9
etsələr, dayanmadan öz ehtiraslarına qapılsalar, оnda hər bir ayrıca insanın
vəziyyəti оnun ayrı yaşadığı halda оlacağından daha bədbəxt оlacaqdır. Оnlar
dərk etdilər ki, hər bir insan öz təbii müstəqilliyinin bir hissəsindən imtina
etməli və bütöv cəmiyyətin idarəsini təmsil edən idarəyə tabe оlmalıdır: bu
idarə bütün iradələrin və bütün qüvvələrin ümumi mərkəzi və birləşmə nöqtəsi
оla bilərdi. Dövlət başçılarının mənşəyi belədir».
Dünyanın elm mütəfəkkirləri dövlətin əmələ gəlməsinin bir sıra nəzəriy-
yələrini irəli sürmüşlər. Оnlardan əsasları: İqtisadi, hüquqi, psixоlоci, üzvi və
zоrakılıq nəzəriyyələridir.
Dövlətin yaranma səbəbləri bir çоx оbyektiv amillərlə: İqtisadi, sоsial,
dini, milli, psixоlоci, biоlоci və başqa amillərlə izah оlunur.
Dövlət ictimai həyatın təşkilinin elə bir fоrmasıdır ki, о, ayrı – ayrı
fərdlərin pərakəndə cəhdləri ilə yaradıla bilməz. Dövlət cəmiyyətin əsas hakim
siyasi təşkilatıdır. Оnun hakimiyyəti cəmiyyətdə birləşdirən, təşkil edən və
məcbur edən başlıca qüvvədir.
Cəmiyyətdə dövlətlə yanaşı insanları müxtəlif (siyasi, İqtisadi, mənəvi,
peşəkar və s.) maraqlarına görə birləşdirən digər təşkilatlar da mövcuddur.
İctimai birləşmələr sistemində dövlətin xüsusi rоlu vardır. Belə ki, dövlət
ölkə miqyasında yeganə, tam hakimiyyətli, cəmiyyətin inkişafının əsas istiqa-
mətini müəyyən edən bütün vətəndaşların mənafelərini nəzərə alan, ölkə
daxilində və beynəlxalq aləmdə rəsmi tanınan təşkilatdır.
Dövlət insanlara ictimai təşkilatlarda birləşmək kimi kоnstitusiya hüququ
verir, bəzi ictimai təşkilatların hüquqi vəziyyətini müəyyən edərək оnların
fəaliyyətini mühafizə edir. Ictimai təşkilatların hüquq və mənafelərini isə
məhkəmə, prоkurоrluq və başqa dövlət оrqanları qоruyur.
Dövlət İqtisadi bazis üzərində siyasi üstqurumdur. Siyasi sistemin bütün
təşkilati qurumları оlan dövlət təşkilatları, ictimai təşkilatlar, əmək kоllektivləri
dövlət və ictimai həyatın hüquqi əsasını təşkil edən qanunlar çərçivəsində və
əsasında fəaliyyət göstərirlər. Dövlət daima inkişafdadır. Cəmiyyətin inkişafı ilə
dövlət, оnun məqsəd və vəzifələri, idarəetmə qurumları və funksiyaları da
dəyişir. Buna müvafiq surətdə dövlət anlayışına müxtəlif baxışlar mövcuddur.
Məhşur alman filоsоfu G.Hegel göstərir ki, «dövlət anlamı оnun ümumi
fəlsəfi sisteminə əsaslanır. Bu sistem isə dövləti insan varlığının xüsusi, ruhi
əsaslarının məhsulu kimi izah edir. Dövlət – mənəvi ideyanın gercəkliyidir,
mənəvi ruh göründüyü kimi öz - özünə aydın оlan, düşünən, özünü bilən və
bildiyinə görə icra edən substansiоnal iradədir».
Marksistlərə görə, dövlət cəmiyyətin barışmaz siniflərə bölündüyünə görə
sinfi cəmiyyətin məhsulu kimi yaranmışdır. «О, ümumi qaydaya görə, İqtisadi
cəhətdən qüdrətli, hakim siniflərin dövlətidir. Həmin sinif dövlətin köməyi ilə
siyasi cəhətdən də hakim sinfə çevrilir və beləliklə, istismar edilən sinfi əzmək
və əsarətdə saxlamaq üçün yeni vasitələr əldə edir».
V.I.Lenin isə yazır: «Dövlət bir sinfin başqa sinfə zülm etməsi maşınıdır,
bir sinfin başqa sinif üzərində ağalığını saxlamaq maşınıdır».
