46
İkinci xüsusiyyət ifaçı fərd və ya fərdlərin struktur tərkibi ilə bağlıdır. Elə aşıq məktəbi vardır ki, o,
aşığın tək, eləsi də vardır ki, kollektiv - bir neçəsinin ifasını məqbul hesab edir. Eləsi də vardır ki, yalnız aşığın
saz havalarının ifa məharətinin nümayiş etdirilməsinə üstünlük verir. Məsələn, Aşıq Ədalətin, Aşıq Zakir
Bayramovun və b. peşəkar ifaçılıq repertuarını formalaşdırır. Belə repertuarlarda tək bir aşıq saz çalma
məharətini nümayiş etdirir (Aşıq Ədalət), yaxud tək bir aşıq özü saz çalıb oxuyur və s. Bütün bunlar isə ayrı-
ayrı aşıq məktəblərinin repertuar rəngarəngliyi idi. Onların hər birinin öz gözəlliyi olduğu kimi, aşıq
məktəblərində də hər birinin özlərinə məxsus yeri vardır.
Repertuar fərqinin başqa bir cəhəti isə onun quruluşu ilə əlaqədar idi. Müxtəlif aşıq məktəblərində ifa
repertuarının quruluşu bir-birindən fərqlidir. Şirvan aşıq məktəbində bu daha qabarıq nəzərə çarpır. Burada
aşıqdan qabaq xanəndə oxuyur, ondan sonra isə aşıq meydana çıxır, bir xeyli saz havalarından çalıb məclisi
əyləndirir, öz ifa məharətini göstərir, sonra isə dastan söyləməsinə keçir. Daha əzəllərdə isə Şirvan aşıqları
müxtəlif nağıllarla sözə başlar, aşıq repertuarında nağılların dastanlaşma prosesi davam edərdi. Başqa bir aşıq
məktəbi daha şöhrətli məhəbbət dastanlarının, Təbriz məktəbində isə «Koroğlu»nu söyləməyə üstünlük
verilərdi. Bütün bunlar isə aşıq repertuarlarının özünəməxsus ənənələrinin və təravətinin qorunub saxlanmasına
böyük kömək edərdi.
Müxtəlif aşıq məktəblərində tarixən bir-birindən fərqli və oxşar ənənələr fəaliyyətdə olmuşdur. Onların
hər birinin özünəməxsusluğu var, heç biri digərini inkar etmir, əksinə, bir-birini tamamlayır və ümumilikdə aşıq
sənətinə füsunkar bir gözəllik verir.
Ən yeni dövr folklor yaradıcılığı mərhələsində ağız ədəbiyyatının bütün üslubları, janrları və sahələri
kimi, aşıq poeziyasında güclü özünəqayıdış prosesi başlamışdır. Bu isə onun yazılı ədəbiyyatın içərisində
getdikcə əriyib yox olacağı, milli yaddaşdan silinəcəyi barədəki illüziyaları təkzib edir. Ola bilsin iyirmi birinci
yüzillikdə dünya miqyasında baş verən qloballaşma və inteqrasiya qovşağında milli dəyərlərimizi aşıq
yaradıcılığı başqa institutlardan daha üstün sürətlə mühafizə edib qoruyacaqdır. Ona görə də aşıq yaradıcılığını
milli-mənəvi dəyərlər, xüsusilə azərbaycançılıq ənənələri ilə güclü bağlılıq çevrəsində ayrı-ayrı məktəblər, etik-
estetik, mədəni-kulturoloji və etnopsixoloji dəyərləri əks etdirmək baxımından öyrənib dünya miqyasında
tanıtmaq bu gün son dərəcə vacib və zəruridir.
Aşıq məktəbləri və aşıq mühitləri
Tarixi şəraitdən və sosial-iqtisadi əlaqələrin vəziyyətindən asılı olaraq, Azərbaycan aşıq sənəti özündə
müəyyən mədəni-coğrafı bölgələr toplusunu birləşdirmişdir. Ənənəvi aşıq məktəbləri bir neçə baxımdan, о
cümlədən, etnoqrafık (diyarşünaslıq), tarixi-mədəniyyətşünaslıq, yerli ənənə və xüsusiyyətlər baxımından
öyrənilir.
