28
əlaqədar baş verir. Residiv verən hemartrozlar xronik sinovitə səbəb
olaraq, xronik hemorragik destruktiv osteoartrozların inkişaf
etməsinə gətirib çıxarır.
Patoloji proses inkişaf edərək sinovial qişanın fibrozlaşmasına,
beləliklə də, deformasiyaedici osteoartrozun yaranmasına gətirib
çıxarır. Oynaqda eksudat toplanmır. Hemartrozların kəskinləşməsi
nadir hallarda baş verir, oynağın hərəkətliliyi proqressiv olaraq
azalır. Az hərəkətli diz oynağında fibroz kapsula ilə əhatə olunmuş
ayrı-ayrı kistaşəkilli qansızmalar əmələ gələrək, ön və yan bağlarda,
bəzən də hipertrofiyalaşmış kapsulada lokalizə olunur. Kistoz
dəyişikliklər sümük toxumasının zədələnməsinə gətirib çıxarır.
Klinik-rentgenoloji göstəricilərə əsasən hemorragik-destruktiv
osteoartrozların formalaşmasında 5 mərhələ ayırd edilir.
I. Erkən mərhələ oynaq həcminin böyüməsi, qansızma ilə
əlaqədar oynaq yarığının genəlməsi ilə səciyyələnir. Rentgenoloji
olaraq oynaq kapsulunun qalınlaşması və sərtləşməsi, zəif osteoporoz
aşkar oluna bilər. Qansızmanın müşahidə olunmadığı “soyuq”
dövrdə oynaq funksiyası pozulmur.
II. Bu mərhələ oynaq səthlərinin konqruentliyi pozulmadan
oynaq yarığının bir qədər daralması ilə səciyyələnir. Osteoporoz
əlamətləri inkişaf edir. Subxondral skleroz əmələ gəlir. Periartikulyar
toxumanın sonrakı sərtləşməsi müşahidə olunur.
III. Bu mərhələ kənarda yerləşən uzurların əmələ gəlməsi,
qığırdaq toxumasının destruksiyası və kistaların əmələ gəlməsi ilə
xarakterizə olunur. Osteoporoz daha aydın nəzərə çarpır. Oynaq
yarığı daralmış, bəzi nahiyələrdə oynaq səthlərinin konqruentliyi
pozulmuş olur. Diz oynağında diz qapağının xarakter dəyişikliyi –
onun aşağı qütbünün kvadrat şəkilli forma olması və ön-arxa
ölçülərinin böyüməsi müşahidə olunur. Oynağın funksiyası bir qədər
pozulmuş, hərəkət məhdudluğu yaranmış olur. Əzələlərin atrofiyası
müşahidə olunur.
IV. Bu mərhələdə oynaq kəskin deformasiyaya məruz qalır,
oynaq səthləri yastılaşır, hiperostozlarla əlaqədar epifizlər genəlir,
diafizlər kiçilir, oynaq yarığı kəskin daralır. Oynaqdaxili qığırdaqlar
dağılır. Əzələlərin dərin atrofiyası və kəskin hərəki məhdudluq
müşahidə olunur. Hərəkət zamanı oynaqdaxili krepitasiya qeyd
olunur. Oynağın funksiyası kəskin pozulur.
Klinik protokol Az
ərbaycan Respublikas
ı S
əhiyy
ə Nazirliyinin
İctimai S
əhi
yy
ə v
ə
İslahatlar M
ərk
əzind
ə haz
ırlanm
ış
dı
r.
29
V. Bu mərhələ oynaq funksiyasının tam itirilməsi ilə xarakterizə
olunur. Rentgenoqramda oynaq yarığı pis görünür, çox vaxt
birləşdirici toxuma ilə tutulmuş olur. Sümüklərin subxondral
hissələrinin kəskin sklerozu, epifizlərin kistozu və nəzərə çarpan
uzurasiyası müşahidə olunur. Sümük ankilozlarının formalaşması baş
verir.
Deformasiyaedici osteoartrozlar bütünlüklə dayaq-hərəkət
aparatının dinamikasına təsir edir, xəstənin onurğa sütunu və
çanağında əyilmə baş verərək əzələlərin hipotrofiyası və osteoporoz
inkişaf edir. Uzun müddət ayağın düzgün atılmaması diz oynağının
valqus deformasiyasının inkişafına və aşıq-daban oynağında “at
dabanı” tipli davamlı kontrakturanın əmələ gəlməsinə səbəb olur.
Qoltuq ağacından istifadə edən xəstələrdə yuxarı ətrafların
oynaqlarına qansızmalar müşahidə olunur. Dayaq-hərəkət sistemində
gedən dərin dəyişikliklər artıq erkən yaşlarda əlilliyin yaranmasına
səbəb olur.
