83
mülkiyyəti olmuşdur. Əkinçilik təsərrüfatlarının yaranması
nəticəsində, işçilərə əmək haqqının müəyyən edilməsi
nəticəsində xüsusi mülkiyyət hüququ yaranmışdır.
Təbiətən b ü t ü n insanlar bərabərdirlər, ancaq xüsusi
mülkiyyətin yaranması nəticəsində cəmiyyətin varlı və
kasıblara bölünməsi baş vermişdir. Bu ideyanın tam əksi olaraq
Homelton cəmiyyətin varlı və kasıb təbəqələrə bölünməsi
prosesinin təbii olaraq baş verdiyini qeyd edir.
Peyn quldarlığın, köləliyin ləğvini istəyirdi. O belə hesab
edirdi ki, dövlətin yaranması, insanlar arasındakı
münasibətlərdə ədalətin saxlanılması üçün əsas vasitə insanlar
arasındakı ictimai müqavilədir. Xalqın özü ali hakimıyyət
orqanıdır. Müəllifə görə xalqın suverenlik ideyalarına uyğun
olaraq insanlar idarəetmənin hər hansı bir formasını təsis etmək
və ya ləğv etmək hüququna, yəni üsyan və inqilab etmək
hüququna malikdir.
:
Xalqın suverenliyi probleminin həllini ancaq inqilabda
görən Peyn qeyd edirdi ki, mürtəce hakimiyyətdən azad olmaq
üçün hakimiyyətin devrilməsi lazımdır. Beləliklə, bu yolla
müstəmləkələrin İngiltərədən ayrılması və dövlətin öz
müstəqilliyini əldə etməsi lazımdır. O, eyni zamanda inqilab
baş verərsə bütün müharibələrin dayanacağı fikrini irəli
sürmüşdür. Müəllifə görə, artıq bütün müharibələr və
torpaqların işğal edilməsi faktı insanların səbrini
tükəndirmişdir. O, “İnsan hüququ” adlı müzakirələr toplusunda
qeyd edir ki, mövcud olan faktlara əsaslanaraq indiki
vəziyyətdə inqilab baş verəcəyini gözləmək olar. O, ümumi
müzakirə predmetidir və deməli gündəlikdədir. Müəllifə görə,
ümumi sülh və ictimai tərəqqi ancaq idarəetmə sistemindəki
inqilabi dəyişikliklər yolu ilə həyata keçirilə bilər.
Peyn idarəetmə formalarını tədqiq edərək belə qənaətə
gəlmişdir ki, köhnə monarxiya idarəçilik sistemi ilə yeni
yaranacaq respublika tipli idarəçilik formaları a r a s ı n d a
fərqlər mövcuddur. Müəllif burada əsas fərqi idarəçilik
84
sisteminin irsi və ya seçkili olmasında görürdü. O irsi olaraq
hakimiyyəti idarə edən idarəçilik sisteminin ədalətsiz və
qüsurlu olduğunu qeyd etmişdir. O hər bir hüquqi əsasa malik
olmayan istibdad üsul idarəsinin, xalqa təcavüz edən, onun
suverenliyini əlindən alan qəsbkar idarəçilik sistemi olduğunu
ğöstərmişdir. O bütün hallarda xalqın seçki hüququnu
məhdudlaşdıran mülkiyyətin və hər cür ayrıseçkiliyin əleyhdarı
olmuşdur.
Peynə görə, cəmiyyətin siyasi qurluşunda ən düzgün
mütərəqqi forma demokratik respublikadır. Burada respublika
idarəçiliyində xalqın seçki yolu ilə nümayəndəliyi əsas prinsip
olaraq özünü göstərir. Müəllif hesab edirdi ki, insanların təbii
bərabərliyi problemi o vaxt reallaşa bilər ki, xalqın suverenliyi
şəraitində ümumi seçki hüququ əsasında seçilən ali qanunverici
hakimiyyət yaradılsın. Peynin tənqidi qeydlərindən birində
deyilir ki, ABŞ-ın 1787-ci il Konstitusiyasında hakimiyyətin
bölünməsi prinsipi pozulmuşdu. O, eyni zamanda senzə
əsaslanan seçki hüququ əsasında iki palatalı orqanın
formalaşması prosesini də düzgün hesab etmirdi. O, elə bir
hakimiyyət qurulmasını istəyirdi ki, vətəndaşların azadlığını və
təhlükəsizliyini həyata keçirsin, bir sözlə bütün cəmiyyət
üzvlərinin mənafeyinə xidmət etsin.
