Filologiya
məsələləri, № 15 2017
10
LEYLA
MAHMUDOVA
BDU-nun dosenti
mahmudova.1969@mail.ru
MÜASİR FARS DİLİNDƏ MÜRƏKKƏB
CÜMLƏLƏRİN TƏSNİFİ
Açar sözlər: sadə cümlə, cüttərlibli cümlə, şəxssiz cümlə, feili xəbər, sintak-
tik məna,
qramatik məna, fars dilində xəbər.
Ключевые слова: простое предложения, односоставное предложение,
безличное предложение, глагольное сказуемое, синтаксическое значе-
ние, грамматическое значение, сказуемое в персидском языке.
Key words: a simple sentence, mononuclear sentences, impersional senten-
ces, verbal predicate, sintaksis meaninq, qrammatik meaninq, predicate in
Persian language.
Cümlə sintaksisisn əsas problemidir. Nitqin əsas vahidi olan cümlənini
tədqiqi, sintaksisin əsas probleminin tədqiqi deməkdir.
Cümlənin ümdə vəzifəsi kommunikativlikdən, başqa sözlə desək, onun
müəyyən informasiya ifadə etməsindən ibarətdir. Məhz bu vəzifəsinə görə
cümlə başqa sintaktik vahidlərdən fərqlənir. Digər sintaktik vahidlər –
sözlər, söz birləşmələri ancaq müəyyən şərait daxilində, konteksdə, dialoqda
və yaxud mürəkkəb cümlənini tərkibində kommunikativ vəzifə daşıya bildikləri
halda, cümlə bu vəzifənin, yəni kommunikativ vəzifənin öhdəsindən müstəqil
olaraq gəlir. Təsadüfi deyil ki, qrammatikaya aid nəzərdən keçirdiyimiz ədəbiy-
yatda sintaksisin əsasını cümlə haqqında təlim təşkil edir. Buna görə də dilin
cümlə bəhsinin öyrənilməsinin həm nəzəri, həm də praktik əhəmiyyəti var-
dır.Dilçilik tarixində sintaksisin əsas obyekti hesab olunan cümlə müxtəlif dil-
çilik məktəbinin nümayəndələri tərəfindən müxtəlif cür də anlaşılmışdır. Müasir
dilçilikdə cümlə haqqındakı təlimdə A.A.Şaxmatovun adı ilə bağlı olan mən-
tiqi-psixoloji məktəbin ənənələri hələ də güclü olaraq qalır. A.A.Şaxmatov
cümləni psixoloji kommunikasiyanın sözlə ifadəsi hesab edirdi. Formal-
qrammatik məktəbin nümayəndələri sintaksisin əsas predmetini söz birləş-
məsi hesab edir, cümləni də söz birləşməsinin bir növü sayırdılar.Görkəmli
rus dilçisi A.M.Peşkovski cümlənin təşkilində xəbərin rolunu xüsusi göstə-
rirdisə də, cümlədə mütləq üzv kimi mübtədanı götürürdü.Rus dilçiləri Bus-
layev, İ.İ.Davıdov və A.A.Potebnya cümlənin təşkilində felin rolunu xüsusi
qeyd edirdilər.Akademik V.V.Vinoqradov cümlənin əsas əlaməti kimi intonasi-
ya bitkinliyini və predikativliyi irəli sürür.Biz akademik V.V.Vinoqradovun bi
fikrini qəbul edir və predikativliklə intonasiya bitkinliyini cümlənin əsas əlaməti
sayırıq. Dilçilikdə predikativlik haqqında müxtəlif rəylər vardır.V.Q.Admoninin
Filologiya məsələləri, № 15 2017
11
fikrincə, hökmün iki üzvü cümlədə mübtəda və xəbərdə öz əksini tapır. Bəzi
alimlər bi fikrin əksini söyləyir və göstərirlər ki, predikativliyi təkcə mübtəda-
xəbər münasibəti ilə məhdud etmək doğru deyil, predikativlik cümləni üzvlərə
ayırmadan bütövlükdə cümləyə xas ola bilir. V.V.Vinoqradovun fikrincə,
cümlədə təsrif olunan felin təşkiledici rolu haqqında fikir ona görə çox
yayılmışdır ki, felin şəxsli formalarında şəxs, zaman və şəkil kateqoriyaları əya-
ni olaraq ifadə olunur. Sintaktik predikativlik də bu kateqoriyalarla əlaqədar-
dır.T.T.Lomtev yazır ki, cümlədə predikativlik cümlədəki ayrı-ayrı sözlərin for-
ması ilə deyil, onun bütün tərkibi ilə ifadə olunur. Predikativlik cümlənin qram-
matik deyil, məntiqi xüsusiyyətidir .N.Y.Şvedova predikativliyi sintaktik zaman
və obyektiv modallığın vəhdəti adlandırır . İ.S.Valqina da bi fikrə şərik çıxaraq
qeyd edir ki, cümlə modallığa və sintaktik zamana malikdir. Bu iki kateqoriya
ayrılmaz şəkildə bir-birilə əlaqədardır və bu da predikativlik deməkdir.
