22
tərtib olunmalı, tədbirin keçiriləcəyi vaxt müəyyən olunmalıdır.
Proqramda
konfransda
çıxış
edəcək
qonaqların,
ədəbiyyatşünasların və şagirdlərin adları, onların çıxış
edəcəkləri mövzular, tədbirin keçiriləcəyi məkan və zaman
qeyd olunur. Konfrans zamanı Fərman Kərimzadə
yaradıcılığına yaxından bələd olan jurnalist, yazıçı və şairlərin
çıxışları dinlənilir. Yaxşı olar ki, konfransa yazıçının
yaradıcılığı ilə daha yaxından maraqlanan professor Yavuz
Axundlu, xalq şairi Sabir Rüstəmxanlı, professor Qəzənfər
Paşayev, yazıçının qızı Yeganə Kərimzadə, jurnalist Təranə
Vahid dəvət olunsun. Oxucu konfransının planını sizə təqdim
edirik:
1. Giriş hissə (Fərman Kərimzadə həyat və yaradıcılığı
haqqında məruzə)
2. Fərman Kərimzadənin yaradıcılığı haqqında kitabxana
rəhbərliyinin, jurnalist, yazıçı və şairlərin çıxışları.
3.Yuxarı sinif şagirdlərindən ibarət oxucuların Fərman
Kərimzadənin müxtəlif əsərləri ətrafında məruzələri.
4. Konfransın yekunu.
Yubiley tədbirləri arasında xatirə gecəsi özünəməxsus yer
tutur. Xatirə gecəsinə müxtəlif başlıqlar vermək olar: “Xalqa
aşırımın o üzündəki həqiqəti göstərən sənətkar”, “Tarixi
romanlar müəllifi Fərman Kərimzadə”, “ Fərman Kərimzadə
bir insan kimi...”, Aşırımın o üzündəki həqiqət…». "Qarlı
aşırımdan Axırıncı aşırıma doğru”, , “Ölümsüzlüyün
zirvəsinə ucalan insan” və s.
Fərman Kərimzadəyə həsr olunmuş xatirə gecəsinin
ssenarisini sizə təqdim edirik.
(Tədbir kitabxana rəhbərliyi tərəfindən açıq elan olunur.
Xatirə gecəsinə Fərman Kərimzadə yaradıcılığına yaxından
23
bələd olan tanınmış yazıçılar, tənqidçilər, jurnalistlər dəvət
olunurlar. )
I aparıcı: - Salam hörmətli qonaqlar, əziz dostlar.
II aparıcı: - Bildiyimiz kimi, bu il söz ustası, tarixi romanlar
müəllifi kimi tanınan yazıçımız Fərman Kərimzadənin 80 illik
yubileyi qeyd olunur. Bu münasibətlə kitabxanamızda təşkil
olunmuş xatirə gecəsində hamınızı xoş gördük.
I aparıcı: - Çoxəsrli Azərbaycan ədəbiyyatı tarixində Fərman
Kərimzadə adı və yaradıcılığı xüsusi yer tutur. Yazıçı Fərman
Kərimzadə doğma xalqın milli-mənəvi sərvətinin inkişafına
ömrünü səxavətlə sərf etmiş, ona öz yazışı, publisist qələmi ilə
xidmət göstərmişdir. Görkəmli söz ustası geniş planlı
əsərlərində millətinin həyatını, eyni zamanda doğma yurdun
mənzərələrini, tarixini əks etdirmişdir.
II aparıcı: - İnsan tarıxdə, ürəklərdə əməllərilə yaşayır...
Fərman Kərimzadə insanlara qəlbən bağlı idi. O, yaşamağı,
həyatı, təbiəti çox sevirdi. İçindəki göynərtisi, iztirabı, başının
üstündəki tüstü-dumanıyla sanki Ağrı dağıydı.”Vedinin yanı
dağlar” deyimini eşidəndə gözündən gilə-gilə yaş axardı. Ağlı,
mənəvi saflığı ilə Tanrı onu xoşbəxt yaratmışdı. Ancaq onun
içində ağır yurd həsrəti vardı...
I aparıcı: - O, həm də zərif, incəduyumlu şeirlər müəllifi idi.
