Microsoft Word Antol-18-Seki
Yüklə 3,58 Mb. Pdf görüntüsü
|
- Bu səhifədəki naviqasiya:
- Atam səni də evləndirər
- A şofer, sənin pasajirin ölsün
185
bir stolda sifariş verdikləri yeməkləri yeyirlərmiş. Şəkilinin biri kefirdən başqa heç bir şey yeməyən eloğlusundan soruşur: – Pulun yuyucuya qismət olsun. Xərclə də. Nədir o qatıq, doldurursan deşilmiş qarnına. Gəl bizim stola, tabakaya qonaq ol.! Qatıq içən şəkili ağzını silib deyir: – Ə, çaqqalam ki, toyuq yeyim? İstək Bir şəkili “Sən mənim əmimi niyə istəmirsən?” sualını verən uşağa qayıdır ki, nə danışırsan, ay oğul, mən səən əmo (əmini) lap çox istiyirəm. Hətta onnan (ondan) xahiş eləmişəm ki, qavırının yanında maa da yer saxlasın.
Şəki məktəblərinin birinə rus dili müəllimi təyin edilmiş birisi sinifdə şagirdlərlə ilk tanışlığa başlayanda deyir ki, kimin adını çəksəm ayağa qalxaraq “Ya” desin. Növbə Fərhada çatanda o “Can” deyir və bu, müəllimə bərk toxunur, bunu sataşmaq, ələ salmaq kimi götürür. Müəllim Fərhadı sinifdən çıxararaq deyir ki, get, valideynini gətir. Fərhad əhvalatı atasına danışaraq deyir ki, dədə, bəs sən demirdin ki, müraciət eliyənnərə can diyərsən?
Şəkili avtobusla Bakıya gedirdi. Yanında oturmuş kişi çox fikirli görünürdü. Şəkili bunun səbəbini soruşduqda, o bildirdi ki, axır vaxtlar haqq-hesabı itirib, xeyir-şərini bilmir. Şəkili deyir ki, bunun dərmanı balıqdır. Sən balıq əti ye. Kişi sevincək bildirir ki, gərək Bakıya çatan kimi çoxlu balıq əti yeyəm. Şəkili qayıdır ki, daa Bakiyə gedənə qədər vaxt itirmə, məndə yaxşı balıq var, pulu ver al. Kişi balığı çox baha qiymətə alır, Kürdəmirdə fasilə zaman bişitdirib yeyir. Yeməkxanadan çıxanda görür ki, həmin balıqdan çox ucuz qiymətə buralar doludur. Cin vurur başına, avtobusa 186
girib cumur şəkiinin üstünə ki, bəs, sən balığı mənə baha qiymətə sırımısan, burda su qiymətinədir. Şəkili soyuqqanlıqla dillənir: – Gördün, indicə yediyin balıq əti təsirini göstərdi, sən artıq xeyro-şəro bilirsən. Qədər
İdarə rəhbəri işə qəbul üçün kadr seçir. Qəbula gələnlərin bi- rindən soruşur ki, “içənsən?” “Bəli, gündə bir litr içirəm”- cava- bını alır. İkinci nəfərə də eyni sualı verdikdə, “Bəli, gündə bir litr yarım içirəm” cavabını alır. Üçüncü nəfərə də eyni sual verildikdə o, qayıdır ki: “İçməyə içirəm, amma baxır harda, kiminlə, nə qədər...” Müdir əvvəlki iki nəfərə deyir: ”Mən sizi işə götürürəm, siz içkinin qədərini bilirsiniz. Sonra o, üçüncü nəfərə baxıb deyir ki, gedə bilərsən, sən hələ içkinin qədərini də bilmirsən ki...
Qazı şəkilinin sir-sifətinə baxıb Mirzədən soruşur: – Bu müymunu kim bura yollayb? Şəkili Mirzəyə aman verməyib cəld dillənir: – Hayındı, ay gözo yiyim, maralları göndərdilər maralların yanına, məni də sənin hüzuruna.
Müəllim Maşaq İspəndiyarın oğlunu ayağa durğuzub acıq- lanır: – Niyə kitabın üzünü açıb oxumursan?! – Ay müəllim, sözünü dəngələmə. Axı, bu kitabları verəndə, demədinmi, onları təzə saxlayın. Gələn il başqa uşaqlara lazım olacaq. Mən də siz deyəni edirəm də.
187
Heç kəsə deməmişdik
Bir şəkilinin evindən kimsə xalça oğurlayır. Ev sahibəsi oğur- luğu gizli saxlayr. Bir neçə gündən sonra qonşu soruşur: – Ay qonşu, itən xalçanı tapdınızmı? – Bəli! – deyə xalçası itən cavab verir. – Kim oğurlayıb? – Sən! - deyə xalçası itən bildirir, - çünki biz heç kəsə de- məmişdik ki, xalçamız oğurlanıb. Ədalətli qərar
Şəkili oğluna qız nişanlayır. Ata-ana dirəşirlər ki, brilyant dəsti gətirməsələr, qızı verən deyilik. Şəkili xəbər göndərir ki, onların bu bahalıqda zinət almağa gücü çatmır. Qız evi yenə razılaşmır. Cavab verirlər ki, qohum- qardaş yığışıb düzəltsinlər. Bir brilyant dəstindən ötrü özlərini biabır etməsinlər. Şəkili görür ki, işlər şuluqlaşır. Təzə qudalara belə bir xəbər çatdırır: – Hər şey qohum-qardaşın yığışıb birgə köməyi ilə düzəlirsə, qızın badımcan burnunu düzəltsinlər, sonra biz də brilyant dəsti məsələsinə baxarıq.
Xatabala tənbəl oğlu Xosunu evləndirir. Xosun yorğun-arğın uzananda burnuna bir çibin qonur. Əsəbiləşən Xosun çibinə acıq- lanır:
– Rədd ol, a murdar. Atama deyərəm, tutub səni də evlən- dirər.
188
Ciyin də arvaddır
Şəkili oğluna nəsihət edib deyir: – Oğul, səni evləndirdim, bax, bundan sonra arvadına, hətta anana da sirr vermə. – Anama niyə, a dədə? O ki, mənim ciyimdir? – Ə, nə olsun, ciyindi, ə ciyin də arvaddır da.
Bir molla şəkilini danlayıb deyir: – Qoca kişisən, nə üçün məscidə gəlib ibadət etmirsən? Qoca cavabında: – Yaxşı, ibadət eləsəm, nə olacaq? – Necə yəni nə olacaq? O dünyada cənnətə gedəcəksən. – İbadətə görə bu olacaq mənim əmək haqqım. Bəs, Allahın öz bəndəsinə heç hörməti - zadı yoxdur? Bəlkə, elə ibadətsiz- filansız məni cənnətə apardı.
Şəkili avtobusa qalxanda öz dostuna gözü sataşır, onu şoferə göstərib deyir: – A şofer, sənin bu pasajirin ölsün. Dostu da söz altında qalan deyilmiş: – A dost, axşam birimiz ölək, sabah birimiz. Bir-birimizdən xəbərimiz olmasın.
Şəkili bir qızla tanış olur. Qız soruşur: – Siz kimsiniz? – Kim olacağam, dilivu yeyim, xeyirxah peşə sahibi, aşiq. – Bəs sazınız hanı?
Yüklə 3,58 Mb. Dostları ilə paylaş:
|