Mədəniyyət və Turizm Nazirliyinin 2012-ci ilin birinci yarısında gördüyü işlər haqqında hesabat



Yüklə 353,1 Kb.
səhifə1/3
tarix02.01.2018
ölçüsü353,1 Kb.
  1   2   3


Mədəniyyət və Turizm Nazirliyinin 2012-ci ilin

birinci yarısında gördüyü işlər haqqında

HESABAT

Azərbaycanda aparılan davamlı inkişaf strategiyası sayəsində ölkəmiz hələ 2009-cu ildə keçid dövrünü uğurla başa vuraraq, yeni inkişaf mərhələsinə qədəm qoymuşdur. Bu da cəmiyyət həyatının bütün sferalarında daha mühüm vəzifələr və hədəflər müəyyən etmişdir.

Bunları nəzərə alaraq, Mədəniyyət və Turizm Nazirliyi 2012-ci il əszində öz fəaliyyətini Azərbaycan Respublikasının Prezidenti cənab İlham Əliyevin mədəniyyət və turizm sahələrinə dair imzaladığı fərman və sərəncamlar, Nazirlər Kabinetinin verdiyi göstəriş və tapşırıqlar, mövcud qanunvericiliyə uyğun olaraq qurmuş, ölkədə mədəniyyət və turizm sahələrinin inkişafı ilə əlaqədar bir sıra əhəmiyyətli layihələr həyata keçirmiş, milli mədəniyyətimizin və Azərbaycanın turizm potensialının dünyada tanıdılması, ölkəmizin dünyanın mədəniyyət və turizm məkanına uğurla inteqrasiya olunması, milli mədəni irsimizin, dəyər və sərvətlərimizin qorunub saxlanılması, inkişaf etdirilməsi istiqamətində müəyyən nəticələrə nail olmuşdur.

İNCƏSƏNƏT
2012-ci ilin birinci yarısında Nazirlik tərəfindən ölkəmizdə və onun hüdudlarından kənarda çoxsaylı dövlət əhəmiyyətli tədbirlər keçirilmiş, Azərbaycan incəsənət ustalarının dünyanın ən müxtəlif ölkələrinə səfərləri habelə, ölkə daxilində və xaricdə müxtəlif təsviri və tətbiqi sənət sərgiləri təşkil olunmuşdur.

19 yanvar 2012-ci il Azərbaycan Dövlət Filarmoniyasında 20 yanvar - Şəhidlər

gününə həsr olunmuş konsert keçirilmişdir. Tədbirdə Üzeyir Hacıbəyli adına Azərbaycan Dövlət Simfonik Orkestri və Dövlət Xor Kapellasının ifasında İ.Cenkinsonun “Rekviem” əsəri səslənmişdir.

18-28 yanvar tarixində Azərbaycan Respublikasının Türkiyədəki Səfirliyi ilə birgə Ankara şəhərində iki ölkə arasında diplomatik əlaqələrin qurulmasının 20-ci ildönümünə həsr olunmuş fotosərgi təşkil olunmuşdur. Bundan əlavə Ankaradakı Sənət və Heykəl Muzeyində Azərbaycan rəssamlarının 20 yanvar faciəsinə həsr olunmuş əsərlərindən ibarət sərgi təşkil olunmuş, sərgidə Azərbaycan Dövlət Rəsm Qalereyasının fondundan seçilmiş əsərlər nümayiş etdirilmişdir.

19-28 yanvar tarixlərində Əl - Füceyrada (BƏƏ) V Monodram Beynəlxalq Teatr Festivalı keçirilmişdir. Azərbaycan nümayəndə heyətinə Mədəniyyət və Turizm Nazirinin müavini Ədalət Vəliyev rəhbərlik etmişdir. Azərbaycan bu festivalda Gənc Tamaşaçılar teatrinin Avstriya dramaturqu Peter Turrininin «Axır ki…» monotamaşası ilə təmsil olunmuşdur. Nümayəndə heyətinin tərkibində Beynəlxalq Kukla Teatrları Festivalının və Bakı Teatr Forumunun icraçı direktoru Şaiq Səfərov iştirak etmişdir.

28 yanvar-3 fevral tarixlərində Gənc Tamaşaçılar Teatrı italyan dramaturqu Peppino de Filipponun «Don Rafaello trombonçu» tamaşası ilə İranda keçirilmiş «Fəcr» Beynəlxalq Teatr Festivalında iştirak etmişdir.

İtaliyanın paytaxtı Roma şəhərindəki “Villa Borghese” parkında Nizami Gəncəvinin abidəsinin ucaldılması ilə bağlı texniki məsələlərin həlli məqsədi ilə İtaliyanın heykəltəraşlıq üzrə mütəxəssisləri Annicchiarico Domenico və Cavallari Carlo 2012-ci ilin yanvar ayının 30-dan fevral ayının 1-dək Bakıya dəvət olunmuşdur.

Azərbaycan Respublikası Prezidentinin “Azərbaycan gəncliyi 2011-2015-ci illərdə ”Dövlət Proqramı”nın təsdiq edilməsi haqqında 7 iyul 2011-ci il tarixli, 1621 nömrəli Sərəncamının icrası ilə bağlı Tədbirlər Planına uyğun olaraq yaradıcı gənclərin iştirakı ilə 2-11 fevral tarixlərində “Gəncliyin səsi” festivalı keçirilmişdir. Festival çərçivəsində gənc klassik və muğam ifaçılarının, “Buta” gənclər kamera xorunun, Ü.Hacıbəyli adına Azərbaycan Dövlət Simfonik Orkestrinin, Con Tempo ansamblının konsertləri keçirilmiş, gənc rəssam Ülvi Musayevin fərdi sərgisi nümayiş etdirilmişdir. Azərbaycan Dövlət Simfonik Orkestri və Con Tempo ansamblının ifasında gənc bəstəkarların əsərləri ilk dəfə ifa olunmuşdur.

3 fevral tarixində Azərbaycan Dövlət Filarmoniyasında Ukraynadan tanınmış dirijor Vladimir Runçakın Üzeyir Hacıbəyli adına Azərbaycan Dövlət Simfonik Orkestri ilə birgə konserti keçirilmişdir.

10-16 fevral tarixində Muzey Mərkəzində Azərbaycan Rəssamlar İttifaqının 6-cı mikrorayondakı Rəssamlar evində yaradıcılıq fəaliyyəti ilə məşğul olan rəssamların yaradıcılığının təbliği və əsərlərinin geniş tamaşaçı auditoriyasına nümayiş etdirmək məqsədi ilə “6-cı mikrorayon rəssamları” adlı sərgi keçirilmiş və sərgiyə aid nəfis kataloq çap olunmuşdur.

F.Əmirov adına Azərbaycan Dövlət Mahnı və Rəqs Ansamblının 2012-ci il 16-18 fevral tarixlərində Moskva şəhərində İqor Moiseyev adına Dövlət Akademik Rəqs Ansamblının 75 illiyinə həsr olunmuş yubiley gecəsində iştirak etmişdir.

17 fevral tarixində Azərbaycan Dövlət Filarmoniyasında Türkiyədən tanınmış dirijor, Əməkdar İncəsənət Xadimi, İstanbul Opera və Balet Teatrının dirijoru Elşad Bağırov, skripka ifaçısı Oleksandr Samoylenko və qoboy ifaçısı Azad Əlizadənin Üzeyir Hacıbəyli adına Azərbaycan Dövlət Simfonik Orkestri ilə birgə konserti keçirilmişdir.

Əməkdar Artist Natiq Şirinovun rəhbərliyi ilə “Natiq ritm” qrupu 20-27 fevral tarixlərində Malaziyanın Perak şəhərində keçirilən “The Royal Belum World Drums Festival 2012” festivalında iştirak etmişdir.

“Xocalı soyqırımının iyirminci ildönümü haqqında” Azərbaycan Respublikasının Prezidentinin 2012-ci il 17 yanvar tarixli Sərəncamına uyğun olaraq, 24 fevral 2012-ci il tarixində V.Səmədova adına Sərgi Salonunda Xocalı soyqırımının 20-ci ildönümünə həsr olunmuş rəngkarlıq, qrafika, heykəltəraşlıq və dekorativ tətbiqi sənət əsərlərindən ibarət “Unudulmayan tarix” adlı respublika sərgi-müsabiqəsi keçirilmişdir.

23-26 fevral tarixlərində Berlində və Parisdə Xocalı faciəsinin 20 illiyi ilə əlaqədar «Xocalı Günləri» adlı tədbirdə Azərbaycan Dövlət Pantomima Teatrı «Unutmayaq» adlı kompozisiyası ilə iştirak etmişdir.

25 fevral tarixində Azərbaycan Dövlət Filarmoniyasında Xocalı soyqırımının 20 illiyinə həsr olunmuş konsert keçirilmişdir. Tədbirdə Azərbaycan Dövlət Xalq Çalğı Alətləri Orkestrinin ifasında Azərbaycan bəstəkarlarının əsərləri səslənmişdir.

20-26 fevral tarixlərində Bakıda ASSİTEJ-in (Beynəlxalq Uşaq və Gənclər Teatrları Assosiasiyası) İcra Komitəsinin toplantısı keçirilmişdir. Toplantıda 16 dövlətdən 20-ə yaxın nümayəndə – ASSİTEJ-in prezidenti İvet Hardi (Cənubi Afrika), baş katibi Ivitsa Simic (Xorvatiya), vitse-prezidentlər Maria Ines Falkoni (Argentina), Kim Peter Kovaç (ABŞ), Stefan Fişer-Fels (Almaniya), icraçı köməkçi Dora Jelaçiç-Buzimski (Xorvatiya), maliyyə rəhbəri Noel Cordan (Avstraliya), müşavir Stefan Rabl (Avstriya), Kijimuna Festa Festivalının prodüseri Hisaşi Şimoyama (Yaponiya), 2014-cü ildə Polşada keçiriləcək ASSİTEJ-in Dünya Qurultayının rəhbəri Magdalena Şpak (Polşa), üzvlər Maria Luisa Gimenez Kaço (Meksika), Diana Krzanic-Tepavaç (Serbiya), Vigdis Yakobsdottir (Islandiya), Nina Haciyianni (Böyük Britaniya), Marina Medkova (Rusiya), Imran Xan (Hindistan), Jerome Etoundi (Kamerun) iştirak etmişlər.

Toplantı çərçivəsində fevral ayının 20-də «Marketinq və tamaşaçı şəbəkəsinin yaranması», «Uşaq nağıllarının müasir yozumu», Azərbaycan Dövlət Gənc Tamaşaçılar Teatrında «Uşaq teatrlarında rəqs» mövzularında seminarlar keçirilmişdir.

Fotoqraf-rəssam Əqdəs Bağırzadə öz fotosərgisinin açılış və bağlanış mərasimlərində iştirak etmək üçün 20-27 fevral və 9-16 mart 2012-ci il tarixlərində İtaliyanın Milan şəhərinə ezam olunmuşdur.

29 fevral - 3 mart tarixlərində Moldovanın Kişineu şəhərində keçirilən “Mertsişor” Beynəlxalq Musiqi Festivalında Xalq Artistləri Mələkxanım Əyyubova, Möhlət Müslümov, Fəxrəddin Dadaşov, Azərbaycan Dövlət Opera və Balet Teatrının gənc vokalçıları iştirak etmişlər.

2 mart tarixində Azərbaycan Dövlət Filarmoniyasında Azərbaycan Bəstəkarlar İttifaqının təşəbbüsü və Mədəniyyət və Turizm Nazirliyinin dəstəyi ilə Ukrayna bəstəkarlarının əsərlərindən ibarət konsert keçirilmişdir. Tədbirdə Ukraynadan görkəmli bəstəkarlar, musiqişünaslar və solistlər iştirak etmişdir.

Azərbaycan Respublikasının Niderland Krallığındakı Səfirliyinin yeni binasının intryerinin Azərbaycan rəssamlarının bədii əsərləri ilə tərtib edilməsi üçün tərtibatçı-rəssam Arif İbrahimov mart ayının 5-dən 8-dək Amsterdam şəhərinə ezam edilmişdir.

6-11 mart tarixlərində “8 mart- Qadınlar günü” münasibətilə Muzey Mərkəzində “Gözəllik nuru” adlı sərgi və konsert, 7- 9 mart tarixlərində “LN” incəsənət mərkəzində “Ömrün bəyaz cizgiləri” adlı sərgi keçirilmişdir.