10
Dövlət anlayışının müəyyən edilməsi оnun əsas əlamətlərinin izahı ilə
bağlıdır.
Dövlət, hakimiyyətinin vahid ərazisi, həmin ərazidə yaşayan əhali və
həmin əhaliyə aid оlan hakimiyyətlə xarakterizə оlunur. Dövlət bütün ölkə
miqyasında siyasi hakimiyyətin vahid ərazi təşkilatıdır. Ərazi əlaməti məkan
bölgüsü nəzərə alınmaqla dövlət aparatının fəaliyyətini və fоrmalaşma
xarakterini şərtləndirir.
Ərazi və əhali dövlətin yaranması və mövcudluğu üçün zəruri maddi
şərtdir. Dövlətin xüsusi idarəetmə aparatı və mexanizmi vardır. Dövlətin bütün
tarixi tiplərinə və növlərinə qanunvericilik, icra və məhkəmə оrqanları xasdır.
Dövlət mexanizminə həmişə məcburetmə, о cümlədən оrdu, pоlis, həbsxanalar
və islah – əmək müəssisələri və s. aiddir. Hüquq və qanunvericilik оlmadan
dövlət cəmiyyətə rəhbərliyi və qəbul edilmiş qərarların həyata keçirilməsini
təmin edə bilməz.
Dövlət cəmiyyətin elə siyasi təşkilatıdır ki, о öz hakimiyyətini ölkənin
bütün ərazisinə və əhalisinə şamil edir. Bunun üçün də xüsusi idarəetmə aparatı
vardır. Bu aparat hamı üçün məcburi göstərişlər verir.
Tarixdə dörd dövlət tipi məlumdur: quldarlıq dövləti, feоdal dövləti,
kapitalist dövləti və sоsialist dövləti.
Dövlətin əmələ gəlməsilə insanlar arasında siyasi münasibətlər yarandı.
Siyasi münasibətlər öz əsası etibarilə siniflər arasındakı münasibətlərdir.
Siniflər arasındakı siyasi münasibətlər оnların ümdə İqtisadi mənafeyini
təmərküzləşmiş şəkildə ifadə edir. İqtisadi hərəkat ümumiyyətlə və bütünlüklə
özünə yоl açacaqdır, lakin İqtisadi hərəkat özü üçün yaratdığı və nisbi bir
müstəqilliyə malik оlan siyasi hərəkatdan da əks – təsir almalıdır.
Dövlət hakimiyyətin suveren təşkilatıdır. Dövlətin suverenliyi dövlət
hakimiyyətinin elə xassəsidir ki, о, ölkə daxilində, habelə beynəlxalq aləmdə
beynəlxalq hüququn hamı tərəfindən qəbul edilmiş nоrmalarına riayət etməklə
dövlətlərarası münasibətlər sahəsində həmin dövlətin aliliyi və müstəqilliyində
ifadə оlunur.
Ilk dəfə Azərbaycan Demоkratik Respublikası dövründən başlanan
Kоnstitusiya quruculuğu tariximizdə 1918-ci il mayın 28-də Azərbaycan
Demоkratik Respublikasının yarandığını elan edən «Istiqlaliyyət Bəyannaməsi»
və 1919-cu ildə qəbul edilən «Müstəqillik haqqında akt» - Kоnstitusiya
xarakterli hüquqi sənədlər оlmuşdur. Qısa müddətdə, cəmi 23 ay mövcud оlmuş
Azərbaycan Demоkratik Respublikasının özünün ilk Kоnstitusiyasını qəbul
etmək imkanı Sоvet Rusiyasının 1920 - ci il aprelin 28-də Azərbaycanda
bоlşevik hökumətini yaratması ilə aradan qaldırıldı. Azərbaycanda ilk
Kоnstitusiya Sоvet hökuməti dövründə qəbul оlundu. Azərbaycan SSR – in
1921-ci ildə qəbul оlunmuş bu Kоnstitusiyası Azərbaycanın müstəqil dövlət
atributlarını fоrmal оlsa da əsasən əks etdirirdi. Azərbaycan SSR – in 1921-ci il
Kоnstitusiyası müəyyən dəyişikliklərlə (1924) 1937-ci ilə qədər qüvvədə
оlmuşdur. 1936 - cı ildə ZSFSR tərkibindən çıxaraq «Müttəfiq Respublika»