209
TORPAĞIN QORUNMASI VƏ SƏMƏRƏLİ İSTİFADƏSİ
12.1. Dünyanın torpaq resursları və istifadəsi
Qurunun sahəsi buzlaqlarla birlikdə 149 mln. km
2
təşkil edir. Bura həmçinin həyatsız səhralar, su anbarları
və torpaq örtüyü zəif inkişaf etmiş və ya dağılmış sahələr də daxildir .Bunlardan buzlaqlar 16 mln kv. km, buz-
laqlardan azad olmuş sahələr isə 133 mln. kv.km təşkil edir . Qurunun nisbətən istifadə üçün yararlı olan həssəsi
95 mln.km
2
, yaxud onun 64 % - ni tutur. Bu məhdud ehtiyat ərazidə bəşəriyyət yerləşmişdir.
Yuvarlaqlaşdırılmış rəqəmlərə görə demək
olar ki , qurunun 10% - i əkin sahəsi, 20 % - i otlaq , 30% - i me-
şələr və müxtəlif tipli yararsız sahələr 40% təşkil edir.
Bəzi ədəbiyyatlara əsasən kənd təsərrüfatı sahələri (əkin yeri, otlaq və istifadəyə potensial yararlı – yararsız
yerlər) qurunun 37% -ni , onun isə 1/3 – ni əkin sahələri tutur.
Dünyanın torpaq resurslarından son min illikdə istifadə olunmasının əsas xarakterik cəhəti əhalinin və ərzağa
olan tələbatın artımı ilə əlaqədar əkin sahəsinin artmasıdır. 12.1 saylı cədvəldən göründüyü kimi dünyada
torpaqların sahəsi hər bir iri rayon daxilində çox az dəyişmiş, meşələrin sahəsi isə azalmışdır.
Cədvəl 12.1.
Təbii zonanın xüsusiyyətindən asılı olaraq əkin sahəsinin artması ya meşələrin yox edilib şumlanması , ya-
xud da bozqır , preriy , savanna və başqa meşəsiz landşaftların əkin sahəsinə çevrilməsi hesabına olmuşdur.
Qeyd etmək lazımdır ki , bu və ya digər torpaq sinfinin sahəsinin dəyişməsi mürəkkəb proses olub bir çox tə-
bii və antropogen faktorlardan asılıdır. Belə ki, şumlanmış ərazinin bir hissəsi sonralar kol , meşə və otla örtülə
bilər.
Bununla yanaşı torpaq sahələrinin yerdəyişməsi də müşahidə olunur. Dünya əhalisinin artması insanların
yerləşməsi və onların xidmət sahələri ilə təmin olunması , məsələn , zibilxanalar və onların işlənməsi yerləri ,
yollar , avtomobil dayanacaqları , kollektiv nəqliyyat yerləri və s – nin sahələrinin artırılması lazım gəlir.Bir
qayda olaraq şəhər kateqoriyası üçün yaşayış məntəqələri salmaq daha əlverişli olan ən yaxşı kənd təsərrüfatı
sahələri, o cümlədən əkin yerləri ayrılır .
Hazırda dünyada əkin sahələri 15 mln.kv.km təşkil edir, son 20 ildə demək olar ki , onun artımı dayanmışdır.
Bu əkinçilik üçün yararlı sahələrin demək olar ki, qurtarması ilə bağlıdır. Dünyada hər adam başına düşən əkin
sahəsi azalmağa doğru gedir. Belə ki , 1700 – 1950 – ci illərdə adam başınıa 0,41 – 0,48 ha əkin sahəsi düşürdü .
211
Şimali Amerikada və Şərqi Rusiyada və Qazaxıstanda yeni kənd təsərrüfatı sahələrinin ( xam torpaq-
ların ) istifadəyə verilməsilə əlaqədar uzun illər bu rəqəm stabil qalmışdır.
Lakin XX əsrin ikinci yarısında əhali artımı ilə əlaqədar adambaşına düşən əkin sahəsi 1980-cı ildə 0,34
ha, 1990-cı ildə isə 0,29 ha-ra qədər azaldı. Əkin sahəsinin çoxalmaması , əhalinin isə artımı şəraitində
bu göstərici sonrakı illərdə də azalmaqda davam edir.