Xalqını istiqlaliyyət və demokratiya uğrunda mübarizəyə
səsləyən ən böyük mütəfəkkirlərdən biri Tomas Cefferson
(1743-1826) “Amerika Birləşmiş Ştatlarının müstəqillik
bəyannaməsi” layihəsini yazmışdır. O 1801 -1809-cu illərdə
ABŞ-ın üçüncü prezidenti olmuşdur. Ceffersonun bu
bəyannaməsində insanın təbiətinə zidd olan quldarlıq
prinsiplərinə dair xüsusi bənd vardır. Ancaq cənubdakı
quldarlıq dairələrinin təzyiqi altında həmin bu maddə layihədən
çıxarılır. Müəllif öz əsərlərində ABŞ-da iri burjuaziyanın qeyri-
məhdud diktaturasını yaratmağa çalışan federalizmin, yəni
federasiya prinsiplərinə əsaslanan dövlət quruluşu sistemi
yaratmağa çalışan siyasi cərəyanın tərəfdarlarına qarşı
85
mübarizə aparmışdır. O dövrdə federalistlər konstitusiyalı
monarxiya və hakimiyyətin bölünməsi haqqında Monteskyenin
ideyalarını nəzəri cəhətdən əsaslandırmaqda idilər.
Cefferson qeyd edir ki, bir siyasi rejim olmaq etibarilə
demokratik respublikaların bəzi ölkələrində çətinliklər
yaranmasının əsas səbəbi həmin ölkələrin böyük əraziyə malik
olması ilə bağlıdır.
Müəllif ABŞ-ın 1787-ci il Konstitusiyasını əsaslı tənqid
etmişdir. Cefferson yazırdı ki, Konstitusiyanın böyük
çatışmazlığı ondadır ki, orada hüquqlar haqqında müzakirəyə
verilən qanun layihəsi yoxdur. Müəllif konstitusiyanın bir sıra
müddəaları ilə bağlı federalistlərə qarşı çıxaraq qeyd edirdi ki,
konstitusiyada mətbuat azadlığı təmin olunmamışdır. Eyni
zamanda təsdiqlənmişdir ki, prezident hər dəfə yenidən seçilə
bilər və deməli monarxa çevrilə bilər.
Ceffersonun dünyagörüşündə təbii hüquq nəzəriyyəsinin
əhəmiyyətli şərhi verilmişdir. O insanların malik olduğu təbii
hüquq nəzəriyyəsindən və insanlar arasındakı ictimai müqavilə
nəzəriyyəsi mövqeyindən çıxış edərək monarxiya idarəçilik
formasını pisləyir və bu əsasda xalqın suverenliyi ideyasını
müdafiə edirdi. Müəllifə görə, heç kim dövlət hakimiyyətinin
təşkilindən və onun üzərində nəzarət etmək hüququndan
mərhum edilə bilməz. Əgər hakimiyyət xalqın hüququnu
pozursa, xalq mövcud hakimiyyəti dəyişdirməyə səy
göstərməlidir və öz mənafeyinə uyğun yeni dövlət hakimiyyət
strukturu yaratmalıdır.
Ceffersona görə, insanın təbii hüququnun qorunması
problemini məhz dövlət həll etməlidir. Mütəfəkkir eyni
zamanda öz siyasi hüquqi görüşlərində dövlətin şəxsiyyətə
qarşı hər cür yolverilməz hərəkətlərinin, özbaşınalığının
məhdud-laşdırılmasını məsləhət bilirdi.
Demokratik xarakterli təbii hüquq nəzəriyyəsinə görə
ictimai müqavilə
əsasında bütün insanlara dövlət
hakimiyyətinin təşkilində iştirak etmək hüququ verilir. Burada
Dostları ilə paylaş: |