34
da doktorluq dissertasiyası müdafiə etmişdir. Dissertasiyada
irəli sürülmüş və əsaslandırılmış elmi müddəalar, təklif, fikir
və ideyaların bir çoxu sonrakı illər ərzində öz tətbiqini
tapmış və bir çox elmi fikirlər bu gün də öz aktuallığını
saxlayır.
Azərbaycan dövlətinin məhsuldar qüvvələrin daha
səmərəli yerləşdirilməsi, sənayenin sahə quruluşunun
mütərəqqi istiqamətdə təkmilləşdirilməsi üçün gördüyü
tədbirləri əldə rəhbər tutaraq A.A.Nadirov 70-ci illərdə öz
tədqiqatlarını daha da dərinləşdirmiş və 1976-cı ildə nəşr
etdirdiyi "Azərbaycanda sənayenin səmərəli yerləşdiril-
məsinin iqtisadi problemləri" adlı böyük həcmli
monoqrafiyasında (Bakı, Elm, 1976, 15,9 ç.v.) ümumiləş-
dirmişdir. Bu kitab o zaman elmi ictimaiyyət tərəfindən
yüksək qiymətləndirilmiş və SSRİ EA-nın hesabatına daxil
edilmişdir. Kitabda respublikadaxili iqtisadi rayonlarda
sənayenin inkişaf etdirilməsinin obyektiv əsaslarına aid
zəngin materiallar təhlil edilib ümumiləşdirilməklə həmin
dövr üçün çox aktual olan belə bir düzgün nəticə çıxa-
rılmışdır ki, respublikamızın iqtisadi rayonlarında sənayenin
sonrakı kompleks və səmərəli inkişafı üçün əlverişli zəmin
artıq yaranmışdır. Müəllif həmçinin respublikadaxili iqtisadi
rayonlarda sənayenin inkişaf səviyyəsinin müəyyən edilməsi
metodikasını, sənaye sahələrinin iqtisadi təyinatına görə
qruplaşdırılması və inkişaf səviyyəsinin müəyyən edilməsi
üsulunu nəzəri-metodoloji əsaslarını tədqiq etmiş, iqtisadi
rayonlarda sənayenin gələcək səmərəli inkişafına dair
praktiki əhəmiyyət kəsb edən bir sıra mühüm müddəa və
fikirlər irəli sürmüşdür.
35
A.A.Nadirovun sənayeyə həsr olunmuş bu və ya digər
əsərlərində respublikada sənayenin tarixi inkişaf mərhələləri
müəyyən edilmiş və müxtəlif xarakterli zəngin materialları
sistem halında təhlil etmək əsasında hər mərhələdə onun
ərazi üzrə yerləşməsi və inkişafı vəziyyəti qiymətlən-
dirilmişdir. Müəllif haqlı olaraq belə bir həqiqəti sübut
etmişdir ki, Azərbaycan sənayesinin iqtisadi rayonlarda
inkişafında əsas irəliləyiş Böyük Vətən müharibəsindən
sonrakı dövrdə və xüsusilə də Ulu öndər H.Əliyevin
Azərbaycan KPMK-nin birinci katibi olduğu 70-80-ci illərdə
baş vermişdir.
A.A.Nadirovun əsərlərində Azərbaycan sənayesinin
inkişafı və ərazi üzrə yerləşdirilməsinin vəziyyəti ətraflı
təhlil edilmiş, onun mövcud inkişaf səviyyəsi, ümumi
iqtisadi səmərəlilik, mütərəqqi sahə quruluşu və yerli
xammaldan kompleks istifadə edilməsi baxımından
qiymətləndirilməsi ilə diqqəti çəkmişdir.
A.A.Nadirovun əsərlərində respublika sənayesinin yaxın
və uzaq gələcəkdə iqtisadi rayonlar üzrə dərin ixtisas-
laşması, kompleks və səmərəli inkişafı, istehsalın daha
optimal yerləşdirilməsi istiqamətləri müəyyən edilmişdir. Bu
baxımdan o, 70-80-ci illərdə dərc olunmuş əsərlərində
respublika sənayesinin yerli xammalın hasilatı ilə bağlı-
lığının imkan daxilində məhdudlaşdırılmasının, əməktutum-
lu sahələrin üstün inkişafının, eyni zamanda respublikada
istifadə olunan bir çox yerli xammal ehtiyatlarının kompleks
halda emalının həyata keçirilməsinin, ümumiyyətlə
sənayenin həm iqtisadi rayonlarda, həm də respublikada
bütövlükdə kompleks inkişaf səviyyəsini yüksəltməyin və
36
ixtisaslaşdırılmasının dərinləşməsinin zəruriliyini və
yollarını inandırıcı şəkildə əsaslandırmışdır. İndi Azər-
baycanda bazar münasibətləri yenicə inkişafa başladığı bir
vaxtda A.A.Nadirovun həllini zəruri hesab etdiyi məsələlər
daha böyük aktuallıq kəsb edir.