9 mart tarixində Azərbaycan Dövlət Mahnı Teatrında «Zirvə» mükafatının təltifolunma mərasimi keçirilmişdir. Teatr sənəti üzrə - Azərbaycan Dövlət Musiqili Komediya Teatrında hazırlanmış N.V.Qoqolun «Evlənmə» tamaşası, musiqi sənəti üzrə - Xalq Artisti, Prezident təqaüdçüsü, «Şöhrət» ordenli, professor, Bəstəkarlar İttifaqının sədri Firəngiz Əlizadə, «Debüt» bölməsi üzrə - «Buta» kamera xoru, təsviri sənət üzrə - Berlindəki Qotfrid Bena kitabxanasına məxsus bağda Xocalı faciəsinə həsr olunmuş “Müharibə əleyhinə, sülh, dostluq zorakılığa qarşı demokratiya” adlı heykəltəraşlıq kompozisiyasının ucaldılmasına görə Əməkdar İncəsənət Xadimi İbrahim Əhrari, Xalq Rəssamı Salxab Məmmədov, Əməkdar İncəsənət Xadimi Akif Əsgərov, Əməkdar Rəssam Əli İbadullayev, kino sahəsi üzrə - Xalq Artisti, Dövlət mükafatı laureatı «Şöhrət» ordenli kinorejissor Eldar Quliyev, «Milli sərvət» bölməsi üzrə - SSRİ Xalq Artisti, Dövlət mükafatı laureatı, Prezident təqaüdçüsü, «Şöhrət» ordenli, Millət vəkili Zeynəb Xanlarova, «Azərbaycan mədəniyyətinə dəyərli töhvə» bölməsi üzrə - Xalq Artisti, Prezident təqaüdçüsü Nodar Şaşıqoğlu təltif olunmuşlar.

9-16 mart tarixlərində TÜRKSOY təşkilatının təşəbbüsü ilə İranın Tehran şəhərində İƏT Mədəniyyət İnstitutunda fotosərginin açılış mərasimində Əməkdar Artist, xanəndə Səbuhi İbayev, tar ifaçısı Rüfət Hüseynov və kamança ifaçısı Toğrul Əsədullayevdən ibarət muğam üçlüyü iştirak etmişdir.

9-16 mart tarixlərində Serbiyanın Belqrad şəhərində keçirilmiş XI «Slaviya» Beynəlxalq Teatr Festivalında Azərbaycan Dövlət Akademik Milli Dram Teatrının kollektivi «Xəcalət» tamaşası ilə çıxış etmişdir.

Xalq Rəssamı Salxab Məmmədov və Əməkdar Rəssam Əli İbadullayev İtaliyanın Roma şəhərində dahi Azərbaycan şairi Nizami Gəncəvinin abidəsinin ucaldılması üçün ayrılmış yerə baxış keçirilməsi, ətraf memarlıq mühiti və təbii landşaftla tanışlıq, ərazinin sxematik planının hazırlanması və digər texniki məsələlərin həlli məqsədi ilə 11-14 mart tarixlərində İtaliyanın Roma şəhərinə ezam olunmuşlar.

13 mart tarixində “Qalereya 1969” Qalereyasında Əməkdar Rəssam Elmira Hüseynovanın əsərlərindən ibarət sərgi təşkil olunmuş, rəssamın Azərbaycan Dövlət Rəsm Qalereyasında saxlanılan 12 əsəri sərgidə nümayiş etdirilmişdir.

Azərbaycan Respublikasının Fransa Respublikasındakı Səfirliyinin təşəbbüsü ilə 14 mart tarixində Paris şəhərində görkəmli caz ustası Vaqif Mustafazadəyə həsr olunmuş xatirə gecəsində tanınmış pianoçu, Əməkdar Artist Şahin Növrəsli və onun rəhbərlik etdiyi caz qrupu iştirak etmişdir.

Azərbaycan Respublikasının Böyük Britaniyadakı Səfirliyinin təşəbbüsü ilə 15 mart tarixində London şəhərində Novruz bayramına həsr olunmuş tədbirin keçirilməsi ilə əlaqədar “Şərq çırağı” Uşaq Yaradıcılıq Mərkəzinin 8 nəfərdən ibarət rəqs qrupu London şəhərinə ezam olunmuşdur.

16-20 mart tarixində “Qız Qalası” Qalereyasında rəssam Rəşad Mehdiyevin fərdi sərgisi təşkil olunmuşdur.

17 mart tarixində Moskva şəhərində Novruz bayramına həsr olunmuş tədbirin keçirilməsi ilə əlaqədar R.Behbudov adına Azərbaycan Dövlət Mahnı Teatrının kollektivi və Əməkdar Artist Gülyaz Məmmədova, Xalq Artisti Bilal Əliyev, Əməkdar Artist Lalə Məmmədova 16-18 mart tarixlərində Moskva şəhərinə ezam olunmuşlar.

Böyük mənəvi gücə malik olan Novruz bayramı Azərbaycan xalqının milli ruhunu və yaddaşını, onun daxili aləmini bütün zənginliyi ilə yaşadan, təbiətin oyanmasının, varlığının canlanmasının müjdəsini verən Novruz bayramı martın 19-də Dənizkənarı Parkda geniş və təntənəli şəkildə qeyd olunmuşdur. Tədbirdə ölkəmizin regionlarını təmsil edən 5000-ə yaxın musiqiçi, təsviri və dekorativ tətbiqi sənət, xalq yaradıcılığı sərgiləri və milli mətbəx nümunələri nümayiş etdirilmişdir. Bayramda milli folklor kollektivləri iştirak etmişlər. Azərbaycanın tanınmış estrada ifaçılarının iştirakı ilə konsert proqramı təşkil olunmuşdur.

30 mart tarixində V.Səmədova adına Sərgi salonunda “31 mart azərbaycanlıların soyqırımı günü”nə həsr olunmuş sərgi keçirilmiş, sərgidə Azərbaycan rəssamlarının soyqırım mövzusunda işlədikləri əsərləri nümayiş olunmuşdur.

11-18 aprel tarixlərində Naxçıvan Dövlət Kukla Teatrı Tacikistanın paytaxtı Düşənbə şəhərində keçirilmiş III Beynəlxalq «Codari Xayol» Kukla Teatrları Festivalında iştirak etmişdir.

11-25 aprel tarixlərində Şəki Dövlət Dram Teatrı Türkiyənin Konya şəhərində keçirilmiş «Min nəfəs – bir səs» adlı Beynəlxalq Teatr Festivalında Jan Batist Molyerin «Aldadılmış ər» tamaşası ilə iştirak etmişdir.

Azərbaycan Respublikasının Rusiya Federasiyasındakı səfirliyinin və Rusiya Mədəniyyət Nazirliyinin təşkilati dəstəyi ilə 12 aprel tarixində Moskva Beynəlxalq Musiqi Evində “Azərbaycan cazının üç nəsli” adlı konsert proqramı təşkil edilmişdir. Bununla əlaqədar Azərbaycan incəsənət ustaları 11-13 aprel tarixlərində Moskva şəhərinə ezam olunmuşlar.

13-15 aprel tarixlərində Sumqayıt Musiqili Dram Teatrı Türkmənistanda keçirilmiş “Dirçəliş dövrü və teatr sənəti” adlı Beynəlxalq Teatr Festivalında Tuncer Cucenoğlunun “Ziyarətçi” tamaşası ilə iştirak etmişdir.

Aprel ayının 16-da Bərdə Dövlət Rəsm Qalereyasında Azərbaycan Dövlət Rəsm Qalereyasının bədii fondundan seçilmiş əsərlərdən ibarət sərgi təşkil edilmişdir.

15-22 aprel tarixlərində Heydər Əliyev Fondunun, Mədəniyyət və Turizm Nazirliyinin dəstəyi və Azərbaycan Respublikasının İtaliyadakı Səfirliyinin yaxından köməyi ilə ilk dəfə olaraq İtaliya Respublikasında Azərbaycan Mədəniyyət Günləri keçirilmişdir.

Mədəniyyət Günləri çərçivəsində Turin, Venesiya, Milan və Roma şəhərlərində Azərbaycan Dövlət Rəqs Ansamblının, “Buta” Kamera Xorunun, “Natiq” ritm qrupunun, Əməkdar Artist Fidan Hacıyevanın, Beynəlxalq müsabiqələr laureatları – Cavid Səmədovun, İlham Nəzərovun, Azər Rzazadənin, Xalq Artisti Nəzakət Teymurovanın, istedadlı, gənc ifaçılar- Arzu Əliyevanın, İlkin Əhmədovun, Babək Niftəliyevin iştirakı ilə konsertlər, müxtəlif tədbirlər təşkil edilmişdir.

İlk konsert Turində qədim “Calignano” teatrında, ikinci konsert - Venesiyanın “Malibran” teatrında, üçüncü konsert – Cüzeppe Verdi adına Milan Konservatoriyasında böyük uğurla keçirilmişdir, konsertlərin bütün nömrələri tamaşaçıların rəğbətini qazanmışdır. Bağlanış mərasimi və sonuncu konsert aprelin 21-də Roma şəhərinin “Auditorium-Sala Sinopoli” zalında keçirilmişdir. Tədbirdə Azərbaycanın birinci xanımı, Heydər Əliyev Fondunun Prezidenti, YUNESKO və İSESKO-nun xoşməramlı səfiri, millət vəkili Mehriban xanım Əliyeva iştirak etmişdir.

Mədəniyyət günləri çərçivəsində 20 aprel tarixində İtaliyanın Roma şəhərinin “Villa Borghese” parkında dahi Azərbaycan şairi və mütəfəkkiri Nizami Gəncəvinin abdiəsinin açılış mərasimi olmuşdur. Mərasimdə Azərbaycanın birinci xanımı, Heydər Əliyev Fondunun Prezidenti, YUNESKO və İSESKO-nun xoşməramlı səfiri, millət vəkili Mehriban xanım Əliyeva iştirak etmişdir.

Azərbaycan Dövlət Rus Dram Teatrı Aprel ayının 23-dən 25-dək M.F.Axundza-dənin 200 illik yubileyinə həsr olunmuş «Müsyo Jordan və Dərviş Məstəlişah» tamaşası ilə A.Qriboyedov adına Tbilisi Rus Dram Teatrında çıxış etmişdir.

24 aprel - 6 may tarixlərində Müasir İncəsənət Muzeyində tanınmış heykəltəraş Aslan Rüstəmovun 80 illik yubileyinə həsr olunmuş Teymur və Mahmud Rüstəmovların sərgisi keçirilmiş və kataloq çap olunmuşdur.

Aprel ayının 29-dan mayın 2-dək Gəncə Dövlət Dram Teatrı «Müsyo Jordan və dərviş Məstəlişah» tamaşası ilə Akademik Milli Dram Teatrının səhnəsində çıxış etmişdir.

Aprel ayının 30-da Akademik Milli Dram Teatrında Əməkdar Artist Həsən Əblucun 70 illiyinə həsr olunmuş xatirə gecəsi keçirilmişdir.

Azərbaycanın Birləşmiş Millətlər Təşkilatına (BMT) qəbul olunmasının 20-ci ildönümü və 2012-2013-cü illər üçün BMT Təhlükəsizlik Şurasına üzv seçilməsi ilə bağlı 3 may 2012-ci il tarixdə ABŞ-ın Nyu-York şəhərində Azərbaycan Respublikasının Prezidenti adından rəsmi ziyafət verilmişdir. Azərbaycan incəsənət ustaları tədbirdə iştirak etmişdir.

II Respublika Dekorativ – Tətbiqi Sənət Festivalı çərçivəsində cari ilin may ayının 1-dən 15-dək Lənkəran şəhərində bölgənin 6 şəhər və rayonundan olan dekorativ – tətbiqi sənət ustalarının iştirakı ilə üçüncü regional sərgi keçirilmişdir.

May ayının 1-dən 17-dək Gəncə Dövlət Dram Teatrı Türkiyədə keçirilmiş XVIII Giresun Belediyyesi Tiyatro Festivalında M.F.Axundzadənin 200 illiyinə həsr olunmuş «Müsyo Jordan və dərviş Məstəlişah» tamaşası ilə çıxış etmişdir.

May ayının 10-dan 13-dək Sankt-Peterburqda Musiqili Teatrların Beynəlxalq Assosiyası, «Sankt-Peterburq» Dövlət Musiqili Kamera Teatrı və Beynəlxalq Teatr İnstitutunun Rusiya Milli Mərkəzi ilə birlikdə keçirdiyi «Russian musical theater NOW» adlı beynəlxalq konfransında Nazirliyin nümayəndəsi, həmçinin Musiqili Komediya Teatrının direktoru Əliqismət Lalayev və teatrın rejissoru Mikayıl Mikayılov iştirak etmişlər.

12-30 may tarixində Azərbaycan Xalçası və Xalq Tətbiqi Sənəti Dövlət Muzeyində Rusiyanın Əməkdar Rəssamı İqor Burqanovun əsərlərindən ibarət “Müasir xalça” sərgisi təşkil olunmuşdur.

May ayının 14-də R.Behbudov adına Dövlət Mahnı Teatrında görkəmli bəstəkar, SSRİ Xalq Artisti Rauf Soltan oğlu Hacıyevin anadan olmasının 90 illliyinə həsr olunmuş “Anam, doğma Vətənimsən, Azərbaycanım!” adlı konsert keçirilmişdir.

