Əlavə. Əgər anlayıĢı, bizim durada etdiyimiz kimi, varlığın və mahiyyətin həqiqəti adlandırırlarsa, onda sual yaranır ki,
nə üçün biz anlayıĢdan baĢlamadıq. Bu sualın cavabı budur ki, söz düĢünən idrakdan getdikdə həqiqətdən baĢlamaq
olmaz, çünki baĢlanğıc qismində həqiqət yalnız inandırmaya əsaslanır, fikri həqiqət isə özünü təfəkkürlə sübut etməlidir.
Əgər biz məntiqin baĢlanğıcında anlayıĢı qoysaydıq (bu məzmunca tamamilə düzgün olsa da), onu varlığın və
mahiyyətin vəhdəti kimi müəyyən etmiĢ olardıq, onda sual yaranardı ki, varlıq və mahiyyət adları altında nəyi
düĢünmək lazımdır və varlıq və mahiyyət anlayıĢda necə vəhdətdə olurlar. Deməli, o zaman belə çıxardı ki, biz
mahiyyətcə deyil, yalnız ada görə anlayıĢdan baĢlamıĢıq. Həqiqi baĢlanğıc varlıq ola bilərdi və biz də varlıqdan
baĢladıq, ancaq fərq bundadır ki, həm varlığın, həm də mahiyyətn təriflərini bilavasitə təsəvvürdən götürmək əvəzinə
biz, varlığı və mahiyyəti onların dialektik inkiĢafında gözdən keçirdik və anlayıĢın vəhdətinə keçmək üçün onları
özlərinin özlərini aradan qaldırmasında dərk etdik.
ÜÇÜNCÜ BÖLÜM
ANLAYIġ HAQQINDA TƏLĠM
§ 160
AnlayıĢ özü üçün mövcud olan substansial güc kimi azaddır və momentlərindən hər biri anlayıĢı təmsil edən bir tam
kimi onunla ayrılmaz vəhdətdə olan totallıqdır; beləliklə, anlayıĢ özünün özü ilə eyniyyətində özündə-və-özü-üçün-
müəyyəndir.
Əlavə. AnlayıĢ baxıĢı ümumiyyətlə mütləq idealizm baxıĢıdır və fəlsəfədə Ģüurun özünün bilavasitəliyində mövcud və
müstəqil saydığı bütün digər Ģeylər yalnız ideal momentlər kimi dərk edildiyindən fəlsəfə anlayıĢlar vasitəsilə
gerçəkləĢən idrakdır. Abstrakt məntiqdə anlayıĢ adətən təfəkkürün ancaq sadə forması kimi və daha dəqiq deyilərsə,
ümumi təsəvvür kimi öyrənilir; anlayıĢın bu asılı (untergeordnete) baĢa düĢülməsinə duyğu və ürəkdən gələn və tez-tez
təkrar olunan bu fikir aiddir ki, guya anlayıĢ cansızdır, məzmunsuzdur və abstraktdır. Əslində isə hər Ģey əksinədir:
anlayıĢ hər bir həyatın prinsipidir, deməli, bütünlüklə konkretdir. Bu indiyədək edilmiĢ bütün məntiqi hərəkətdən doğan
sonucdur və ona görə də burada sübuta ehtiyac yoxdur. Guya yalnız formal olan anlayıĢa qarĢı irəli sürülən forma və
məzmunun əksliyinə gəlincə isə, refleksiyanın üzərində möhkəm durduğu bu əksliyi bütün baĢqa əksliklərlə birlikdə,
biz, dialektikcəsinə (yəni əksliyin özü ilə) aradan qaldırılmıĢ əksliklər kimi artıq arxada buraxmıĢıq və anlayıĢda
təfəkkürün bütün öncəki tərifləri bərtərəfləĢmiĢdir. Əlbəttə, anlayıĢa forma kimi, ancaq hər cür məzmunun bütövlüyünü
özünə daxil edən və bununla birlikdə onun qaynağı olan sonsuz, yaradıcı forma kimi baxmaq lazımdır. Əgər konkret adı
altında yalnız hissi konkret və ümumiyyətlə bilavasitə qavranılan baĢa düĢülərsə, onda anlayıĢı abstrakt da adlandırmaq
olar; anlayıĢa əllə toxunmaq olmaz və söz anlayıĢdan getdikdə, biz görməni və eĢitməni kənara qoymalıyıq. Lakin,
yuxarıda qeyd edildiyi kimi, anlayıĢ həm də bütünlüklə konkret olduğundan burada varlıq və mahiyyət vəhdətdədir və
deməli, varlıq və mahiyyət sferalarının bütün zənginliyi anlayıĢdadır.