Hər dəfə onun ssenarisi əsasında çəkilən “Axırıncı aşırım”
bədii filmi ekranlarda nümayiş etdiriləndə millətimizin
yaşadığı çətin günlər, keçdiyi ağır yollar yenidən göz önündə
canlanır. Abasqulu bəy kimi vətənpərvərlərdən, Kərbəlayi kimi
“Namus-qeyrəti, duz-çörəyi” urvatlı tutanlardan qürur hissi
duyuruq.
II aparıcı: - Azərbaycan ədəbiyyatının görkəmli nümayəndəsi
Fərman Kərimzadə zəngin ədəbi-bədii irs yaratmış, istedadlı
nasir, publisist və ictimai xadim kimi şöhrət qazanmışdır. O,
uşaqlıq illərini Ağrı dağının romantik qoynunda yerləşən
24
cənnət Vedibasarda keçirmiş, mənəvi aləmini zənginləşdirmiş,
təbiətin gözəlliklərindən zövq almışdır. Kafiq qalası, Görsən
dağları, soyuq bulaqlar, şır-şır axan çaylar, al-yaşıl geyinmiş
bağlar-bağatlar, nərgizli, bənövşəli, yasəmənli tarlalar,
çəmənliklər, Dədə Qorqud keçən müqəddəs yerlər Fərman
Kərimzadəni təbiətin vurğunu etmişdir. İnsan qəlbini təlatümə
gətirən bu yerlər, cənnətməkanlar F.Kərimzadənin bədii-estetik
zövqünün zənginləşməsində müstəsna rol oynamışdır.
I aparıcı: - Fərman Kərimzadə alovlu qəlbinin arzu və
istəklərini poetik dillə ifadə etmişdir.
Gördüyüm iş əbədiymiş, dərinmiş,
Bu qayalar Qorqud nəğmələriymiş
Pərdəsi daş, qundağı daş, simi daş,
Bu tamburu çalan lazım, a qardaş.
Vətən niskili, yazılmamış sənət inciləri, deyilməmiş publisist
sözləri qəlbində qalan Fərman Kərimzadə doğma ata-baba
yurdu Vedi həsrətilə dünyasını dəyişmişdir. Xalq şairi Səməd
Vurğun gözəl demişdir ki, vətəninin, elinin qədrini bilən,
sevərək yaşayan, sevilərək dünyasını dəyişən sənətkarlar
ölmürlər, zəngin bədii irsilə əbədi yaşayırlar. Fərman
Kərimzadə ölümsüzlüyün zirvəsinə ucalan və milyonların
qəlbində əbədi yaşayan sənətkardır.
II aparıcı: - Fərman Kərimzadə maraqlı yazıçı olduğu kimi,
həyatda da özünəməxsus insan idi. Bütün ağlı, insanlığı,
mənəvi gözəlliyi ilə Allah onu xoşbəxt yaratmışdı. Amma bu
xoşbəxtliyin içində kənardan heç kəsin görmədiyi, duymadığı
bir dərd vardı... Yurd həsrəti, vətən dərdi.
I aparıcı: - Doğrudan da, Fərman Kərimzadənin ədəbi taleyi
ilə şəxsi taleyi arasında qəribə bir oxşarlıq vardı. Əsrlər boyu
xalqının başına gələn dərdlər, faciələr, bəlalar onun da
taleyindən yan keçməmişdi. XX əsrdə ən faciəli tarixini
yaşayan Vedi və vedililər dəfələrlə məkrli erməni siyasətinin
25
qurbanı olub, deportasiyaya məruz qalıb. 1948-ci ildə başlanan
deportasiyada onun da nəsli, el-obası sürgünlərə, səs-küysüz
soyqırımlara düçar oldu. Fərman Kərimzadə də bu taleyi
yaşadı. Ancaq illər keçsə də Vedini unuda bilmədi. Ağrı
dağının ağrılarını ürəyində daşıdı. 1988-1989-cu illərdə
Vedinin qara günləri yenidən başladı. Bu dəfə dərd batmanla
gəldi. Bu dəfə Vedidə bir nəfər də azərbaycanlı qalmadı.