Müxtəlif bölgələrdə yayılmış aşıq sənəti ümumi cəhətlərə malik olsa da, özünəməxsus repertuarı, ifaçılıq
tərzi və instrumental müşayiəti ilə fərqlənir. İfaçılıq formasına, yaradıcılıq tərzi və imkanlarına görə aşıqlan
spesifık yerli ənənələrə (lokal xüsusiyyətlərə) əsaslanan bir neçə ərazi-zona qruplarına bölmək olar. Bunları
aşıqşünaslıqda "aşıq mühitləri" də adlandırırlar.
1.
Göyçə-Kəlbəcər, Naxçıvan və Borçalı aşıqları.
2.
Gəncə, Şamxor, Tovuz və Qazax aşıqları.
3.
Şamaxı, Kürdəmir və Səlyan aşıqları.
Azərbaycanlılar yaşayan ərazilərdəki məşhur aşıq mühitləri bu şəkildə səciyyələndirilir:
Gəncəbasar aşıq mühiti - Azərbaycanın Goranboy, Göygöl (keçmiş Xanlar), Daşkəsən, Gədəbəy, Şəmkir,
Tovuz, Qazax və Ağstafa rayonlarında yayılmışdır. Bu aşıq mühiti XVIII-XIX əsrlərdə Bozalqanlı Aşıq
Cəfərqulu, Aşıq Hüseyn Şəmkirli, Aşıq Mirzə Səməd və başqaları; XX əsrdə Aşıq Hüseyn Cavan (Goranboy),
Aşıq Mirzə Bayramov, Aşıq İmran Həsənov, Aşıq Əkbər Cəfərov, Aşıq İslam Yusifov Aşıq Qara Mövlamov və
digər görkəmli aşıqlarla təmsil olunur. Gəncəbasar aşıqları əsasən balabançıların müşayiətilə və rəqsə yer
verməklə çıxış edirlər. Ənənəvi aşıq havaları ilə yanaşı, "Dilqəmi", "Azaflı dübeyti", "Vaqifı", "İncəgülü" və s.
havalar da onların özünəxas repertuarına daxildir.
Borçalı aşıq mühiti - Borçalı (Gürcüstanın indiki Marneuli rayonu), Başkeçid (Dmanisi), Qarayazı
(Qardabani) və Qaraçöp (Saqareco, Bolnisi) mahallarında yaşayıb-yaratmış Dost Pirməmməd, Qul Allahqulu,
Aşıq Əmrah Gülməmmədov, Aşıq Hüseyn Saraclı, Aşıq Kamandar Əfəndiyev və başqa aşıqlardan ibarətdir.
Borçalı aşıqlarının ifa tərzi sazda solo çıxış və iki aşığın deyişməsindən ibarətdir. Ənənəvi aşıq havaları ilə
yanaşı, onların repertuarında bu əraziyə xas olan "Məmmədbağırı", "Sultanı", "Mansırı", "Ağır şərili",
"Bəhməni", "Borçalı dübeyti" və s. havalar oxunur. Çıldır (Türkiyənin Şərqi Anadolu və Gürcüstanın tərkibinə
Mesxet Cavaxetiya adı ilə qatılan ərazi), Ağbaba, Qızılqoç (Ermənistanın indiki Amasiya və Qukasyan
rayonları) bölgələrini əhatə edir və Aşıq Əmrah, Ağbabalı Aşıq İsgəndər və b. aşıqların adı ilə bağlıdır.
Göyçə aşıq mühiti - Basarkeçər, Kəvər, Aşağı Qaranlıx, Çəmbərək dairələrində (Ermənistanın indiki
Krasnoselsk və Vardenis rayonları), Laçın və Kəlbəcər rayonlarında yayılmışdır və Aşıq Ələsgər, Aşıq
47
Məhərrəm, Aşıq Bəsti, Aşıq Talıb, Aşıq Mirzə Bəylər, Aşıq Şəmşir və başqa aşıqların yaradıcılığı ilə təmsil
olunur.
