13
Qeyd və şərhlərə əlavə, s. 556) öz qədim adət-ənənələrini, mə-
dəniyyətlərini, folklorunu, incəsənətini, qədim əl işlərini, maldar-
lıqla bağlı çoxəsrlik təcrübələrini və s. qoruyub saxlamış və bu
gün də yaşadırlar. Məhz bu özünəməxsusluğu nəzərə alaraq bun-
dan əvvəlki və indiki antologiyada Şəki Qaraqoyunlularının folk-
lorunu “Qaraqoyunlu lətifələri”, “Qaraqoyunlu ixtilətləri”, “Qara-
qoyunlu əhvalatları” başlığı ilə, onların dialekt və şivələri nəzərə
alınmaqla vermişik. Məryəm oğlu Hacıbala, Leyli qarı, Tanrıverdi
qızı, Xaxol Alışan, Məryəm oğlu Hasan, “İrəviyə uşağı”, Cavad
kişi, “Qolya” Bəhram, Dərəcənnətli Əlipaşa kişi, Kürd oğlu Qoca,
Əlif kişi və... “bir qaraqoyunlunun” adından nəql edilən lətifə, ix-
tilət və əhvalatlar qaraqoyunlu folklor koloritinin əsl güzgüsüdür.
Dahi Aristotel yazırdı ki, zarafat ciddi işləri görmək üçün
vacibdir. Peyğəmbərlər də zarafatı sevərdi. Aişənin evində bir qarı
var idi. Bir gün peyğəmbərdən soruşdu: “Ey Allahın elçisi, mənim
üzüm behiştə gedənlərinki kimidir, ya cəhənnəmə, yəni “Mən
behiştliyəm, ya cəhənnəmlik?” Deyirlər ki, Allahın elçisi zarafat
edərdi, lakin həm də doğrusunu deyərdi. Peyğəmbər zarafatyana
qarıya demişdir: “O dünyada heç bir qoca qadın behişt olmaya-
caqdır”. Qarının kefi pozulur, ağlamağa başlayır. Peyğəmbər gülə-
cək deyir: Ağlama, mənim sözümdə xilaf ola bilməz, doğru dedim
ki, heç bir qoca behiştdə olmayacaqdır, çünki qiyamət günü hamı
qəbirdən cavan qalxacaqdır”. Qarının könlü açılır. (“Qabus-
namə”, Azərnəşr, 1989, səh. 75)
Yumorla dolu zəngin folklor mühiti yaşayan Şəkini zarafatsız
təsəvvür etmək Ay və Günəşin mövcudluğuna şübhə etmək kimi
bir şeydir. Lətifələr kimi zarafat da şəkililərin qanına, canına, ili-
yinə, sümüyünə hopmuşdur. Onlar sanki zarafatla birgə doğulur,
canüstündə, ölüm ayağında olanda belə “özlərini sındırmır”, zara-
fatlarından qalmırlar. (Gülüşün, zarafatın gücü, köməyi ilə ölümə
xof gəlmək fəndi). “Hacı dayı can üstündə olarkən qonşunun
xoruzu aramsız banlayır, bunu görən zarafatcıl baməzə arvadına
deyir ki, get qonşuya denən xoruzun səsini kəssin, o maa acıx
verir.” (AFA, VI. Şəki Folkloru II-s. 191)
14
“Dünyasını dəyişmiş bir şəkili cəhənnəmin qapısında daya-
naraq öz növbəsini gözləyirdi. Bu arada oranın işçilərindən biri
onun yumşaq yerinə bir təpik ilişdirdi. Zarafatlarından qalmayan
şəkili qayıdır ki, ə, həbilə eliyirsooz da, heş kim cəhənnəmə get-
max istəmir”.
Şəkidə tanınmış ziyalı, böyük və nüfuzlu bir nəsli təmsil edən
İbrahim Həsənov zarafatdan söz düşmüş bir məclisdə vaxtilə keç-
miş ağsaqqalların birindən zarafatın “zər rəftar” sözündən yaran-
dığını söyləyirdi. Şəkililər “zər rəftar”ın mahir ustasıdırlar, desək,
yerinə düşər.
Şəki həm də “zər rəftar” ustaları, zarafatın incəliklərini mə-
nimsəmiş və məharətlə tətbiq etməkdə ad çıxarmış adamları ilə
məşhurdur. Hacı Feyzi oğlu İlyas (Hacı Dayı), Mirzə Abdulcab-
bar, Maşaq İsfəndiyar Yazıçı - dramaturq Sabit Rəhman, xalq ar-
tisti Lütfəli Abdullayev, İnçəli Abdulcəlil, Hacıhəbibillahların Nu-
ru, Yetim oğlu Nurəddin, Tapdıq, Oqtay (Adurahman) Əmirov,
“Uzel-svyaz” Yusif, Zənqərəboğlu Hacıbala, Molla oğlu Mənəf,
Qaraqoyunlu Məryəm oğlu Hasan və b. ad-san çıxarmış zarafat
ustaları kimi tanınırlar. Zarafat ustaları “obyekti” seçəndə, onun
əhvalını “dişinə vuranda”, zarafatın vaxtını, düşər-düşməzliyini
müəyyən edəndə, yerinə düşən atmacanı seçəndə də yanılmırlar.
