✦ ✦ ✦ Sona Xəyal ✦ ✦ ✦
26
içində səfərə çıxdığını xatırladır, hansı limandasa bir vaxt bir fırça
ustasının bəstəkarın bir anını “tutdu”ğunu qeyd edir və nəhayət, indi
də “Bəstəkar Qara Qarayev” gəmisinin uzaq ümmanlara yol almasını
arzulayır. “Səni sıxar, sıxar liman, Yeri, coşan dalğalara, Arxanca
boylansın işıqlı şəhər” deyə onu yola salır. Daha sonra şairin bəstəkar
haqqında düşüncələrini oxuyuruq. ”Azmı oldu anlamadım nə demək
istədiyini” etirafı da, “İndi anlayıram bir həqiqəti: gölün səsinə
öyrənən adam çətin dərk edir ümmanların harayını” təvazökarlığı da
Vahid Əzizin qəlbindəki dərin sevgidən, böyük ehtiram və hörmətdən
soraq verir. Şair hərdən dalğalarla baş-başa verib bəstəkarın
yazdıqlarını dinlədiyini bildirir:”Zülmət gecədə tənha qulaq asmaq
olmur sənə, kiməsə söykənmək istəyir adam”... Şair şeiri belə bitirir:
Sənin ürəyin barmaqlarının
ucundaymış,
Geniş ümmanlar ovcundaymış,
açdın buraxdın azadlığa,
İndi adını daşıyan gəmi
gedir ümmanlarla
dünyanı dolanmğa.
“Bəstəkar Qara Qarayev” gəmisi.
Elmira Rəhimovaya ünvanlanmış şeirdə şair müğənninin
nəğmələrinə, səsinə vurğunluğunu bildirir. “Bir durna qatarı uçdu
səsində” misrasıyla başlayan bu tərənnüm ulduzlara kimi axıb ge-
dir. Şair bu nəğməni vətənin düzlərində görür, müğənninin sevin-
cini, təbəssümünü nərgizin, lalənin gözlərində görür. Müğənninin
dinən tarın sədalarında yandığını, şirin arzularının elləri gəzdiyini,
küləklərin qanadlarında nəğmələrini düzlərə daşıdığını qeyd edir və
şeirini belə bitirir:
Üfüqlər dar gəldi təbəssümünə,
Ulduzlsr kövrəlib axdı yerindən.
Ömrümdən, günümdən qopub yenə də
Uçdun ulduzlara nəğmələrinlə.
Brilyant Dadaşovaya ithaf olunmuş şeirdə qəribə müraciətlər
var. Şairdir də…
Emin Sabitoğlunun ölümünə həsr olunmuş şeir öz tutumu, bədii
siqləti, obrazları və elə mövzusu ilə də diqqəti çəkir. Burada həm
✦ ✦ ✦ Mədəniyyəti, incəsənəti yaşadanlar ✦ ✦ ✦
27
dost ölümünə ağı deyilir, həm qürbətə yağı deyilir, həm də şair öz
gününə ağlayır. Nədənsə, bu şeiri yaralamaq, ondan bir parça sitat
vermək istəmirəm. Çünki, bu şeir elə bütövlükdə oxunmalıdır:
Mən bir qoltuq ağacı tək qürbət eldən
Bərk-bərk tutub yeriməkdə,
Ağrılarla dolu ürək ucuz canı sürüməkdə,
Bu Türkiyə sənin üçün gəzməyə qərib ölkəymiş,
Mən bir daha duydum bunu: bu ömür-gün heçnəymiş!
Qürbət – uzaq, Vətən – şikəst,
Vətənindən gedən – şikəst,
Bizi şikəst edən – şikəst,
Mən bir daha duydum bunu:
Dünya üçün doğulanlar məşəqqətdən keçməliymiş!..
Namərd içirtdi acını,
Bulmaq olmur əlacını.
