32
şüur hüquq normasının hərəkət mexanizminin bir sahəsinə
çevrilmiş olur.
Hüquq normasının təsir mexanizminin digər ünsürü
ədliyyə orqanlarının fəaliyyəti və normanın tətbiqi ilə bağlı
təqsirkar barədə yaranan arzuedilməz nəticələrdir. Yəni, hüquq
normasına riayət etməyə məcbur edən dövlət qurumu olmasa
hüquq norması öz gücünü göstərə bilməz.
Hər hansı bir ideya, normativ akt və s. əgər onlar
insanların davranışına təsirini təmin edə bilən mexanizm
olmasa, o mənasız söz olaraq qalacaqdır. Hər hansı ictimai
təhlükəli əməlin törədilməsi hüquqi fakt olub, hüquq normasına
əsaslanır. Törədilən təhlükəli əməlin kriminallığı hüquq
norması ilə müəyyən edilir. Qanunun tətbiqi funksiyasını
həyata keçirən dövlət ədliyyə orqanlarından qanunlar əsasında
həyata keçirməli olduqları əməliyyatlarda professionallıq tələb
olunur. Hüquq norması yaradıldığı vaxtdan hüquqi şüurdan
ayrılaraq hüquqi əhəmiyyət daşıyan obyektiv məna kəsb
etməyə başlayır və davranışın qiymətləndirilməsinin ölçüsünə
çevrilir.
Hüquq normasının tətbiqi nəticəsində qanunu tətbiq edən
subyektin hüququ şüuruna köçürülmüş əmələ hüquqi qiymət
verilir. Burada şüura köçürülmüş hüquq normasının qadağan
etdiyi ictimai təhlükəli əməllə baş vermiş ictimai təhlükəli
əməlin obrazı müqayisə edilir. Baş vermiş əməl ictimai
təhlükəli əməl kimi hüquqi şüurda tanındıqda qanunla nəzərdə
tutulan sanksiya tətbiq edilir. Yəni, məcburi hüquqi qüvvəyə
malik olan normativ akta istinad edilir.
1.2. Hüquqi təfəkkürün dini münasibətlərdən irəli
gələn sosial determinantları
Eramızdan əvvəl I minilliyin ortalarında quldarlıq
quruluşuna keçid başa çatdı. Yunanıstanda dəniz ticarəti,
gəmiçilik inkişaf etməyə başladı. Ticarət, sənətkarlıq və
33
müvafiq olaraq qüdrətli mədəniyyət mərkəzləri, şəhərlər
meydana gəldi. Polisdə, yəni kiçik dövlətlərdə insanlar artıq
mifoloji prinsiplərdən imtina etməyə və nisbətən ictimai şüur
formalarına üstünlük verməyə başladılar.
O zamanlar Antik Yunanıstanda fəlsəfi dünyagörüş
formalaşmağa başlamışdı. Nəzəri şüurun forması olan
naturfəlsəfə yəni, təbiət fəlsəfəsi, teologiya, etika, siyasi
nəzəriyyələr təşəkkül tapdı.
Eramızın I əsrində Roma imperiyasında apostol kilsəsi və
II əsrin ikinci yarısında onu əvəz edən yepiskopol kilsəsi, yəni
yepiskoplar tərəfindən idarə olunan kilsə yarandı.
