47
iqtisadçısının məlumat kitabı"nın nəşr edilməsi mühüm
əhəmiyyət kəsb etmişdir.
İqtisadi biliyin və qabaqcıl təcrübənin yayılması üçün
A.K.Ələsgərov Azərbaycanın görkəmli iqtisadçı alimləri ilə
birlikdə bir sıra mühüm əhəmiyyətə malik əsərlər hazırlayıb
nəşr etdirmişdir. Bunların arasında "İqtisadi bilik sosialist
təsərrüfatçılığında mühüm vasitədir", "Qabaqcıl təcrübə bol və
ucuz məhsulun mənbəyidir" və başqalarını göstərmək olar.
"Azərbaycan SSR iqtisadiyyatının çiçəklənməsi"
monoqrafiyasında kənd təsərrüfatı bölməsini işləyərək,
müəllif ən vacib sahədə baş vermiş müsbət kəmiyyət və
keyfiyyət dəyişikliklərinin dinamikasını kompleks təhlil
edərək göstərməklə yanaşı, həll edilməsinə çox böyük
ehtiyac olan təxirəsalınmaz problemlərə də diqqəti cəlb edir.
Həmin illərdə məsələlərin bu formada qoyulmasına rəhbərlik
tərəfindən heç də müsbət münasibət bəslənilmədiyi bir
şəraitdə A.K.Ələsgərov obyektivliyi ön plana çəkir.
Onun elmi rəhbərliyi və bilavasitə iştirakı ilə çap edilmiş
"Müasir dövrdə Azərbaycan sovet kəndində ictimai- iqtisadi
irəliləmələr" monoqrafiyası respublikada bu problem üzrə ilk
əsər idi. Əsərdə şəhərlə kənd arasındakı əkslik və fərqlərin
mahiyyəti, onların aradan qaldırılması yolları tədqiq
edilmişdir.
"Kənd təsərrüfatı istehsalının səmərəli ixtisaslaşdırılması
məsələləri", "Azərbaycan SSR-nin Qərb zonasında kənd
təsərrüfatının ixtisaslaşdırılması" və 1969-cu ildə nəşr
edilmiş "Kənd təsərrüfatının ixtisaslaşması və onun iqtisadi
effektivliyi" əsərlərində bu problemin metodoloji, metodik
və konkret məsələlərini kompleks işləmişdir.
48
Müəllif kənd təsərrüfatı istehsalının və eləcə də
üzümçülük aqrar-sənaye kompleksinin kəmiyyət və
keyfiyyət baxımından inkişafını təhlil edərək, onun iqtisadi
səmərəliliyini və perspektivini işləmişdir. Bu baxımdan
"Azərbaycan SSR-in üzümçülük xalq təsərrüfatı kompleksi"
kitabının nəşr edilməsi maraqlıdır. Əsərdə ilk dəfə olaraq
respublikada üzümçülük xalq təsərrüfatı kompleksinin
formalaşmasının zəruriliyi, onun müasir vəziyyəti tədqiq
edilir, iqtisadi cəhətdən qiymətləndirilir və gələcək
istiqamətləri elmi baxımdan əsaslandırılır.
"Ərzaq proqramı və onun həyata keçirilməsi yolları" adlı
əsərində respublikada ərzaq məhsullarına tələbatı müəy-
yənləşdirərək, ərzaq proqramının həyata keçirilməsi yollarını
və istiqamətlərini tədqiq etmiş, aqrar-sənaye kompleksinin
maddi-texniki bazasının inkişaf yollarını və kəndin sosial-
məişət həyat şəraitinin yaxşılaşdırılması istiqamətlərini
müəyyənləşdirmişdir.
Ağasəlim müəllimin birbaşa rəhbərliyi və bilavasitə
iştirakı ilə hazırlanıb nəşr edilmiş "Azərbaycan SSR-in
respublikalararası nəqliyyat-iqtisadi əlaqələrinin təkmilləş-
dirilməsinin bəzi məsələləri" adlı kollektiv monoqrafiyada
ictimai istehsalın inkişaf sürətinin artırılması və onun
səmərəliliyinin yüksəldilməsinin nəqliyyat-iqtisadi əlaqələrin
qarşısında duran kompleks vəzifələrin tam yerinə yetirilməsi
ilə əlaqədar olduğunu müəyyənləşdirərək, müəllif bu
vəzifələrin həlli istiqamətləri aydınlaşdırılır.