Ölümündə andım bunu:
Atıb qoltuq ağacını qərib insan
Ölmək üçün vətəninə dönməliymiş…
Mən hələ ki, qürbət eldən
Bərk-bərk tutub yeriməkdə,
Ucuz canı, çəkildiyim çarmıx kimi – sürüməkdə…
Şeir 2000-ci ildə İstanbulda yazılıb. Amma indi Vahid Əziz
Bakıdadır...
Vahidin səhnə ustası Yaşar Nuriyə həsr elədiyi “Səhnəmizin
Yaşarı” adlı şeirdə aktyorun səciyyəsinin açıqladığının şahidi olu-
ruq. Səhnədə adi bir sözündən şimşək qopan, sənət yolunda çıraq
olan, nur saçan, parladıqca dağa dönən, ocağından, közündən
ürəklərə alov paylayan, məhəbbətdən xəbərsizə eşqin sirrini açan,
şair kimi, alim kimi sözün sehrini açan, həm səhnədə, həm həyatda
öz yerini bilən bir insan kimi təqdim olunan aktyor haqqında şairin
yekun sözü də səhnədəki tost kimi səslənir:
Bütün böyük sənətkarlar
Tarixlərdə baş olar.
Səhnəmizdə bir Yaşar var—
Səhnəmizi yaşadar!
✦ ✦ ✦ Sona Xəyal ✦ ✦ ✦
28
Vahid Əzizin sənətə, sənətkarlara həsr elədiyi şeirlər az olsa da,
hiss olunur ki, səmimidir. Vahid Əziz hər adama şeir yazan şairlərdən
deyildir. Amma bu heç də o demək deyildir ki, onun şeir həsr elədiyi
sənətkarlar, şeir yazmadığı sənətkarlardan daha yüksəkdir. Sadəcə,
Vahid Əzizin də sənət meyarlarına öz yanaşması var. Axı, insan da,
sənətkar da sənət əsəridir, o da zövqə görə qiymətləndirilir. Amma
Vahidin bu şeirlərində daha çox hiss-duyğu, daha çox sevgi, ehtiram
var. Görkəmli heykəltəraş professor Ömər Eldarova ünvanlanmış
“Mum kimi əriyər ovcunda mərmər” adlı şeirdə həm də gözəl obrazlar
vardır. Burada bir qədər də pafos var. Şair şeirdə sənətkarın portretini
yaradıb. Sanki heykəltəraşa öz sənətinə uyğun şəkildə abidə yonmaq
istəyib:
Palçıqdan yaratdı Tanrı insanı,
Sən onu daşlardan yaratdın, ustad.
İnsanı yaşadan–ürəyi, qanı,
Mərməri ruhunla yaşatdın, ustad.
Qranit səcdədə barmaqlarına,
Dağları əridər sənətkar əli.
Eldarov, varlığın Odlar yurduna
Məhəbbət heykəli, sevgi heykəli.
Vahidin sənətə, sənətkarlaraı təqdiri ilə paralel, sənəti ba-
yağılaşdıranlara qarşı iradlarını da görürük. “Sinə, çənə zənguləsi”
adlı şeirini şair “Bu millətə rəhm eləyin, telekanallar” harayı ilə
təqdim edir. Şair saxta təriflərlə yüksələnləri, qoltuğunda beş-altı
qarpız gəzdirən “populyarnı”ları, nə yollasa “ulduz” adı alanları,
“tanınmış, görkəmli, məşhur” olanları tənqid edir. Burada diqqəti
çəkən misralar vardır:“Segahı kövşəyir, “ulduz” deyirlər”, “Tanrı
ulduzları yanında tutub, Bəs bu qulbeçələr haradan çıxır”, “Layiqsiz
adamlar adlar alanda,-Fəxri ad səslənir ayama kimi”, “Tərifi bir
azca eşələyəndə, Diktorlar ya qohum, ya tanış çıxır. Sərçə var bir
azca tərifləyəndə, Efirə Bülbüldən “tanınmış” çıxır”, “Çənə
zənguləsi çörək qazanır, Sinə zənguləsi—ürəyə bağlı”...
“Ulu məkan”, qəzeti, 15.11.10
Dostları ilə paylaş: |