50
Bunlar isə ətraf aləmdə dəyişməz təbii mövcudluğa malik maddi şeylər
deyillər və onların sabit mövcudluğu yoxdur. İslam tarixi boyu təfsirçi
alimlər “müfəssirlərin metodları” adı ilə məlum olan çox sayda metod
ortaya qoymuşlar. “Fiqhin ana prinsipləri” (Üsul əl‐Fiqh) adlanan sahə
isə, heç şübhəsiz ki, islam tarixində metodologiyanın və metodoloji
təfəkkürün “ata”sı hesab edilmişdir. Ancaq fiqhin əsasları metodo‐
logiyası birdən‐birə ortaya çıxmamış, uzun müddət, əsasən analogiya
(qiyas) metoduna əsaslanmışdır. Daha sonra alimlər məfhumları,
üsulları və mexanizmləri təkmilləşdirmişlər. Buraya konsensus (icma),
harama aparıb çıxara biləcək qanuni əməllərin qadağan edilməsi (sədd
əz‐zəriə), aprobasiya (istihsan), gələcəkdə bir işin təsbiti üçün onun
keçmişdə təsbit edilmiş vəziyyətinin əsas götürülməsi (istishab), ümumi
öhdəyə buraxılmış mənafelər və s. daxildir. Bu qaydaların
təkmilləşdirilməsi “məqsədlər” anlayışının inkişafına səbəb oldu. Bu da
öz növbəsində fiqhə və ana prinsiplərə dair qaydaları möhkəmlətdi.
Daha sonra “məqsədlər”ə xas qaydaların möhkəmləndirilməsinə
başlanıldı. Məgər bütün bunlar metodologiyanın dəyişilib‐inkişaf
etməsini göstərmirmi? Qədim və müasir islam tarixi boyu fikir
məktəbləri mühakimə, təfəkkür, ictihad və tədqiqat metodlarına görə
bir‐birindən fərqlənmişdir. Kəlam alimlərinin, fəqihlərin, fundamen‐
talistlərin, sufilərin, irfan
∗
əhlinin, filosofların, kimya, fizika, təbabət və
astronomiya kimi sahələrdə təbiətşünas alimlərin özlərinə məxsus
metodları olmuşdur. Təbii ki, bu məktəblərin hər birinin qolları,
bölmələri və onların da metodları olmuşdur.
Müzakirə. a) Biliyi, yoxsa düşünən zehinləri islamlaşdırmaq?
b) Elmi, yoxsa alimləri islamlaşdırmaq?
Yuxarıdakı məktəblərin tədqiqat və mühakimə metodlarının
tətbiq olunduğu sahələr müxtəlif ixtisas qollarında ümumilik kəsb etdiyi
kimi, bu məktəblərin özləri də ümumi ortaq əsaslarda birləşir. Bu ortaq
əsaslar həmin məktəbləri islam düşüncəsi məktəbləri kimi təqdim edir.
Həmçinin, həmin məktəbləri islam metodologiyasının müştərək cizgiləri
bir‐biri ilə birləşdirir. Məhz bu ortaq əsaslar və müştərək cizgilər ümumi
islam metodologiyasını qeyri‐islam metodologiyasından fərqləndirir.
∗
İrfan: dini məsələlərin batini (gizli), iç mahiyyətini öyrənən elm sahəsi. Bu elm sahəsi dini mətnlərin
(ayə və hədislərin) zahiri mənasını rədd edir, yozma (təvil) yolu ilə daxili semantikaya varmağa çalışır.
Bu hal daha çox şiələr və sufilər üçün xarakterik olmuşdur – mütərcim.
51
Bununla yanaşı, əş`əriliyin
∗∗
və mötəzilənin
∗∗∗
metodları arasında elə
fərqlər mövcuddur ki, onlarla hesablaşmaq lazım gəlir. Bu kimi, bəlkə də
daha mühüm fərqlərə Əbülhəsən əl‐Əş`əri kimi kəlam alimlərinin,
mötəzililərin, Farabi, İbn Sina kimi filosofların metodları arasında rast
gəlirik.
Metod məfhumunun, mənalarının və tətbiqi sahələrinin eyni
düşüncə meydanında vüsət kəsb etməsi ilə sünni fiqh məktəbinin
nümayəndələri olmuş Əbu Hənifə və Əhməd ibn Hənbəlin metodları
bir‐birindən fərqlənmişdir. Hətta bu hal hədislərin təshihi işinə sirayət
etmiş, Buxari və Müslim kimi məşhur hədisşünasların metodoloji
sistemlərində fərqlərə səbəb olmuşdur.
Metod anlayışının mənasını daraldıb yalnız idrak, tədqiqat,
mənbələrə münasibət və hökmlərin reallığa tətbiqi vasitələrinin bütöv
müştərək ünsürlərindən söz açıb islam metodologiyası və ya islamın
metodologiyası haqqında danışırıqsa, onda biz mütləq bu metodo‐
logiyanı digər mədəniyyət və dinə mənsub tədqiqatçıların istifadə
etdikləri metodologiyadan fərqləndirməyi bacarmalıyıq. Məgər bu,
Allahın “...Sizin hər biriniz üçün bir şəriət və bir yol təyin etdik. Əgər
Allah istədiyi, sizi (eyni şəriətə tabe) vahid bir ümmət edərdi...”
1
ayəsini
başa düşməyin variantlarından biri deyilmi?!
Ola bilsin ki, Şeyx Buti metod anlayışını sağlam düşüncə və saf
xarakterlərin birləşdiyi mütləq və danılmaz həqiqətlər – aksiomlar
(qiyamətin, ilahi ad və atributların hesaba çəkmə və mizan‐tərəzi ilə
ölçülən həqiqətləri və s.) çərçivəsində məhdudlaşdırır. Ancaq nə vaxtdan
sonra belə mütləq aksiomlar müxtəlif qrup insanların düşüncə
metodlarını öyrənən, hökm çıxarmada və metod qaydalarının
müəyyənləşdirilməsində bilik mənbələrini başadüşmə vasitələrini təsvir
edən elm hesab olunub? Bəzi aksiomların doğruluğu məsələsində
insanların qəlbən bir‐birləri ilə həmrəy olmaları mütləq olaraq o demək
deyildir ki, onlar həmin aksiomları həyatlarının, fəaliyyətlərinin yolu
seçməlidirlər. Allahın aydın işarələri Firona və xalqına bəlli olsa da onlar
∗∗
Əş`ərilik: Sünni kəlam məktəblərindən sayılır. Banisi Əbülhəsən Əli ibn İsmayıl əl-Əşəri olan əş`ərilik
mötəzilənin “ilahiləşdirilmiş” ağıl, Quranın sonradan yaradılması, ilahi müdaxilənin olmadığı mütləq
iradə azadlığı və s. kimi iddialarına qarşı çıxaraq bu iddialara meydan oxumuş və ağılın təkbaşına
islamın ana prinsiplərini izah edə bilməyəcəyi ideyası ilə çıxış etmişdi – mütərcim.
∗∗∗
Mötəzilə: islam fikir tarixində ilk rasional cərəyan sayılır. Banisi Vasil
ibn əl-Əta olan bu cərəyan
yarandığı ilk dövrlərdə əcnəbi rasionalistlər qarşısında islamın müdafiəçisi kimi çıxış etsə də sonralar öz
rasionallığında ifrata varmaqla hamilik statusundan məhrum olmuş, mütəkəllim və fundamentalistlərin
hücumuna məruz qalmışdır.
1
“əl-Maidə” surəsi, 48-ci ayə.