II aparıcı: - Fərman Kərimzadə vətənini çox sevirdi. Bu özgə
bir sevgi idi. Bəlkə ona görə də xalqının başına gələn
fəlakətlərin kökünü keçmişdə axtarırdı. O illərdə Fərman
Kərimzadə Vedibasarın sözə qarışıb qələmlə döyüşən
sərkərdəsi, başındakı tüstü-dumanı ilə elə bil Ağrı dağının özü
idi. Vedinin adı çəkilən kimi gözündə yaş gilələnir, dilindənsə
ürəkləri titrədən bayatı qopurdu:
Vedinin yanı dağlar,
Ürəyi, canı dağlar,
Burda bir el var idi,
Siz deyin, hanı dağlar?!
Çox az adam bilir ki, bu bayatının müəllifi Fərman Kərimzadəd
ir. O, yazıçı olmamışdan əvvəl rəssam idi.
I aparıcı: - Hanı qəbirlərin, Sarı Dolama?
Onlar ki, əbədi yatmalıydılar.
Hər vaxt yuxumuzda minib atlara
İqlimdən-iqlimə çapmalıydılar.
II aparıcı: - Ədəbiyyata iki səhifəlik “41 nömrəli ayaqqabı”
hekayəsi ilə gəlmiş, sonra böyük tarixi hadisələri qələmə alaraq
gözəl romanlar müəllifi kimi tanınmışdı Fərman Kərimzadə.
Onun hər uğurlu əsərinin əsasında Azərbaycanın tarixi
həqiqətləri, qəhrəmanlıq səhifələri dayanırdı.
26
I aparıcı:
Deyirlər, Fərman Kərimzadə bahar çağı çiçəkləyən şaftalı
ağacını çox sevərdi. Bəlkə ona görə ki, çiçəkləyən şaftalı
ağacı insanın çəhrayı arzularına bənzəyir. O, ömrü boyu ağlı-
qaralı dünyadan çəhrayı rəngə doğru can atırdı.
Arzuları, əməlləri, istəkləri şaftalı ağacının çiçəkləri kimi işıq
saçdı.Meyarlar dəyişsə də,o öz zirvəsində necə varsa, eləcə də
əzəmətli qaldı.Baharda dünyaya gələnsənətkar elə baharda da
1989-cu il mayın 17-də dünyasını dəyişdi.
II aparıcı: - Fərman Kərimzadə zəngin tarixi romanlar
yaratmış sənətkar, yüksək ideyalı hekayələr, povestlər,
etnoqrafik eskizlər, oçerklər, məqalələr, insan qəlbini təlatümə
gətirən poetik əsərlər müəllifidir. Onun bədii yaradıcılığı və
rəssamlığı bir-birini tamamlayır, ona dərin hörmət qazandırırdı.
I aparıcı: - Fərman Kərimzadə mütaliəni çox sevirdi. O, hər
şeyi real həyatla vəhdətdə qəbul edirdi. Onu əbədiyaşar edən
tarixi romanları, povest və hekayələridir. F. Kərimzadə
Azərbaycan xarakterinin mahir yaradıcısı, əsl vətəndaş kimi
Azərbaycan namusunun bir parçası idi. Fərman Kərimzadə
bədii yaradıcılığı ilə pedoqoji fəaliyyətini vəhdətdə inkişaf
etdirmiş, tarixi sənədləri, arxiv materiallarını, memuarları,
səyahətnamələri,
monoqrafiyaları,
tədqiqat
əsərlərini,
dissertasiyaları, əlyazmalarını, şəxsi məktubları axtarıb tapmış,
çox diqqətlə nəzərdən keçirmiş və tarixi romanlar yazmaqdan
ötrü zəngin mənbə toplamışdır. Ixtisasca rəssam olan
F.Kərimzadə maddi-mədəniyyət abidələrinə böyük maraq
göstərirdi. Onun topladığı materialllar zəngin salnamə
mahiyyətli misilsiz xəzinə olmuşdur. Buna görə də Fərman
Kərimzadənin əsərləri ədəbi-tarixi salnamə təsiri bağışlayıb
yaşayır və müdrik sənətkarı milyonların qəlbində yaşadır.
