24
BAKI ŞƏHƏR HALQASI
YARIŞ HƏFTƏSONU ÜÇÜN ƏYLƏNCƏ PROQRAMI
2 il ardıcıl müvəffəqiyyətlə keçirilən Formula 1 yarışlarından sonra 2018 Formula 1 Azərbaycan Qran Prisində yarış
həvəskarlarının festival ab-havasını hiss etmələri üçün ötən illərlə müqayisədə daha rəngarəng əyləncə proqramı
hazırlamışıq! Xəzər dənizinin sahilində yerləşən Əyləncə Zonası bütün bilet sahiblərini tribunaların yanında yerləşən
müxtəlif tərzdə qurulmuş 6 Zonada qarşılayacaq. Tamaşaçılar burada müxtəlif əyləncə tədbirləri ilə Azərbaycanın idman
gününü qeyd edəcəklər. Formula 1 yarış həftəsonunun ən unudulmaz anı Jamiroquai, Kristina Aqilera və Dua Lipanın
təqdimatında axşam konsertləri olacaq!
ƏYLƏNCƏ ZONASI
F1 Fanat Zonası / Bənövşəyi Zona
F1 həvəskarları və ailə üzvləri üçün müxtəlif əyləncə vasitələrinin olduğu ən maraqlı zonadır. Burada Foto Budka (Photo
Booth) və Rəsm Divarı (Art Wall) yaddaşınızda silinməz izlər buraxacaq. Pit-stop Sınağı (Pit Stop Challenge) və Oyun
Zonasında (E-Sports Game Zone) F1 həyəcanını yaşayacaq, İstirahət guşəsində (Chill out) isə dincələ biləcəksiniz. Maket
Podiumda (Replica Podium) özünüzü F1 qalibi kimi hiss edəcəksiniz. Milli adət-ənənə, mədəniyyət və qonaqpərvərliyin
şahidi olmaq üçün Azərbaycan Mədəniyyəti Guşəsinə (Azerbaijan Cultural Lounge) baş çəkə bilərsiniz. F1 həvəskarlarının
böyük səbirsizliklə gözlədikləri an isə Avtoqraf sessiyalarıdır. Bu sessiyalar zamanı F1 qəhrəmanları ilə üz-üzə görüşmək,
avtoqraflarını almaq və foto çəkdirmək şansınız olacaq.
Zona 2 / Mavi Zona
Bütün tamaşaçıların həyəcanverici, yaddaqalan anlar yaşaması üçün nəzərdə tutulub. İstirahət guşəsində dincələcək,
ətrafda gəzişən rəqqasların və sənətçilərin çıxışlarından zövq alacaq, üz boyayaraq (face art), çərçivə, corab kukla, yuxu
tələsi (dream catcher), aksessuar qutusu hazırlayaraq və sevimli karikaturanızın rəsmini çəkərək əylənəcəksiniz.
Bolidlərin eleqant quruluşunun və isti mühərriklərinin yaxından şahidi olacaq, ayağa ip bağlayaraq (bungee trampoline)
25 metr hündürlükdən sıçrayaraq havada süzəcəksiniz.
Zona 3 / Qırmızı Zona
Kukla Teatrından başlayaraq Azneft dairəsinə qədər uzanan bu zona müxtəlif yaş qrupları üçün rəngarəng əyləncə
tədbirlərinin keçirildiyi yerdir. Bunlardan biri övladlarınızın Formula 1 ab-havasını hiss etmələri üçün nəzərdə tutulmuş
Uşaqlar üçün Sürücülük Məktəbidir (Children’s Driving School). Uşaqlar əylənərkən, siz Gözəllik Pit-stopunda (Beauty Pit
stop) gözəlliyinizin qayğısına qala bilərsiniz. Ekstrim idman növlərini sevirsinizsə, Dırmanma Divarında (Climbing Wall)
dağlarda yaşayacağınız adrenalini hiss edə biləcəksiniz. Bu zonaya qoyulmuş trambolində uşaqlar səmaya toxuna
biləcəklər. Bu zonanın digər hissələrində yeni insanlarla tanış ola, istirahət və Azərbaycan mədəniyyəti guşələrində
yorğunluğunuzu ata, mini səhnədə baş tutan konsertlərdən zövq ala, rəsm divarında rəssamlıq qabiliyyətinizi nümayiş
edə, maket podium və həştəq instalyasiyalarında foto çəkdirə biləcəksiniz.
