığı gündən qüvvəyə minir. Bununla da 24 noyabr 2004-cü il tarixli MHŞT-nin
Azərbaycan Respublikasında tətbiqinə dair qarşılıqlı anlaşma haqqında Memorandum
və 2009-cu il tarixli ÇQ Razılaşması qüvvədən düşmüş hesab olunur.
4.3
Memoranduma qoşulma
Bu Memorandum qüvvəyə mindikdən sonrakı dövrdə Azərbaycan Respublikasının
hasilat sənayesində fəaliyyət göstərən və MHŞT-yə qoşulmaq istəyən yerli və ya xarici
şirkət bu Memoranduma Qoşulma Aktını (Əlavə 5) imzalamaqla təşəbbüsə qoşulur.
4.4
Memorandumu tərk etmə
4.4.1.
Tərəflərin hər bir üzvü digər Tərəflərə qabaqcadan tərketmə tarixi göstərilən
yazılı bildiriş göndərməklə bu Memorandumu tərk edə bilər.
4.4.2.
Tərəflərin hər hansı üzvü bu Memorandumu tərk etdikdə onun ÇQ-yə təyin
etdiyi üzvlər də ÇQ-ni tərk etməlidir. Bu zaman Tərəflərin həmin üzvünə 1.2.5.
altbəndi tətbiq olunur.