22
Xilasetmә vә subroqasiya
Bәzi sığorta müqavilәlәri iddianın (mәsәlәn, xilasetmә) hәll edilmәsi zamanı әldә olunmuş (adәtәn
zәdәlәnmiş) әmlakı satmağı Qrupa icazә verir. Hәmçinin, Qrup üçüncü tәrәflәrdәn bәzi vә ya bütün
xәrclәri (mәsәlәn, subroqasiya) tәlәb etmәk hüququna malik ola bilәr. Xilasetmә ödәnişlәrinin tәxmini
hesablamaları iddialar üzrә sığorta öhdәliyinin ölçülmәsi ehtiyatı kimi daxil edilir vә öhdәliklәr yerinә
yetirildikdә xilas edilәn әmlak digәr aktivlәrdә tanınır. Ehtiyat әmlakın satılması üzrә bәrpa edilmәsi
mümkün olan mәblәğdir. Subroqasiya ödәnişlәri dә hәmçinin iddialar üzrә sığorta öhdәliklәrinin
ölçülmәsi zamanı ehtiyat kimi nәzәrә alınır vә öhdәlik yerinә yetirildikdә digәr aktivlәrdә tanınır.
Ehtiyat cavabdeh kәnar tәrәflә bağlı fәaliyyәtdәn әldә oluna bilәn mәblәğin qiymәtlәndirmәsini әks
etdirir.
Akvizisiya xәrclәri
Qrup tәkrarsığortaçılar üçün sığorta haqlarının nәzәrdә tutulması mәqsәdilә agentlәrә vә brokerlәrә
komissiyalar ödәyir. Bu növ komissiya mәcmu gәlirlәr haqqında konsolidә edilmiş hesabatda sığorta
fәaliyyәtinin nәticәsi üzrә qeydә alınır. Komissiya xәrci hesablanmış aidiyyәti sığorta haqlarının
qazanıldığı dövr üzrә tәxirә salınır vә amortizasiya olunur.
Komissiya gәliri
Qrup sığorta haqlarının tәkrarsığortaçılara ötürülmәsinә görә komissiyalar alır. Sığortaçıların cәlb
edilmәsi ilә bağlı xәrclәrin bәrpa olunmasını nәzәrdә tutan ötürülmüş tәkrarsığorta әmәliyyatlarından
komissiya gәliri amortizasiya olunmamış müvafiq akvizisiya xәrclәrini elә bir tәrzdә azaldır ki, xalis
akvizisiya xәrclәri uçotda tanınmış xalis gәlirә mütәnasib olaraq kapitalizasiya edilәrәk xәrclәr
hesabına yazılır.
Tәkrarsığorta
Qrup müәyyәn tәsirlәr nәticәsindә yaranan potensial itkilәri azaltmaq üçün adi fәaliyyәti zamanı
tәkrarsığorta müqavilәlәri bağlayır. Ötürülmüş tәkrarsığorta haqları birbaşa vә ya ehtimal olunan
tәkrarsığorta biznesinin tәkrar sığortalanması üçün aidiyyәti sığorta haqları ilә eyni dövrdә uçotda
qeydә alınır.
Tәkrarsığorta öhdәliklәri ötürülmüş tәkrarsığorta üçün ödәnilmәli sığorta haqlarından ibarәtdir vә vaxtı
çatdıqda xәrc kimi tanınır.
Tәkrarsığorta aktivlәrinә tәkrarsığorta şirkәtlәrindәn tәkrarsığorta üzrә nәzәrdә tutulan sığorta haqları,
ödәnilmiş vә ödәnilmәmiş zәrәrlәr üçün alınacaq vәsaitlәrin qalığı daxildir. Tәkrarsığorta aktivlәri
nәzәrdә tutulan sığorta ilә bağlı mәblәğlәrә vә tәkrarsığorta müqavilәsinin şәrtlәrinә uyğun olaraq
ölçülür. Tәkrarsığorta әvәzlәşdirmә hüququ olduqda aktiv kimi qeyd edilir, bu halda әlaqәli öhdәliklәr
tәkrarsığortanı nәzәrә almaq üçün azaldılır.