14-16 may tarixlərində Şəki şəhərində «Deyilən söz yadigardır» VI Respublika bədii qiraət müsabiqəsi keçirilmişdir. Tədbir M.F.Axundzadənin 200 illik yubileyinə həsr olunmuşdur.

May ayının 15-dən 21-dək Muzey Mərkəzində Azərbaycan rəssamlarının qobelen əsərlərindən ibarət “İmpuls” adlı sərgi keçirilmiş və kataloq çap olunmuşdur.

May ayının 18-dən 24-dək “Qalereya 1969” Qalereyasında gənc rəssam və heykəltəraşların əsərlərindən ibarət “Gənclik – gələcək” adlı sərgi keçirilmişdir.

May ayının 23-də Beynəlxalq Muğam Mərkəzində görkəmli müğənni, Azərbaycan Respublikasının Xalq Artisti Sara Qədimovanın anadan olmasının 90 illiyinə həsr olunmuş yubiley gecəsi keçirilmişdir.

21-25 may tarixlərində Dövlət «Yuğ» Teatrı Finlandiyanın İmatra şəhərində keçirilmiş «Ağ və Qara» Beynəlxalq Teatr Festivalında «Kafkadan salam» tamaşası ilə çıxış etmişdir.

II Respublika Dekorativ – Tətbiqi Sənət Festivalı çərçivəsində may ayının 24-dən 28-dək Şəki şəhərində bölgənin 14 şəhər və rayonundan olan dekorativ – tətbiqi sənət ustalarının iştirakı ilə dördüncü, iyun ayının 1-dən 15-dək isə Xaçmaz şəhərində bölgənin 9 şəhər və rayonundan olan dekorativ – tətbiqi sənət ustalarının iştirakı ilə beşinci regional sərgilər keçirilmişdir.

Azərbaycan Respublikasının Avstriya Respublikasındakı səfirliyi tərəfindən Avstriyanın Vyana şəhərində ölkəmizin 28 may Respublika Günü və Eurovision 2012 mahnı müsabiqəsinin final mərhələsi ilə bağlı ziyafət və caz ifaçılarının iştirakı ilə konsert proqramı təşkil olunmuşdur. Caz ifaçısı Cəmil Əmirovun “Savab” caz qrupu 25-27 may tarixində Vyanada konsert proqramında iştirak etmişdir.

25-29 may tarixində Muzey Mərkəzində rəssam Vüqar Muradovun fərdi yaradıcılıq sərgisi keçirilmiş, kataloq çap edilmişdir.

May ayının 26-dan iyunun 3-dək Moldovanın Kişineu şəhərində keçirilmiş Beynəlxalq Teatr Festivalında Azərbaycan Dövlət Akademik Milli Dram Teatrı H.Mirələmovun «Xəcalət» tamaşası ilə çıxış etmişdir.

May ayının 31-dən iyunun 5-dək F.Volkov adına Yaroslavl Dövlət Dram Teatrı Azərbaycan Dövlət Rus Dram Teatrında qastrol tamaşaları ilə çıxış etmişdir.

2012-ci il 31 may- 5 iyun tarixlərində Ukraynada Azərbaycan Mədəniyyət Günləri keçirilmişdir.

Mədəniyyət Günləri çərçivəsində Kiyev və Odessa şəhərlərində Azərbaycan Dövlət Rəqs Ansamblının, F.Əmirov adına Dövlət Mahnı və Rəqs Ansamblının, Respublikanın əməkdar artistləri Simarə İmanovanın, Təyyar Bayramovun, Şirzad Fətəliyevin, respublika və beynəlxalq muğam müsabiqələrinin gənc qaliblərinin iştirakı ilə konsertlər keçirilmişdir. Azərbaycan Dövlət Rus Dram Teatrının quruluşunda M.F.Axundzadənin “Müsyo Jordan və dərviş Məstəli şah” tamaşası və eyni zamanda “Azərbaycan: ənənə və müasirlik qovşağında” adlı fotosərgi və turizm sərgisi nümayiş etdirilmişdir.

1 iyun tarixində Kiyev Mili Opera Teatrında Mədəniyyət Günlərinin təntənəli açılışı olmuşdur. Konsertdən öncə Azərbaycan Respublikasının mədəniyyət və turizm naziri cənab Əbülfəs Qarayev və Ukrayna Respublikasının mədəniyyət və turizm nazirinin müavini cənab Timofey Koxan ön söz ilə çıxış etmişlər. Eyni zamanda teatrın foyesində “Azərbaycan: ənənə və müasirliyin qovşağında” adlı fotosərgi və turizm sərgisi nümayiş edilmişdir.

İyunun 2-də Lesya Ukrainka adına Milli Akademik Rus Dram Teatrında Azərbaycan Dövlət Rus Dram Teatrının quruluşunda M.F.Axundzadənin “Müsyo Jordan və dərviş Məstəli şah” tamaşası göstərilmişdir.

Odessada davam edən Mədəniyyət Günləri çərçivəsində dünyanın ən möhtəşəm teatrlarından biri sayılan Odessa Opera və Balet Teatrı səhnəsində iyunun 3-də keçirilən növbəti konsert proqramı böyük əks-səda doğurmuşdur. Kiyevdə olduğu kimi, burada da teatrın foyesində fotosərgi və turizm sərgisi nümayiş olunmuşdur.

4 iyun tarixində Vasilenko adına Odessa Musiqili Dram Teatrında növbəti dəfə “Müsyo Jordan və dərviş Məstəli şah” tamaşası nümayiş etdirilmişdir.

2012-ci il 6-10 iyun tarixində Qazaxıstanda Azərbaycan Mədəniyyət Günləri keçirilmişdir.

Mədəniyyət Günləri çərçivəsində Qazaxıstanın Astana və Almatı şəhərlərində Azərbaycan Dövlət Rəqs Ansamblının, F.Əmirov adına Dövlət Mahnı və Rəqs Ansamblının, Respublikanın Əməkdar Artistləri Simarə İmanovanın, Səbuhi İbayevin, respublika və beynəlxalq muğam müsabiqələrinin gənc qaliblərinin iştirakı ilə konsertlər keçirilmiş, “Azərbaycan: ənənə və müasirlik qovşağında” adlı fotosərgi və turizm sərgisi təşkil edilmişdir.

İyun ayının 7-də Qazaxıstanın paytaxtı Astanada “Sülh və həmrəylik sarayında” Mədəniyyət Günlərinin təntənəli açılışı keçirilmişdir.

Mədəniyyət Günləri çərçivəsində Almatı şəhərində 9 iyun tarixində Qazaxıstan Dövlət Filarmoniyasının səhnəsində növbəti konsert keçirilmişdir. Konsertdən əvvəl Azərbaycanın Qazaxıstandakı Fövqəladə və Səlahiyyətli səfiri cənab Zakir Həşimov və Qazaxıstan Respublikasının mədəniyyət və informasiya vitse-naziri cənab Askar Buribayev çıxış etmişlər. Konsert proqramları və sərgilər böyük uğurla keçmiş və qonaqların rəğbətini qazanmışdır. Mədəniyyət Günlərinin təşkili iki ölkə arasında qarşılıqlı mədəni əməkdaşlığın inkişafına, xalqların bir-birini daha yaxından tanımasına, eyni zamanda ölkəmizin beynəlxalq aləmdəki müsbət imicinin daha da yüksəlməsinə, Azərbaycan mədəniyyəti və incəsənətinin təbliğinə xidmət etmişdir.

1 - 25 iyun tarixlərində Mirzə Fətəli Axundzadənin 200 illiyinə həsr olunmuş «Sərgüzəşti Mirzə Fətəli Axundzadə» Milli Teatr Festivalı keçirilmişdir. Festivalda 21 teatr 24 tamaşa ilə çıxış etmişdir.

4 iyun tarixində Akademik Milli Dram Teatrında Xalq Artisti Abbas Mirzə Şərifzadənin 120 illiyinə həsr olunmuş xatirə gecəsi təşkil olunmuşdur.

Rusiya Federasiyasının Mədəniyyət Nazirliyinin təşkilatı və Mədəniyyət Nazirlyinin maliyyə dəstəyi ilə 5 iyun tarixində Moskva şəhərində Beynəlxalq Musiqi Evində və iyunun 7-də Sankt-Peterburqda “Qaya” Dövlət Ansamblının 50 illiyinə həsr olunmuş yubiley konsertləri keçirilmişdir.

6-14 iyun tarixlərində Beynəlxalq Teatr İttifaqları Konfederasiyasının Azərbaycan Teatr Xadimləri İttifaqı ilə birgə keçirdiyi «Birliyə daxil olan ölkələrin, Baltikyanı dövlətlərin və Gürcüstanın gənc teatr xadimlərinin işlərinə baxış» adlı Beynəlxalq Teatr Festivalında Azərbaycan Dövlət Akademik Milli Dram Teatrı U.Şekspirin «On ikinci gecə» tamaşası ilə iştirak etmişdir.

7-11 iyun tarixlərində Azərbaycan Dövlət Kukla Teatrının direktoru Rəşad Əhmədzadə nazirliyin 2012-ci il üçün təsdiq etdiyi repertuar planında dövlət sifarişi ilə nəzərdə tutulmuş K.Kollodinin «Pinokkionun sərgüzəştləri» tamaşasının hazırlanması ilə əlaqədar Gürcüstanın Batumi şəhərinə ezam olunmuşdur.

8-10 iyun tarixində Sankt-Peterburq şəhərində “Baltiyskiy Dom” Teatrında hazırlanmış Xalq Yazıçısı Elçinin «Qatil» əsərinin premyerası tamaşaçılar tərəfindən böyük maraqla qarşılanmışdır.

Cari ilin 8-14 iyun tarixində Koreyanın Yosu şəhərində təşkil olunmuş “Canlı Okean və Sahil” mövzusunda “Expo-2012” Beynəlxalq Sərgisi çərçivəsində Azərbaycanın Milli Gününün rəsmi açılış mərasimində Azərbaycan Dövlət Rəqs Ansamblı, «Natiq» ritm qrupu, skripka ifaçısı Səlim Abbasov çıxış etmişlər.

16 iyun tarixində Azərbaycan Dövlət Filarmoniyasında Xalq Artisti Habil Əliyevin anadan olmasının 85 illiyinə həsr olunmuş yubiley tədbiri keçirilmişdir.

9 fevral 1994-cü il tarixində Ankara şəhərində Azərbaycan Respublikası ilə Türkiyə Respublikası arasında mədəniyyət və incəsənət sahəsində əməkdaşlıq haqqında Protokola, 13 aprel 2004-cü il tarixində Azərbaycan Respublikasının Mədəniyyət və Turizm Nazirliyi və Türkiyə Respublikasının Mədəniyyət və Turizm Nazirliyi arasında mədəni əməkdaşlıq haqqında Protokola əsasən 2012-ci il 17 - 21 iyun tarixlərində Türkiyədə Azərbaycan Mədəniyyət Günləri keçirilmişdir.

Mədəniyyət Günlərində Q.Qarayev adına Azərbaycan Dövlət Kamera Orkestri, Azərbaycan Dövlət Rəqs ansamblı, xalq artisti Samir Cəfərov, əməkdar artistlər Şirzad Fətəliyev, Azərin, Sahib Paşazadə, beynəlxalq müsabiqə laureatları Aygün Zeynalova , Azər Rzazadə, Elvin Qəniyev, muğam müsabiqələri laureatları Babək Niftəliyev, Arzu Əliyeva cıxış etmişlər. Ankarada Kicik Teatr səhnəsində və İzmirdə Atatürk Kültür Mərkəzində Azərbaycan incəsənət xadimlərinin iştirakı ilə konsertlər keçirilmişdir. Ankara Cem Modern sərgi salonunda rəsm, xalça, milli geyim və tətbiqi sənət sərgiləri nümayiş olunmuşdur. Sərgidə Azərbaycan Dövlət Rəsm Qalereyası, Azərbaycan Xalçası və Xalq Tətbiqi Sənəti Dövlət Muzeyi və Azərbaycan Musiqi Mədəniyyəti Dövlət Muzeyinin fondlarından seçilmiş, boyakarlıq, heykəltəraşlıq, misgərlik, xalçaçılıq nümunələri, qədim musiqi alətləri ilə yanaşı, “Bakı” Milli Geyim Evinin kişi və qadın geyimləri, Elbəy Rzaquliyev, Kamal Əhməd, Oqtay Şıxəliyev, Qafar Seyfullayev, Davud Kazımov, Əyyub Hüseynov, Hüseyn Haqverdiyev və digər tanınmış rəssamlarla yanaşı, Emin Əsgərov, Anar Hüseynzadə, Adil Yusifov kimi gənc rəssamların əsərləri nümayiş olunmuşdur.

