Microsoft Word A1 Consolidated ifrs report 2013 aze docx
Yüklə 1,55 Mb. Pdf görüntüsü
|
- Bu səhifədəki naviqasiya:
- Azərbaycan Respublikası Dövlət Neft Şirkəti Konsolidasiya Edilmiş Maliyyə Hesabatları üzrə Qeydlər (davamı)
- Neftin daşınması üzrə öhdəliklər.
- SOCAR Switzerland
- SOCAR Trading üzrə öhdəliklər.
Azərbaycan Respublikası Dövlət Neft Şirkəti Konsolidasiya Edilmiş Maliyyə Hesabatları üzrə Qeydlər (davamı) (Xüsusi qeyd edilmiş hallar istisna olmaqla, məbləğlər milyon Azərbaycan Manatı ilə ifadə edilir) (70)
35 Şərti öhdəliklər, təəhhüdlər və əməliyyat riskləri (davamı) BTC Co şirkətində iştirak payına aid olan öhdəliklər. 24 oktyabr 2008-ci il tarixində BTC şirkəti BİL-dən iki məhkəmə bildirişi almışdır. Birinci bildiriş Türkiyə ilə Əsas Boru Kəməri haqqında Saziş əsasında, ikincisi isə BTC Şirkəti və BIL arasında Əməliyyat razılaşması əsasında irəli sürülmüşdür. İddianın cəmi məbləği təxminən 250 milyon ABŞ dolları (196 AZN) təşkil etmişdir. Uzun sürən bu problemləri həll etmək məqsədilə 25 oktyabr 2011-ci il tarixində BTC Co və BIL bir sıra ilkin şərtlərin yerinə yetirilməsini nəzərdə tutan Əməliyyat razılaşmasına Əlavə 3-ü müzakirə etmiş və imzalamışlar. Bundan əlavə, BTC Şirkəti xoş niyyət ifadəsi olaraq və Əməliyyat razılaşması əsasında müqavilə hüquqlarına ziyan vurmadan həmin tarixdə BİL ilə ayrıca Məktub-Razılaşma imzalamışdır. Bu Məktub-Razılaşmaya uyğun olaraq, BIL-in məlumatına görə Əməliiyyat Razılaşması əsasında BİL-in BTC şirkətinə göstərdiyi xidmətlərlə bağlı keçmiş dövrlərin borcunu BİL-ə ödəmək üçün 2013-cü ilin 4-cü rübündən başlayaraq 8 hissədə ödəniləcək 100 milyon ABŞ dolları (78 AZN) məbləğində vəsait verilmişdir. 27 sentyabr 2013-cü il tarixində, bütün ilkin şərtlər yerinə yetirildiyinə görə, bu Əlavə qanuni qüvvəyə minmişdir. Beləliklə, həmin tarixdən məhkəmə araşdırması dayandırılmış və BİL öz iddialarını geri götürmüşdür.
(“İxracatçılar Qrupu”) BTC şirkəti ilə AÇG yatağında Məhsulların Nəqli haqqında Müqavilə (“AÇG MN”) bağlamışdır və 3 fevral 2004-cü il tarixində bu Müqaviləyə əlavələr edilmişdir. Bu Müqaviləyə əsasən İxracatçılar Qrupu (Qrup daxil olmaqla) hər bir iştirakçı tərəfindən Qərb İxrac Marşrutu ilə göndərilən hər hansı məhsul istisna olmaqla, AÇG yatağından bütün xam neftin BTC neft boru kəməri vasitəsilə daşınması üzrə öhdəlik götürmüşdür. Qrup Bakı-Tbilisi-Ceyhan neft boru kəməri tam istehsal həcmi ilə işləyənədək xam neftin dəmir yolu vasitəsilə daşınmasına razılıq vermişdir. Lakin, AÇG MN-ə uyğun olaraq Qrup BTC-nin istehsal həcminin kifayət qədər olduğu halda, sair daşınma imkanlarından istifadə edilməməsinə dair razılıq vermişdir.
BTC neft boru kəməri 2006-cı ilin may ayında istismara verilmişdir. Boru kəmərinin doldurulması üçün AÇG yatağından 10 milyon barrel neft istifadə edilmişdir və BTC neft boru kəməri vasitəsilə neft ilə yüklənmiş ilk tanker 4 iyun 2006-cı il tarixində Türkiyənin Aralıq Dəniz sahilində yerləşən Ceyhan terminalından yola salınmışdır. Gündəlik istehsal həcmi 1,200,000 barreldən artıq olan BTC neft boru kəməri İxracatçılar Qrupunun əsas ixrac marşrutu kimi istifadə edilir.
