Xalq görsə inqilab olar
Salon-vaqonda yemək süfrəsi baĢında ikən qatarımız qələbəlik bir
stansiyada dayandı; burada bir az gözləyəcəkdi. Stalin Məhəmməd Əliyə pərdələri
endir dedi. Məhəmməd Əli:
-
YoldaĢ Stalin, bu niyə? - deyə soruĢdu.
-
Bayırdakılar masamızı görməsinlər, - dedi.
-
Görürlər görsünlər, nə olar ki?..
-
Qulaq asın, necə yəni nə olar, səfalət və məhrumiyyət içində olan xalq
bizim bolluq içində olduğumuzu görsə inqilab olar, bilmirsən?
Trotskiyə qarşı dərin bir nifrət
VətəndaĢ müharibəsi və inqilab zümrəsi içindəki çəkiĢmələrə, bolĢevik-
menĢevik münaqiĢələrinə aid cürbəcür mövzular ətrafında inqilab aktyorlarından
bəhs edən Stalin, Lenindən böyük bir ehtiramla bəs edir, onun rus olduğunu yerli-
yersiz qeyd edirdi.
O zaman adı Leninin adı ilə bərabər çəkilən Trotskinin hər Ģeydən əlavə
yəhudi olması səbəbindən baĢda ola bilməyəcəyini söylərdi. “Xalq dövlətin
baĢındakı Ģəxsə çox diqqət edir. Onun bütün sümüklərini bir-bir öyrənir, əslinə-
nəcabətinə əhəmiyyət verir” - deyirdi.
Bu arada bir münasibət gətirərək özünə Leninin nədən daima Lenin adı
yanında bir də Ulyanov adını qeyd etməyi unutmamasının səbəbini soruĢdum
(görünür, Lenin bunu özünün yəhudi deyil, əsl rus olduğunu göstərmək üçün
edirdi). Bir az düĢündü və: “Bunun səbəbini bilmirəm”, - dedi.
Lenin Stalin üçün “böyük bir müəllim”, “dahi bir rəhbər” idi. Nə qədər sərt
və çətin əmrləri olurdusa, bunları mütləq yerinə yetirmək onun üçün bir zövq idi.
Sarisın (sonra Stalinqrad) cəbhəsi müĢkül bir vəziyyətdə ikən Lenin nə bahasına
olursa-olsun Sarisını əldə saxlamalısan deyə göndərdiyi teleqrama Stalin “əlim
titrəməz!” deyə cavab vermiĢ və özündə zəiflik hiss edən hər kəsi güllələtmək
surətilə istənilən nəticəni təmin etmiĢdi.
Trotskiyə gəlincə, bu “əski menĢevik”dən Stalin istehza ilə danıĢırdı.
Stalinə görə o, təmtəraq sevən, xudpərəst, qeyri-səmimi, dəyərsiz, yalançı bir dil
pəhləvanı imiĢ. Uzun zaman bolĢevik əleyhdarı bir menĢevik ikən onun Leninə
yalnız son dəmdə “zəfər təranəsi çalaraq gəldiyini” istehzalı bir dillə qeyd edirdi.
1919-cu ildə VarĢava altındakı məğlubiyyəti üçün Qızıl Ordu Stalinin ifadəsinə
görə yalnız Trotskinin ədəbazlığına borclu imiĢ.
Antisemitizm
Trotskini tənqid və istehza edərkən Stalinin ifadəsindən çox da
gizlədilməyən bir antisemitizm qoxusu gəlirdi. Bir gün qatarımızın durduğu
stansiyaların birində bayırdan içəri girən Stalin müəmmalı bir əda ilə mənə xitab
edərək:
-
YoldaĢ
Rəsulzadə, Siz QaĢqar proletariatını tanıyırsınızmı?- deyə soruĢdu.
-
Orada proletariat nə gəzir! - deyə cavab verdim. O:
-
Hə!.. Cühudun (rusca həqarətlə deyilən “jid” təbirini iĢlədərək) birisi
gəlib, özünü mənə QaĢqar proletariatının nümayəndəsi deyə təqdim edir, belə
bir proletariatdan xəbərim yoxdur, deyə onu rədd etdim. - dedi.
Avropalılar haqqındakı hissiyatı
Çiçerinin xarici siyasətdəki rolunu da Slalin ciddi saymırdı. “Tülkü
avropalılar bizim hərif diplomatlarımızı aldadırlar” deyirdi. Gürcü və rus
dillərindən baĢqa bir dil bilməyən və Avropaya qısa müddətdə yalnız bir dəfə
Leninlə görüĢmək üçün gedən və orada ikən son dərəcə sıxılan Stalin Avropa
mədəniyyəti deyilən Ģey haqqında yüksək bir fikir sahibi deyildi. Onun üçün bu
mədəniyyət slavyanofillərin düĢündükləri kimi çürümüĢ bir mədəniyyət idi. Əsl
yeni və sağlam mədəniyyəti sovetlər yaradacaq, buradan dünyaya yeni bir iĢıq
yayılacaqdı.
Bu gün Rusiyada artıq çəkinmədən təriflənən mədəni sahədəki rus liderliyi
Stalinin söhbətlərində hələ o zaman sezilirdi. Rus onun üçün dünyanın mənən
olduğu kimi təbiətcə də ən məhsuldar bir milləti idi. Kənddə rast gəldiyi hamilə rus
qadınının “on beĢ uĢağım var, on altıncısı da elə buradadır”, deyə böyük bir
iftixarla qarnını göstərdiyini, bəhs etdiyi qadını təqlid edən bir jestlə canlandırırdı.
Avropa kapitalistləri öz mədəniyyətlərini ya Ġngiltərə və Fransa kimi
əllərinə keçirərək müstəmləkələrinə çevirdikləri ölkələr hesabına, ya da Almaniya
kimi məğlubiyyətə uğratdığı Fransanı hərraca qoymaq surəti ilə təmin etmiĢlər.
Sənayecə bu millətdən çox geri qalan Rusiyanı inkiĢaf etdirmək üçün daxili
müstəmləkəçilikdən istifadə etməkdən baĢqa bir çarə qalmamıĢdır. Leninin
təsəvvür etdiyi beĢillik plan isə inqilabi Rusiyanı bir an əvvəl sənayeləĢdirməyə
yönəlmiĢ bir əzmdir. Rusiyada əzəmətli bir sənayeləĢdirmə planı tətbiq olunacaq;
bu sahədə əsrlərin nəticəsi olan gerilik aradan qaldırılacaq; kommunist inqilabını
bütün dünyaya yaymaq üçün müstəmləkə və yarımmüstəmləkə halında olan bütün
ġərq millətlərinin Qərb kapitalistlərinə qarĢı apardıqları istiqlal mübarizəsinə özləri
həm dayaq, həm də rəhbər olacaq.
Stalinin bu yolda elə “siqayi-müzari” ilə (indiki-gələcək zaman formasında)
bəhs etdiyi planlara qarĢı cəbhədən hücum etmək bizim vəziyyətimizdə olanlar
üçün bir “nəzakətsizlik” olardı; /onun/ nəzəri-diqqətini görülmək üzrə olan iĢlərin