Əgər, az öncə qeyd etdiyimiz kimi, məntiqi ideyanın ayrı-ayrı pillələri mütləqin tərifləri, definisiyaları ardıcıllığı kimi
araĢdırılarsa, onda mütləqin burada verdiyimiz tərifi belə səslənər: mütləq anlayıĢdır. Əlbəttə, bu zaman anlayıĢı bizim
subyektiv təfəkkürümüzün yalnız özündə məzmunsuz forması kimi anlayan abstrakt mətiqdən fərqli olan yüksək
anlamda baĢa düĢülməlidir. BaĢqa bir sual da qoymaq olar: əgər spekulyativ (dialektik – A. T.) məntiqdə anlayıĢ adətən
bu deyimlə bağlanan anlamdan fərqlənən tamamilə baĢqa bir anlam daĢıyırsa, onda nə üçün burada biz onu tamamilə
baĢqa bir anlayıĢ adlandırıb anlaĢılmazlıq və dolaĢıqlıq üçün əsas veririk? Belə suala cavab verərdik ki, formal məntiq
anlayıĢı ilə spekulyativ məntiq anlayıĢı arasında məsafə nə qədər böyük olsa da yaxından baxdıqda görünür ki, "anlayıĢ"
termininə verilən dərin anlam, məna ilk baxıĢda göründüyü kimi onun adi mənada iĢlədilməsinə o qədər də yad deyil.
Hansısa bir məzmunun (məsələn, mülkiyyətin hüquqi təriflərinin) mülkiyyət anlayıĢından hasil edilməsindən, eləcə də
əksinə – bu məzmunun anlayıĢa bərabər tutulmasından danıĢılır. Ancaq bununla etiraf edirlər ki, anlayıĢ nəinki özündə
məzmunsuz forma deyil, belə ki, bir tərəfdən bu cür formadan heç nə hasil etmək olmaz, digər tərəfdən, bu məzmunu
boĢ anlayıĢ formasına bərabər tutmaqla ancaq məzmunun özünü müəyyənlikdən məhpum etmək olar və o dərk olunmaz.
§ 161
AnlayıĢın irəliləmə hərəkəti daha nə keçid, nə də baĢqasında görüntü olmayıb inkiĢafdır, belə ki, fərqləndirilən eyni
zamanda bilavasitə baĢqası ilə və tamla eyniyyət kimi düĢünülmüĢ və müəyyənlik anlayıĢın tamlığının azad varlığı
sayılmıĢdır.
Əlavə. Varlıq sferasında baĢqasına keçid dialektik prosesdir, baĢqasında görüntü isə mahiyyət sferasında dialektik
keçiddir. AnlayıĢın hərəkəti isə əksinə, yalnız artıq özündə olanın müəyyənləĢməsi vasitəsilə inkiĢafdır.
AnlayıĢın pillələrinə təbiətdə üzvi həyat uyğun gəlir. Belə ki, məsələn, bitki öz rüĢeymindən inkiĢaf edir. RüĢeymdə
bitki artıq tam halda vardır, ancaq bu tamlıq ideal haldadır və biz onun inkiĢafını elə baĢa düĢməməliyik ki, bitkinin
ayrı-ayrı hissələri – kökü,gövdəsi, yarpaqları və i. a. – guya artıq rüĢeymdə real, ancaq çox kiçildilmiĢ halda mövcuddur.