Məhsulların Nəqli haqqında Müqaviləyə uyğun olaraq, 3 fevral 2004-cü il tarixində BTC, İxracatçılar Qrupu, Qrupun Nümayəndəsi, BTC-nin kreditorları və təminat üzrə zamini, eləcə də AÇG İxracatçılar Qrupunun kreditorları və təminat üzrə zamini arasında Birbaşa Müqavilə imzalanmışdır. Tərəflər BTC tarifinin ödənişini neft və neftin satışından gəlirlər üzrə birinci dərəcəli ödəniş kimi təsdiqləmişdir.
haqqında müqavilələrə qoşulmuşdur. Qrup öz öhdəliklərini və əməliyyat lizinqlərini, müvafiq olaraq 19 milyon İF (17 AZN) və 70 milyon İF (61 AZN) məbləğində qiymətləndirmişdir.
qoşulmuşdur. Qrup əməliyyat lizinqlərini 83 milyon ABŞ dolları (65 AZN) məbləğində qiymətləndirmişdir.
8 dekabr 2012-ci il tarixində Petroexport Limited (“Petroexport”) (Rəsmi olaraq ləğv olunma prosesindədir) SOCAR Trading S.A-ya (“SOCAR Trading”) qarşı Beynəlxalq Kommersiya Arbitrajı üzrə Qahirə Regional Mərkəz qarşısında məhkəmə işini qaldırmışdır. Petroexport-un iddiası tərəflər arasında 26 mart 2010-cü il tarixli xam neftin emalı haqqında razılaşmanın qüvvəsinə xitam verilməsi ilə bağlıdır və təxminən 120 milyon ABŞ dolları (94 AZN) məbləğinə bərabərdir. Arbitraj məhkəməsinin son qərarı 2015-ci ilin birinci rübündə gözlənilir. İndiyə qədər tərəflərin mübadilə etdiyi arqumentlərə görə SOCAR Trading hesab edir ki, iddianın böyük hissəsi əsassızdır. Lakin prosesin hazırkı mərhələsində, hər bir hüquq prosesində olduğu kimi, SOCAR Trading tərəfindən iddianın kiçik faizini təşkil edən məbləğin ödənilməli olduğunu istisna etmək olmaz.
Azərbaycan Respublikası Dövlət Neft Şirkəti Konsolidasiya Edilmiş Maliyyə Hesabatları üzrə Qeydlər (davamı) (Xüsusi qeyd edilmiş hallar istisna olmaqla, məbləğlər milyon Azərbaycan Manatı ilə ifadə edilir) (71)
35 Şərti öhdəliklər, təəhhüdlər və əməliyyat riskləri (davamı)
Sea Terminal MMC (“Black Sea Terminal”) Black Sea Industry MMC-dən beş torpaq sahəsinin alınması haqqında alqı-satqı müqaviləsini imzalamışdır. Bu torpaq sahələri ilk öncə 2007-ci ilin iyul ayında Gürcüstanın İqtisadi İnkişaf Nazirliyi ilə imzalanmış özəlləşdirmə razılaşmasına uyğun olaraq cəmi 7.25 milyon ABŞ dolları (5 AZN) məbləğində ödəniş almaqla Black Sea Industry MMC-nə satılmışdır. Gürcüstanın İqtisadi İnkişaf Nazirliyi(GİİN) torpaq sahələrini bu şərtlə Black Sea Terminal MMC-nə köçürməyə razılaşmışdır ki, Black Sea Terminal və Black Sea Industry MMC özəlləşdirmə razılaşması əsasında birlikdə və ayrı-ayrılıqda torpaq sahələrinə aid olan investisiya proqramının həyata keçirilməsinə görə məsuliyyət daşısın. Torpaq sahələri üzrə mülkiyyət hüququnun əldə edilməsi həmçinin investisiya proqramının həyata keçirilməsindən asılıdır. İnvestisiya proqramı aşağıdakı obyektlərin tikintisi üçün ən azından 250 milyon ABŞ dolları (196 AZN) məbləğində investisiyaların qoyulmasını nəzərdə tutur: (i) maye təbii qaz zavodu; (ii) neft emalı qurğuları; (iii) port qurğuları və (iv) dəmir yolu. Bundan əlavə, özəlləşdirmə razılaşmasına tikinti müddəti ərzində işçi heyətinin işə qəbulu ilə bağlı müəyyən öhdəliklər daxildir. İnvestisiya proqramı beş il ərzində həyata keçirilməsə, özəlləşdirmə razılaşması müəyyən