Mədəniyyət Günləri çərçivəsində Ankarada dahi Azərbaycan şairi Nizami Gəncəvinin 870 illiyinə həsr olunmuş elmi konfransda millət vəkili, professor Nizami Cəfərov və xalq artisti, Azərbaycan Bəstəkarlar İttifaqının sədri, professor Firəngiz Əlizadə, professor Əflatun Nemətzadə məruzələrlə çıxış etmişlər.

18-21 iyun tarixində Azərbaycan Dövlət Rus Dram Teatrı 32 nəfərlik heyətlə «Et setera» Moskva Teatrında (bədii rəhbər SSRİ-nın Xalq Artisti Aleksandr Kalyaqin) M.F.Axundzadənin 200 illik yubileyinə həsr olunmuş «Müsyo Jordan və Dərviş Məstəlişah» tamaşası ilə çıxış etmişdir.

Hesabat dövründə “Alüminium” IV Beynəlxalq Müasir İncəsənət Biennalesinin kataloqu çap olunmuş və 21 iyun tarixində təqdimat mərasimi keçirilmişdir.

“Bəhruz Kəngərlinin 120 illik yubileyi haqqında” Azərbaycan Respublikası Prezidentinin 13 aprel 2012-ci il tarixli Sərəncamına əsasən 22 iyun tarixində Azərbaycan Milli İncəsənət Muzeyində rəssamın 120 illiyinə həsr olunmuş sərgi təşkil olunmuş, əsərlərindən ibarət kataloq çap olunmuşdur.

2012-ci ildə böyük Azərbaycan mütəfəkkiri, milli dramaturgiyamızın banisi, görkəmli ictimai xadim və maarifçi M.F.Axundzadənin anadan olmasının 200 ili tamam olur. Bununla əlaqədar Nazirliyin 2012-ci il üçün təsdiq olunmuş repertuar planında respublika teatrlarında Axundzadənin komediyaları əsasında 18 tamaşa hazırlanmışdır.




MƏDƏNİYYƏT SİYASƏTİ
Hesabat dövründə muzey fondlarının komplektləşdirilməsi, ekspozisiyalarının təkmilləşdirilməsi, maddi-texniki bazalarının möhkəmləndirilməsi, onlara əməli və metodiki kömək göstərilməsi, mövcud olan nöqsanların aradan qaldırılması istiqamətində məqsədyönlü iş aparılmış, muzeylər tərəfindən təqdim edilmiş hesabatlar təhlil edilmişdir.

Belə ki, respublikanın tarix, tarix-diyarşünaslıq və döyüş şöhrəti muzeylərində 20 yanvar faciəsinin 22-ci ildönümünə həsr olunmuş silsilə tədbirlər keçirilmişdir. Tədbirlərdə sərgilər, mühazirələr, tarix dərsləri keçirilmiş, faciənin şahidləri ilə görüşlər, şəhidlər xiyabanına və abidələrə ziyarət təşkil edilmişdir.

17 yanvar 2012-ci il tarixində Azərbaycan İstiqlal Muzeyində “20 Yanvar faciəsi şəkillərin dili ilə” adlı tədbir-sərgi təşkil olunmuşdur.18 yanvar 2012-ci il tarixində Azərbaycan Milli İncəsənət Muzeyi tərəfindən Azərbaycan Müəllimlər İnstitutunda 20 Yanvar faciəsinin ildönümü ilə əlaqədar səyyar sərgi təşkil edilmişdir. Yanvarın 18-də, M.S.Ordubadinin Xatirə Muzeyi Dövlət Din Tarixi Muzeyi ilə birgə “Torpaq uğrunda ölən varsa-Vətəndir” adlı ədəbi – bədii gecə keçirmişdir.

24 yanvar – 2 fevral 2012-ci il tarixində İtaliyanın birləşdirilməsinin 150 illik yubileyi ilə bağlı Muzey Mərkəzində «Focus on heritage» adlı sərgi təşkil edilmişdir.

3 fevral 2012-ci il tarixində Azərbaycan Milli İncəsənət Muzeyində Azərbaycan və Yaponiya ölkələri arasında diplomatik əlaqələrin qurulmasının iyirminci ildönümünə həsr olunmuş “Budonun Ruhu: Yaponiyanın döyüş sənətinin tarixi” adlı sərgi keçirilmişdir. Sərgi 6 mart tarixinədək davam etdirilmişdir.

02 fevral 2012-ci il tarixində Azərbaycan Xalçası və Xalq Tətbiqi Sənəti Dövlət Muzeyində “Azərbaycan Xalçaçıları” İctimai Birliyi ilə birgə Gənclər gününə həsr olunmuş “Qədim çeşnilərimiz yeni təzahürdə” adlı sərgi təşkil edilmişdir.

Heydər Əliyev Fondunun və Mədəniyyət və Turizm Nazirliyinin dəstəyi və təşkilatçılığı ilə Roma Sivilizasiyası Muzeyində ayrılmış 1000 kv m. sahədə ölkəmizin tarixinin, mədəniyyətinin Roma Biennalesində təqdim edilməsi ilə əlaqədar “Azərbaycan – Odlar Yurdu İpək Yolunda” adlı sərgi təşkil edilmişdir. Sərginin açılış mərasimi fevralın 13-də keçirilmişdir. Tamaşaçıların sayının çoxluğunu nəzərə alaraq muzeyin rəhbərliyinin xahişinə əsasən sərgi 13 may 2012-ci il tarixinədək davam etdirilmişdir.

15 fevral tarixində Azərbaycan Milli İncəsənət Muzeyində “XXI əsr – təsviri incəsənətdə innovasiya texnologiyaları” mövzusunda dəyirmi masa keçirilmişdir. Sərgidə rəssamlar, sənətşünaslar, muzey işçiləri iştirak etmişlər.

16 fevral 2012-ci il tarixində C.Məmmədquluzadənin Ev-Muzeyində ədibin anadan olmasının 143-cü il dönümünə həsr edilmiş “Cəlil Məmmədquluzadə kiçik hekayələrin böyük ustasıdır” rubrikası ilə “Açıq qapı” günü keçirilmişdir. Tədbir zamanı ədəbiyyat fənninin tədrisi proqramına uyğun olaraq muzey bazasında məktəb şagirdlərinə ədibin “Buz” hekayəsi “Açıq dərs”də tədris olunmuşdur.

24 fevral 2012-ci il tarixində Azərbaycan ədəbiyyatının görkəmli nümayəndəsi Abdulla Şaiqin anadan olmasının 130 illiyi münasibətilə ədibin adını daşıyan 54 saylı orta məktəb və Abdulla Şaiqin Mənzil Muzeyi ilə birlikdə “Yad et məni – Abdulla Şaiqin xatirə gecəsi” adlı tədbir hazırlamışdır. Anma mərasimi ömrünün 60 ilini xalqına xidmət edən böyük Azərbaycan ədibi Abdulla Şaiqi bir daha xatırlamaq və onun ədəbi-ictimai fikir tariximizdə oynadığı əhəmiyyətli rolu Azərbaycan ictimaiyyətinin diqqətinə çatdırmaq məqsədi ilə həyata keçirilmişdir.

23 fevral 2012-ci il tarixində Azərbaycan İstiqlal Muzeyində Xocalı faciəsinin 20-ci ildönümü ilə əlaqədar “Xocalısız 20 il” adlı tədbir – sərgi təşkil olunmuşdur. Sərgidə Azərbaycan Respublikası Rəssamlar İttifaqının üzvü, rəssam Nazim Məmmədovun Xocalı faciəsini əks etdirən əsərləri nümayış etdirilmişdir.

24 fevral tarixində Azərbaycan Milli İncəsənət Muzeyi tərəfindən Dövlət Sərhəd Xidmətinin Akademiyasında Xocalı faciəsinin 20-ci ildönümü ilə əlaqədar sərgi təşkil olunmuşdur. Sərgidə Azərbaycan rəssamlarının 8 rəsm əsəri nümayiş olunmuşdur.

25 Fevral 2012-ci il tarixində Azərbaycan Xalçası və Xalq Tətbiqi Sənəti Dövlət Muzeyində Xocalı faciəsinin 20-ci ildönümünə həsr olunmuş “Xocalını yaşadanlar” adlı tədbir keçirilmişdir.

Azərbaycan və Fransanın imtiyazlı əlaqələri çərçivəsində Azərbaycan Milli İncəsənət Muzeyində Fransa muzeylərindəki rəmzi əsərlərdən ibarət sərginin keçirilməsi barədə müqavilə bağlanılmışdır. Sərgi Azərbaycan ictimaiyyətinə fransız mədəniyyətinin incilərini təmsil edən və onun nüfuzunu göstərən səciyyəvi bir toplunun təqdim edilməsini nəzərdə tutmuşdur. Heydər Əliyev Fondunun təşəbbüsü və dəstəyi, Azərbaycan Respublikasının Mədəniyyət və Turizm Nazirliyinin, Fransanın Mədəniyyət və Kommunikasiya Nazirliyinin və Fransanın Milli Muzeylər İctimai Birliyi-Böyük Sarayının birgə təşklilatçılığı ilə 10 mart 2012-ci il tarixində Azərbaycan Milli İncəsənət Muzeyində ²Fransanın inciləri. Fransız yaradıcılığı Renessansdan XX əsrədək” adlı sərgi təşkil edilmişdir. Sərgi 15 may 2012-ci il tarixinədək davam etdirilmişdir.

Məşhur rəssam, Rusiya İncəsənət Akademiyasının həqiqi üzvü Nikas Safronov tərəfindən tanınmış cazmen və pianoçu Vaqif Mustafazadənin portreti çəkilmiş və Azərbaycan tərəfinə hədiyyə edilmişdir. Portret bəstəkarın ev muzeyinə təqdim edilmiş və 16 mart tarixində V.Mustafazadənin ad günündə onun təqdimat mərasimi keçirilmişdir.

Azərbaycan Milli İncəsənət Muzeyinin heyəti üçün 50 ədəd xüsusi biçimli geyim uniforması hazırlanmışdır.

2010-cu ildə Göyçay rayonunda Heydər Əliyev Mərkəzi üçün yerli təşkilatlar tərəfindən milli memarlıq üslubunda, müasir dövrün tələbləri səviyyəsində iki mərtəbəli, ümumi sahəsi 2800 kv.m. olan bina tikilib istifadəyə verilmişdir. Bu məqsədlə Göyçay rayon Heydər Əliyev Mərkəzi yeni tikilmiş, Göyçay Tarix-Diyarşünaslıq Muzeyi isə mərkəzin keçmiş binasına köçürülmüşlər.

Nəriman Nərimanovun Xatirə Muzeyinin Elmi Şurasının və Fond-satınalma komissiyasının, Abdulla Şaiqin Elmi Şurasının, Azərbaycan Milli İncəsənət Muzeyinin və Azərbaycan Xalçası və Xalq Tətbiqi Sənəti Dövlət Muzeyinin Fond-satınalma komissiyalarının yeni tərkibləri təsdiq edilmişdir.

C.Cabbarlı adına Azərbaycan Dövlət Teatr Muzeyinin fondunu arxiv materialları ilə zənginləşdirmək məqsədilə rəssam İsmayıl Məmmədov tərəfindən təqdim edilmiş şəxsi arxiv (16 adda 267 ədəd geyim və dekorasiya eskizləri), Azərbaycan Musiqi Mədəniyyəti Dövlət Muzeyinin fondunu musiqi alətləri ilə zənginləşdirmək məqsədilə Xalq Artisti, professor Ramiz Quliyev tərəfindən təqdim edilmiş 1 ədəd tar nazirlik tərəfindən alınmışdır.

“Eurovision 2012” mahnı müsabiqəsinin Azərbaycanda keçirilməsi ilə bağlı Bakı Biznes Mərkəzində yaradılmış qərargahda 200 kv.m-dək ayrılmış sahədə ölkəmizin mədəniyyətinə həsr edilmiş ekspozisiyada bədii tərtibat işləri aparılmışdır. Mərkəzdə muzey baxıcılarının növbətçiliyi təşkil olunmuşdur.

“Eurovision-2012” mahnı müsabiqəsinin Azərbaycanda keçirilməsi, habelə xarici qonaqlara və turistlərə göstərilən mədəni xidmətin keyfiyyətinin yüksəldilməsi məqsədilə 15-30 may 2012-ci il tarixlərində Bakı şəhər muzeylərinin ekspozisiyalarının iş vaxtı saat 20.00-dək, 22, 24, 26 may 2012-ci il tarixlərində 00.00-dək artırılmışdır.

İstanbul Böyük Şəhər Bələdiyyəsinin, Azərbaycanının İstanbuldakı Baş konsulluğunun, Mədəniyyət və Turizm Nazirliyinin təşkilatçılığı və maliyyə dəstəyi ilə Türkiyənin “Starimpex” şirkəti tərəfindən İstanbulun Topqapı şəhər Parkında yerləşən Azərbaycan Mədəniyyət evinin əsaslı təmiri və yeni ekspozisiyasının qurulması işləri həyata keçirilmişdir. Cari ilin 22 mart tarixində İstanbul valisinin, Böyük Şəhər Bələdiyyəsi başqanının, Azərbaycanının Baş konsulunun və digər rəsmi şəxslərin iştirakı ilə Azərbaycan Mədəniyyət evinin yeni ekspozisiyasının açılışı olmuşdur.

