18
Mahmudov Əhməd Əkbər oğlu
Əhməd Əkbər oğlu Mahmudov
1923-cü ildə may ayının 25-də
Naxçıvan Muxtar Respublikasının Şərur
rayonunun Şahtaxtlı kəndində dünyaya
gəlmişdir.
O, 1941-ci ildə orta məktəbi bitir-
miş, 1942-1945-ci illərdə Sovet Ordusu
sıralarında xidmət etmiş, ordu sıraların-
dan tərxis edildikdən sonra, 1946-cı ildə K.Marks adına
Azərbaycan Dövlət Xalq Təsərrüfatı İnstitutunun “Uçot-
statistika” fakültəsinə daxil olmuş və 1950-ci ildə institutu
fərqlənmə diplomu ilə bitirmişdir.
Məktəb illərindən sonra cəbhə həyatı və kənddə
müəllimlik illəri Əhməd müəllimi daha da mətinləşdirmişdir.
Heç də təsadüfi deyildir ki, 1950- ci ildə ali məktəbi
fərqlənmə diplomu ilə bitirən Ə.Mahmudov elmi fəaliyyətə
doğulub boya-başa çatdığı indiki Şərur rayonunun
təsərrüfatlarının iqtisadiyyatını çox çətin şəraitdə tədqiqinə
başlayır. Aspirantura illərində o, usanmadan hər bir
təsərrüfatda olmuş, istehsal amillərini tədqiq etməklə ehtiyat
mənbələrini aşkara çıxarmışdır. Bu tədqiqatlar nəticəsində
o, 1956-cı ildə iqtisad elmləri namizədi alimlik dərəcəsi
almaq üçün namizədlik dissertasiyası müdafiə etmişdir. O,
öz tədqiqatlarında bir rayon timsalında inandırıcı şəkildə
göstərirdi ki, istehsal və əmək potensialında səmərəli
istifadə sayəsində məhsul istehsalını ən azı 2-3 dəfə
artırmaq mümkündür. Lakin bunun üçün düzgün struktur
19
islahatları aparılmalı, sərmayə qoyulmalı və kadr potensialı
gücləndirilməlidir. Bir sözlə istehsalın maliyyə və elmi
tutumluğu artırılmalıdır.
Əhməd müəllimin elmi fəaliyyəti bütünlüklə Azərbaycan
və MEA-nın iqtisadiyyat bölməsi və bu bölmənin əsasında
yaranan Elmi-Tədqiqat İqtisadiyyat İnstitutu ilə bağlı
olmuşdur. Onun gənc bir alim kimi formalaşmasında və
inkişafında Azərbaycan və Rus iqtisadi məktəblərinin böyük
rolu olmuşdur. AMEA-nın İqtisadiyyat İnstitutunda fəaliy-
yətə başlayan iqtisad elmləri namizədi öz tədqiqat arealını
daha da genişləndirərək, 1967- ci ildə doktorluq disserta-
siyasını müvəffəqiyyətlə müdafiə etmişdir. Həmin dövrdə
hörmətli alimin elmi ictimai mühitdə formalaşan müsbət
imici, çalışdığı elm sahəsindəki öncül mövqeyi ona 1972-ci
ildə AMEA-nın müxbir üzvü və 11 il sonra isə həmin
akademiyanın iqtisadiyyat üzrə ilk həqiqi üzvü seçilməsinə
zəmin yaratmışdır.
50-ci illərin axırlarından başlayaraq iqtisadiyyat
sahəsində elmi tədqiqatların bir elmi mərkəzdə - Elmlər
Akademiyasının İqtisadiyyat İnstitutunda cəmləşməsi qısa
müddətdə bu sahədə ciddi müsbət nəticələr verdi.
Akademik Əhməd Mahmudov respublikada iqtisadiyyat
elmin formalaşmasında əvəzsiz xidmətləri olan bir vətəndaş,
şəxsiyyətdir. Məhz onun rəhbərlik etdiyi illərdə Azərbaycan
SSR EA İqtisadiyyat İnstitutu nəinki respublikada, eləcə də
keçmiş Sovetlər məkanında sayılan elmi-tədqiqat mərkəzinə
çevrilmişdi. Əhməd Mahmudovun rəhbərliyi altında
respublikada iqtisad elminin real iqtisadi həyatla bağlılığı
20
daha geniş vüsət almış, elmi tədqiqatların nəticələrinin
əhəmiyyəti xeyli yüksəlmişdi.