A.V.Bondarkonun fikrincə isə predikativlik öz əksini sintaktik zaman və şəkil
kateqoriyasında deyil, funksional semantik kateqoriyalar olan modallıq, tempo-
rallıq və personalllıq kateqoriyasında tapır. Mahiyyət etibarilə N. N. Proko-
noviç də bu fikrə tərəfdar çıxaraq yazır ki, predikativlik modallıq, zaman və
şəxs kateqoriyalarının məcmusu kimi anlaşılmalıdır .
Q.L.Zolotova yazır ki, predikativlik cümlənini məzmununun real var-
lığa münasibətidir ki, o da modallıq, zaman və şəxs kateqoriyası ilə ifadə
olunur. Bu da cümlənin struktur-semantik mərkəzini təşkil edən iki üzvü
vasitəsilə həyata keçirilir. Təktərkibli cümlələrdə real varlığa münasibət bu
mərkəzlərdən biri vasitəsilə reallaşır .A.N.Qvozdev predikativliyi cümlənini zə-
ruri və spesifik əlaməti hesab edir .E.M.Qalkina–Fedorukun fikrincə, predika-
tivlik zaman və şəxs kateqoriyasıdır. O yazır: “Cümlənini qrammatik əsası za-
man və şəxs kateqoriyasıdır...” . Predikativliyi cümlənin məzmununun gerçək-
liyə münasibəti kimi qəbul edən alimlərin fikri ilə razılaşmayaraq, o qeyd edir
ki, belə alimlər qrammatik kateqoriyaları hökmün məntiqi ünsürləri ilə qarış-
dırırlar. O.V.Sirotinina haqlı olaraq yazır: “Bizm dilçilik elmində predikativlik
anlayışı o qədər dumanlı və ziddiyyətlidir ki, ondan ümumiyyətlə qeyd-şərtsiz
olaraq istifadə etmək praktik şəkildə mümkün deyil”.
Beləliklə, mövcud ədəbiyyatı nəzərdən keçirdikdə məlum olur ki,
predikativlik haqqında nəinki fikir birliyi yoxdur, hətta söylənmiş fikirlər
çox halda daban-dabana ziddir. Yuxarıda deyilmiş, habelə dilçilik ədəbiy-
yatında mövcud olan bir sıra mülahizələri yekunlaşdırsaq, deməliyik ki,
predikativlik cümlənin əsasını təşkil edir. Predikativlik cümlədəki sözləri
cümlə şəklinə salan əlamətlərin kompleksidir. Predikativliyin əsasını
modallıq, zaman və şəxs kateqoriyası təşkil edir. Predikativliyin ifadə vasitə-
ləri hər şeydən əvvəl felin şəkil, zaman formaları və bir sıra yardımçı söz və
hissəciklərdir. Dillərdə predikativliyin əsas ifadə vasitələrindən birisi felin
şəkilləri hesab olunur. Fel şəkillərin predikativliyin ifadəsində oynadığı rol