76
Ancaq gələcəyə nikbin baxan bu fikir cərəyanları digər növ
istiqamətlərin qapısını avropalı zəkasının üzünə bağlamadı. XVIII‐XIX
əsrlər pessimist ruhlu cərəyanların şahidi oldu. Bu cərəyanlara görə,
burjuaziya ideologiyasını ortaya qoyan elmi tərəqqi ağlın rolunu şişirdib
intuisiya, vicdan və hisslərə əhəmiyyətsiz yanaşmaqla insanı bir çox
humanist keyfiyyətdən məhrum edib. Romantizm rasionalizmə,
marksizm isə kapitalizmə qarşı inqilab edən cərəyanlar sayılırdı. Ortaya
təhtəlşüurluluğa əsaslanan psixoanaliz çıxdı. Nitşe özünün irrasional
fikirlərini irəli sürdü. Jan Pavel Sarter ontoloji müddəaları ilə çıxış etdi.
Spengler isə Avropanın təkəbbürlü ruhunu kəskin tənqid edərək bildirdi
ki, əvvəlki mədəniyyətlər kimi Avropa mədəniyyəti də tənəzzül
edəcəkdir.
Pessimizm ruhu daha da inkişaf edərək modernizmi yeni bir
cərəyanla əvəz etdi. Bu, özündə müxtəlif cərəyan və metodları
birləşdirən postmodernizm idi. Bu cərəyana nəzər saldıqda onda
müxtəlif müddəaların yer aldığını görürük. Bu müddəalara görə,
modernizm ciddi səhvlərlə müşayiət olunduğundan onun əvəz‐
lənməsinə ehtiyac vardır. Bəzi postmodernistlər “mən” mərkəzli zəkanın
fəlsəfi prioritetliyindən daha çox söz açsalar da bəziləri də etik
relyativizmdən danışırlar. Elmi‐texniki tərəqqiyə səbəb olmuş
rasionalizmin zərərli təsirlərindən danışan postmodernistlər də vardır.
Son üç onillikdə akademik dairələr, xüsusilə də humanitar və sosial
elmlərdə fərqli metodlardan istifadə etməyə başladı. Bu metodlar
postmodernizmin müxtəlif qolları sayılan strukturalizm, interpretasiya,
neoatomizm, formalizm, ekzistensializm və digərlərinə aid idi.
Tapşırıq.
Xronoloji
olaraq
Qərb
düşüncəsində
metodologiya
təkamülünün mərhələlərinin və əsas konsepsiyalarının cədvəlini qurun.
77
METODOLOGİYA İLƏ ƏLAQƏDAR ƏSAS MƏFHUMLAR
Məlumdur ki, alim və mütəfəkkirlər məfhumları, fikir və
düşüncələrini müəyyən söz və terminlərlə ifadə edirlər. Bu terminlər bir
çox mədəni‐sosial təzahürü müəyyənləşdirən amillərin dərkində faydalı
olan metodoloji vasitələr kimidir. Müasir ədəbiyyatlar bir‐birinə yaxın və
hədsiz semantik bağlara sahib məfhumları ifadə edən terminlər
“tərsanəsi”ni xatırladır. Bu terminlərin bəzilərinin istifadə dərəcəsinə
görə bir‐birindən fərqlənən cərəyan və məktəblər mövcuddur. Elə
terminlər vardır ki, digər istilahlar onun mənasını bu və ya digər şəkildə
əks etdirə bilir. Bəzi tədqiqatçılara görə, bir neçə terminin sinonim kimi
işlədilməsində bir qəbahət yoxdur. Onlar hesab edirlər ki, bu, təkcə onlar
arasında olan oxşarlıqdan deyil, həm də onların bir kateqoriyaya
aidliyindən irəli gəlir; çünki hər hansı bir tədqiqatçı üçün terminlər
deyil, öz fikirlərinin çatdırılması daha əhəmiyyətlidir. Fikir aydın
olduqdan sonra, qoy, oxucu və ya dinləyici istədiyi terminlə onu ifadə
etsin!
Misal üçün deyə bilərik ki, bəzi tədqiqatçılar (onlar barəsində bir
azdan danışacağıq) elmlə biliyi, dinlə fəlsəfəni, dünyagörüşü ilə
epistemologiyanı, dünyagörüşü ilə ideologiyanı, nəzəriyyə ilə
paradiqmanı, metodla metodologiyanı, elmin obyekti ilə metodunu bir‐
birindən fərqləndirməyin həvəskarı deyillər. Hesab edirik ki, bu sahə ilə
məşğul olanlar özlərini ölçüləri, forma və rəngləri müxtəlif sıx ağacları
olan meşə içərisində tapacaqlar. Və hətta bu ağacların hər biri rəngi,
ölçüsü və forması baxımından baxış zamanı dəyişilə bilər.