Göyçə və Çıldır aşıq mühitində də solo instrumental ifaçılıq ənənəsi saxlanılır. Göyçə aşıqlarının
özünəməxsus repertuarına "Şahsevəni", "Qəmərcan", "Göyçəgülü", "Göyçə gözəlləməsi", "Heydəri", həmçinin,
Çıldır aşıqlarının repertuarına "Ağbabayı", "Qaracaoğlan", "Çuxuroba", "Çıldır divanisi" və s. havalar da
daxildir.
Dərələyəz aşıq mühiti - indiki Ermənistan ərazisində Sallı, Hors, Qabaxlı, Qaraqaya, Keşişkənd və Soylan
kəndlərini əhatə edir və Şair Təhməz, Aşıq Əsəd, Aşıq Вəhmən, Aşıq Qahraman və digər aşıqların yaradıcılığı
ilə bağlıdır. Bu aşıq mühitində saz və balabanın müşayiətilə oxunan "Baş Cəlili", "Dərələyəz gəraylısı", "İrəvan
gözəlləməsi", "İrəvan çuxuru" və s. havalar geniş yayılmışdır.
Onu da qeyd etmək lazımdır ki, XX əsrin əvvəllərindən başlayaraq, müxtəlif illərdə (1905-1918, 1948-
1950, 1987-1988) ermənilər tərəfındən azərbaycanlıların etnik sıxışdırılıb çıxarılması nəticəsində hal-hazırda
İrəvan (azərbaycanlıların yaşadığı Qəmərli, Üçkilsə, Ellər, Zəngibasar və Vedibasar yaşayış ərazilərini əhatə
edən), Göyçə,
Dərələyəz, qismən Çıldır aşıq mühitləri dağılmışdır.
Naxçıvan aşıq mühiti - Şərur, Şahbuz, Sədərək və Ordubad rayonlarında yayılmışdır. Aşıq Abbas Dəhri,
Aşıq Nabat, Aşıq Bayramalı, Aşıq Hamid Ağamalıyev və başqalarının yaradıcılığı ilə təmsil olunur. Naxçıvanda
aşıqlar saz və balabanın müşayiəti ilə çıxış edirlər. Bu zona ilə bağlı aşıq havalarından "Naxçıvanı", "Naxçıvan
gözəlləməsi", "Cəlili" və s. göstərmək olar.
Urmiya aşıq mühiti - Cənubi Azərbaycanın Urmiya, Xoy, Maku, Səlmas, Sulduz ərazilərini əhatə edir və
Dollu Məhəmməd, Balovlu Miskin, Aşıq Cavad, Aşıq Dehqan və başqa aşıqların yaradıcılığı ilə bağlıdır.
Burada aşıq repertuarında "Hicranı", "Hələbi", "Urmani divanisi", "Urmiya gözəlləməsi", "Тərəkəmə
gözəlləməsi" və s. özünəməxsus havalar üstünlük təşkil edir.
Qaradağ-Təbriz aşıq mühiti - Cənubi Azərbaycanın Mərənd, Sərəskənd, Marağa, Şəbustar, Sərab,
Gələyvər, Əhər mahallarında yayılmışdır. Bu aşıq mühiti Aşıq Nemət, Aşıq Nəcəf Binisli, Aşıq Əli, Aşıq
Xudayar, Aşıq Əyyub və başqalarının yaradıcılığı ilə bağlıdır. Bu ərazidə yaranmış havalar - "Qaradağ
şikəstəsi", "Doxabəyi", "Qürbəti", "Narıncı", "Qaytarma", "Şah Xətayi divanisi", "Osmanlı divanisi" və s. sazın,
balabanın və qavalın müşayiətilə ifa olunur.
Məlumat üçün qeyd edək ki, Cənubi Azərbaycanda Zəncan, Xorasan, Savə və Qaşqay aşıq mühitləri də
mövcuddur.
