67
Məmmədov Aydın İsrafil oğlu
Məmmədov Aydın İsrafil oğlu 1941-
ci ildə Goranboy rayonunun Dəlməm-
mədli kəndində anadan olmuşdur.
Orta məktəbi bitirdikdən sonra o, iki
il istehsalatda - Dəlməmmədli Pambıq-
təmizləmə zavodunda fəhlə işləmiş və
1960-cı ildə Azərbaycan Kənd
Təsərrüfatı İnstitutunun (AKTİ) “Kənd
təsərrüfatının iqtisadiyyatı” fakültəsinə daxil olmuşdur.
A.Məmmədov 1965-ci ildə AKTİ-ni fərqlənmə diplomu ilə
bitirib, kafedrada assistent işləmiş və 1967-ci ildə
istehsalatdan ayrılmaqla K.A.Timiryazev adına Moskva
Kənd Təsərrüfatı Akademiyasının aspiranturasına qəbul
olunmuşdur. Nəzərdə tutulan müddətdə (1970-ci il)
aspiranturanı bitirən A.Məmmədov "Azərbaycan SSR-də
pambığın məhsuldarlığının iqtisadi - statistik təhlili və
uzunmüddətli proqnozlaşdırılması" mövzusunda dissertasiya
müdafiə edərək iqtisad elmləri namizədi alimlik dərəcəsi
almışdır.
O, 1985-ci ildə AKTİ-nin kənd təsərrüfatının iqtisadiy-
yatı kafedrasının müdiri kimi 15 ilə yaxın apardığı tədqiqat
işini ümumiləşdirərək "Regional aqrar-sənaye komplekslə-
rində qarşılıqlı iqtisadi əlaqələrin təkmilləşdirilməsi"
(Azərbaycan SSR-in materialları əsasında) mövzusunda
doktorluq dissertasiyasını müdafiə etmiş, iqtisad elmləri
doktoru alimlik dərəcəsi almış, 1986-cı ildə professor elmi
adına layiq görülmüşdür.
68
Rusiya Kənd Təsərrüfatı Elmlər Akademiyasının müxbir
üzvü (1991-ci il), AKTİ-nin Kənd Təsərrüfatının İqtisadiy-
yatı kafedrasının müdiri, fakültə dekanı, Azərbaycan
Respublikasının Milli Məclisinin eksperti Aydın İsrafil oğlu
Məmmədov aqrar-sənaye kompleksinin iqtisadiyyatı və
idarə edilməsinin nəzəri və metodoloji istiqamətində yerinə
yetirdiyi geniş əhatəli və dəyərli tədqiqat işləri ilə ölkəmizdə
və onun hüdudlarından kənarda da aparıcı iqtisadçı alim
kimi tanınmışdır. O, aqrar-sənaye kompleksində sahələrarası
qarşılıqlı iqtisadi əlaqələrin təkmilləşdirilməsi, müxtəlif
məhsullar istehsalı və satışı üzrə inteqrasiya olunan iqtisadi
sistemlərin funksional və sahə strukturlarının formalaşması,
iqtisadi islahatlar şəraitində kənddə mülkiyyət münasibət-
lərinin mexanizminin yaradılması və onun idarə edilməsi
istiqamətində sanballı tədqiqatlar aparmışdır.
A.İ.Məmmədovun kənd təsərrüfatının iqtisadiyyatı
fənnindən dərslik hazırlanması, kənd təsərrüfatı bitkilərinin
məhsuldarlığının idarə edilməsinin iqtisadi-riyazi modelini
tərtib etməsi, aqrar islahatın əsas istiqamətləri konsepsiyasını
yüksək elmi-praktik səviyyədə hazırlaması və sair işləri
mühüm elmi nailiyyətlərdir.
A.İ.Məmmədov 150 çap vərəqi həcmində 100-dək elmi
və elmi-metodik əsərlərin müəllif olmuşdur. Onun
ölkəmizdə və xaricdə nüfuzlu elmi nəşrlərdə dərc edilmiş
əsərlərindən "Pambığın məhsuldarlığına təsir edən amillərin
iqtisadi cəhətdən qiymətləndirilməsi" (Bakı, "Azərnəşr",
1976, 80 səh.), "Regional aqrar-sənaye komplekslərində
qarşılıqlı iqtisadi münasibətlər" (Monoqrafiya, Moskva,
"Aqropromizdat", 1985, 207 səh.), "Tərəvəz bitkiləri
69
toxumunun iqtisadiyyatı və təşkili" (Moskva, "Aqropro-
mizdat", 1986, 307 səh., digər müəlliflərlə birlikdə), "Kənd
təsərrüfatının iqtisadiyyatı" (Ali məktəblər üçün dərslik,
Bakı, "Maarif', 1992, 373 səh.), "Torpaq bazarının
formalaşması və mülkiyyət münasibətləri" və s. özünün
sanballılığı və orijinallığı ilə fərqlənir.
