18
Digәr mәcmu gәlirlәr haqqında hesabatda tanınmış mәcmu gәlir vә ya zәrәr tanınması davam edәn
hissә ilә belә hissәlәrin nisbi әdalәtli dәyәri әsasında tanınması artıq dayandırılmış hissә arasında
bölüşdürülür.
Maliyyә öhdәliklәri vә buraxılmış kapital alәtlәri
Borc vә ya kapital qismindә tәsniflәşdirmә
Borc vә kapital alәtlәri müqavilә şәrtlәrinә, habelә maliyyә öhdәliyi vә kapital alәti anlayışlarına
әsasәn maliyyә öhdәliklәri vә ya kapital kimi tәsnif edilir.
Kapital alәtlәri
Kapital alәti bütün öhdәliklәr çıxıldıqdan sonra müәssisәnin aktivlәri üzrә qalan pay hüququnu
tәsdiqlәyәn hәr hansı müqavilәdir. Qrup tәrәfindәn buraxılmış kapital alәtlәri birbaşa emissiya xәrclәri
çıxılmaqla әldә edilmiş vәsaitlәr kimi tanınır.
Qrupun öz kapital alәtlәrinin geri alınması birbaşa kapitalda tanınır vә çıxılır. Eyni zamanda, Qrupun
öz kapital alәtlәrinin alınması, satılması, buraxılması vә ya lәğv edilmәsi üzrә mәcmu gәlirlәr
haqqında konsolidә edilmiş hesabatda heç bir gәlir vә ya itkilәr tanınmır.
Digәr maliyyә öhdәliklәri
Digәr maliyyә öhdәliklәri, o cümlәdәn Azәrbaycan Respublikasının Mәrkәzi Bankındakı depozitar
alәtlәr, bank vә müştәri depozitlәri, dövlәt qurumlarından alınmış kreditlәr vә digәr öhdәliklәr ilkin
anda әmәliyyat xәrclәri çıxılmaqla әdalәtli dәyәrlә ölçülür.
Digәr maliyyә öhdәliklәri sonradan effektiv faiz metodu istifadә edilmәklә vә faiz xәrclәri effektiv gәlir
әsasında tanınmaqla amortizasiya olunmuş dәyәrlә ölçülür.
Effektiv faiz metodu maliyyә öhdәliyinin amortizasiya olunmuş dәyәrinin hesablanması vә faiz
xәrclәrinin müvafiq dövr üzrә bölüşdürülmәsi üsuludur. Effektiv faiz dәrәcәsi tәxmin edilәn gәlәcәk
nağd pul ödәmәlәrini maliyyә öhdәliyinin güman edilәn müddәti yaxud (mәqsәdәmüvafiq hallarda)
daha qısa müddәt әrzindә ilkin tanınma zamanı xalis balans dәyәrinә qәdәr dәqiqliklә diskontlaşdıran
dәrәcәdir.
Maliyyә zәmanәti müqavilәlәri
Maliyyә zәmanәti müqavilәsi borc alәti üzrә şәrtlәrә әsasәn ödәnişin edilmәli olduğu tarixdә müәyyәn
debitorun belә ödәnişlәri yerinә yetirә bilmәmәsi sәbәbindәn qiymәtli kağızın sahibinә dәymiş zәrәrin
әvәzinin ödәnilmәsini emitentdәn tәlәb edәn müqavilә formasıdır.
Qrup tәrәfindәn buraxılmış maliyyә zәmanәti müqavilәlәri ilkin olaraq әdalәtli dәyәrlә ölçülür vә
ӘDMZ-dә tanınan kimi tәyin edilmәdiyi halda, sonradan aşağıdakı mәblәğlәrdәn daha yüksәyi ilә
ölçülür:
Yaradılmış ehtiyat fondları, şәrti öhdәliklәr vә şәrti aktivlәr adlı MUBS 37-ә әsasәn müәyyәn
olunduğu kimi müqavilә üzrә öhdәlik mәblәğindәn; vә
Mәqsәdәmüvafiq hallarda gәlirlәrin tanınması qaydalarına әsasәn uçotda tanınmış yığılan
amortizasiya çıxılmaqla ilkin tanınmış mәblәğdәn.
Maliyyә öhdәliklәrinin tanınmasının dayandırılması
Maliyyә öhdәliklәrinin tanınması yalnız Qrup öz ödәniş öhdәliyini yerinә yetirdikdә, belә öhdәlik lәğv
olunduqda, yaxud müddәti başa çatdıqda dayandırılır. Mövcud maliyyә öhdәliyi tam başqa şәrtlәrlә
eyni kreditorun tәqdim etdiyi digәr öhdәliklә әvәzlәnәrsә, yaxud mövcud öhdәliyә әhәmiyyәtli
düzәlişlәr edilәrsә, belә әvәzlәmә vә ya düzәliş ilkin öhdәliyin tanınmasının dayandırılması vә yeni
öhdәliyin tanınması kimi qәbul edilir. Tanınması dayandırılmış maliyyә öhdәliyinin balans dәyәri ilә
öhdәliklәr üzrә ödәnilmiş vә ödәnilәcәk mәblәğlәr arasındakı fәrq mәcmu gәlirlәr haqqında konsolidә
edilmiş hesabatda tanınır.
19
Lizinq
Lizinqin şәrtlәrinә әsasәn mülkiyyәt hüququ üzrә bütün risk vә mükafatlar icarәyә götürәn tәrәfә
ötürüldüyü zaman belә lizinq maliyyә lizinqi kimi tәsniflәşdirilir. Bütün digәr lizinqlәr әmәliyyat lizinqi
kimi tәsniflәşdirilir.
