38
hakimiyyət müsəlmanların əlində deyildi. Müsəlman və qeyri-
müsəlmanlar arasındakı münasibətlər müəyyən zaman və məkan
reallığından irəli gələn müqavilələrdən ibarət idi. Bu
müqavilələrdə bir sıra məsələlər – İslam dünyası ilə müahidə
dünyası arasında öhdəliklər, o cümlədən xarici hücumlardan
qorunmaq üçün köməkliklər, əhalinin siyasi-hüquqi azadlıqlarına
hörmət etmək, dini məsələlərə qarışmamaq, əhaliyə məxsus olan
əmlakın təhlükəsizliyini təmin etmək, şəxsiyyətin tanınması kimi
məsələlər öz əksini tapırdı. Eyni zamanda əhali qarşısında İslama
və onların müttəfiqlərinə qarşı müharibə aparmamaq, İslam
dininin tətbiqi, vergi vermək kimi öhdəliklər var idi. O vaxt
Qafqaz ölkələrinin heç biri İslam dünyası tərəfindən zəbt
edilməmişdi. İslam Xilafəti burada razılıq əsasında mövcud idi.
18
İşğal olunmuş ərazilərdə Xilafətin əhaliyə münasibəti onların dini
mənsubiyyətindən asılı olaraq həyata keçirilirdi. Köçəri həyat
keçirən ərəblərin özlərinin, hələ yeni din olan İslamı lazımi qədər
mənimsəmədiklərinə görə əvvəlki dövrlərdə əhalini İslamı qəbul
etməyə məcbur etməmələri faktı olmuşdur.
19
Sonralar
islamlaşmanın güclənməsi nəticəsində könüllü islamlaşma
prosesi həyata keçirildi. Ərəb hücumlarının nəticəsi olaraq əhali
ilə ərəb sərkərdələri arasında müqavilələr bağlanıldı. Belə bir
şəraitdə xalqın mənafeyindən çıxış edən nümayəndələr- möbid
və ya yepiskoplar var idi. Yerli əhali can vergisi vermək şərti ilə
ərəblərin siyasi hakimiyyətinə qəbul edilirdilər. Müqaviləyə
əsasən əhalinin malı, canı, dini, dili, adət və ənənələri
toxunulmaz elan edilirdi. Əsası atəşpərəst olan cənubi
azərbaycanlılar daha mütərəqqi din olan İslamı tezliklə qəbul
etdilər. 656-661-ci illərdə Əli əleyhisalamın dövründə İslam dini
əhali tərəfindən qəbul edilirdi. 705-ci ildə Albaniya öz
müstəqilliyini itirdi və Arran vilayəti adlandırılan ərazi ərəblərin
18
Пашазадя А.А. Гафгазда Ислам. Б., «Азярняшр», 1991, s. 61.
19
Бцнйадов З.М. Азярбайъан ВЫЫ-ЫХ ясрлярдя. Б., «Азярняшр», 1989, s.
86.
39
tam nəzarətinə keçdi.
20
Ancaq fəal islamlaşma prosesi sonralar
həyata keçirildi. Belə ki, hələ «Kitabi-Dədə Qorqud» dastanının
boylarında göstərilir ki, «Tanrının əmrinə, Peyğəmbərin rəyinə»
riayət edilməlidir. Beləliklə, oğuzlar özlərini müsəlman
adlandırsalar da, İslam dini ilə geniş tanışlıq yox idi.
«Kitabi-Dədə Qorqud»da hüquq qaydaları humanizm və
ədalət prinsiplərinə söykənirdi. Burada hər hansı cinayət əməlinə
görə məsuliyyətin labüdlugu özünü hüquq prinsipi kimi
göstərirdi. Orada göstərilir ki, cinayət varsa, deməli, cəza da
vardır və heç bir cinayət əməli cəzasız qala bilməz. Oğuzlarda
qan intiqamına geniş yer verilirdi.
21
Bu faktlara əsasən deyə
bilərik ki, o dövrdə Azərbaycanda hələ də adət-
hüquq
münasibətləri hökmran idi.