İlk xristian kitabı olan İonnanm “Apokalipsis” yəni
xristian dinində peyğəmbərlik kitabında quldarlıq
münasibətləri Roma hökmdarı olan Neron pislənirdi. Hamı
xristian Allahının elçisi olan İsa-Məsihi gözləyirdi. İsa Məsihin
gələcəyindən və tezliklə şərin hökmranlığından qurtaracağına
ümid edən, xalqın iradəsini ifadə edən xristianlıq öz
tərəfdarlarının bərabərliyini elan etdi. Xristian icmaları
demokratik əsaslarla təşkil olunurdu. Dindarlar öz əmlaklarını
icmaya verirdilər. İcmalarda ümumi hesaba icma süfrələri
təşkil edilirdi. İcmalar arasındakı əlaqəni səyahət edərək
təbliğat işi həyata keçirən vaizlər, başqa sözlə apostollar
yaradırdılar. İcmalar apostollara yemək verirdilər... Sonra onlar
səyahətlərini davam etdirir və ya başqaları ilə birlikdə
işləyirdilər. Burada “işləməyən dişləməz” prinsipi var idi. II
əsrdən başlayaraq bu icmalar cəmiyyətin əmlaklı və təhsilli
təbəqələrindən çıxan şəxslər hesabına artdı. Həmin şəxslər
Roma imperiyasındakı əsarətin onlara da aid olduğunu hiss
edirdilər. Tezliklə xristian təlimində dini mistik istiqamət
gücləndi və kilsə yarandı. İcmalarda rəhbərlik baş keşişlərin,
yəni yepiskopların əlinə keçdi. Müxtəlif icmalar arasında
həmin dini rəhbərlərin birliyi yarandı və beləliklə, ümumdünya
kilsəsi yarandı. Ruhanilərin kilsədən kənarda nicat yolu yoxdur
və ya baş keşişə öz Allahın kimi baxmalısan kimi təbliğatları
34
sayəsində xristian dini güclənməyə başladı. Xristianlığın
müəllifləri imperatorları inandırırdılar ki, quldarlıq cəmiyyəti
üçün xristian dini imperatorların müttəfiqidir. Əvvəllər
hakimiyyətin təriflənməsinə xidmət edən xristianlıq ona qarşı
dini müxalifətin yaranmasına səbəb oldu. IV əsrlərdən etibarən
isə imperatorlar kilsə ilə hesablaşmağa məcbur oldular, hətta
onların köməyindən istifadə etməyə başladılar. Məsələn,
imperator Konstantinin dövründə xristian dini 313-cü ildə
başqa dinlərlə bərabər hüquqlu elan edildi. 324-cü ildə isə
hakim dinə çevrildi. Bütün bunlara baxmayaraq dini
problemlərin həllində imperatorlar məcburi qaydaya üstünlük
verirdilər. Dindarlar da hakimiyyət tərəfindən verilən bütün
göstərişlərin yerinə yetirilməsinin əleyhinə idi.
Kilsənin dövlət hakimiyyət orqanlarında iştirakı
problemləri ilə bağlı iddianı əsaslandıran teokratik
nəzəriyyəçilərdən Konstantinopol keşişi İohan Zlatoişt (345-
407-ci illər) qeyd edirdi ki, apostol sözü bütün hakimiyyət
Allah tərəfindən verilmişdir mənasını verir, lakin bu knyazlara
verilən hakimiyyətin ilahi tərəfindən bəxş edilməsi kimi başa
düşülməməlidir. Ancaq hakimiyyətin ümumi prinsipləri Allah
tərəfindən verilir. Bibliyaya görə kilsənin işlərinə qarışan çar
həqiqi hökmdar deyildir.
Quldarlıq dövründə xristianlıq kilsəsində siyasi hüquqi
ideologiyanın inkişafında Şimali Amerika Hippon keşişi Avreli
Avqustinin böyük rolu olmuşdur. Bu din xadiminə pravoslav
kilsəsi tərəfindən Blajenni yəni müqəddəs ləqəbi verilmişdi,
katolik kilsəsi isə onu kilsənin müqəddəs müəllimi
adlandırmışdır. Quldarlığın əbədi olduğunu sübut etməyə
çalışan Avqustin göstərirdi ki, köləlik Allah tərəfindən
göndərilmişdir. Ona görə insanlar təbiətən bərabərdir, köləlik
Allah qarşısında günahkar olmağın rəmzidir. Ona görə qul öz
ağasına xidmət etməlidir. Avqustinə görə, xüsusi mülkiyyət,
ictimai bərabərsizlik ilahi mənşəyə malikdir. O, kilsənin və
dövlətin mənşəyinə dair öz təlimini yaratdı. O, Allah aləmi
Dostları ilə paylaş: |