XIX əsrdə Göygöl (Yelenendorf) rayonunda yerləşdirilmiş Alman köçkünlərinin nümayəndəsi olan Viktor Klaynın evinin və ev əşyalarının rayon üçün etnoqrafik baxımdan əhəmiyyət kəsb etdiyini nəzərə alaraq binanın rayon Mədəniyyət və Turizm Şöbəsinin balansına verilməsi, gələcəkdə bu evin muzey kimi fəaliyyət göstərməsi və turizm obyektlərinin siyahısına daxil edilməsi məqsədi ilə müvafiq işlər görülmüşdür.

01 fevral 2012-ci il tarixindən respublikanın şəhər və rayonlarında fəaliyyət göstərən Heydər Əliyev muzeyləri Heydər Əliyev mərkəzləri adlandırılmışdır. Bu məqsədlə mərkəzlərin yeni nümunəvi əsasnaməsi hazırlanmış, ştat cədvəllərinə yenidən baxılmışdır.

Qusar, Şabran, Tərtər, Lerik rayonlarında yeni Heydər Əliyev Mərkəzləri yaradılmışdır.

01–07 may 2012-ci il tarixində Azərbaycan Milli İncəsənət Muzeyində akademik, heykəltəraş Ömər Eldarovun fərdi sərgisi təşkil edilmişdir. Sərgidə, həmçinin türk rəssamı Abdin Eldaroğlunun və türk foto-rəssamı Ozan Saqdıcoğlunun da əsərləri nümayiş etdirilmişdir.

18 may Beynəlxalq Muzeylər günündə Bakı şəhər muzeyləri tərəfindən müxtəlif mövzular üzrə maraqlı tədbirlər keçirilmişdir.

29 may 2012-ci il tarixində Azərbaycan Milli İncəsənət Muzeyində görkəmli Azərbaycan rəssamı, Əməkdar İncəsət Xadimi Mircavad Mircavadovun 90 illiyinə həsr olunmuş fərdi sərgisi təşkil edilmişdir. Sərgi senytabr ayınadək davam etdiriləcəkdir.

5-9 iyun 2012-ci il tarixində Muzey Mərkəzində görkəmli Azərbaycan şairi Mirzə Ələkbər Sabirin 150 illik yubileyi ilə əlaqədar Xalq Rəssamı Arif Hüseynovun və Əməkdar İncəsənət Xadimi, Azərbaycan “Karikaturaçı rəssamlar birliyi”nin sədri Bayram Hacızadənin “Hophopnamə” əsərlərinə həsr olunmuş qrafika əsərlərindən ibarət sərgi keçirilmişdir.

Böyük Britaniya və Şimali İrlandiya Birləşmiş Krallığının kraliçası II Yelizavetanın taxt-taca sahib olmasının 60 ili münasibətlə London şəhərində bir sıra bayram tədbirləri keçirilmişdir. Cari ilin 6-14 may tarixində dəvət edilən bir çox ölkələrlə yanaşı Azərbaycanın da xüsusi təqdimatları təşkil edilmiş, Azərbaycan Respublikasının yüksək zövq və bədii tərtibatla pavilyonu quraşdırılmışdır. Latviyanın “Dd studio” şirkəti tərəfindən həyata keçirilmiş bədii tərtibat Azərbaycanın orta əsr miniatür sənəti fotoreproduksiyaları əsasında qurulmuşdur. Mədəniyyətimizin yüksək səviyyədə tanıdılması üçün keçirilmiş tədbirlərin bədii proqramlarında muğam triosu və Azərbaycan Dövlət Rəqs Ansamblı iştirak etmişlər.

Cəfər Cabbarlının Ev Muzeyinin və Naxçıvan MR C.Məmmədquluzadə adına Ədəbiyyat Muzeyinin direktorları təqaüd yaşları ilə əlaqədar işdən azad edilmiş, onların hər birinə nazirliyin Fəxri Fərmanı və pul mükafatı verilmişdir.

30 may – 06 iyun 2012-ci il tarixində Moskva səhərində “İntermuzey-2012” Beynəlxalq festival təşkil edilmişdir. Bu məqsədlə Mərkəzi Rəssamlar Evində standart avadanlıqla təchiz olunmuş 6 kv.m. sahədə Azərbaycanla bağlı ekspozisiya qurulmuşdur. Tədbirdə Rusiya muzeyləri ilə yanaşı MDB ölkələrinin də muzey ekspozisiyalarının təqdimatı keçirilmişdir.

Xalq Rəssamı Səttar Bəhlulzadənin Ev Muzeyində təmir bərpa və bədii tərtibat işləri aparılmışdır.

İşğal altında olan muzeylərin www.diyarshunasliq.az veb saytı yaradılmış və onun təqdimatı keçirilmişdir. Sayta daxil edilən məlumatlar muzey işçilərinin yaddaşında qalmış məlumatlara, onların şəxsi arxivlərində saxlanılan foto şəkillərə əsaslanır.

Nazirliyin dəstəyi ilə “Qarabağın işğal altında olan ərazilərində mövcud olmuş turizm obyektlərinin (kurort sanatoriya obyektləri daxil olmaqla) siyahılaşdırılması, işğal nəticəsində Azərbaycan və dünya turizminin mənəvi-maddi itkilərinin təhlili, təhlilin hesabatının ictimailəşdirilməsi” və “Qarabağın işğal altında olan maddi-mədəni itkilərinin siyahılaşdırılması və beynəlxalq ictimaiyyətə çatdırılması” mövzuların araşdırılması təklif edilmişdir.

15 iyun Milli Qurtuluş Gününə həsr edilmiş muzeylərdə tədbirlər keçirilmiş, açıq qapı günü elan edilmişdir.

Azərbaycan Milli İncəsənət Muzeyində “Müstəqilliyimizin töhfələri” adlı mühazirə təşkil olunmuşdur, Dövlət Konservatoriyasının tələbələrindən ibarət “Qurtuluş tariximiz” adlı konsert proqramı təşkil edilmişdir.

Azərbaycan Xalçası və Xalq Tətbiqi sənəti Dövlət Muzeyində “Mədəniyyətimizin hamisi” adlı tədbir keçirilmişdir. Tədbir çərçivəsində ümummilli liderin muzeyin açılışında və simpoziumda iştirakını və eləcə də, müxtəlif sənətkarlarla görüşlərini əks etdirən “Heydər Əliyev və Azərbaycan xalçaçılıq sənəti” mövzusunda foto-sərgi təşkil olunmuşdur.

Azərbaycan İstiqlal Muzeyində Azərbaycan Respublikası Dünya Azərbaycanlılarının Həmrəyliyinə Dəstək Cəmiyyətinin prezidenti, Səbail Rayon Qadınlar Cəmiyyətinin sədri, Hərb Tarixi Muzeyinin əməkdaşı, habelə muzeyin əməkdaşı çıxış etmişlər. Tədbirdə ümummilli lider Heydər Əliyevə həsr olunmuş film nümayiş olunmuşdur. Tədbirdə Hərb Tarixi Muzeyinin, Gənc Turizm Diyarşünaslıq Mərkəzinin əməkdaşları, Prezident Qvardiyasının, Daxili Qoşunların əsgərləri və digər qonaqlar iştirak etmişlər.

Azərbaycan Musiqi Mədəniyyəti Dövlət Muzeyində bəstəkar, əməkdar incəsənət xadimi Vasif Allahverdiyevin “Heydər Əliyev-ömür yolu” simfonik poemasının film versiyasının nümayişi olmuşdur. Əsərin müəllifi bəstəkar Vasif Allahverdiyev, Azərbaycan Bəstəkarlar İttifaqının üzvləri, Klassik Musiqi Həvəskarları Klubunun üzvləri və başqaları çıxış etmişlər.

Üzeyir Hacıbəylinin ev muzeyində “Qurtuluşun mübarək, Azərbaycan” adlı tədbir keçirilmişdır. “Gənclərin töhfəsi” adlı İctimai Birliyin üzvləri vətənpərvər ruhlu musiqilərlə, şerlərlə, kompozisiyalarla tamaşaçılar qarşısında çıxış etmişlər. “Bakı Türkiyə Türkcəsi Eyitim Mərkəzi”nin müəllim və tələbələri şairə Zərəngiz Qayalının Qurtuluş günü münasibəti ilə yazdığı şerləri ifa etmişlər. Musiqişünas Aytən Abbasova “Heydər Əliyev obrazı musiqi əsərlərində” məruzəsi ilə çıxış etmişdir. Bəstəkar Sərdar Fərəcova, sözləri Tahir Taisoğluna məxsus “Böyük vətəndaş haqqında oda” əsəri səsləndirilmişdir.

Bütün tədbirlər KIV-də işıqlandırılmışdır.

Hesabat dövründə muzey şəbəkələrinin nizama salınması, uçot-mühafizə işlərinin yaxşılaşdırılması, mədəni-kütləvi işin müxtəlif formalarının tətbiqi, aparılan islahatlara uyğun olaraq muzey müəssisələrinin yerləşdiyi bina və sahələrin mədəniyyət şöbələrinin balansına götürülməsi işi davam etdirilmişdir.

Azərbaycan qeyri-maddi mədəni irsinin qorunması, təbliği və təşviqi məqsədilə Mədəniyyət və Turizm Nazirliyi tərəfindən təsdiq olunmuş “2010-2014-cü illər üçün Xalq Yaradıcılığı Paytaxtları” Proqramı ilə əlaqədar 2012-ci il üçün Gədəbəy şəhəri “Azərbaycanın Əfsanələr Paytaxtı”, Masallı şəhəri “Azərbaycanın Folklor Paytaxtı” və Quba şəhəri “Azərbaycanın Sənətkarlıq Paytaxtı” elan edilmişdir.

Cari ilin 15 mart tarixində Muzey Mərkəzində Azərbaycan Respublikasının mədəniyyət və turizm naziri cənab Əbülfəs Qarayevin qatıldığı “2012-ci il üçün Azərbaycanın Xalq Yaradıcılığı Paytaxtları”nın Təqdimat mərasimi keçirilmişdir.

Mərasimdə Gədəbəy, Masallı və Quba rayon icra hakimiyyəti başçılarının müavinləri, həmçinin bu rayonların mədəniyyət və turizm şöbələrinin müdirləri, alimlər, ictimai xadimlər, kütləvi informasiya vasitələrinin nümayəndələri iştirak etmişlər. Tədbirdə Lənkəran şəhər, Şabran və İsmayıllı rayon mədəniyyət və turizm şöbələrinin müdirləri illik tədbirlər planının icrasındakı məqsədyönlü fəaliyyətlərinə görə nazirliyin Fəxri fərmanları ilə mükafatlandırılmışlar. Yeni “paytaxt” seçilmiş şəhərlərə isə bununla bağlı hazırlanmış xatirə kubokları və fəxri diplomlar təqdim edilmişdir.

Təsdiq edilmiş illik tədbirlər planına əsasən, “paytaxt” seçilmiş şəhərlərdə il ərzində nominasiyaya uyğun olaraq təntənəli mərasimlər, respublika və beynəlxalq səviyyəli elmi-praktiki konfranslar, dəyirmi masalar, konsertlər, müsabiqələr, festivallar, sərgilər, yarmarkalar, infoturlar və sair tədbirlər təşkil ediləcəkdir.

2-5 fevral tarixlərində Hindistan Mədəni Əlaqələr Şurasının dəstəyi və mədəniyyət sahəsindəki məqsədyönlü fəaliyyətinə görə 2010-cu ildə YUNESKO tərəfindən Qlobal Məşvərətçi Statusu almış Banglanatak Dot Com Təşkilatının rəhbərliyi ilə Kərküttə şəhərində keçirilmiş II Beynəlxalq Sufi Festivalında Azərbaycan Musiqi Mədəniyyəti Dövlət Muzeyinin 15 nəfərdən ibarət “Qədim Musiqi Alətləri” ansamblı iştirak etmişdir. Kollektivin təşkil edilmiş konsertlərdəki çıxışları böyük marağa səbəb olmuş, həmçinin məsələ ilə bağlı Banglanatak Dot Com Təşkilatı tərəfindən nazirliyə təşəkkür məktubu göndərilmişdir.

TÜRKSOY və Qazaxıstan dövlətinin birgə təşkilatçılığı ilə Astana şəhərinin 2012-ci il üçün Türk Mədəniyyətinin Paytaxtı seçilməsi ilə əlaqədar keçirilmiş tədbirlərdə iştirak etmək üçün nazirliyin əməkdaşı və F.Əmirov adına Azərbaycan Dövlət Mahnı və Rəqs Ansamblının 10 nəfərdən ibarət kollektivi 2012-ci ilin 22-26 fevral tarixlərində Astana şəhərinə ezam olunmuşlar.