Cənubi Amerika və Afrikada rütubətli ekvatorial zonada geniş massivlər əkinçilikdə istifadə olunmur.
Bu zonada hələ ki, əkinçiliyin dayanıqlı ekoloji metodları tapılmayıb. Əlbət ki, rütubətli ekvatorial meşə-
lərin əkin sahəsinə çevrilməsini düzgün hesab etmək olmaz. Çünki bu qlobal ekoloji tarazlığın pozulma-
sına gətirib çıxarar.
Ərzağa olan tələbatın durmadan artması və dünya iqtisadiyyatının genişlənməkdə davam etməsi tor-
paq resurslarının istifadəsinin və onun vəziyyətinin strategiyasına ciddi təsir göstərir. Əgər istehsala yeni
torpaq sahələri cəlb etməklə ərzağa olan tələbatı ödəmək mümkün deyilsə, onda yalnız başqa yol, yəni
kənd təsərrüfatının səmərələşdirilməsi yolu ilə torpağın münbitliyinin artırılması lazımdır. Lakin bu yol
ekosfer üçün, o cümlədən həyatın əsası sayılan pedosferin dayanıqlı mövcudluğuna ciddi təhlükə yara-
dır. Belə təhlükə kənd təsərrüfatı fəaliyyətində artıq müxtəlif cür real olaraq özünü göstərir. Kənd tə-
sərrüfatının sonrakı səməriləşdirilməsində bu təhlükə daha da güclənə bilər.
12.2. Su və külək eroziyası
Torpaq eroziyası təbii geomorfoloji proses olub yer relyefinin əmələ gəlməsində böyük rol oynayır.
Təbii su eroziyası adətən torpağın bütöv bitki örtüyü ilə mühafizə olunduğu landşaft zonalarında müşahi-
də olunur. Dünyada torpağın təbii su eroziyasının yayılması coğrafi zonallıq qanununa tabedir.
Təbii külək eroziyası əsasən arid zonalarda ( yarımsəhra və səhra ) baş verir .Təbii
eroziya prosesi
zəif getdiyi üçün müşahidə olunmur, belə ərazilərdə torpaqəmələgəlmə prosesi nəticəsində torpaq bərpa
olunur.
Eroziya prosesinin əmələ gəlməsinin və inkişafının əsas səbəbi kənd təsərrüfatı hesab olunur. İnsanın
təsərrüfat fəaliyətilə əlaqədar olaraq yamacların kənd təsərrüfatı bitkiləri altında istifadə olunması , otlaq
və örüşlərin intensiv otarılması , meşələrin məhv edilməsi , torpağın yamac boyu şumlanması eroziya pro-
sesinin güclənməsinə səbəb olur.
Eroziya prosesi dedikdə torpağın üst münbit qatının yağış və qar suları vasitəsilə yuyulub aparılması
, həmçinin külək tərəfindən sovrulub dağılması başa düşülür. Deməli torpaq eroziyasının əsas iki tipi ay-
rılır – su və külək eroziyası . Su eroziyası da öz növbəsində səthi və xətti (yarğan) eroziyasına bölünür.
Şəkil 12.2.
Yamaclarda səthi eroziya prosesinin inkişafı nəticəsində torpağın münbitliyi aşağı düşür, kənd təsərrüfatı bit-
kilərinin məhsuldarlığı azalır . Məhsulun keyfiyyəti aşağı düşür. Eroziya prosesi zamanı bəzən torpağın şum qatı
tamamilə yuyulub aparılır.
Torpaq eroziyası zamanı torpaqda azot, fosfor və kaliumun mənimsənilən formaları, bir çox mikroelement-
lər ( yod, mis, sink, kobalt, marqans, nikel, molibden ) də azalır. Bununla da həm məhsuldarlıq, həm də kənd
təsərrüfatı məhsulunun keyfiyyəti aşağı düşür.
Eroziya zamanı yağmurların çox hissəsi yamaclardan axıb getdiyindən, həm də eroziyaya uğramış torpaqla-
rın fiziki xassələri pisləşdiyindən torpaq səthindən buxarlanmaya və transpirasiyaya çox su sərf olunur, bununla
da torpaqda quraqlıq yaranır.Çox vaxt eroziya gedən rayonlarda baş verən quraqlığı «eroziya quraqlığı» adlan-
dırırlar .