Şübhəsiz, terminlərin yaranma tarixlərini, semantik inkişafını
öyrənmək və bunun fikir xaosu ilə əlaqəsini müəyyənləşdirmək olduqca
əhəmiyyətli və faydalı olardı. Millətlər və xalqların mədəni təmasının
geniş vüsət aldığı, düşüncə və fəaliyyətdə qloballaşmanın hökm
sürdüyü, anlayış və terminlərin tez‐tez mübadilə edildiyi müasir dövrdə,
təbii ki, bu, olduqca aktualdır. Bu, elə bir dövrdür ki, zəif millətlər tarixi‐
mədəni və linqvistik kimliklərini təhlükə altına atacaq bir taledən
qorxur. Gözləniləndir ki, hər hansı bir müəllif müəyyən arxa planla
məna əlaqəliliyindən ehtiyat edərək, bu və ya digər terminin
istifadəsindən vaz keçərsə, hətta əvəzedici digər terminin seçilməsi belə,
həmin yeni termini müəllifin özünün mədəni arxa planından xilas edə
bilməyəcəkdir. Hər bir halda məlum olanı budur ki, mədəniyyətlər, bilik
78
sahələri arasında termin mübadiləsi həmişə mövcud olmuşdur. Termin
əxz olunduğu zaman onun “özəlləşdirilməsi” üçün qollar çırmanmış,
zəhmət çəkilmişdir ki, o, əvvəlki semantikasından uzaqlaşıb yeni
mənalar ifadə etsin.
1. “Dünyagörüşü” anlayışı.
Dünyagörüşü anlayışı alınma məfhum olub etimoloji baxımdan
fəlsəfəyə aiddir. Ancaq fəlsəfi etimologiyaya rəğmən, bu anlayış elm və
bilik sahələrinin çoxuna, xüsusən də təbiət və sosial elmlərə keçmişdir.
Əgər yaşadığımız dünyanın əsas dərk edilməsi yollarının ondakı
mövqeyimizə və sosial və təbiət elmlərini dərk etməyimizə təsir
səviyyələrini
yaxından
başa
düşsək,
dünyagörüşü
anlayışının
əhəmiyyəti xüsusunda ümid edirik ki, mübaliğəyə yol verməyəcəyik.
Bu termin çərçivəsində öyrənilən mövzuları nəzərdən keçirəsi
olsaq, görərik ki, ümumilikdə bu mövzulara ya İslamın məlum altı iman
rüknləri, ya islam məzhəblərinin, cərəyanlarının və kəlam alimlərinin
etiqada dair məşhur təsnifi, ya ədalət konsepsiyasını irəli sürməklə
özünəməxsus məqam qazanan mötəzililərin “beş konsepsiya”sı, ya da
imamət konsepsiyası ilə çıxış edən imamiyyə şiələrinin etiqad prinsipləri
kimi toxunmaq mümkündür.
Dünyagörüşü anlayışı biliyin müxtəlif sahələrində işlədilir.
Buraya din, fəlsəfə, sosial və təbiət elmləri, incəsənət, təbabət və həndəsə
kimi tətbiqi elmlər və s. daxildir. İman, etiqad və kompleks təsəvvür
kimi dini terminlər dünyagörüşü termininin toxunmağa can atdığı
mühüm ontoloji problemləri həll edən fikirləri, anlayış və ideyaları ifadə
edir. Bu problemlər insanın yarandığı dövrdən etibarən fəlsəfənin
məşğul olduğu problemlərdir. Həmçinin, bu problemlər yeni elm
sahələrinin nəzəri əsaslarını və metodologiyasını ortaya qoyaraq, onların
tədqiqat obyektini təşkil edir. Hətta, komediya janrından tutmuş faciə
janrınadək bütün növ filmlər tamaşaçının xəyalını oxşasa da əslində,
dünyaya dair müəyyən dəyər və baxışları əks etdirir. Hərçənd ki,
hadisələrə qərəzsiz münasibət bəsləyən bir dənə də olsun film
çəkilməyib. Çünki rejissorun, aktyor və ssenaristin sahib olduğu mədəni
dəyərlər və ideyalar filmin süjetində bu və ya digər şəkildə rola
malikdir
1
.
1
Godawa, Brian. Hollywood Worldviews: Watching Films With Wisdom and Discernment, Downers,
III: Intervarsity Press, 2002, p. 16.
Dostları ilə paylaş: |