Qarabağ aşıq mühiti - Azərbaycanın Şuşa, Ağdam, Füzuli, Bərdə, Xocalı, Xocavənd, Cəbrayıl, İmişli,
Beyləqan, Ağcabədi, Tərtər rayonlarında müxtəlif dövrlərdə yaşayan Aşıq Səməd, Maralyanlı Aşıq Pəri, Aşıq
Abbasqulu, Aşıq Nəcəfqulu, Aşıq Duman, Aşıq Şikar, Aşıq Cabbar və digər ustadların yaradıcılığı ilə bağlıdır.
Bu zonaya aid aşıq havalarından "Aran gözəlləməsi", "Qarabağ dübeyti", "Qarabağ qaytağı", "Qarabağ
qaytarması", "Divani", "Baş Sarıtel" və s. əsasən saz və balabanın müşayiətilə ifa olunur.
Şirvan aşıq mühiti - Azərbaycanın Şamaxı, Qobustan, İsmayıllı, Ağsu, Göyçay, Ağdaş, Zərdab, Ucar,
Kürdəmir, Hacıqabul, Sabirabad, Salyan, Biləsuvar rayonlarını birləşdirərək, Padarlı Aşıq Zəki, Nəburlu Aşıq
Badam, Aşıq Mirzə Bilal, Aşıq Bəylər Qədirov, Aşıq
Рənah Pənahov, Aşıq Əhməd Rüstəmov və başqa aşıqların
yaradıcılığını əhatə edir. Şirvan aşıq mühitində xanəndə sənətinin nüfuzu təsiri ilə bağlı aşıq havalarının
özünəməxsus ifa forması yaranmışdır. Havalar əvvəlcə aşığın sazda improvizasiyalı solo ifası ilə verilir, bəzən
giriş hissədə muğam parçaları da səslənir. Aşıq havaları saz, balaban, nağara və qoşanağaranın müşayiəti ilə,
rəqsə müraciət etməklə ifa olunur. Buna görə də rəqs xarakterli "Pişro", "Şikəstə", "Şəşəngi" kimi özünəməxsus
aşıq havalarının çoxsaylı variantları bu ərazidə geniş yayılmışdır.
Dərbənd aşıq mühiti - keçmiş Samur qəzası və indiki Quba-Xaçmaz və Şəki-Zaqatala zonalarını əhatə
edir. Bu aşıq mühiti Varxianlı Aşıq Məhəmməd, Xaltanlı Tağı, Molla Cümə, Aşıq Qəndab, Aşıq Səfərəli
Qaracallı və başqa sənətkarların yaradıcılığı ilə təmsil olunur. Bu aşıq mühitində instrumental müşayiət saz,
balaban, bəzən nağaranın müşayiətilə aparılır, cürə saza daha çox üstünlük verilir. "Dərbəndi", "Quba Kərəmi"
havaları bu aşıq mühitinə xas olan havalardandır.
Göründüyü kimi, Göyçə, Tovuz, Borçalı, Gəncə-Şəmkir, Şirvan, Qarabağ, Təbriz, Urmiya, Çıldır və
Dərbənd saz-söz ustalan arasında istər işlədilən havacat və onun ifa üslubunda, istər yerli danışıq və söz-dastan
söyləmələrində, istərsə də saz çalğısı, oxuma texnikası, səs yüksəkliyi və səslənmə xüsusiyyətlərində, tək və
ansambl (birgə) heyətdə çıxışlarında fərqlər özünü göstərir. Məsələn, Borçalı, Çıldır və Urmiya aşıqlan ancaq
təklikdə çıxışa üstünlük verdikləri halda, Tovuz, Gəncə-Şəmkir, Qarabağ sənətkarları həm təklikdə, həm cüt,
həm də balabançı ilə məclis keçirirlər.
Şirvan və Təbriz aşıqlarının havacatı və ifa tərzi ilə Göyçə və başqa Qərb aşıq məktəblərinin arasında
köklü fərqlər var. Həmçinin, aşıq məktəbləri bir-birindən repertuarı, ifaçılıq manerası, yerli danışıq dialektləri,
saz alətinə yiyələnmək səviyyəsi, vokal texnikası, solo və ya birgə ifaçılıq, ansambl ifaçılığının tətbiqi ilə
fərqlənirlər.