Filologiya məsələləri, 2017
178
baş müəl. ƏLIYEVA N.Ə.
Azərbaycan Tibb Universiteti
Azərbaycan dili və nitq mədəniyyəti kafedrası
NİTQ MƏDƏNİYYƏTİ VƏ OBRAZLILIQ
Açar sözlər: nitq, mədəniyyət, obrazlılıq, bədiilik, metod
Ключевые слова: речь, культура, образность, художественность,
метод
Keywords: speech, culture, figurative, imagery, art, method
Nitq mədəniyyəti insanlara məxsus ümumi mədəniyyətin ən vacib və
aparıcı tərkib hissələrindən biridir. Belə yüksək keyfiyyətə yiyələnən şəxs
cəmiyyətin ictimai həyatında, onun hər hansı bir sahəsində fəal və məhsuldar
iştirak etmək imkanına malik olur. Xüsusən ziyalıların nitq mədəniyyətinə
yiyələnməsi vacib sayılır. Yazıçılar, şairlər, müəllimlər, aktyorlar, radio və
televiziya işçiləri, jurnalistlər, bədii söz ustaları sözlərinin təsirliliyi, obrazlılığı,
ifadəliliyi, məntiqliyi, zənginliyi ilə fərqlənməlidirlər. Başqaları isə onların
danışığından, oxusundan, yazdıqlarınlan nümunə götürməli və
faydalanmalıdırlar.
Məlumdur ki, dil lüğət fondu, qrammatik quruluşu, fonetik sitemi ilə
təşəkkül tapmış ünsiyyət vasitəsidir. Nitq isə xalqın hər bir nümayəndəsinin bu
ünsiyyət vasitəsindən fərqli istifadəsidir, ayrı-ayrı insanların danışığıdır.Hər
hansı bir xalqın milli mədəniyyətinin göstəricilərindən biri də gözəl nitqdir.
İnsanın nitqi onun iç dünyasını aşkarlayan başlıca vasitədir. Adamları tanımaq,
onlara bələd olmaq üçün hər şeydən əvvəl, ünsiyyətə girmək, təmasda olmaq
lazımdır. Antik dövrün böyük filosofu Sokrat vurğulamışdır: «Ey insan, danış,
səni tanıyım». Həzrəti Əli buyurmuşdu ki, hər kəs öz dilinin altında gizlənib.
Danışmayınca onun ağıllı və ya ağılsız olması məlum olmur.
Tarixi inkişafın bütün mərhələlərində nitqə, onun gözəlliyinə xüsusi
diqqət yetirilmiş, qiymət verilmişdir. Qobusnamədə deyilir: «Sözü ən gözəl
tərzdə söyləmək lazımdır ki, həm söz anlayan olasan, həm də söz anladasan».
N.Tusinin danışıq etikası haqqında XII əsrdə dediyi sözlər bu gün üçün
də əhəmiyyətlidir. O, demişdir: Az danışmağı, susmağı, soruşanda cavab
verməyi, böyüklərə qulaq asmağı öyrətməli, nalayiq sözlər, yersiz kəlmələr
işlətməkdən çəkinməli, gözəl, zərif, xoş kəlamlardan istifadə etdikdə
təriflənməli və belə adət etməyə hüsn-rəğbət oyatmalıdır. Özünə, müəllimə,
özündən yaşca böyük olanlara hörmət və xidmət etməyi bilməlidir. Maraqlı və
canlı danışıq səslərin deyiliş tərzi, işlənmə forması ilə çox bağlıdır.
K.S.Stanislavskinin dediyi kimi «sadə və gözəl danışığı bacarmaq özü bir
elmdir. Və onun xüsusi qanunları var.
Filologiya məsələləri, 2017
179
Görkəmli rus yazıçısı A.P.Çexov «Gözəl danışığa etinasız yanaşan
adamların özlərini insana layiq ola biləcək ali, nəcib bir sözdən məhrum
etdiklərini söyləmişdir». Bir latın atalar sözündə deyilir ki, şair anadan şair
doğulur, natiqlər isə tədricən yetişir.Buradan aydın şəkildə bəlli olur ki, gözəl
danışığa yiyələnmək həyatda qazanılır və hər kəsin özündən asılıdır. Lap qədim
zamanlarda yaranmış bir zərb-məsəldə deyilir: «Sözün zahiri zərif, batini lətif
olmalıdır».Fransız yazıçısı V. Hüqo yazırdı ki, yaşadığımız dünyada səmadan
da gözəl mənzərə vardır. Bu insan qəlbinin dərinliyidir. Həmin dərinliyə baş
vura bilmək üçün gözəl danışmağı, dinləməyi bacarmaq lazımdır.
Bir şeirdə deyildiyi kimi:
Sözü çöz, sonra söylə,
Üzə söylə, qeybət olmasın
Elə söylə ki, xoş gəlsin sənə, həm əğyara
İşarə ilə söylə, rəmzlə söylə
Ancaq səddini çək sonra söylə…
Bir faktı vurğulamaq lazımdır ki, dilin gözəlliyi ilk növbədə bədii təsvir
vasitələrindən yerli-yerində, hərtərəfli, geniş istifadə etməkdən bəhrələnir.Dili
zənginləşdirən, zinnətləndirən onun obrazlılığıdır. Bu xüsusiyyət özünü bədii
əsərlərdə xüsusilə aydın şəkildə göstərir.