Zona 4 / Yaşıl Zona
Müasir və qədim üslubun qovuşduğu məkandır. Burada Bakının tarixi binalarını görməklə yanaşı klassik və müasir musiqinin
xoş sədaları altında dincələcəksiniz. Xına Sənəti (Henna Art) guşəsində isə əllərinizi xına ilə bəzədə bilərsiniz.
25
YARIŞ HƏFTƏSONU ÜÇÜN ƏYLƏNCƏ PROQRAMI
Bakı Kristal Zalı / Sarı Zona
Öz səciyyəvi xüsusiyyətləri və heyrətləndirici akustikası ilə seçilən Kristal Zalı bu il Formula 1 konsertlərinin keçiriləcəyi
məkandır. Jamiroquai, Kristina Aqilera və Dua Lipa kimi dünya ulduzlarının canlı konsert proqramı və ardınca Afrojack,
Axwell Λ Ingrosso və Martin Solveig kimi məşhur DJ-lərin təqdimatında davam edəcək əyləncəli gecə proqramlarına ev
sahibliyi edəcək.
Əsas şou öncəsi çıxışlar hər axşam konsertindən əvvəl baş tutacaq. Sehr, işıq, rəqs və musiqi dolu bu şou proqram
sizi böyük əyləncəyə hazırlayacaq. Rəngli neon işıqlar isə uzun müddət xatirələrinizdə qalacaq.
F1 Fanat Zonası Səhnəsində sual-cavab sessiyaları
Sual-cavab sessiyaları vasitəsilə Bakı Şəhər Halqası qonaqlarının yarış haqqında bilikləri artacaq. Bu, F1 səhnəsində
avtoidman ulduzları və F1 heyəti ilə qarşılıqlı söhbət edə biləcəyiniz yeganə imkandır.
F1 Avtoqraf Sessiyası
Cümə, şənbə və bazar günləri F1 səhnəsində təşkil olunacaq avtoqraf sessiyalarında iştirak etməklə sevimli pilotlarınızla
görüşərək Formula 1 Azərbaycan Qran Prisindən böyük zövq alacaqsınız.
Pilotların Paradı yarış başlamadan öncə F1 pilotlarının onları dəstəkləmək üçün gələn fanatları salamlamaq üçün xüsusi
minik vasitəsilə Bakı Şəhər Halqası ətrafında vurduqları dövrədir. Bu il parad aprelin 29-u baş tutacaq.
Dövlət Himni
Dövlət Himni Mərasimi Formula 1 Azərbaycan Qran Prisinin protokol anıdır. Azərbaycan höküməti rəsmiləri, FOM-un
yüksək vəzifəli şəxsləri və F1 komandalarının iştirakı ilə baş tutan bu mərasim Azərbaycana və bu böyük tədbirdə iştirak
edən bütün ölkələrə hörmət əlaməti olaraq keçirilir. Bu il Dövlət Himni Mərasimi aprelin 29-u baş tutacaq.
Grid Kids
Avtoidmanın zirvəsi olan Formula 1 FIA ilə birlikdə fanatlar, xüsusilə də gənclər üçün daha maraqlı və məqsədəuğun
yarışöncəsi mərasim olan “Grid Kids” adlanan yeni təşəbbüsü ictimaiyyətə bildirməkdən məmnundur. Mərasimin vaxtı
və yeri hələ təsdiqlənməyib.
Podium Mərasimi
F1 Qran Pri həftəsonu ərzində F1 ilə yanaşı bir sıra dəstək yarışları da təşkil olunur. Bu yarışlarda qaliblər üçün podium
mərasimi keçirilir. Yarışın qalibləri ilə qələbəni bayram etmək şansını əldən qaçırmayın.