Burada zarafatın qarşılıqlı aparılması qaydası da gözlənilir. Yəni,
zarafatı zarafat götürənlə edərlər. Həm də zarafat götürməyən za-
rafat etməməlidir.
İnsanlar, adətən birbaşa deyə bilmədikləri (yaxud demək istə-
mədikləri) fikri, sözü dolayısı ilə, yumorun gücü ilə zarafat vasitə-
silə çatdırırlar. Şəkililər deyirlər: - andıra qalsın o zarafatı ki, dox-
san faizi gerçəyh döyül! və yaxud, “zarafatın yarısı gerçək döyül-
sə bi qəpəyə dəyməz” və s.
Şəkililərin yumora, zarafata bağlılığı o həddə çatıb ki, hətta
haqq dünyasına köçəndən sonra da insanlara təbəssüm bəxş etmə-
yi sağ ikən götür-qoy edirlər. Məşhur baməzə Mirzə Abdulcabbar
dostluq etdiyi qonşusu, dülgər Ələsgəri yanına çağırıb deyir: -
Mən öləndə qəbrimin üstünə başdaşı qoydur və bu sözləri yazdır:
15
– Yerim rahatdır, məndən narahat olmayın.
Ələsgər xalq ağsaqqalının sonuncu arzusunu yerinə yetirir.
Sanki müdrik ağsaqqal “yerim rahatdır...” sözü ilə ölümdən qorx-
mamağa, əsl rahatlığın, haqq-ədalətin haqq dünyasında olduğuna
insanları inandırır, ürək-dirək verirdi.
Şəkidə çöl qəbirsanlığı adlanan yerdə üstündə aşağıdakı söz-
lər yazılmış qəbir daşına rast gəldim:
“On altı arvad aldın, axırda arvadsız qaldın”. Yazının altında
mərhumun qızının adı yazılmışdı. İlk anda gülüş və təəccüb doğuran
bu ifadə on altı arvad alaraq axırda tənha, arvaddan yetim qalmış ata-
ya qızının dil deməsi, onun həyatına acıması, ağı söyləməsi idi.
Usta Niyazi nəql edir ki, şəhərin Qışlaq hissəsinin Dağdibi qə-
birsanlığında nöyüt satan Abid kişi ilə dəfn mərasimində yanaşı da-
yanmışdım. Onun diqqətini əsgi əlifbası ilə yazılmış qəbirüstü kita-
bə cəlb etdi. Abid kişi kitabəni oxuduqdan sonra yazılanları açıq-
ladı: “Qırxı bir şaaya yumurta aldım, gənə də arvadı boşamadım”.
Bu topluda L.Abdullayevin, Yetim oğlu Nurəddinin, Tapdı-
ğın, Hacı Həbibillahların Nurunun, şair Əliağa Kürçaylının Şəki-
dəki zarafatları və b. zarafatlar oxuculara çatdırılır.
Güman edirəm ki, ilk dəfə bu kitaba daxil edilən zarafatlara
oxucular münasibətlərini bildirəcək və bu janr gələcək folklor
təsnifatlarında özünə layiqli yer tutacaqdır.
Burada bir məsələyə də toxunmağı önəmli sayıram. Ağız ədəbiy-
yatından qidalanan məzhəkə janrı keçən əsrin 20-30-cu illərində
Şəkidə də çox yayılmışdır, böyük rəğbətlə qarşılanırdı. (Bunu
günümüzə gəlib çatmış o vaxtkı tamaşaların afişaları da təsdiq edir)
Konsert və tamaşaları məşhur məzhəkəçilərin çıxışı daha da baxımlı
və maraqlı edirdi. Xala oğlu, Abdulcabbar, Ağa, Əhməd ağa (Düm-
bəkçalan Əhməd ağa Qafarov nəzərdə tutulur) və b. şəkililərin yad-
daşında dərin iz buraxmış məzhəkə ustaları idilər. Bu janrın yenidən
həyata qaytarılması, ona necə deyərlər, ikinci nəfəs verilməsi folk-
lorumuzun öyrənilməsi və təbliği baxımından da faydalı olardı.
Ümumtürk folklor coğrafiyasında olduğu kimi, Şəki folklo-
runda da bayatılara önəmli yer verilir. Xalqın (ayrı-ayrı insan-
Dostları ilə paylaş: |