231
səhər çıxır qoz ağacının lap hündürlüyünə, yumurtaları götürüb
düşür yerə və qazana qoyub yaxşı-yaxşı qaynadır. Sonra yenə bu
bişirilmiş yumurtaları çıxarıb yuvaya qoyur. Yazıq qarğa bu
yatmaqla düz 3 ay kürd yatır, lakin yumurtalardan cücə çıxmır ki,
çıxmır. Axırda zəiflikdən üzülən qarğa yuvadan ölüb düşür yerə.
Beləliklə, Seyid dayının canı bu qarğadan belə qurtarır. Belə bir
məsəl də qalır ki, “Biləcikdə ala qarğa bala çıxarmaz”.
Qışlaq ixtilətləri
Ürəyitəmizlik
Kərmək Rəşid arvadı Nabatla xoş güzaran keçirirdilər, bir-
birini sevirdilər. Bir gecə Rəşidlə Nabat bir-birinə məhəbbətlə
dolu sözlər yağdırarkən Nabat ürəyiaçıqlıq edərək Rəşidə deyir ki,
sənin hər şeyin yaxşıdı, bircə adın Rəşid yox, Mabud oleydi.
Rəşid təəccüblə soruşdu ki, ay Nabat, bəs bu Mabud kimdi. Nabat
bildirdi ki, əşi, olub-keçmiş şeylərdi, Mabud məni sənnən əvvəl
istiyən oğlanın adıdı.
Kərmək Rəşid özündən çıxaraq: - Çıx get burdan, bu yastıqda
üç adama yer yoxdu - deyərək özü baş götürüb öydən gedir.
Rəşidin yer qazması
Qəssəb Əhəd kişi öyün yerinə döşəmə vurmaq üçün usta
çağırır. Usta Qasım öyün yerini bir metr dərinliyində qazmağı və
torpağı çıxarmağı məsləhət bilir. Yeri qazmaq üçün qonşu qəbir-
qazan Rəşidi çağırırlar. Rəşiddən nə qədər zəhmət haqqı alacağını
soruşurlar. Rəşid isə cavab verir ki, bir qəbri 100 manata qazırlar.
Öyün yerini ölçərik, neçə qəbir yeri olsa, o qədər pul alaram.
Sənin eşşəyo qohumu çoxdu
Şəkinin qışlaq hissəsində yaşayan dəllək Aba kişi Cəfərabad
kəndinə - həftəbazarına gedir. Bazardan eşşək alıb gətirir evinə.
232
Bir neçə gündən sonra qapı döyülür. Aba kişi qapıya çıxır. İki
nəfər dəhnəli ev sahibiylə salamlaşib özlərini təqdim edirlər:
– Biz saa eşşək satanın qohumuyuq.
Aba kişi:
– Çox gözəl, - deyib bunları evə dəvət edir. Qonaqlar 2-3 gün
qalıb gedirlər. Beləcə hər həftə Dəhnədən Aba kişigilə qonaq
gəlir.
Bir gün Aba kişi eşşəyi qabağına qatıb aparır Dəhnə kəndinə.
Soraşıq eləyif eşşək satanın evini tapır.
Eşşək satan elə bilir ki, Aba kişi qonaq gəlib, onu içəri
çağırır. Aba kişi deyir:
– Mən qonaq-zad gəlməmişəm. Sənin eşşəyo qaytarmağa
gəlmişəm. Eşşəyo qohumu çoxdu. Maa qohumları çox olan eşşək
lazım döylü.
Çərçinin andı
Salam adlı bir kişi eşşəklə məhəllələri gəzə-gəzə alver edərdi.
Eşşəyin üstünə qoyduğu səbətə konfet, qolbax, saqqız, stəkan,
nəlbəki və i.a. kimi şeylər qoyardı. Hər nə satardısa, and içə-içə
tərifləyərdi.
Salam kişinin alver eliyəndə yalannan and içməsini görən
adamlardan bəzisi etiraz edərdi:
– Ay, Salam dayı, - deyərdilər, - alver eliyəndə az and iç.
Axı yalandan and içmək günahdır.
Salam kişi belə sözlərə məhəl qoymazdı:
– Əşi, nə işiniz var, alverim getsin - deyərdi.
Bir vaxt görürlər ki, Salam kişi bazarda-şəhərdə elə-belə
gəzir. Tanıyanlardan biri onnan xəbər alır:
– Ay Salam dayı, niyə alver etmirsən, eşşək hanı?
“Eşşək hanı” sözünü eşidən kimi Salam kişinin gözlərindən
yaş axardi, aglaya-aglaya “eşşək öldü” söyləyərdi.
Salam kişini çoxdan tanıyanlardan biri onu məzəmmət edir:
– Ay kişi, yalandan Allaha and içmə, qənim olar didox. Sən
233
cavab verdin ki, işində ol, alver olsun. İndi gördün ki, yalandan
and içən adama Allah qənim olur. Sənin xırda-xırda yalandan and
içməyin yığılıb eşşəya qənim oldu.
Mehriban gəlin və qaynana
Qaynana və gəlin heç vaxt bir-birinin pisliyini danışmaz, hə-
mişə bir-birindən razı qaldıqlarını bildirərdilər. Öz aralarında
apardıqları iş bölgüsünə görə bir yaş iki aylıq uşagı yedirmək qay-
nanaya düşür. Gəlin hər gün uşagın yeməyini hazırlayır, qaynana
da yedirməli olur. Uşaq çox çətin yeyir. Qaynana gah oyuncaq-
larla, gah toyuqlarla, gah da hovuzda üzən balıqlarla nəvəsini
aldada-aldada yemək yedirərmiş.
Qaynana baməzə qadın olur. Qonşular onun məzəli söhbət-
lərini çox sevirlərmiş. Arvad söhbətlərin birində belə danışır:
– Ay qız, uşağı toyuqların yanına, hovuza aparmaqdan, oyun-
caqla aldatmaqdan bezar olmuşdum. Uşaq yemir ki, yemir. Zalım
balası - bizim gəlini deyirəm - yeməyi o qədər hazırlayır ki, qur-
tarmaq bilmir… Gördü ki, yox, uşaq hər gün axşama qədər mənim
qucağımda, mən də onu gəzdirməkdə olasıyam. Uşağı toyuqların
yanına aparıb bir qaşıq uşağın ağzına, iki qaşıq öz ağzıma, hovuza
aparıb, bir qaşıq uşağın ağzına, iki qaşıq öz ağzıma atıram…
Beləcə, körpənin xörək qabının dibini yalayıb gəlinin qabağına
qoyuram. Bir vaxt görürəm ki, uşaq sap-sarı saralıb, özüm isə
kökəlib camışa dönmüşəm. Başladım öz-özümü qarğamağa:
– “Ay qarnaa güllə dəysin. Bu nə işdir sən etdin”.
Əlacım kəsilib axırda gəlinə dedim:
– “Ay canı yanmış, uşaq çox çətin yeyir. Bəlkə, işimizi dəyiş-
düyüş eliyəh, mən hazırlayım, sən yedir”.
Bu yolla həm uşagın canını, həm də öz canımı qurtardım.
Dostları ilə paylaş: |