Bu hipotezun qüsuru ondan ibarətdir ki, yalnız ideal halda olana mövcudluq kimi baxılır. Bu hipotezdə düzgün olan isə
odur ki, anlayıĢ öz prosesində özü olaraq qalır və odur ki, onun vasitəsilə heç bir yeni məzmun düĢünülmür, ancaq
formanın dəyiĢilməsi baĢ verir. AnlayıĢın özünü öz prosesində özünün inkiĢafı kimi göstərən bu təbiəti hətta insanda
anadangəlmə ideyalar haqda təsəvvürdə, yaxud biliyin əldə olunmasına xatırlama kimi Platondan gələn baxıĢda da
nəzərdə tutulur. Amma elə baĢa düĢmək olmaz ki, guya Ģüurun təlim nəticəsində inkiĢaf etmiĢ məzmunu təlimdən öncə
artıq Ģüurun özündə inkiĢaf etmiĢ və müəyyən formada mövcud idi. AnlayıĢın hərəkətinə biz, yalnız oyun kimi
baxmalıyıq, yəni bu hərəkətdə nəzərdə tutulan baĢqasına əslində baĢqası kimi baxılmamalıdır. Xristianlıq təlimində
anlayıĢın bu hərəkəti belə ifadə olunmuĢdur: allah nəinki ona qarĢı duran dünyanı yaratdı, həm də mövcudluqdan
yaratdığı oğlunda özü olaraq qaldı.
§ 162
AnlayıĢ haqqında təlim: 1) subyektiv və ya formal anlayıĢ haqqında təlimə; 2) bilavasitəliyə aid müəyyənləĢmiĢ
anlayıĢ haqqında və ya obyektivlik haqqında təlimə; 3) ideya haqqında, subyekt-obyekt, anlayıĢ və obyektivliyin vəhdəti
haqqında, mütləq həqiqət haqqında təlimə ayrılır.
Qeyd. Adi məntiqə burada (Məntiq elmi əsərində – A. T.) bütün məntiqin üçüncü hissəsini təĢkil edən predmetlərdən
baĢqa yuxarıda gözdən keçirilmiĢ təfəkkür qanunları deyilən qanunlar da daxildir; tətbiqi məntiqdə isə hələ nə isə
saxlanılır. Lakin onu psixoloji, metafizik və hətta empirik materialla əlaqələndirirlər, çünki təfəkkürün bu formaları
özlüyündə yetərli deyil; ancaq bu materialın daxil edilməsi ilə məntiq elmi öz yönümünü itirdi. Hər halda məntiqin
xüsusi sahələrinə daxil olan təfəkkür formaları isə məntiqi, rasional təfəkkürün deyil, yalnız hissi təfəkkürün tərifləri
kimi gözdən keçirilir.
Yuxarıda göstərilən məntiqi təriflər, varlığın və mahiyyətin tərifləri təkcə fikir tərifləri deyil; bu təriflərdə dialektik
moment vardır və bu moment onların bir-birinə keçidlərindən ibarətdir; bu dialektik momentdə, keçiddə və özlərinin
özlərinə qayıdıĢında, totallığında bu təriflər anlayıĢlar kimi aĢkar olunurlar. Lakin o anlayıĢlardan (
§ 84 və 112-də gözdən keçirilən anlayıĢlar) hər biri o birinin keçdiyi baĢqası olduğundan və ya biri o birindəki
görüntüsü (scheint) ilə iĢıqlandığından yalnız müəyyən anlayıĢlar, özündə anlayıĢlar, yaxud bizim üçün anlayıĢlardır
(özündə və bizim üçün eyni məna daĢıyır), deməli, nisbi, xüsusi kimi müəyyənləĢmiĢ anlayıĢlardır, onların üçüncüsü
hələ təkcə və ya subyekt kimi dürüstləĢməmiĢdir, tərifin öz əksliyi ilə eyniyyəti, azadlığı müəyyənləĢməmiĢdir, çünki bu
tərif ümumi deyildir. AnlayıĢlar adı altında adətən hissi idrakın təriflərini və ya yalnız ümumi təsəvvürləri baĢa düĢürlər;
onlar ümumiyyətlə sonlu təriflərdir (
Dostları ilə paylaş: |