Təkrari hemartrozlar və oynaqlarda gedən destruktiv proseslər
ikincili revmatoid sindromunun yaranmasına səbəb olur (Barkaqan-
Eqorov sindromu). Bu sindrom pəncə və əl barmaqlarında kiçik
oynaqların deformasiyası ilə nəticələnən xronik iltihabi proseslə
müşayiət olunur. Xəstələrin əksəriyyətində bu sindrom 14 yaşdan
sonra özünü büruzə verir. Oynaqlarda ağrı, hərəkət məhdudluğu qeyd
olunur. Xəstəyə ağır yük gəzdirməkdən qaçmaq, zədələnmiş oynağa
bərk və ya kip sarğı qoymaq, oynağı bir qədər qaldırmaq göstərişi
vermək lazımdır (C)
31
.
Yaş artdıqca oynaqların zədələnməsi daha çox proqressivləşir, bu
da sonradan hərəki funksiyanın məhdudlaşmasına, kontraktura və
ankilozların formalaşmasına gətirib çıxarır.
Müalicə
Xəstənin vəziyyətindən asılı olaraq qanında faktorun səviyyəsini
artırmaq üçün müvafiq dozanı seçmək (B)
31
(Cədvəl 5).
Öncə xəstəyə faktor konsentratı köçürülməli, sonra isə onun
vəziyyəti qiymətləndirilməlidir.
Travmadan dərhal sonra və ya ilkin simptomlar zamanı faktorun
səviyyəsini 40%-ə qədər qaldırmaq lazımdır. Əgər oynağa qansızma
iri miqyaslıdırsa, faktor səviyyəsini 60%-ə qədər qaldırmaq və
hemofiliya müalicə mərkəzinə müraciət etmək lazımdır.
Klinik protokol Az
ərbaycan Respublikas
ı S
əhiyy
ə Nazirliyinin
İctimai S
əhi
yy
ə v
ə
İslahatlar M
ərk
əzind
ə haz
ırlanm
ış
dı
r.
30
Əgər qanaxma dayanmırsa, ikinci infuziya tələb oluna bilər.
Ehtiyac varsa, hemofiliya A zamanı 12 saat, hemofiliya B zamanı
24 saat ərzində birinci yeridilən dozanın yarısını təkrarlamaq (C)
31
.
Ağrı azalana qədər oynaq immobilizasiyası şına ilə nəzarətdə
saxlanılmalıdır. Oynağa buz qoyularaq (hər 4 saatdan bir 20 dəqiqə
müddətinə) sakit və hündürə qaldırılmış vəziyyətdə saxlanmalıdır.
Əgər xəstədə simptomlar (ağrı, şişkinlik, həssaslıq, hərəkətliliyin
itirilməsi) 3 gündən artıq davam edərsə inhibitorlardan, septik
artritdən və ya sınıqdan şübhələnmək olar.
Aspirin tərkibli preparatların tətbiq olunması əks-göstərişdir.
Qeyd etmək lazımdır ki, reabilitasiya oynaqlara kəskin qansızma
hallarına nəzarətin aktiv hissəsi olmalıdır (B)
31
.
►
Ağrı və şişkinlik keçən kimi xəstəni zədələnmiş oynağının
vəziyyətini komfort halından funksional vəziyyətə gətirməyə
məcbur etmək və çalışmaq lazımdır ki, tədricən oynaq tam
düzləşənə kimi açılsın
►
Bunu əzələlərin aktiv yığılması ilə mümkün qədər uzatmaq
lazımdır. Əvvəlcə qoruyucu passiv yardım, sonra ehtiyatla
dartmaq (əgər əzələ işi tormozlanıbsa)
►
Oynaqların xronik hərəkət məhdudluğunun qarşısını almaq və
əzələlərin atrofiyasını maksimal azaltmaq üçün əzələlərin
erkən aktiv nəzarətini gücləndirmək lazımdır
►
Aktiv hərəkətlər və proprioseptiv məşqləri oynaqlarda
qansızmadan əvvəlki tam hərəkət amplitudu alınana qədər
kəskin sinovit əlamətləri gedənə və funksionallığın tam
bərpasına qədər davam etdirmək lazımdır
►
Əgər idman hərəkətləri düzgün yerinə yetirilərsə, öncə faktor
vurulmasına ehtiyac olmaya bilər
Klinik protokol Az
ərbaycan Respublikas
ı S
əhiyy
ə Nazirliyinin
İctimai S
əhi
yy
ə v
ə
İslahatlar M
ərk
əzind
ə haz
ırlanm
ış
dı
r.
Dostları ilə paylaş: |