maliyyə cərimələrinin tutulmasını nəzərdə tutur. Həyata keçirmə ilk əvvəl 16 iyul 2012-ci ildə nəzərdə tutulmuşdur. Maliyyələşmə mövcud olmadığı üçün, qlobal maliyyə böhranı və Gürcüstandakı iqtisadi vəziyyət nəticəsində investisiya proqramı bu tarixədək həyata keçirilməmişdir. Belə olan halda GİİN-in aşağıdakı tərzdə müəyyən olunmalı, icazə verilmiş ödənişləri tələb etmək hüququ var: a) İnvestisiya öhdəliyini yerinə yetirmədiyi halda hər gecikmə günü üçün qalan investisiyanın 0.1 faiz dərəcəsi ilə hesablama; b) Müqavilə ilə müəyyən edilmiş digər öhdəliklər yerinə yetirilmədiyi halda (yəni, orta əmək haqqı 360 ABŞ dollarından az olmayan 3,000-dən çox insanın işə götürülməsi) hər gecikmə günü üçün qalan investisiyanın 0.1 faiz dərəcəsi ilə hesablama;
11 fevral 2013-cü il tarixində Carlina GİİN-dən 4/2555 saylı məktub almışdır. Bu məktuba əsasən investisiya öhdəliyinin müddəti 1 avqust 2013-cü il tarixinədək bir ilə uzadılmışdır. Lakin, bu cür uzadılma yuxarıdakı öhdəliklərin yerinə yetirilməməsinə görə hər gecikmə günü üçün 250 min ABŞ dolları məbləğində hesablamanı dayandırmamışdır. 31 dekabr 2013-cü il tarixinə bu cərimənin cəmi məbləği 84 milyon ABŞ dolları (66 AZN) təşkil etmişdir. Carlina və Black Sea Industry MMC öz investisiya öhdəliklərini yerinə yetirmədiyi halda və/və ya yeni ödəmə tarixinədək cəriməni ödəmədiyi halda GİİN yuxarıda qeyd olunan torpaq sahələrini (Kulevi terminalına qonşu torpaq) geri götürə və razılaşmaya xitam verə bilər.
19 dekabr 2013-cü il tarixində Qrup Gürcüstan hökuməti tərəfindən qəbul edilmiş digər fərmanı (1988 saylı) almışdır. Bu fərmana əsasən “Black Sea Industry” və “Black Sea Terminal” 16 iyul 2007-ci il tarixli razılaşmaya əsasən aşağıdakı şərtlər yerinə yetirildiyi halda öhdəliklərdən (o cümlədən investisiya öhdəliyindən və mümkün cərimələrdən) azad ediləcək: 250 milyon ABŞ dolları (196 AZN) məbləğində investisiya, “SargarejoGas”ın GOGC qarşısında öhdəliyi istisna olmaqla, Black Sea Terminal MMC-in balansında yaranan öhdəlikləri ödəyən “SOCAR Georgia Gas” MMC tərəfindən ediləcək. Minimum 250,000 abunəçinin qazla təmin edilməsi. SOCAR Energy Georgiya-nın öhdəlikləri. 2008-ci ildə Gürcüstanın İqtisadiyyat Nazirliyi ilə hazırlanmış razılaşma əsasında Gürcüstanın regionlarına təbii qazın tədarükü və müvafiq sahədə investisiyalar üçün vəsaitlərin toplanması məqsədləri ilə Qrup 40 milyon ABŞ dolları (31 AZN) məbləğində investisiya etməli və əlavə 150,000 abunəçini təbii qazla təmin etməli idi. Lakin, 19 dekabr 2013-cü il tarixində bu öhdəliyin şərtlərinə düzəlişlər edilmiş və Gürcüstan hökumətinin 1988 saylı yeni fərmanı təsdiq olunmuşdur. Bu fərmana uyğun olaraq qaz şəbəkəsinə investisiyanı etmək öhdəliyi 40 milyon ABŞ dollarından (31 AZN) 250 milyon ABŞ dollarınadək (196 AZN) artmış, yeni qaz abunəçilərinin sayı 150,000 nəfərdən 250,000 nəfərədək artmışdır. Fərmana uyğun olaraq öhdəliyin müddəti razılaşmaya düzəliş edildikdən sonra 3 il müəyyən edilmişdir.
31 dekabr 2013-cü il tarixinə SOCAR Energy Georgia-nın üçüncü tərəflərin adından buraxılmış cəmi 32 AZN məbləğində zəmanətləri olmuşdur.
Yüklə 1,55 Mb. Dostları ilə paylaş:
|