Əhməd Mahmudov böyük ziyalı, əsl vətəndaş kimi qeyd
edirdi ki, respublikada iqtisadiyyat elmini ancaq sırf nəzəri,
metodoloji problemlərə cəlb etmək o qədər səmərə verə
bilməz. Çünki buna nə əlverişli imkan, nə də o qədər ehtiyac
var idi. Reallıq respublikanın iqtisadi həyatının canlanması,
xalq təsərrüfatının inkişafına kömək edəcək aktual
problemlərin sistemli tətbiqini tələb edirdi. Bu məsələdə
Əhməd Mahmudov çox çətin şəraitdə institutun və digər
sahə institutlarının elmi istiqamətlərində real iqtisadiyyatla
bağlı problemlərə üstünlük verirdi.
AMEA-nın İqtisadiyyat İnstitutunda iqtisad elmi üzrə
Əhməd Mahmudovun başçılıq etdiyi respublika miqyaslı
əlaqələndirmə şurası fəaliyyət göstərir, məhsuldar qüvvələrin
inkişafı və səmərəli yerləşdirilməsi, əmək ehtiyatları, əsaslı
vəsait qoyuluşu, istehsal fondlarından istifadə, səmərəlilik
problemləri ətraflı tədqiq olunur və əldə olunan nəticələr
mütəmadi olaraq direktiv orqanlara təqdim edirdi.
Akademik Əhməd Mahmudov 70-ci illərdə Azərbaycan
iqtisadiyyatının dinamik inkişafına istiqamətlənmiş tövsiyə-
lərin hazırlanması işində bilavasitə iştirak edirdi. Onun
rəhbərliyi ilə respublikanın müxtəlif şəhər və rayonlarında
elmi konfranslar, seminarlar keçirilir, sosial- iqtisadi
problemlərin elmi tədqiqi sahəsində əməli addımlar atılırdı.
Bir sözlə, akademik Əhməd Mahmudovun Azərbaycan elmi
qarşısında ən böyük xidmətlərindən biri də onun bütünlükdə
respublikanın iqtisadçı alimlərini yaradıcı işə cəlb etməsi,
iqtisad elmini real həyata, gələcək inkişafa yönəltməsi idi.
21
Ə. Mahmudov bütün elmi fəaliyyətini əsasən aqrar
sahənin iqtisadiyyatına – torpaq fondundan, su və əmək
ehtiyatlarından səmərəli istifadə, istehsalın intensivləş-
dirilməsi, ixtisaslaşdırılması, əmək məhsuldarlığının və
iqtisadi səmərəliliyini yüksəldilməsi, gəlirlərin artırılması və
istehlakın yaxşılaşdırılması kimi problemlərin həllinə həsr
etmişdir. Bunu müəllifin əsərlərinin xrolonogiyası daha
aydın göstərir: Naxçıvan Muxtar Respublikasının iqtisadi
inkişaf məsələləri; Azərbaycan kənd təsərrüfatında əmək
məhsuldarlığı və onun yüksəldilməsi yolları; Dağ kolxoz-
larının iqtisadiyyatının yüksəldilməsi problemləri; İqtisadi
inkişafda intensiv amillər problemi; Kənd Təsərrüfatının
intensivləşdirilməsinin iqtisadi səmərəliliyi; Torpaq kənd
təsərrüfatında başlıca istehsal vasitəsidir; Əhalinin
istehlakının yaxşılaşdırılması məsələləri; Elm və istehsalatın
vəhdəti; İqtisad elminin inkişafının aktual məsələləri.
Onun digər tədqiqatçılardan fərqli cəhətlərindən biri əldə
olunan elmi nəticələrinin istehsalata tətbiq edilməsinə
məsuliyyətli münasibəti idi. Məhs bu prinsipiallıq onun
bütün elmi tövsiyələrinin istehsalatda tətbiq tapmasında əks
olunmuşdur.
Təsadüfi deyildir ki, məhz Əhməd Mahmudovun
əsərlərində ilk dəfə olaraq kənd təsərrüfatının intensiv-
ləşdirilməsinin zəruriliyi əsaslandırılmış, onun metodoloji
aspektləri tədqiq edilmişdir. O çox zəngin statistik və
konkret materiallara əsaslanaraq Azərbaycan kənd təsərrü-
fatında intensivləşdirmənin faktorlarını, səviyyəsini təhlil
etmiş, aqrar sektorun dinamik inkişafındakı rolunu elmi
cəhətdən əsaslandırmışdı.
Dostları ilə paylaş: |