67
Sokrataqədərki yunan metodologiyası: tədqiqatçı Yusif Kərəm
“Yunan fəlsəfəsi tarixi” kitabında yazır ki, ən qədim yunanlar
iyoniyalılar olmuşlar. Onları ən məşhur hökmdarı Fales (e.ə. 624‐546)
sayılırdı. Onun şöhrəti Şərqə yayılmışdı və o, qədim Babil və Misir
elmlərinə dərindən bələd idi. Empirik metoddan istifadə etmiş, induktiv
və dəlilgətirmə yollarından yararlanmağa çalışmışdır. Görünür,
iyoniyalıların yazılı irsi itib‐batmış və ondan bizə heç nə gəlib
çatmamışdır. Biz yalnız Platon və Aristotelin əsərlərində onlara aid
məlumatlara rast gəlirik. Təbiətşünaslıq onların əsas məşğul olduqları
sahə sayılırdı. Sonrakı dövr iyoniyalılarından sayılan Heraklit
dialektikada digərlərindən fərqlənirdi; təkzib və əksliklərin mübarizəsi
prinsipindən çıxış edərək deyirdi ki, əşyaların mahiyyəti üçün
dəyişilmələr xasdır və onlar olmazsa, heç nə mövcud olmaz. Stabillik
yoxluq və ölümdür. Onun davamçıları sofistlər olaraq tanınırdılar və
ifrat dərəcədə skeptisizmə bağlı idilər. Bu səbəbdən Heraklit yunan
fəlsəfəsində skeptisizmin “ulubaba”sı sayılır
1
.
Sokrataqədərki yunan filosoflarına pifaqorçular da daxil idi.
Onlar məşhur filosof Pifaqorun (e.ə. 572‐497) davamçıları sayılırdılar və
riyaziyyat elminin yaranmasını onların adı ilə bağlayırlar. Ancaq onlar
riyaziyyatla yanaşı, astronomiya, təbabət və musiqi ilə də məşğul
olurdular. Pifaqorçular düşünürdülər ki, dünya üçün sistemlilik və
harmoniya xasdır. Dünya ədədlərdən və musiqi tonlarından ibarətdir.
Ədədlər prinsipi varlıqların elementlərini təşkil edir. Pifaqorçular
deyirdilər ki, Yer kürə şəklindədir. Ancaq onlar kainatın mərkəzi kimi
Yeri deyil, “mərkəzi od”u qəbul edirdilər
2
.
O dövrün filosoflarından biri də Demokrit (e.ə. 470‐361) idi. O,
təbiətşünaslıq elminə yeni fikirlər gətirmiş, materiyaya maddi‐hissi
münasibət bəsləmişdir. Demokrit deyirdi ki, materiya boşluqdan ibarət
deyil və boşluq materiyasızlıqdır. Cisimlər bölünməz və olduqca dəqiq
atomlardan ibarətdir. Atomlararası boşluqda yeni cisimlər yaranır.
Cisimləri əmələ gətirən atomlar daimi hərəkətdədir; onlar bir‐biri ilə
toqquşduqda bədən yaranır, dağıldıqda isə onların məhvinə aparır. Ən
bəsit əşya substansiya və bölünməz hissədir. Substansiyalar və boşluq
həqiqətdə mövcuddur və onlar biliyin yeganə obyekti sayılırlar
3
.
1
Yusif Kərəm. Tarix əl-fəlsəfə əl-yunaniyyə (Yunan fəlsəfəsi tarixi). 5-ci nəşr. Qahirə, Müəlliflik,
Tərcümə və Nəşretmə Komitəsi, 1966, səh. 10-19.
2
Yenə orada, səh. 21-26.
3
Yenə orada, səh. 38-41.
68
Aydın olur ki, yunan tarixinin erkən mərhələləri üçün tədqiqat
obyekti metodologiyanın əsasını təşkil etmişdir. Tədqiqatın obyekti kimi,
hər şeydən qabaq təbiəti ‐ dünyanı öyrənmək lazım idi. Bu səbəbdən
materiya formaları, şeylər və dəyişilmələr iyoniyalıların, pifaqorçuların,
Heraklitin və başqalarının başlıca tədqiqat obyektləri hesab edilirdi.
Deməli, təbiət metodu bu erkən mərhələnin əsas fəaliyyət cizgisi idi
1
.
Natiqlik və sofistik mübahisə metodu: e.ə. afinalılar farsları
məğlub etməklə müstəqilliklərini daha da gücləndirdilər. Bu, stabilliyə
səbəb olmaqla yanaşı, mədəniyyət və elmin inkişafına da təkan verdi.
Rəqabət gücləndi, siyasi və hüquqi polemikalar geniş yayıldı. Bununla
da natiqlik sənətinə, mübahisə və kütləni cəlbetmə üsullarına ehtiyac
yarandı. Bəzi ziyalılar natiqlik qabiliyyətlərini artırdılar və sofistlər kimi
tarixə düşdülər. “Sofist” sözü hər hansı bir elm və ya sənaye sahəsi üzrə
“mahir şəxs” deməkdir. Ancaq sofistlər dedikdə müsbət mənada daha
çox natiqlikdə mahir şəxslər başa düşülürdü. Sofistlər həqiqətin
axtarışına girişmədən mübahisə, fəndgirlik, müxtəlif məsələlərə dair
sübutlar gətirmə, qənaətbəxş üsullardan və nitq təzyiqindən istifadə
etmək kimi xüsuslarda ixtisaslaşmışdılar. Onlar ayrı‐ayrı sözlərdən,
mənalardan, problemlərdən, şərtlərdən, dəlillərdən, fəndəsalmalardan
və üsullardan yapışır, sofistik dialektikaya üstünlük verirdilər. Bəzən
bir‐birlərini inkar edir, dini və təfəkkürü lağa qoyur, qüvvə və qələbənin
dərəcəsini şişirdirdilər. Sokrat və davamçılarının hücumundan sonra
sofistika metodu təhqir mənasında başa düşülməyə başladı. Sofistlərin
ən məşhur nümayəndələrindən olmuş Protaqordan (e.ə. 480‐410) Platon
belə bir sitat gətirir: “Şübhəsiz, insan bütün şeylərin ölçüsüdür. Bütün bu
şeylər isə hər bir fərdə görədir. Hər bir şey daimi çevrilmə və
dəyişilmədədir. Mütləq həqiqət mövcud olmadığı kimi, səhvlər də
mövcud deyildir”
2
.
Aristotel məntiqi və ya Orqanon: Sokrat, Platon və Pifaqor kimi
tarix boyu bəşəri təcrübəyə təsir etmiş bir çox yunan filosofunun
yetişməsinə rəğmən, heç kim Aristotelin məqamına yüksələ bilməmişdir.
Həqiqətən, Aristotel, ümumiyyətlə Avropa və ümumdünya fikir
tarixinə, xüsusilə də fəlsəfə və digər elmlərdə metodologiyanın
inkişafına böyük töhfələr vermişdir.
1
Rabo Bert. Məbadi əl-fəlsəfə (Fəlsəfənin prinsipləri). Tərcümə Əhməd Əminindir. Qahirə, “ən-Nəhzə
əl-misriyyə” kitabxanası, 1971, səh. 99.
2
Yusif Kərəm. Tarix əl-fəlsəfə əl-yunaniyyə (Yunan fəlsəfəsi tarixi). 5-ci nəşr. Qahirə, Müəlliflik,
Tərcümə və Nəşretmə Komitəsi, 1966, səh. 44-49.