1981-ci ildə Azərbaycan Elmlər Akademiyasının müxbir
üzvü seçilmişdir.
A.A.Nadirov öz tədqiqatlarında həmçinin sənayedə elmi-
texniki və texnoloji tərəqqi problemlərinə həmişə böyük
diqqət yetirmişdir. O, 80-ci illərdə "Azərbaycan SSR-in
elmi-texniki tərəqqisinin kompleks proqramı"nın işlənib
hazırlanmasının əsas rəhbərlərindən və icraçılarından biri
olmuşdur. Bu sahədə görülmüş işlər keçmiş SSRİ EA, SSRİ
Dövlət Plan Komitəsi və Dövlət Tikinti Komitəsi tərəfindən
müsbət qiymətləndirilmiş və respublikanın bir çox alimlərilə
birlikdə ona təşəkkür elan edilmişdir. A.A.Nadirovun sənaye
sahəsində apardığı tədqiqatların bu və ya digər nəticələri
Azərbaycan Respublikasında ayrı-ayrı dövrlərdə məhsuldar
qüvvələrin inkişafı və sənayenin ərazi təşkili, plan və
proqnozlarının işlənib hazırlanmasının əsasını qoymuşdur.
1989-cu ildə Azərbaycan Elmlər Akademiyasının həqiqi
üzvü seçilmişdir. 90-cı illərdə A.A.Nadirovun elmi-tədqiqat
fəaliyyəti daha da genişlənmiş və çoxcəhətli olmuşdur. Bu
illərdə onun yaradıcılığının əsas istiqamətini müstəqillik
qazanmış Azərbaycan Respublikasının bazar münasibət-
lərinə keçməsi xüsusiyyətləri və mərhələləri, iqtisadi
müstəqilliyinin qorunub saxlanması və möhkəmləndirilməsi
ilə əlaqədar vacib məsələlər təşkil etmişdir. O, Azərbaycan
iqtisadiyyatının düşdüyü dərin böhranın təhlilinə, onun
37
səbəbləri və xarakterinin açılmasına özünün bir sıra
əsərlərində xüsusi diqqət yetirmişdir.
Son üç-dörd ildə onun apardığı elmi-tədqiqat işlərində və
dövri mətbuatda çap olunmuş elmi əsərlərində Azərbaycanın
gələcək iqtisadi inkişafına bir baxış, iqtisadi islahatların Çin
yolu, mülkiyyət münasibətlərinin formalaşması, Azərbayca-
nın bazar iqtisadiyyatına keçməsi və dünya iqtisadiyyatına
inteqrasiyası, bu istiqamətdə neft kontraktlarının mahiy-
yətinin və əhəmiyyətinin açılması, iqtisadiyyatın gələcək
inkişaf yollarının müəyyənləşdirilməsi, iqtisadi islahatlar
sahəsində qabaqcıl ölkələrin təcrübəsinin təhlili və yayılması
kimi aktual məsələlər mühüm yer tutur.
Akademik A.A.Nadirov həmişə respublikamızda gedən
iqtisadi hadisə və prosesləri dərindən duymuş, iqtisadiyyatın
səmərəli inkişafı mənafeyinin iqtisad elmi qarşısında
qoyduğu problemləri vaxtında dərk etmiş və onların həlli
yollarını öz əsərlərində aydın göstərə bilmişdir.
Asəf müəllim uzun illərdir ki, həm respublikamızda, həm
də onun hüdudlarından xeyli kənarlarda, Yaxın və Uzaq
xarici ölkələrdə Azərbaycan elminin, xüsusilə iqtisad
elminin nailiyyətlərini nümayiş etdirir və bu işin əsas
təşkilatçılarından və təbliğatçılarından biri kimi səmərəli
fəaliyyət göstərir.
O, 1958-1992-ci illərdə (34 il) Azərbaycan EA
İqtisadiyyat İnstitutunda şöbə müdiri, eyni zamanda 1964-
1981-ci illərdə həmin institutda elmi hissə üzrə direktor
müavini, 1981-ci ildən 1990-cı ilədək Azərbaycan EA
Rəyasət Heyətində baş elmi katib, 1990-1998-ci illərdə
Akademiyanın akademik-katibi vəzifələrində işləməklə
Dostları ilə paylaş: |