A.İ.Məmmədovun elmi işlərinin əksəriyyətinin istehsa-
latda tətbiq edilməsi onların əhəmiyyətini daha da artırır. O,
on ildən artıq müddətdə keçmiş İttifaq Tərəvəz Toxum-
çuluğu Birliyinin sifarişilə aparılan elmi işlərə rəhbərlik
etmiş, elmi-tədqiqat laboratoriyası yaratmış və tədqiqatdan
alınan nəticələri istehsalata tətbiq etmişdir.
A.İ.Məmmədov Milli Məclisin Aqrar məsələlər üzrə
daimi komissiyasında ekspert-işçi qrupunun rəhbər olmuş-
dur. A.İ.Məmmədovun rəhbərlik etdiyi ekspert-işçi qrupu
"Aqrar islahatın əsasları haqqında", "Sovxoz və kolxozların
islahatı haqqında" və digər qanun layihələrinin ilkin variant-
larının hazırlanmasında iştirak etmişdir. Bu işlərin müvəf-
fəqiyyətlə aparılmasına görə A.İ.Məmmədov dəfələrlə
mükafatlandırılmışdır. Milli Məclisin eksperti kimi "Torpaq
islahatı haqqında", "Kooperasiya haqqında" və digər qanun
layihələrinin hazırlanması işində yaxından iştirak etməklə
aqrar bölmənin qanunvericilik bazasının elmi təminatının
yaradılmasında bilavasitə iştirak etmişdir.
Onun bilavasitə rəhbərliyi altında 10 nəfər elmi işçi
namizədlik dissertasiyası müdafiə etmişdir, hazırda isə 6
nəfər aspirant və dissertant müvəffəqiyyətlə tədqiqat işlərini
davam etdirir.
70
Ölkə səviyyəsində aqrar sahənin problemlərinə həsr
olunan müşavirələrin əksəriyyətinin iştirakçısı olan A. İ.
Məmmədov bir çox xarici dövlətlərdə də aqrar iqtisad elmini
layiqincə təmsil etmişdir. (AFR, Böyük Britaniya, İran,
Rumıniya və s.)
2001-ci ilin iyun ayında Azərbaycan Milli Elmlər
Akademiyasının müxbir üzvü seçilmişdir.
71
Mirzəyev Soltan Abbas oğlu
Soltan Abbas oğlu Mirzəyev
1912-ci ildə Bakının Nardaran kəndin-
də anadan olmuşdur. Orta məktəbi
bitirdikdən sonra mühasibat uçotu
kursunda oxumuşdur. Bir müddət
Kürdəmir rayonunda mühasib işləyən
S.Mirzəyev Politexnik İnstitutunun
“Kənd təsərrüfatı” şöbəsinə daxil
olmuş, Kənd təsərrüfatı institutunun yaranması ilə əlaqədar
təhsilini Kirovobad şəhərində fərqlənmə diplomu ilə başa
vurmuşdur. İnstitutu qurtardığı ildə S.A.Mirzəyev Kənd
təsərrüfatı institutuna direktor təyin edilmişdir. Həmin
institutda müvəffəqiyyətlə işləyən S.Mirzəyev bacarığı,
təşkilatçılıq qabiliyyəti, prinsipiallığı nəzərə alınaraq
respublikanın mühüm idarə orqanlarında pillə-pillə
yüksəlmiş, Torpaq Nazirliyində idarə rəisi, nazir müavini,
nazir, sovxozlar naziri və s. vəzifələrdə böyük
müvəffəqiyyətlə işləmişdir.
Soltan Mirzəyev Böyük Vətən müharibəsində iştirak
etmiş, həmin dövrdə göstərdiyi şücaətə görə bir sıra orden və
medallarla təltif olunmuşdur.
Soltan Mirzəyev Moskvada Timiryazev adına Kənd
Təsərrüfatı Akademiyasının aspirantı olmuş və orada
dissertasiya müdafiə edərək respublikamızda ilk iqtisad
elmləri namizədi alimlik dərəcəsi alanlardan biri olmuşdur.
Soltan Mirzəyev 1950-1962-ci illərdə sovxozlar naziri,
Azərbaycan KP MK şöbə müdiri və Azərbaycan KP MK
Dostları ilə paylaş: |