Əsasən, əslində XIX əsrin ortalarına qədər Azərbaycan
hüququ İslam hüququnun tərkibinə daxil olmuşdur. Yəni, artıq
1831-ci il fərmanlarından sonra Azərbaycanda içtimai
münasibətlərdən irəli ğələn mübahisəli məsələlərin həlli tədricən
İslam hüquq normaları üzrə deyil, ümumi imperiya qanunları
tətbiq edilməklə həll edilirdi.
İslamın ilk hüquq mənbələrini gözdən keçirək: FİQH –
ərəbcə «dərin anlayış», «bilik» mənasını verir. O, müsəlmanların
dini və dünyəvi davranış normalarını- ibadətləri, ailə və miras
münasibətlərindən irəli gələn əqdləri, mühakimə üsullarını,
cəzaları, müharibə qaydalarını özündə əks etdirir.
İslam belə hesab edirdi ki, hakimiyyətin əsası dini
göstəricilərin həyata keçirilməsindən ibarətdir. Hakimiyyət özü
isə Quranla müqayisədə törəmədir. Müsəlman hüququna görə
ruhani və dünyəvi hakimiyyət vahid hakimiyyətlərdir. Müxtəlif
sosial qruplar- ruhanilərlə dünyəvi əyanlar arasında, ərəb
işğalçıları ilə itaət edilən xalq arasındakı ziddiyyətlər islamda
20
Ялийарлы С. Азярбайъан тарихи (узаг кечмишдян 1870-ъи илядяк). Б.,
«Азярбайъан» няшриййаты, 1996, s. 136.
21
Рзаев А.К. Этюды из истории политико-правовых учений. Б.,
«Азернешр», 1986, s. 16.
40
müxtəlif istiqamətlərin, hüquqi ideyaların irəli sürülməsinə
səbəb olur.
Sünnə ərəb sözü olub «nümunə» deməkdir. Sünnə dini
ayinlərin, ictimai həyat prinsiplərinin təfsirini verən mənbədir.
İslamın qəbul edilməsindən sonrakı dövrlərdə Məhəmməd
Peyğəmbərin sözlə, hərəkət və ya hərəkətsizliklə, yəni sükutla
müəyyən hadisələrə münasibəti sünnə adı altında məşhur
olmuşdur. Sonralar nəsillər öz eşitdiklərini bir-birinə ötürmüş və
nəticədə «sünnə»–«hədis» adını almışdır.
Hədislər tədricən yazıya köçürülmüş və beləliklə 6 hədis
məcmuəsi yaradılmışdır. Bunlar əl-Buxaçi (870), Müslüm (875),
Əbu-Davud (888), Tirmizi (892), Nəsai (915) və İbn Maqənin
(887) hədis məcmunələridir.
Sünnələr bir neçə cür təsnif edilir. Bəzi təsnifatlarda
sünnələr 3 yerə bölünür: dövrü sünnə, feli sünnə, təqriri və ya
sükuti sünnə. Dövrü sünnə Peyğəmbərin sözlə dediyi, feli sünnə
hərəkəti ilə bağlı aydın olan, təqriri və ya sükuti sünnə hər hansı
sözü sükutla qarşılaması ilə məlum olan sünnələrdir.
Hər hədis iki hissəyə ayrılır. Birinci, istinad adlanan
hissədə Peyğəmbər tərəfindən yaranmış hədisin hansı müəllif
tərəfindən söylənməsi qeyd olunur. İkinci- mətn adlanan hissədə
hədisin məzmunu verilir.
Allahın adından deyilən hədislər qüdsi və yaxud ilahi
hədislər adlanır. Peyğəmbərin digər hədisləri nəbəvi, səhabələrin
hədislərinə isə hədisi-səhabi deyilir. İndiyə qədər eyni zamanda
uydurma hədislər də şübhəsiz ki, mövcuddur. Nəticədə bir-birinə
zidd olan müxtəlif səpkidə hədislər yaranmışdır. Beləliklə, öz
təsnifatı etibarı ilə doğru olan – səhih, yaxşı təəssürat yaradan –
həsən və zəif hədislər yaranmışdır.
Səhih hədislər istinad olunduğu obyektə və mətnin izahına
görə şübhə olunmayan hədislər hesab edilir. Həsən hədisləri-
istinad obyektinin tamlığına şübhə edilən və bu səbəbdən də
mübahisə doğuran hədislərdir. Zəif hədislər isə mətni həmişə
Dostları ilə paylaş: |