II aparıcı: - Fərman Kərimzadə həyatı ədəbiyyata
gətirdiyindən yaradıcılığında obrazlar qalereyası da olduqca
real və zəngindir. Həmkarları yaşadığı dövrlə bağlı ədəbi
əsərlərini yazanda o, yaddaşımızın üstünə çökmüş hisi, pası bir
27
kənara atıb əsl ədəbiyyat nümunələri yaratdı. Fərman
Kərimzadə maraqlı yazıçı olduğu kimi, həyatda da
özünəməxsus insan idi.
I aparıcı: - Fərman Kərimzadə ədəbiyyatda, dostlarının
xatirəsində həmişə yaşayir. Həyatı boyu o, çox aşırımlardan
keçdi, çox maneələrlə üzləşdi, amma axırıncı aşırımı –
xalqının, əzizləri vedililərin böyük dərdləri qalaqlanan axırıncı
aşırımı keçə bilmədi. O aşırımda F.Kərimzadə heykələ döndü.
Cəmi 52 il ömür sürmüş gözəl ədibin, qeyrətli vətəndaşın
yaradıcılığı, xüsusən milli yaddaşımızın oyanmasında mühüm
rol oynamış tarixi romanları ona ölməzlik qazandırdı. Bizə
qalan da onun əsərləri və “Qarlı aşırım” romanı əsasında
rejissor Kamil Rüstəmbəyovun 1971-ci ildə yazıçının öz
ssenarisi əsasında ekranlaşdırdığı “Axırıncı aşırım” filmi oldu.
O film ki, Azərbaycan kinosunun şah əsərlərindən biridir.
Fərman Kərimzadənin əsərləri bundan sonra da tarixin
aşırımlarını inamla aşacaq və ədəbiyyatımızda özünəməxsus,
təkrarsız söz-sənət inciləri kimi yaçayacaq.
28
Ədəbiyyat siyahısı:
Əsərləri:
Seçilmiş əsərləri : 5 cilddə. II cild : Çaldıran döyüşü : roman. -
Bakı : Ağrıdağ, 2003. - 324 s.
Seçilmiş əsərləri : 5 cilddə. IV cild : Təbriz namusu. Vedinin
yanı dağlar. - Bakı : Ağrıdağ, 2005. - 320 s.
Seçilmiş əsərləri : 5 cilddə.V cild : Qoca qartalın ölümü. - Bakı
: Ağrıdağ, 2007. - 248 s.
Çaldıran döyüşü : roman. - Bakı : Kitab klubu, 2016. - 368 s.
Xudafərin körpüsü : tarixi roman. - Bakı : Çaşıoğlu, 2007. -
328 s. - (Azərbaycan Ədəbiyyatı).
Xudafərin körpüsü : tarixi roman. - Bakı : Kitab klubu, 2016. -
448 s.
Qarlı aşırım : tarixi roman. - Bakı : Kitab klubu, 2016. - 400 s.
Xallı maral: hekayə // Azərbaycan nəsri antologiyası. – Bakı :
Şərq-qərb, 2006. 170-200.
Elektron resurslar
Xudafərin körpüsü [Elektron resurs] / Azərbaycan Respublikası
Mədəniyyət və Turizm Nazirliyi. - Elektron mətn. - Bakı :
İnnovativ Tədris Mənbələri (İTM) QSC, 2012. - 1 el. opt. disk
(CD-ROM) : birrəngl. : il. ; 12 sm. - (Nizami layihəsi).
29
Uşaqlar üçün
"Tutdum orucu İrəmazanda" ; "Hophop" : Mirzə Ələkbər Sabir
haqqında hekayələr // Seçilmiş əsərləri. 5 cilddə.– Bakı : 2007.
– C.5. - S. 194-202.
Şah İsmayılın uşaqlıq illəri : "Xudafərin körpüsü" romanından
parşalar // Talvar. - Bakı : Təhsil, 2009. - S. 91-100. - (Məktəb
Kitabxanası).
Haqqında
Kitablarda
Axundlu Y. Fərman Kərimzadənin tarixi romanları // Mənim
ədəbi dünyam. - B. : Maarif, 1998. - S. 123-140.