Respublikada regional iqtisadiyyatın aqrar bölmələri
sahəsində müəllifin elmi-tədqiqat işlərinin nəticələri müvafiq
49
direktiv orqanlar tərəfindən yüksək qiymətləndirilərək tətbiq
üçün qəbul edilmişdir.
Azərbaycan SSR-in elmi-texniki tərəqqisinin 1986-
2005-ci illər üçün kompleks proqramının mühüm hissəsi
olan respublikanın xalq təsərrüfatının əsas istiqamətlərinin
işlənməsində aparıcı müəlliflərdən biri kimi, A.K.Ələsgərov
perspektivdə Azərbaycanın sosial-iqtisadi inkişafının
sürətləndirilməsi, mülahizə və konsepsiyanın işlənməsinə də
ciddi diqqət vermiş və böyük əmək sərf etmişdir. O, eyni
zamanda respublikanın görkəmli iqtisadçı alimləri ilə
birlikdə Azərbaycanın iqtisadi suverenliyi haqqında
konstitusiya qanununun, eləcə də Azərbaycan Respublika-
sının iqtisadi müstəqilliyi, özünümaliyyələşdirmə və
təsərrüfat hesabına keçirilməsi proqramlarının hazırlan-
masında iştirak edir.
90-cı illərdə müstəqillik qazanmış Azərbaycan Respub-
likasının bazar iqtisadiyyatı münasibətlərinə keçməsi ilə
əlaqədar olaraq müxtəlif məsələlərinə dair bir sıra elmi,
nəzəri və praktiki əhəmiyyətli məqalələr yazıb çap
etdirmişdir. Onlardan "Bazar iqtisadiyyatına keçidin aktual
problemləri: nəzəri-metodoloji və sosial-iqtisadi aspektlər",
"Bazar münasibətlərinə keçid və Azərbaycanın iqtisadi
inkişafının bəzi problemləri", "Bazar münasibətlərinə keçid
problemləri", "Keçid dövrünün iqtisadiyyatı: inkişaf yolu",
"Müstəqil Azərbaycan Respublikası bazar iqtisadiyyatına
keçid yollarında", "Azərbaycan Respublikasının köklü milli
iqtisadi inkişaf problemlərinin həlli yolları" və digər əsərləri
göstərmək olar.
50
Hazırda o, Azərbaycan Respublikasının İran İslam
Respublikası ilə iqtisadi əlaqələrinin təkmilləşdirilməsi üzrə
intensiv elmi-tədqiqat işi aparır. Müəllif xarici iqtisadi
əlaqələrin elmi əsaslarını, istiqamətlərini, amillərini,
prinsiplərini, meyar və göstəricilər sistemini öyrənməklə,
yaxşılaşdırılması yollarını da müəyyənləşdirir. Onun
Azərbaycan Respublikasının İranla xarici iqtisadi əlaqələrinə
həsr edilmiş monoqrafiyası çapa hazırdır.
A.K.Ələsgərov Azərbaycan Respublikası, keçmiş İttifaq
və habelə xarici ölkələrdə çap olunmuş bir neçə
monoqrafiya, kitabça, 165 elmi məqalələnin, elmi tezislərin
müəllifidir. Onların ümumi həcmi isə 300 çap vərəqindən
çoxdur.
Azərbaycan Milli EA-nın müxbir üzvü A.K.Ələsgərovun
əsərləri elmi ictimaiyyətə yaxşı tanışdır, onlar ABŞ,
İngiltərə, Almaniya, Çexiya, Slovakiya, İran və digər
ölkələrin nəşriyyatlarında çap olunmuşdur. Keçmiş İttifaqın
və respublikanın mətbuat səhifələrində onun elmi əsərləri
haqqında bir sıra müsbət rəylər dərc edilmişdir.
A.K.Ələsgərov iqtisadiyyat elminin daim inkişafını və
onun prioritet təşkil edən problemlərinin gələcək istiqamət-
lərini dərk etməyi bacaran, gənclərə qarşı daim qayğıkeş olan
şəxsiyyət kimi onların hazırlanmasında və ixtisaslarının
artırılmasında böyük qüvvə və vaxt sərf edir. On illərdir ki, emi
fəaliyyətini Azərbaycan Dövlət İqtisad Universiteti, Azər-
baycan Neft Akademiyası, Bakı Dövlət Universiteti və digər
ali məktəblərdə müəllimlik fəaliyyəti ilə əlaqələndirmişdir.
A.K.Ələsgərovun elmi rəhbərliyi ilə onlarla namizədlik
və 2 doktorluq dissertasiyası müdafiə edilmişdir. Hazırda
Dostları ilə paylaş: |