24 fevral tarixində Astana şəhərində Azərbaycan Respublikasının mədəniyyət və turizm naziri cənab Əbülfəs Qarayevin iştirakı ilə Qazaxıstan Respublikasının Mədəniyyət və İnformasiya Nazirliyində geniş toplantı təşkil olunmuşdur. Toplantıya Türkiyə Respublikasının Mədəniyyət və Turizm Naziri cənab Ertuğrul Günay, TÜRKSOY təşkilatının baş katibi cənab Düsen Kaseinov, Şimali Kipr Türk Respublikası Turizm, Əhatə və Mədəniyyət Naziri cənab Ünal Üstel, Başqırdıstan Respublikasının (Rusiya Federasiyası) baş nazirinin müavini cənab Salavat Sagitov və digər qonaqlar dəvət olunmuşlar.

Günün sonunda “Sülh və razılıq sarayı”nda konsert proqramının açılış mərasimi təşkil olunmuşdur. Sarayın foyesində TÜRKSOY təşkilatı tərəfindən keçirilmiş tədbirlərin fotostendi, eyni zamanda tədbirə dəvət olunmuş ölkələr haqqında məlumat nümayiş etdirilmişdir. Azərbaycan kollektivinin konsert proqramında çıxışı böyük maraqla qarşılanmışdır.

1-2 mart tarixlərində Minsk şəhərində MDB İcraiyyə Komitəsinin binasında təşkil edilmiş MDB iştirakçı dövlətlərinin mədəniyyətlərinin qanunvericilik təminatının öyrənilməsi və müqayisəli analizi üzrə İşçi qrupunun iclasında Nazirliyin nümayəndələri iştirak etmişlər.

Novruz bayramı ərəfəsində Dənizkənarı Milli Parkda aşpazlar tərəfindən milli Novruz mətbəxi nümunələri və xalq tətbiqi sənəti ustalarının əsərləri nümayiş etdirilmiş, aşıqların iştirakı ilə bayram konserti təşkil olunmuşdur. Tədbirdə Azərbaycan Respublikasının Prezidenti cənab İlham Əliyev, xanımı Mehriban Əliyeva və digər mötəbər qonaqlar iştirak etmişdir.

12-13 aprel tarixlərində Kazan şəhərində Tatarıstan Respublikasının Mədəniyyət Nazirliyi tərəfindən Tatarıstan Respublikası Elmlər Akademiyası ilə birgə təşkil olunan “Müasir şəraitdə qeyri-maddi etnomədəni irsin qorunması problemləri” adlı beynəlxalq elmi-praktiki seminarda və “Polietnik region şəraitində milli ənənələrin inkişafı” adlı elmi-praktiki konfransda Nazirliyin nümayəndəsi iştirak etmişdir.

Tədbirdə “Etnomədəni ənənələr mənəvi-əxlaqi tərbiyənin vasitəsi kimi”, “Sosiomədəni sahədə fəaliyyət göstərən təşkilatlarda mənəvi mədəniyyətin intibahı, qorunması, inkişafı metodikası və texnologiyası” mövzuları müzakirə edilmiş və “Azərbaycan Respublikasında qeyri-maddi mədəni irsin qorunması” mövzusunda təqdimat keçirilmişdir.

Azərbaycan Respublikasında qeyri-maddi mədəni irsin qorunması sahəsində əldə olunan nailiyyətlər tədbir iştirakçıları tərəfindən böyük maraqla qarşılanmış və ölkəmizlə bu sahədə proqram və layihələrin hazırlanıb həyata keçirilməsində təcrübə mübadiləsi aparmaq arzusu ifadə olunmuşdur.

13-15 aprel tarixlərində Nazirliyin nümayəndələri Folklor paytaxtı Masallı rayonunda keçirilmiş tədbirdə iştirak etmişlər. Mərasimdə rayon rəhbərliyi, rayon ziyalıları çıxış edərək Proqramın əhəmiyyətindən söz açmışlar. Səfər çərçivəsində Masallıda keçirilməsi planlaşdırılan Beynəlxalq Folklor Festivalı barədə təşkilati məsələlər müzakirə olunmuşdur.

29-30 may tarixlərində Nazirliyin nümayəndələri Quba rayonunda keçirilən “Quba – Azərbaycanın Sənətkarlıq Paytaxtı-2012” tədbirinin açılış mərasimində iştirak etmişlər. Bayram tədbirinə qonaq qismində Milli Məclisin deputatları və digər qurumların nümayəndələri də qatılmışdır.

Tədbir çərçivəsində rayon sənətkarlarının hazırladığı əl işlərindən ibarət sərgiyə baxış keçirilmişdir. Sonda rayon incəsənət xadimlərinin iştirakı ilə geniş konsert proqramı təşkil olunmuşdur.

Azərbaycan Respublikasının Mədəniyyət və Turizm Nazirliyi tərəfindən təsdiq olunmuş “Şəhər (Rayon) Mədəniyyət Mərkəzlərinin yaradılması” pilot layihəsi çərçivəsində Lənkəran şəhərində 8, İsmayıllı rayonunda isə 10 klub müəssisəsinə baxış keçirilmişdir.

5-11 iyun tarixlərində Dağıstan Respublikasının Mahaçqala şəhərində keçirilmiş “Qorçı” V Beynəlxalq folklor və ənənəvi mədəniyyət festivalına Azərbaycan Aşıqlar Birliyinin katibi Musa Çobanov və aşıq Fəzail Miskinlinin rəhbərliyi ilə gənc aşıqlardan ibarət qrup qatılmışdır.

17-22 iyun tarixlərində Qazaxıstan Respublikasının paytaxtı Astana şəhərində keçirilmiş Qorqud adına I Beynəlxalq aşıq və qədim musiqi alətləri ifaçılarının müsabiqəsində Nazirliyin nümayəndəsi və 6 nəfər aşıqdan ibarət nümayəndə heyəti iştirak etmişdir. Müsabiqədə Azərbaycan kollektivinin çıxışları böyük maraqla qarşılanmışdır.




MƏDƏNİ İRS
Hesabat dövründə Azərbaycanın mədəni özünəməxsusluğunun qorunub saxlanması, tarix-mədəniyyət abidələrinin mühafizəsi ilə bağlı müvafiq tədbirlər görülmüş, bu sahədə bir sıra diqqətəlayiq nəticələr əldə edilmişdir.

2012-ci ilin 16-17 mart tarixində Qobustan Milli tarix-bədii qoruğunda açılış mərasimi keçirilmişdir. 17 mart tarixində isə nazirliyin əməkdaşları üçün qoruqla tanışlıq təşkil edilmişdir.

Cari ilin 4-10 mart tarixlərində Norveç alim-ekspertlər doktor Anne-Sophie Hygen və professor Helskog Knutun Qobustan qoruğunun yeni ekspozisiyası ilə tanışlıq məqsədilə nazirlik tərəfindən ölkəmizə dəvət olunmuşlar.

Novruz bayramı ərəfəsində bütün qoruqlarda təntənəli tədbirlər keçirilmişdir.

Basqal Dövlət tarix-mədəniyyət, “Avey” Dövlət tarix-mədəniyyət, “Keşikcidağ” Dövlət tarix-mədəniyyət, ”Yanar dağ” Dövlət tarix-mədəniyyət və təbiət qoruqlarının əməkdaşlarının əməyinin ödənilməsi üzrə qrupları dəyişilmişdir və ştat cədvəllərinə yenidən baxılmışdır.

İCCROM-un Baş Direktorunun xüsusi məsləhətçisi Yukka Yokilehtonun «Yuxarı Baş» Dövlət tarix-memarlıq qoruğunun YUNESKO-nun Dünya İrsi Siyahısına daxil edilməsi üçün Nominasiya Faylının hazırlanması ilə əlaqədar 12-19 iyun 2012-ci il tarixində Azərbaycanda işgüzar səfərdə olmuşdur.

”Yanar dağ” Dövlət tarix-mədəniyyət və təbiət qoruğunun ərazisində vətəndaşlara məxsus torpaq sahələrinin qiymətləndirilməsi başa çatdırılmış və məsələ ilə əlaqədar Azərbaycan Respublikası Nazirlər Kabinetinə və digər müvafiq qurumlara məlumatlar göndərilmişdir.

MİRAS Mədəni İrsin Öyrənilməsinə Kömək İctimai Birliyi ilə birgə Türkiyənin Uşak şəhərində Ümummilli lider Heydər Əliyevin anadan olmasının 89-cu ildönümünə həsr olunmuş “Azərbaycanın Mədəni İrsi” elmi-praktiki konfrans və sərgi təşkil edilmişdir.

Qəbələ tarix-bədii qoruğunun ərazisində aparılan arxeoloji qazıntılar və yeni tikililərlə bağlı əraziyə baxış keçirilmişdir.

2012-ci ilin 25-29 aprel tarixlərində Respublikamızın paytaxtı Bakı şəhərində Azərbaycan Respublikasının Mədəniyyət və Turizm Nazirliyinin YUNESKO-nun Ümumdünya İrs Mərkəzinin məşvərətçi orqanları olan Mədəni mülkiyyətin mühafizəsinin və bərpasının öyrənilməsi üzrə Beynəlxalq Mərkəzin (İCCROM) və Abidələr və tarixi yerlər üzrə Beynəlxalq Şuranın (İCOMOS), eləcə də Azərbaycan Memarlıq və İnşaat Universiteti və İtaliyanın Romualdo del Bianko fondunun birgə tərəfdaşlığı ilə "Təzyiq altında irs – şəhərlərin tarixi landşaftlarının perspektivləri” adlı Beynəlxalq Bakı Konfransı keçirilmişdir. Konfransda YUNESKO-nun Ümumdünya İrs Siyahısında yer alan və YUNESKO-nun Ümumdünya İrs Obyektlərinin yerləşdiyi tarixi şəhərlərdə urbanizasiya proseslərinin şəhərlərin tarixən formalaşmış landşaftlarına təsirləri əsas müzakirə mövzusu olmuşdur. Geniş auditoriya kütləsi üçün nəzərdə tutulmuş tədbirdə dünyanın bütün qitələrinin 30-dan artıq ölkəsindən 50-dən artıq nüfuzlu elm adamı və ekspertlər iştirak etmişdir. Tədbirdə iştirak edən qonaqların sırasında İtaliya, Fransa, Çexiya, Portuqaliya, Polşa, Almaniya, ABŞ, Kanada, Braziliya, Meksika, Çin, Yaponiya, İsveç, İsrail və digər dövlətlərin Milli İCOMOS Komitələrinin rəhbərləri də olmuşdur.

Konfransda iştirak etmək məqsədilə irsin idarə edilməsi və inkişafı sahəsində fəaliyyət göstərən dünyanın nüfuzlu təşkilatlarından İCCROM-un Baş direktoru cənab Stefano De Karo, İCOMOS-un Prezidenti cənab Qustavo Araoz və Romualdo del Bianko Fondunun Prezidenti cənab Paolo Del Bianko ölkəmizdə səfərdə olmuş və Azərbaycan Respublikasının mədəniyyət və turizm naziri Əbülfəs Qarayev tərəfindən qəbul edilmişlər. Görüşdə ikitərəfli maraq doğuran məsələlər müzakirə edilmiş, ölkəmizlə sözügedən təşkilatlar arasında yaxın gələcəkdə həyata keçirilməsi ətrafında işlərə başlanılmışdır. Xüsusi ilə Milli Azərbaycan İCOMOS təşkilatının yaradılması ilə bağlı İCOMOS və Romualdo del Bianko Fondu müvafiq köməkliyin göstərilməsi təşəbbüsü ilə çıxış etmişdir.

Konfrans çərçivəsində Excelsior Bakı mehmanxanasında Ermənistan dövləti tərəfindən zəbt edilmiş mədəni irsimizi əks etdirən “Müharibə və irs” adlı fotosərgi keçirilmişdir.

24 aprel tarixində Mədəniyyət və Turizm Nazirliyinin təşəbbüsü ilə Azərbaycan Memarlıq və İnşaat Universitetində “Dərəcə və ixtisas” Regional Tələbə festivalı və 25 aprel tarixində Azərbaycan Turizm İnstitutunda Mədəni mülkiyyətin mühafizəsi və bərpasının öyrənilməsi üzrə beynəlxalq mərkəzin (İCCROM) sabiq baş direktoru, Romualdo del Bianko fondunun xarici əlaqələr üzrə koordinatoru cənab Mark Laenenın moderatorluğu ilə “Mədəni irs - davamlı sosial inkişafın əsası” mövzusunda seminar keçirilmişdir.

Tədbir çərçivəsində İCOMOS-un “Bərpa və mühafizənin nəzəriyyə və fəlsəfəsi üzrə”

beynəlxalq elmi komitəsinin illik toplantısı keçirilmişdir.