Azərbaycan şifahi xalq ədəbiyyatı inciləri obrazlılığa ən yaxşı
nümunədir. Azərbaycan ədəbiyyatının klassikləri həmişə sözə yüksək qiymət
vermiş, ondan düzgün istifadə etməyi vurğulamışlar.Dahi Nizaminin «Az
danışmağın gözəlliyi» şeirində sözə, obrazlılığa verdiyi qiymət bu gün də məna
tutumunu qoruyub saxlayır və söz sənəti xiridarları üçün ən yaxşı nümunədir:
Sözün də su kimi lətafəti var,
Hər sözü az demək daha xoş olar.
Bir inci saflığı varsa da suda
Artıq içiləndə dərd verir bu da
İnci tək sözlər seç, az danış, az din,
Qoy az sözlərinlə dünya bəzənsin.
Həqiqi sözün, obrazın min il əvvəlki təbiəti, tarixi, keçmişi, etnoqrafiyanı, ilin
fəsillərini yaşatmaq, gələcək nəsillərə çatdırmaq kimi ecazkar qüvvəsi vardır.
Dahi Nizaminin «Xosrov və Şirin» poemasında Bərdə şəhəri, torpağı,
təbiəti haqqında söylədiyi sətirlər obrazlılığın zirvəsidir.
Bərdə nə gözəldir, necə qəşəngdir,
Yayı da, qışı da güldür, çiçəkdir.
İyulda dağlara lalələr səpər
Qışını baharın nəsimi öpər
O yaşıl meşəsi cənnətə bənzər,
Şən ətəklərinə bağlamış kövsər
Söyüdlük çöllərə vermişdi zinət.
Filologiya məsələləri, 2017
180
Fikrimizcə, obrazlılıq yenilikdir, yeni nəfəsdir. Barsız söyüdün susuz
çöllərə zinət verməsi sadə, əməksevər insanların zəhmətinin bəhrəsidir, onlara
böyük şair hörmətinin, ehtiramının nəticəsidir.Nizamnin şeirlərindəki obrazlılıq,
ifadəlilik, sadə əmək adamlarına məhəbbət XX əsrdə Səməd Vurğun tərəfindən
«Muğan» poemasında düzgün ifadə olunmuşdur.
Susuz torpaq kimi sevinir torpaq
O insan əliylə şəfa tapacaq.
Azərbaycan ədəbiyyatında sözü yerdən göylərə qaldıran, onu
möcüzələr, əfsanələr aləminə aparan Füzuli «Söz» qəzəlində yazırdı:
«Xəlqə ağzın sirrin hər dəm qılır izhar söz,
Bu nə sirdir kim, olur hər ləhzə yoxdan var söz??
Ver sözə ehya ki, tutduqca səni xabi əcəl,
Edə hər saət səni ol uyqudan bidar söz».
XVII-XIX əsrlərdə Azərbaycan aşıq ədəbiyyatını yeni, daha uca
zirvələrə qaldırmış Qurbaninin, Abbas Tufarqanlının, Xəstə Qasımın, Aşıq
Alının, Aşıq Ələsgərin yaradıcılığında obrazlılıq əhəmiyyətli yer tutur.
Bir faktı vurğulamaq lazımdır ki, sonrakı illərdə də obrazlılıq
Azərbaycan ədəbiyyatında əsas təsir və ifadə vasitələrindən biri olmuşdur.
Şərqdə ilk komediyanın müəllifi olan M. F. Axundov əsərlərində hər tipi öz dili
ilə danışdıraraq forma və məzmun vəhdəti yaratmışdır. Yazıçı, canlı xalq
danışıq dilindən, atalar sözlərindən, zərb məsəllərdən bəhrələnmişdir. Bu gün də
dramaturqun yaratdığı obrazlar milliliyi, koloritliyi, canlılığı, sadəliyi və ifrat
dərəcədə azərbaycanlılığı ilə oxucuları təəccübləndirir.
XIX əsr Azərbaycan həyatının ən kiçik zərrəciyi belə M. F. Axundovun
nəzər– diqqətindən yayınmamışdır. Yazıçının komediyaları XIX əsr
Azərbaycan həyatının güzgüsüdür– desək, səhv etmərik. «Hacı Qara»
komediyasında Heydər bəyin, Hacı Qaranın monoloqu iqtisadi, siyasi, mədəni,
məişət həyatının çətinliyinin, mürəkkəbliyinin necə də dolğun şəkildə əks
etdirildiyindən xəbər verirdi.
Heydər bəy:«Pərvərdigara, bu necə əsrdir? Bu necə zəmanədir? Nə at
çapmağın qiyməti
var, nə tüfəng atmağın hörməti var! Sabahdan axşamadək, axşamdan
sabahadək arvad kimi dustaq alaçığın içində oturaram. Dövlət dəxi hardan
olsun, pul hardan olsun? Ah, keçən günlər, keçən dövrlər! Hər həftədə, hər ayda
bir karvan çapmaq olurdu, bir ordu dağıtmaq olurdu. İndi nə karvan çapmaq
olur, nə ordu dağıtmaq olur».
Hacı Qara:«Allah kəssin belə bazarı! Belə alış- verişi! İt oğlu qədək, şilə
verənin əli
qurğuşun imiş! Üç aydır satmamışam. Zalım oğlu, yüz yol qurana, peyğəmbərə
and içdi ki, çox rəvac maldır. Ağcabədi bazarında hamısını satarsan. Üç gün
Dostları ilə paylaş: |