Әmәliyyat lizinqi – Qrup, icarәyә verәn tәrәf kimi
Әmәliyyat lizinqlәri ilә bağlı gәlirlәr müvafiq lizinqin müddәti üzrә düz xәtt metodu ilә tanınır.
Әmәliyyat lizinqi razılaşmasının bağlanması vә rәsmilәşdirilmәsi ilә bağlı ilkin birbaşa xәrclәr lizinq
subyekti olan aktivlәrin balans dәyәrinә әlavә edilir vә lizinq müddәtindә düz xәtt metodu ilә tanınır.
Әmәliyyat lizinqi –
Qrup, icarәyә götürәn tәrәf kimi
Әmәliyyat lizinqi ilә bağlı ödәnişlәr, lizinq obyekti olan aktiv üzrә iqtisadi mәnfәәtin tanınması üçün
belә mәnfәәtin daxil olduğu müddәti daha uyğun әks etdirәn digәr bir metodun istifadә edildiyi hallar
istisna olmaqla, lizinq müddәti әrzindә düzxәtli metod әsasında xәrc kimi tanınır. Әmәliyyat
lizinqlәrindәn irәli gәlәn şәrti icarә haqları yarandığı dövr üzrә xәrc kimi tanınır.
Әmәliyyat icarәsi sövdәlәşmәsinin bağlanması üçün icarә stimulları әldә olunduqda belә stimullar
öhdәlik kimi tanınır. Stimullar üzrә ümumi mәnfәәt, lizinq obyekti olan aktiv üzrә iqtisadi mәnfәәtin
tanınması üçün belә mәnfәәtin daxil olduğu müddәti daha uyğun әks etdirәn digәr bir metodun
istifadә edildiyi hallar istisna olmaqla, düz xәtt üsulu әsasında icarә xәrclәrinin azalması kimi tanınır.
Maliyyә lizinqi – Qrup, icarәyә verәn tәrәf kimi
Qrup lizinq üzrә icarәyә verәn tәrәf olaraq mülkiyyәt hüququ ilә bağlı bütün risk vә mükafatları әsas
etibarı ilә icarәyә götürәn tәrәfә ötürdükdә icarәyә götürülmüş aktivlәr alınacaq maliyyә lizinqi kimi
tәqdim olunur vә uçotda gәlәcәk lizinq ödәnişlәrinin cari dәyәri ilә qeyd edilir. Maliyyә lizinqi üzrә
debitor borcları başlanğıc tarixindә müәyyәn olunmuş diskont dәrәcәsindәn istifadә etmәklә lizinq
üzrә fәaliyyәtin başlandığı anda tanınır.
Lizinqin başlanması dedikdә lizinq müqavilәsindәki әn erkәn tarix vә lizinq müqavilәsi üzrә әsas
müddәaların tәrәflәr vasitәsilә icrasına başlanma tarixi nәzәrdә tutulur.
Lizinqin başlanma tarixi icarәyә götürәn tәrәfin icarәyә götürülmüş aktivdәn istifadә hüququnu yerinә
yetirmәk üçün sәlahiyyәtlәr әldә etdiyi tarixdir. Bu, lizinqin ilkin tanınma tarixidir (yәni icarәdәn
yaranan aktivlәrin, öhdәliklәrin, gәlir vә ya xәrclәrin müvafiq qaydada tanınması).
Maliyyә lizinqi başlandıqda, Qrup minimum lizinq ödәnişlәrinin cәmindәn ibarәt olan lizinq üzrә xalis
investisiya qoyuluşlarını vә qazanılmamış maliyyә lizinqi gәlirlәri çıxılmaqla, tәmin olunmamış qalıq
dәyәrini (lizinq üzrә ümumi investisiyanı) qeydә alır.
Alınacaq ümumi mәblәğlә cari dәyәr arasındakı fәrq qazanılmamış maliyyә gәliri mәblәğini әks etdirir.
Maliyyә lizinqi üzrә gәlir qazanılmamış maliyyә lizinqi gәlirinin amortizasiyasından ibarәtdir. Gәlir xalis
investisiya metodundan (vergidәn әvvәl) istifadә etmәklә icarә müddәti üzrә tanınır ki, bu da sabit dövri
gәlir dәrәcәsini әks etdirir. İcarәnin razılaşdırılması vә tәşkili ilә birbaşa bağlı olan әlavә xәrclәr maliyyә
lizinqi üzrә debitor borcların ilkin qiymәtlәndirmәsinә daxil edilir vә icarә müddәti üzrә tanınmış gәlir
mәblәğini azaldır.
Lizinq mәqsәdlәri üçün alınmış avadanlıq
Qrup, avadanlığın alınması ilә bağlı maliyyә lizinqinә köçürülәcәk kapital xәrclәrini lizinq mәqsәdlәri
üçün alınmış avadanlıq kimi qeydә alır. Bu xәrclәr, avadanlıq istifadәyә hazır olana vә icarәçiyә
verilәnәdәk toplanmaqda davam edir.
İcarә mәqsәdlәri üçün alınmış avadanlıq üzrә hesablaşmalar Qrup keçmiş hadisәlәr nәticәsindә cari
hüquqi vә ya konstruktiv öhdәliyә malik olduqda vә öhdәliklәrin yerinә yetirilmәsi üçün iqtisadi
mәnfәәti tәşkil edәn vәsaitlәrin istifadә olunması ehtimal edildikdә, elәcә dә öhdәlik mәblәğinin
etibarlı qiymәtlәndirilmәsi mümkün olduqda tanınır.