✦ ✦ ✦ Mədəniyyəti, incəsənəti yaşadanlar ✦ ✦ ✦
23
doğrudan da ürəklə, səmimiyyətlə dediyi bu orijinal fikirlər adamı
tutur. Sadə və dolğun, səmimi və mənalı... Burada yadıma Polad
Bülbüloğlunun ifa etdiyi gözəl mahnılar düşür. Mənim ən çox sev-
diyim mahnılar: ”Bir baxmısan, bir də bax”, “Elçilərim”. Bu mah-
nıların sözləri Fikrət Qocanın, musiqisi Polad Bülbüloğlunundur...
Fikrət Qocanın “Azərbaycan qadını” jurnalında çap olunmuş
“Ömür də bir mahnıdır” adlı məqaləsi isə şairin bir çox şeirlərinə
musiqi bəstələmiş tanınmış bəstəkar Firəngiz Babayeva haqqında-
dır. Şair bəstəkarla söhbətindən aldığı təəssüratı oxucularla
bölüşərək yazır: “...Ürəyimdə özümü danladım ki, heç bülbüldən də
soruşarlar ki, nə vaxt oxumağa başlamısan? Bülbül olmaq üçün gərək
elə bülbül yumurtasından çıxasan. Bəstəkar, rəssam, şair elə anadan
olan gündən ilk əsərini yazmağa başlayır. Bəstəkar, qulağı dünya
səslərini eşidəndən bu səslər arasından gələcək əsərlərinin xallarını
toplayır. Rəssam gözünü açan gündən dünyanın rəngləri arasından öz
rənglərini yığır, toplayır. Şair eşitdiyi ilk layladan, ilk nağıldan öz
sözlərini seçir. Sonra isə həyatdan çox şey asılı olur. Bir də görürsən
taleyin gətirməməyi üzündən, mühütdən, şəraitdən asılı olaraq adam
öz sənətinin dalınca gedə bilmir. Onda da olur şair ürəkli çoban,
rəssam ürəkli bənna, bəstəkar ürəkli nəqqaş. Bəlkə də bizim
nənələrimizin, babalarımızın taleyi belə olub. Bəlkə də biz onların
arzusuyuq, dünyaya gəlmişik. Firəngiz taleyi gətirənlərdəndir. Dün-
yada bəstəkar doğulub, sonra da səbrlə, inamla öz yolu ilə addımlayır.
Gündən-günə onun sənət yolundakı addımları daha möhkəm olur.
Onun mahnılarındakı həzin lirika get-gedə dərinləşir. Ən gözəl cəhəti
də odur ki, nə tünd kədərli olmur, nə də həddindən artıq parlaq
sevincli. O mahnılar kədərlə sevincin qovuşduğu yerdən keçir...”
Şairin adına xələl gətirməsəydi, Fikrət Qocanı həm də nəğməkar
şair adlandırardıq. Çünki onun yüzlərlə şeirinə musiqi bəstələnib.
Ən tanınmış bəstəkarlar onunla birlikdə işləyiblər: Tofiq Quliyev,
Arif Məlikov, Pamiz Mirişli, Emin Sabitoğlu, Müslüm Maqo-
mayev, Ağabacı Rzayeva, Şəfiqə Axundova, Vasif Adıgözəlov,
Oqtay Kazımov, Tahir Əkbər, Telman Hacıyev...
“Qarabağa aparan yol” qəzeti, 19.11.10
✦ ✦ ✦ Sona Xəyal ✦ ✦ ✦
24
VAHİD ƏZİZ POEZİYASINDA İNCƏSƏNƏT
Vahid Əziz yaradıcılığında sənətə, sənətkara xüsusi hörmət və
məhəbbət var. Amma Vahidin o qədər də məhsuldar şair olmadığını
nəzərə alsaq, sənəti tərənnüm edən şeirlərin azlığının bir səbəbini
anlamaq olar. Bu azlıq içində belə Vahidin həm şairlərə, həm də
incəsənət xadimlərinə münasibətini duymamaq mümkün deyildir.
Vahid təbiət qoynunda böyüyüb, boya-başa çatdığından onun xalq
şeirinə, xalq sənətinə sevgisi də təbiidir. Bu mənada “Sazım”,
“Tütək”, “Kərəmi çal”, “Qavaldaşda bir hava” və s. bu kimi şeirlər
diqqəti cəlb edir.
Coşdun el toyunda, susdun qəmində,
Səsin nər dizində, yar qədəmində.
Bir pərdən zilində, biri bəmində,
Mənim kövrək sazım, pərişan sazım.
