Əlavə. Kant nəzəri zəkaya aid etdiyini (sərbəst özünütəyin etməni) qəti olaraq praktiki zəkaya aid edir. Bu, Kant
fəlsəfəsinin özünə çoxlu tərəfdarlar tapan tərəfidir və buna layiqdir. Bu münasibətlə Kanta məxsus olan xidməti
qiymətləndirmək üçün biz, öncə Kantın hökmran tutduğu praktiki formanı, özəlliklə əxlaq fəlsəfəsini xatırlamalıyıq.
Əxlaq fəlsəfəsi, ümumiyyətlə, insanın təyinatı haqqında suala cavab verən evdomonizm sistemidir ki, bu sistemə görə
insan xoĢbəxtliyə nail olmağı özünün məqsədi etməlidir. XoĢbəxtlik adı altında bu sistem insanın özəl yönəliĢlərinə,
istəklərinə, tələbatlarına və s. münasibətdə təmin olunmasını baĢa düĢdüyündən təsadüfi və partikulyar44 olanı iradənin
və onun fəaliyyətinin prinsipi etmiĢdi. Özündə hər cür möhkəm əsasdan məhrum olan və hər cür özbaĢınalığa və kaprizə
geniĢ qapı açan bu evdomonizmə qarĢı Kant praktiki zəkanı qoymuĢ və beləliklə də iradənin ümumi və hamıya eyni
dərəcədə aid olan tərifinin verilməsi tələbini irəli sürmüĢdür. Əvvəlki paraqrafda söylədiyimiz kimi, Kant nəzəri zəkaya
yalnız sonsuzun müsbət məzmundan məhrum mənfi qabiliyyəti kimi baxdığı, yalnız sonlu təcrübi idrakı gözdən
keçirməklə yetindiyi halda, iradəyə özü-özünü ümumi qaydada, yəni fikirlə mıəyyən etmək qabiliyyəti aid etmək
anlamında praktiki zəkanın müsbət sonsuzluğunu qəbul etdi. Ġradədə, Ģübhəsiz, bu qabiliyyət var və bilmək olduqca
önəmlidir ki, insan yalnız bu qabiliyyətə malik olduğu və öz hərəkətlərində ondan istifadə etdiyi üçün azaddır. Lakin
bunu etiraf etməklə biz hələ iradənin və ya praktiki zəkanın məzmunu haqqında suala cavab vermirik. Əgər söyləsək ki,
insan xeyri öz iradəsinin məzmunu etməlidir, onda bu məzmunun məzmunu barədə,
yəni onun müəyyənliyi barədə
yenidən sual yaranır; yalnız təkcə iradənin özünün özü ilə razılaĢması prinsipi ilə, eləcə də təkcə borcun borc naminə
yerinə yetirilməsi tələbilə biz durduğumuz yerdən hərəkət edə bilmərik.
§ 55
c) Mühakimənin refleksiyaedici gücünə Kant seyrçi idrak, yəni ümumi (abstrakt eyniyyət) üçün təsadüfi olan və
ümumidən irəli gəlməyən xüsusinin bu ümumi ilə müəyyənləĢdirildiyi abstrakt idrak (рассудок) prinsipini aid edir.
Təcrübə bizə onu incəsənət əsərində və üzvi təbiətdə verir.
Qeyd. Mühakimənin gücünün tənqidi o yöndən çox yaxĢıdır ki, bu tənqiddə Kant ideya haqqında təsəvvür və hətta
fikir söyləmiĢdir. Ġntuitiv əqli düĢüncə, iç məqsədəuyğunluq və s. haqqında təsəvvür ümumidir, həm də özündə konkret
kimi düĢünüləndir. Yalnız bu təsəvvürlərdə Kant fəlsfəsi özünü spekulyativ fəlsəfə kimi aĢkar edir. Ġncəsənətdə gözəllik
– fikir və hissi təsəvvürün konkret vəhdəti – ideyasında çoxları, özəlliklə ġiller, fərqləndirici düĢüncənin
abstraksiyalarından çıxıĢ yolu tapdılar; baĢqaları bu çıxıĢ yolunu seyrdə və təbii və ya intellektual olmasından asılı
olmayaraq, ümumiyyətlə, zərurilik, aktuallıq Ģüurunda tapdılar. Doğrudur, incəsənət əsəri canlı fərdilik kimi
məzmununa görə məhduddur. Lakin Kant dünyanın son məqsədi kimi düĢündüyü azadlıq məqsədilə təbiətin (və ya
zərurətin) harmoniyasını əsas götürməklə, həmçinin məzmunca önəmli olan ideya irəli sürmüĢdür. Ancaq fikir bu
yüksək ideyaya çatdıqda, necə deyərlər, tənbəlliyi üzündən zərurətdə əl yeri tapır və son məqsədin gerçəkləĢməsi yerinə
anlayıĢın və reallığın bir-birindən ayrılığından möhkəm yapıĢır. Əksinə, canlı təbiətdə orqanizmlərin varlığı və
incəsənətdəki gözəllik artıq idealın gerçəkliyini hətta hissə və seyrə də göstərir. Bu predmetlər haqqında Kant
düĢüncələri Ģüura konkret ideyanı düĢünməyi və dərk etməyi öyrədən gözəl bir giriĢ ola bilərdi.
§ 56
Burada Kant düĢüncənin ümumiliyi ilə seyrin xüsusiliyi arasında nəzəri və praktiki zəka haqqında təlimin özülündə
duran münasibətdən fərqlənən baĢqa bir münasibət barəsində fikir irəli sürür. Ancaq yenə də bu fikirlə bu münasibətin
həqiqiliyinin və hətta həqiqət olduğunun baĢa düĢülməsi birləĢmir. Burada vəhdət, əksinə, elə götürülür ki, o, sonlu
hadisələrdə gerçəkləĢir və təcrübədə aĢkar olunur. Bu təcrübə hər Ģeydən öncə subyektdə: birincisi, dühada, estetik
ideyalar, yəni təxəyyülün azad gücünün ideyaya xidmət edən və təfəkkürə qida verən təsəvvürlər (onların məzmunu
anlayıĢda ifadə olunmasa və ya oluna bilməsə də) yaratmaq qabiliyyətində; ikincisi, zövqün mühakiməsində, azad
Ģeylərin və ya təsəvvürlərin düĢüncənin qanunauyğunluqları ilə harmoniyası hissində aĢkar edilir.