Cari ilin 17-18 aprel tarixində Ağsu şəhərində Azərbaycan Respublikası Mədəniyyət və Turizm Nazirliyi, Ağsu Rayon İcra Hakimiyyəti və MİRAS Mədəni İrsin Öyrənilməsinə Kömək İctimai Birliyinin birgə tərəfdaşlığı ilə Beynəlxalq Abidələr və Tarixi Yerlər Gününə həsr olunmuş “Tarixi şəhərlərimizdə kərpic memarlığı” mövzusunda konfrans və arxeotur təşkil edilmişdir. Konfrans tarixən Azərbaycanda yaşayan toplumların kərpic memarlığı sahəsindəki fəaliyyətlərini, dünyanın digər bölgələrindəki kərpic memarlığı nümunələri ilə Azərbaycan örnəklərinin müqayisəli təhlilini, hal-hazırda kərpic memarlığının inkişafı istiqamətində görülən fəaliyyətləri araşdırmağa çalışmışdır. Konfransda Türkiyə Respublikasının kərpic memarlığı üzrə mütəxəsislərindən biri, “Arxeologiya və sənət jurnalının” redaktoru, arxeoloq Nezih Başgələn jurnalın növbəti buraxılışının ölkəmizin arxeoloji irsinə həsr edilməsi təklifi ilə çıxış etmişdir. Layihənin növbəti 2013-cü ildə reallaşdırılması nəzərdə tutulmuşdur.

2012-ci ilin 15-18 fevral tarixlərində Avropa Şurasının Demokratik İdarəçilik, Mədəniyyət və Müxtəliflik Direktorluğunun təşkilatçılığı ilə həyata keçirilən “Tarixi şəhərlərdə mədəni irsin bərpası layihəsinin” 5-ci koordinasiya iclası keçirilmişdir. Koordinasiya görüşündə layihənin növbəti mərhələlərinin həyata keçirilməsi ətrafında müzakirələr aparılmışdır. Beynəlxalq koordinasiya toplantısının davamı olaraq mart ayının 9-da Bakı şəhərində Azərbaycan tərəfindən layihədə təmsil olunan pilot şəhərlərin nümayəndələrinin iştirakı ilə daxili koordinasiya görüşü keçirilmişdir.

Qafqaz Albaniyası dövlətinin irsinin bərpasının təmin edilməsi, eləcə də onun daha da effektiv təbliğinin həyata keçirilməsi məqsədi ilə “Qafqaz Albaniyası irsinin mühafizəsi, bərpası və təbliğinə dair 2013-2016-cı illərdə” Dövlət Proqramı layihəsi hazırlanmışdır, hazırda onun müvafiq orqanlarla razılaşdırılması prosesi davam etdirilir.

Cari ilin 18-21 iyun tarixlərində Belçika Krallığının Antverpen şəhərində Mədəni İrsin Mühafizəsində Gənclər (YOCOCU) Beynəlxalq şəbəkəsinin 3-cü ənənəvi toplantısı keçirilmişdir. Növbəti tədbirin 2014-cü ildə ölkəmizdə keçirilməsi təklifi irəli sürülmüşdür.

Ölkəmizin zəngin memarlıq və arxeoloji irsinin ən möhtəşəm nümunələrini özündə əks etdirən, islam tarixi və mədəniyyəti ilə əlaqəli olan Bərdə şəhərində yerləşən “Allah-allah” və Füzuli rayonunda yerləşən “Şeyx Babı” türbələrinin, Hacıqabul rayonunda “Pir Hüseyn Xanəgahı” tarix-memarlıq və “Nardaran” tarix-mədəniyyət qoruqlarının İslam irs siyahısına daxil edilmələri haqqında qərar qəbul edilmiş və bu istiqamətdə ilkin işlərə başlanılmışdır.

Azərbaycan Respublikası ərazisində yerləşən tarix və mədəniyyət abidələrinin inventarizasiyası (abidələrin fotoşəkilləri, yeni aşkar edilmiş abidələr barədə məlumatlar) davam etdirilmişdir.

Gəncə, Oğuz, Şamaxı, İsmayıllı, Masallı, Ağcabədi, Goranboy rayonlarında aparılan tikinti-quruculuq işləri zamanı bir sıra abidələrin mühafizə rejiminin pozulması faktları müəyyən edilmiş, bununla bağlı abidələrə yerində baxış keçirilmiş, mühafizənin daha da effektiv aparılması və baş vermiş qanun pozuntuları ilə əlaqədar müvafiq tədbirlərin görülməsi məqsədilə aidiyyəti orqanlara müraciətlər ünvanlanmışdır.



KİNEMATOQRAFİYA
2012-ci ilin birinci yarısında “Azərbaycan kinosunun 2008-2018-ci illər üzrə inkişafına dair Dövlət Proqramı”na uyğun olaraq kino sahəsində müvafiq işlər görülmüşdür.

“Azərbaycanfilm” kinostudiyasında “Ən adi soyad” (“Heydər Əliyev”) bədii filminin rejissor ssenarisinin yazılışı başa çatmış, çəkilişlərin hazırlıq mərhələsinə başlanmışdır. “Qisas almadan ölmə” bədii filminin ilkin variantına baxış keçirilmişdir. “Dolu” bədii filminin montaj-səsləndirmə işləri tamamlanma üzrədir. “Canlı” bədii filminin tamamlanması məqsədilə işlər davam etdirilmişdir. “Sübhün səfiri” bədii filminin çəkilişləri başa çatmışdır. “Qorxma mən səninləyəm-2” bədii filminin çəkilişləri davam edir. “Çölçü” bədii filmi təhvil verilmişdir. “Dərvişin ölümü” bədii filmi çəkiliş mərhələsinə buraxılmışdır. “Axınla üzü aşağı” bədii filmi rejissor yazılışı dövrünə buraxılmışdır. “Sıfır saatının qatarı-2” sənədli filmi istehsala buraxılmışdır.

“Salnamə” studiyasında “Mən evimə qayıdıram” bədii filminin ilkin variantına baxış keçirilib. “Qırmızı bağ” bədii filminin montaj işləri davam edir. “Mahmud və Məryəm” bədii filminin çəkilişləri ilə əlaqədar hazırlıq işləri davam edir. “15 ispaniyalı Bakıda” sənədli filminin montaj işləri tamamlanmışdır. “Biz dost idik” və “Azərbaycanın muğam-cazı” sənədli filmlərinin çəkilişləri başa çatmışdır. “İşıqlı diyar” sənədli filminin ilkin variantına baxış keçirilmişdir.

“Yaddaş” studiyasında “Azərbaycanın Milli Qəhrəmanları” silsiləsindən 10 sənədli film üzərində işlər davam edir. “Ağa Neymətulla” və “Fərhad Bədəlbəyli” sənədli filmləri istehsalın müxtəlif mərhələsindədir.

“Azanfilm” studiyasında “Balaca ev” cizgi filminin montajı davam edir.

“Mozalan” studiyasında yumoristik kinojurnalın 192-ci nömrəsi istehsala buraxılmışdır.

“Birlik kinostudiyası” MMC-də “Səmada şəkil” cizgi filmi istehsala buraxılmışdır.

“Üç dost” şirkətində istehsala buraxılmış “Cırtdan və Təpəgöz” 3D formatında cizgi filminin ilkin variantına baxış keçirilmişdir.

Kinonun inkişafına dair Dövlət Proqramının icrasını təmin etmək, kinematoqrafiya sahəsində çalışan gənc mütəxəssislərə özlərini sınamaq üçün imkan yaratmaq, həmçinin audiovizual məhsul istehsalı ilə məşğul olan şirkətlərə dəstək vermək, onların fəaliyyəti üçün stimul yaratmaq məqsədilə elan edilmiş «Bu meydan, bu ekran-2012» kino layihələri müsabiqəsinin münsiflər heyətinin qərarına əsasən qalib kino layihələri təsdiq edilmişdir: “Senzor” layihəsi (Gənc Film İstehsalçıları Assosiasiyası), “Gözlənti” layihəsi (“Rakord” şirkəti“ və Arzu“ layihəsi “Adari Films” şirkəti). İlin ikincı yarımilliyində həmin filmlər çəkilişin başlanacaqdır.

Nizami Kino Mərkəzində fevralın 29-da “Azərbaycanfilm” kinostudiyasının internet saytının təqdimatı, martın 9-da “Bəxt üzüyü” bədii filminin ekranlara çıxmasının 20 illiyi münasibətilə bədii axşam, martın 14-də “Yaddaş” studiyasının istehsalı olan “Üfüqü ötənlər” bədii-sənədli filmin, martın 30-də Azərbaycanlıların Soyqırımı Günü münasibəti ilə “Yaddaşın rəmzi. Quba-1918” sənədli filminin təqdimatları, 29, 30 mart və 1 apreldə Qazaxıstan Respublikasının Səfirliyi ilə birgə Qazaxıstan Kinosu, 2-6 aprel tarixində isə Rusiya kinosu günləri keçirilmişdir.

Aprelin 24-də Nizami Kino Mərkəzində “Oxuyur Müslüm Maqomayev” bədii filminin 40 illiyi ilə bağlı bədii axşam, mayın 2-də “Bu meydan, bu ekran 2011” kino layihələri müsabiqəsi qaliblərinin çəkdikləri filmlərin “Gənclərin Qısa Filmləri” axşamında nümayişi, mayın 16-da Polşa səfirliyi ilə birgə “Korçak” bədii filminin nümayişi, mayın 18-dən 29-dək “Bizim qısa filmlər” başlığı altında son illər çəkilən qısametrajlı filmlərin nümayişi olmuşdur.

İyunun 4-də Serbiya səfirliyi ilə birgə Nizami Kino Mərkəzində 223-cü Belqrad diviziyasının 70 illiyinə həsr olunmuş “Xəzərdən Dunaya” sənədli filminin təqdimatı keçirilmişdir.

İyunun 12-də Beynəlxalq Muğam Mərkəzində “Ankaf” şirkətinin istehsal etdiyi “Sarı gəlin” sənədli filmi təqdim olunmuşdur. TÜRKSOY və “Güven Klinik”in dəstəyi ilə keçirilən tədbirdə Azərbaycan, Qazaxıstan, Qırğızıstan, Başqırdıstan, Hakas Respublikası və Qaqauz Yerini (Moldova) təmsil edən folklor kollektivlərinin ifasında “Sarı gəlin” mahnısı ifa edilmişdir.

19-20 iyun tarixdə Nizami Kino Mərkəzində Mədəniyyət və Turizm Nazirliyi, MDB ölkələri Dövlətlərarası Humanitar Əməkdaşlıq Fondu, Latviya, Litva və Estoniyanın “Kinoşok” Açıq Kino Festivalı Bakıda bu festivalın qalib filmlərinin nümayişini təşkil etmişdir.

Dövlət Film Fondu martın 1-də tanınmış aktyor Eldəniz Zeynalovun 75 illiyinə, martın 12-də yazıçı və kino dramaturq Əli Qafarova həsr olunmuş xatirə gecəsi keçirmiş, martın 29-da isə tanınmış kino rəssamı Fikrət Əhədovun 75, Rasim İsmayılovun 75 illiyi ilə bağlı xatirə axşamları və foto sərgi təşkil etmişdir. Mayın 10-da Dövlət Film Fondunda Heydər Əliyevin 89 illiyi ilə əlaqədar elmi konfrans və ulu öndərin həyat yolunu əks etdirən foto-sərgi təşkil olunmuşdur.

15-27 may tarixində 65-ci Beynəlxalq Kann Kinofestivalında Azərbaycanı təmsil edən xüsusi pavilyon fəaliyyət göstərmişdir. Artıq ikinci dəfə təşkil olunan pavilyonu yüzlərlə festival iştirakçısı və qonaq ziyarət etmiş, burada bir sıra işgüzar danışıq aparılmış, ilkin razılaşmalar əldə olunmuşdur.

Birinci yarım illikdə “Buta” bədii filmi Cənubi Afrika, ABŞ, İtaliya və Misirdə, “İz... Qala”, “Azərbaycan xalçası” və “Çövkən” sənədli filmləri Qazaxıstanda, “Girov” bədii filmi Fransada, “Nizami” bədii filmi Sankt-Peterburqda, “Məhkumlar” bədii filmi isə İstanbulda beynəlxalq kino festivallarda iştirak etmişdir. “Sahə” bədii filmi fevralda ABŞ-da keçirilən "California Film Awards" müsabiqəsində “Ən yaxşı bədii film” nominasiyasında qızıl mükafata layiq görülmüşdür. “Top həm düşər, həm qalxar” sənədli filmi İstanbulda keçirilən Beynəlxalq İdman filmləri festivalında Klubun qalib filmi elan edilmişdir.

Hesabat dövrü ərzində ayrı-ayrı televiziya kanallarının, dövlət studiyalarının təqdim etdikləri 130 film dövlət reyestrində qeydə alınmışdır.