Paşayev Q. Fərman Kərimzadə // Borcumuzdur bu ehtiram.
- B. : Qarabağ, 2010. - S. 102-104.
Dövri mətbuatda
Xəlilzadə F. Gedən gəlmir, gələn qalmır, əcəb sirr... : Fərman
Kərimzadə haqqında // Azərbaycan. - 2007. - 4 mart. - S.8..
Ələkbərli Ə. Vedinin yanı dağlar... : Fərman Kərimzadə - 70 //
Ulduz. - 2007. - № 5. - S.45-48.
Kazımov Q. Təyyar Salmanoğlunun düşüncələri : [Fərman
Kərimzadənin "Qarlı aşırım" romanının tədqiqi əsasında
maraqlı bir tədqiqat] // Kaspi. - 2017. - 7 yanvar. - № 2. - S.
21.
Kəlbiyeva A. Tarixi məqam və yaşantılar : yazıçı Fərman
Kərimzadə haqqında // Mədəni Maarif.-2011.- №12.-S.51-52.
30
Kərimzadə Y. Atam bizi gözünün nuruyla böyütdü [Fərman
Kərimzadənin qızı Yeganə Kərimzadə ilə söhbət / yazdı:
Sərvaz] // Ədəbiyyat qəzeti. - 2007. - 28 dekabr. - S. 4.
Paşayev Q. Deyilən söz yadigardır... // Ədəbiyyat qəzeti. -
2009. - 24 iyul. - S. 4. - Bu başlıq altında müəllifin Nigar
Rəfibəyli, Hüseyn Arif, Fərman Kərimzadə haqqında çıxışları
cəmlənmişdir.
Salamoğlu T. Qarlı aşırım - sarsıntısından doğan işıq : tənqid
və ədəbiyyatşünaslıq : [Fərman Kərimzadənin "Qarlı aşırım"
romanı haqqında] // Azərbaycan. - 2016. - № 4. - S. 193-202.
Səmədov A. Fərman Kərimzadə dünyası : Fərman Kərimzadə -
70 // Ədəbiyyat qəzeti. - 2007. - 28 dekabr. - S. 4.
Vahid T. Fərman Kərimzadə, şaftalı çiçəkləri və bir də
"Axırıncı aşırım" : O, Ömrün aşırımlarını aşa bilməsə də,
tarixin aşırımlarını aşacaq və ədəbiyyatımızda əbədi qalacaq //
Mədəniyyət. - 2012. - 2 mart. - № 15. - S. 13.
Vahid T. "Qarlı aşırım"dan "Axırıncı aşırım"a doğru : Fərman
Kərimzadə haqqında // Mədəniyyət. - 2011. - 2 mart. - № 16. -
S. 13.
Yusifli V. Hanı Fərmanın, dağlar... : Fərman Kərimzadə - 75 //
Ədəbiyyat qəzeti. - 2012. - 16 mart. - № 10. - S. 6.
İnternetdə
Kərimzadə F. Xudafərin körpüsü // kitabxana.net
Kərimzadə F. Çaldıran döyüşü // bookmate.com/books/
Yazıçı şəxsiyyət... Fərman Kərimzadə sənətkar kimi də,
şəxsiyyət kimi də vaxtdan ucada dayanbr //
www.kitabyurdu.org. – Şərq. – 2011. – 1 iyun. – S.11.
Bir vətənpərvər yazıçı var idi... //www.azadliq.info
31
Xalqa aşırımın o üzündəki həqiqəti göstərən
sənətkar-Fərman Kərimzadə
(metodik vəsait)
Kompyuter yığımı
və dizayn: Ruhiyyə Məmmədli
Ünvan:AZ-1022 Bakı şəh.,S.Vurğun küç.88;
E-mail: childlibbaku@yahoo.com
URL:www.clb.az
F.Köçərli adına Respublika
Uşaq Kitabxanasında
çap olunmuşdur.
Sifariş: 06
Çapa imzalanmışdır:02.02.2017
Tirajı:100
Pulsuz.
Dostları ilə paylaş: |