Payına nə düşər Vahid Əzizdən,
Keçməsə Ələsgər saldığı izdən?
Simləri şimşəkdən, sədəfi közdən,
Sinəmin üstündə alışan sazım.
“Kərəmi çalın” adlı şeirdəsə “Sazım” şeirindəki tərənnümü
görmürük. Burada artıq dövr dəyişdiyindən, dərdlər də artıb,
əzablar da çoxalıb. Artıq yurd yerlərini itirən xalqın saza, sözə
münasibəti də dəyişib, müraciəti də. “Bir aşıq çağırın dastan
başında, Kərəmi alışsın dastan başında” misraları ilə söz başlayan
şair yurd yerindəki xəzandan danışır. “O dağlar dağılsın, mənə
qalmadı” deyən şairin artıq dağ çəkməyə sinəsi dözmür, Sarı Aşığı
haraylayır. Dərd qapını açandan, ellər zülmdən qaçandan şair
narahatdır. Şair şeirin sonunda olduqca gözəl, məntiqli fikirlər ve-
rir. Ötüşən vaxtın vaxt deyil, bəlkə də xəzəl olduğunu düşünən şair
“Ömür əzabıyla gözəldi, bəlkə” yazır və əli qələm tutanlara
müraciət edərək deyir ki, yazın, bəlkə də dünya bir yazıyla düzəldi.
Amma daha sonra şairin dərin təəssüfünün şahidi oluruq və şeir elə
beləcə də bitir:
✦ ✦ ✦ Mədəniyyəti, incəsənəti yaşadanlar ✦ ✦ ✦
25
Didərgin mən oldum, sizlərə nə var,
Ürəyim göynəyər, gözüm yalvarar.
Bilmirsiz qələmin min sifəti var,-
Demişdim çalanda, beləmi çalın?
“Qavaldaşda bir hava” şeirində də həmin dərdin, nisgilin səsi
eşidilir. “Qovhaqovdur, qaçhaqaçdır, Biri qovur, biri qaçır” mis-
ralarıyla sözə başlayan şair qəribə dünyanın bu qovhaqovuna,
qaçhaqaçına təəccüb edir. Burada bu qaçışmanı müxtəlif çalarlarda
görürük:”Biri qaçır irəliyə, Biri dönüb geri qaçır. Biri qaçıb dağa
çıxır, Sola qaçır, sağa çıxır. Ölü düşüb—diri qaçır, Biri yarıb yeri,
qaçır”, “Biri qaçır–can qurtarır, Biri ölür—can qurtarır”. Hər
şeydən əli üzülən şair axırda yenə də üzünü göylərə tutur:”Allah, bu
nə qaçhaqaçdır, Sonu nə vaxt olacaqdır?”...
“Tütək” adlı şeirdəsə daha böyük mətləblərin açıqlandığının
şahidi oluruq. “Dərə dodaqlarda dağılar sükut, Palıd barmaqlarda
səs düyün düşər” misralarıyla başlayan tərənnüm bayatılarımıza
qədər uzanır. Elə ilk misralardan şeirin poetikası adamı tutur. Şair
burada tütəyin həzin gileyini xatırlayır. Ürəyin sözünü yayan
tütəyin sədasını çölün, çəmənin həyanı sayır və yazır ki:”Qəzəbli
şimşəklər yaran qayanı Tütək bayatıyla sığallayıbdır”. “Böyük
danışanda belə susa bilməyən şair” tütək dinəndə susur, dumanda,
çəndə azmayan şair səslərin qoynunda azdığını etiraf edir. Şeir
şairin xalq şeirinə, soyumuza, kökümüzə, mədəniyyətimizə sonsuz
ehtiramının, sevgisinin ifadəsi olan misralarla bitir:
Ürəkdən ayrılan, ürəkdən qopan
Sükutu kitab tək varaqlayıbdır.
İtən quzunu da tütəkdən qopan
Mələr bayatılar soraqlayıbdır.
Hərdən kəsilsə də həzin sədası,
Demə bayatılar unudulubdur.
Yox! İndi bayatı ana laylası,
Bayatı min şirin nəğmə olubdur.
Vahid Əzizin Qara Qarayevə, Emin Sabitoğluya, Elmira Rəhi-
movaya, Brilyant Dadaşovaya həsr elədiyi şeirlər də maraqlıdır.
“Gəmi” adlı şeir “Xəbərin oldumu, ustad, nəhəng bir gəmini çağır-
dılar adınla” misralarıyla başlayır. Şair burada bəstəkarın düşüncələr
Dostları ilə paylaş: |