NƏŞRİYYAT, REKLAMIN TƏŞKİLİ VƏ İNFORMASİYA
Hesabat dövründə Nazirliyin müvafiq iş planına uyğun olaraq Nəşriyyat, reklamın təşkili və informasiya sahəsində bir sıra tədbirlər həyata keçirilmişdir.

Bunlardan ən mühümü reklam sahəsində Azərbaycanda ilk dəfə olaraq keçirilən beynəlxalq elmi-praktik konfrans olmuşdur.

Mədəniyyət və Turizm Nazirliyinin Azərbaycan Reklamçılar İttifaqı ilə birlikdə 29-30 mart 2012-ci il tarixində “Hilton” otelində keçirdiyi “Reklam mədəniyyəti – reallıq və perspektivlər. Reklam və marketinq məsələlərinə müasir baxış” mövzusunda I Bakı Beynəlxalq Elmi-Praktik Konfransında yerli mütəxəssislərlə yanaşı 15 xarici ölkədən 17 tanınmış reklam, marketinq və turizm mütəxəssisi iştirak etmişdir. Eyni zamanda 35-dən çox yerli reklam və turizm şirkəti bu konfransın iştirakçısı olmuşdur.

Konfransın açılış mərasimində çıxış edən Azərbaycan Respublikasının mədəniyyət və turizm naziri Əbülfəs Qarayev reklamçılıq sahəsində mövcud vəziyyət, dünya təcrübəsinə baxış, reklam dizaynı, müasir standartlara cavab verən reklam mədəniyyətinə sahib olmaq imkanları, habelə mədəniyyət və turizm sahələrinin reklam təminatı kimi bir sıra aktual və vacib məsələlərin müzakirə olunması, bu sahədə mövcud olan problemlərin aradan qaldırılması yollarının araşdırılması, həmçinin ölkəmizdə reklam işinin inkişafı baxımından bu tədbirin böyük əhəmiyyət daşıdığını xüsusilə vurğulamışdır.

Açılış mərasimi ərəfəsində iştirakçılar və ziyarətçilər konfrans salonunda təşkil edilən reklam sərgisi ilə tanış olmuşlar.

Konfrans iki gün davam etmişdir. Birinci gün iştirakçılar müxtəlif məruzələrlə çıxış etmişlər.

Məruzələr interaktiv xarakter daşımış, məruzəçilər dinləyiciləri maraqlandıran suallara yerindəcə cavab vermişlər.

Konfransın ikinci günü mütəxəssislər müxtəlif mövzularda ustad dərsləri keçmişlər. Ustad dərslərində 280 nəfərdən çox dinləyici – universitet tələbələri və digər maraqlanan şəxslər iştirak etmişdir. Sonda konfransın yekun qətnaməsi qəbul olunmuşdur.

Eyni zamanda reklam sahəsində xidmətlərinə və konfransın təşkilində fəal iştiraka görə bir çox reklam və turizm şirkətinə, qocaman reklamçılara, tələbələrə, həmçinin Nazirliyinin iki əməkdaşına fəxri diplomlar verilmişdir.

Konfrans KİV-də və elektron informasiya daşıyıcılarında geniş işıqlandırılmışdır. Nazirliyin rəsmi saytında və “Mədəniyyət” qəzetində konfrans haqqında mütəmadi məlumatlar verilmişdir. Həmçinin konfransa həsr olunmuş xüsusi jurnal və qəzet çap olunmuşdur.

Hesabat dövründə, Nazirliyin 2012-ci il üçün kitab nəşri planına uyğun olaraq 30 adda kitab nəşrə hazırlanmış və çap olunmaq üçün müvafiq nəşriyyatlara təqdim olunmuşdur. Çap olunan kitablardan, M.Ə.Sabirin “Hophopnamə”, “Sabirin satira sənətkarlığı”, “Sabir Bakıda”, “Sabir Poeziya Günləri” almanaxı, “Sabir təsviri sənətdə” albomu, “M.F.Axundzadə şəxsiyyəti”, “Aqşin Babayev - 75”, Nağı Nağıyevin “Seçilmiş əsərləri”, Abdulla Şaiqə həsr olunmuş “Əgər Şair olmasaydı” xatirələr və məqalələr toplusu, Məmməd Namazın “Günəş ömürlü insan”, “Azərbaycanın Xalq rəssamı Davud Kazımov”, Xalq artisti Habil Əliyevə həsr olunmuş “Kaman əfsanəsi” və başqalarını xüsusilə qeyd etmək olar.

Eyni zamanda, Nazirliyin 2011-ci il üçün illik hesabatı kitab şəklində nəşr edilmişdir.

Azərbaycan Respublikası Prezidentinin müvafiq sərəncamlarının icrasına uyğun olaraq mayın 30-u Şamaxıda, mayın 31-i Bakıda, Akademik Milli Dram Teatrında Mirzə Ələkbər Sabirin 150 illik yubileyi, iyunun 5-də Azərbaycan Dövlət Filarmoniyasında Əhməd Cavadın 120, iyunun 27-də Azərbaycan Dövlət Filarmoniyasında Məmməd Səid Ordubadinin 140 illik yubileyləri təntənəli şəkildə qeyd edilmişdir. Eyni zamanda Mirzə Fətəli Axundzadənin 200, Nizami Gəncəvinin 870, Hüseyn Cavidin 130, Xurşidbanu Natəvanın 180 illik yubileylərinin geniş qeyd olunması məqsədilə ayrı-ayrılıqda müvafiq Tədbirlər Planı hazırlanmış, təsdiq olunmuş və icraya götürülmüşdür.

Məlum olduğu kimi 2012-ci il TÜRKSOY tərəfindən “Mirzə Fətəli Axundzadə İli” elan edilmişdir. Bununla əlaqədar, cari ilin 26 yanvar tarixində TÜRKSOY qərargahında təşkil edilmiş “M.F.Axundzadə İli”nin rəsmi açılış mərasimində Azərbaycan nümayəndə heyəti iştirak etmişdir.

Açılış mərasimində milli dramaturgiyamızın banisi M.F.Axundzadənin həyat və yaradıcılığı, onun Azərbaycan ədəbiyyatındakı rolu, o cümlədən “Mirzə Fətəli Axundzadənin 200 illik yubileyinin keçirilməsi haqqında” Azərbaycan Respublikası Prezidentinin Sərəncamına uyğun olaraq həyata keçirilən tədbirlər barədə iştirakçılara məlumat verilmişdir. Mərasimdə Azərbaycan Respublikasının mədəniyyət və turizm naziri Əbülfəs Qarayev, Türkiyənin kültür və turizm naziri Ərtuğrul Günay, TÜRKSOY təşkilatının Baş katibi Düsen Kaseinov, Gürcüstanın mədəniyyət və abidələrin qorunması naziri Nikoloz Rurua, Azərbaycan Milli Elmlər Akademiyasının professoru, ədəbiyyatçı Zaman Əsgərli və Türkiyənin Ege Universitetinin professoru Yavuz Akpınar M.F.Axundzadə yaradıcılığı və onun əsərləri barədə geniş məruzələrlə çıxış etmişlər. Həmçinin, mərasimdə “Azərbaycan Televiziya və Radio Verilişləri” Qapalı Səhmdar Cəmiyyəti tərəfindən istehsal olunmuş M.F.Axundzadənin həyat və yaradıcılığından bəhs edən “Sabahın elçisi” filmi göstərilmiş, Azərbaycan muğam ifaçılarının konserti və “Mirzə Fətəli Axundzadənin Məmləkəti” adlı foto-sərgi təşkil olunmuşdur.

Tədbirin yekununda “M.F.Axundzadə İli”nin TÜRKSOY-a üzv olan bütün ölkələrdə yüksək səviyyədə keçirilməsi məqsədi ilə müvafiq tədbirlərin həyata keçirilməsi qərara alınmışdır.

Hesabat dövründə təşkilatçılığı ilə Azərbaycan kitabları 8-12 fevral 2012-ci il tarixində Belarus Respublikasının paytaxtı Minsk şəhərində keçirilən XIX Minsk Beynəlxalq Kitab Sərgi-Yarmarkasında iştirak etmişdir. Azərbaycan Dövlət Nəşriyyatı “Azərnəşr” , “Elm və təhsil”, “Mütərcim” və “E.L.” nəşriyyatları bu sərgidə öz kitablarını bilavasitə özləri nümayiş etdirmişlər. Nazirlik tərəfindən icarəyə götürülmüş 10 kv.m.-lik stenddə ümumilikdə 150 adda 250 nüsxədən çox nəşr məhsulu nümayiş etdirilmişdir.

Dövlətçiliyimizə, tariximizə, Qarabağa, zəngin mədəniyyət və incəsənətimizə həsr olunmuş Azərbaycan, rus, ingilis dillərindəki nəfis tərtibatlı çap məhsulları ziyarətçilər tərəfindən böyük maraqla qarşılanmışdır.

Azərbaycanda gedən inkişaf prosesi, quruculuq işləri, mədəniyyətimizin qədim tarixi və bugünkü nailiyyətləri, eyni zamanda Qarabağ problemi barədə ziyarətçilərə ətraflı məlumatlar verilmiş, ölkəmiz haqqındakı müxtəlif jurnallar, turizm xarakterli bukletlər, kitabçalar, xəritələr, CD-lər və s. hədiyyə olunmuşdur. Onlar həmçinin milli mətbəx örnəklərimizin dadına baxmaq şansı da əldə etmişlər.

Azərbaycan ədəbi nümunələrinin xarici dillərə tərcüməsi, nəşri və yayımını gerçəkləşdirmək məqsədilə bu sahədə xarici ölkələrdə mövcud olan təcrübələri öyrənmək Nazirliyin əməkdaşı və şair-tərcüməçi, “Dünya ədəbiyyatı” jurnalının baş redaktoru Səlim Babullaoğlu 10-17 mart 2012-ci il tarixdə Türkiyə Cümhuriyyətinin Mədəniyyət və Turizm Nazirliyinə ezam edilmişlər.

Hazırda Türkiyədə belə bir layihə TEDA (Türkiyə Ədəbiyyatına Dəstək Agentliyi) tərəfindən gerçəkləşdirilir. Azərbaycan nümayəndələri bu layihənin eksperti Ramazan Sıkı ilə görüşmüş, ondan TEDA proqramının icrası və əldə edilmiş nəticələr barədə geniş məlumatlar, müvafiq sənədlər almışlar.

Eyni zamanda müəllif hüquqlarının alınması və verilməsi, kitabların, musiqi əsərlərinin və dövri nəşrlərin beynəlxalq indeksləşdirilməsi, kodlaşdırılması (İSBN-İnternational Standard Book Number; İSSN - İnternational Standard Serial Number; İSMN-İnternational Standard Music Number) məsələləri barədə türkiyəli mütəxəssislərin fikirləri öyrənilmişdir.

Cari ilin fevral ayının 1-dən 5-dək Türkiyə Respublikasının Elazığ vilayətində keçirilən “Bakı - Elazığ Mədəniyyət və İncəsənət görüşü” keçirilmişdir. Görüşdə iştirak etmək üçün Mədəniyyət və Turizm Nazirliyinin təşkilatçılığı ilə bir qrup ədəbiyyat və incəsənət xadimi Türkiyə Respublikasının Elazığ vilayətinə ezam edilmişlər.

Görüş çərçivəsində Elazığ şəhərində Azərbaycan parkı və şəhidlərin xatirəsinə ucaldılmış abidənin təntənəli açılış mərasimi, Fırat Universitetinin Fırat TV Toplantı Salonunda “Manas” nəşriyyatı tərəfindən çap olunan “Cəfər Cabbarlının həyatı, sənəti və mücadiləsi” kitabının təqdimatı, Sivricə Öyrətməni Salonunda şair Almas İldırımın xatirəsinə həsr olunmuş “Almas İldırıma sayğı” toplantısı, Fırat Universitetinin Atatürk Konfrans Salonunda “Füzuliyə sayğı gecəsi” tədbirləri keçirilmişdir.

Elazığ şəhərindəki Bələdiyyə Mədəniyyət Mərkəzində Azərbaycan və türk dilinin, mədəniyyətinin, ədəbiyyatının inkişafındakı böyük xidmətlərinə görə Azərbaycan Yazıçılar Birliyinin sədri, Türk Dünyası İlin Ədəbiyyat Adamı, Xalq Yazıçısı Anara Fırat Universitetinin “Fəxri Doktor” diplomu təqdim olunmuşdur.

Görüş çərçivəsində keçirilən bu tədbirlər musiqi proqramları ilə müşayiət olunmuş, onların bəziləri yerli Fırat TV və TRT AVAZ TV ilə canlı yayımlanmışdır.





Dostları ilə paylaş:
  1   2   3


Verilənlər bazası müəlliflik hüququ ilə müdafiə olunur ©genderi.org 2019
rəhbərliyinə müraciət

    Ana səhifə