Tәkrarsığorta aktivlәri dәyәrsizlәşmә yoxlamasından keçir vә onların balans dәyәri bәrpa
dәyәrinәdәk azaldılır. Dәyәrsizlәşmә zәrәri mәcmu gәlirlәr haqqında konsolidә edilmiş hesabatda
xәrc kimi tanınır. Qrupun tәkrarsığortaçılardan alınmalı mәblәğlәri toplaya bilmәyәcәyi ehtimalına dair
obyektiv sübut olduqda aktiv dәyәrsizlәşmiş hesab edilir.
Sığorta müqavilәlәri ilә bağlı debitor vә kreditor borcları
Kreditor vә debitor borcları ödәnişlәrin vaxtı çatdıqda tanınır. Buraya agentlәrә, brokerlәrә vә sığorta
müqavilәsi sahiblәrinә ödәnilәcәk vә onlardan alınacaq mәblәğlәr daxildir.
Sığorta debitor borclarının dәyәrsizlәşmәsinә dair әsaslı sübut olarsa Qrup sığorta debitor borclarının
balans dәyәrini müvafiq mәblәğdә azaldır vә hәmin dәyәrsizlәşmә zәrәrini mәcmu gәlirlәr haqqında
konsolidә edilmiş hesabatda tanıyır. Qrup kreditlәr vә debitor borcları üçün qәbul edilmiş eyni
prosesdәn istifadә etmәklә sığorta debitor borclarının dәyәrsizlәşmәsinә dair әsaslı sübutlar toplayır.
Dәyәrsizlәşmә zәrәri bu maliyyә aktivlәri üçün istifadә olunan eyni metod әsasında hesablanır.
23
Tәxirә salınmış yeni sığortaçıların cәlb edilmәsi (“akvizisiya”) xәrclәri
Ödәnilmiş komissiyaları әks etdirәn sığortaçıların cәlb edilmәsi xәrclәri hesablanmış sığorta
haqlarının qazanıldığı dövr әrzindә tәxirә salınır vә amortizasiya edilir. Yeni sığortaçıların cәlb
edilmәsi üçün bütün xәrclәr yarandıqları zaman tutulur. Tәxirә salınmış yeni sığortaçıların cәlb
edilmәsi xәrclәri onların hәr hesabat dövrünün sonunda gәlәcәk hesablamalar әsasında bәrpa
edilmәsini tәmin etmәk üçün sığorta polisinin verildiyi tarixdә vә hәr hesabat dövrünün sonunda
fәaliyyәt sahәlәri tәrәfindәn nәzәrdәn keçirilir. Yeni sığortaçıların cәlb edilmәsi xәrclәri mәcmu gәlirlәr
haqqında konsolidә edilmiş hesabatda xalis әsasda göstәrilir.
Qazanılmamış sığorta haqları üçün ehtiyat
Qazanılmamış sığorta haqları üçün ehtiyat qәbul olunmuş sığorta haqlarının, vasitәçilәrә ödәnilmәli
ümumi komissiyaların növbәti dövrlәrdә qazanılması tәxmin edilәn hissәsini әks etdirir. Ehtiyatda
dәyişiklik gәlirin risk dövrü üzrә tanınması üçün
mәcmu gәlirlәr haqqında konsolidә edilmiş hesabatda
qeyd edilir.
Sığorta zәrәri ehtiyatları
Ödәnilmәmiş iddialar üçün ehtiyatlara iki növ ehtiyatlar daxildir: hesabat olunmuş, lakin ödәnilmәmiş
zәrәrlәr üçün ehtiyat (“RBNS”) vә çәkilmiş, lakin hesabat olunmamış zәrәrlәr üçün ehtiyat (“IBNR”).
RBNS ehtiyatı yerinә yetirilmәmiş hәr bir iddia üçün hesablanır. Zәrәrin mәblәği müәyyәn edilmәzsә,
sığorta polisindә qeyd edilmiş sığorta hәddini aşmayan әn mümkün zәrәr mәblәği RBNS kimi qәbul
edilir. IBNR tarixi mәlumat, ehtimal olunan yekun zәrәr әmsalları vә hesabat olunan tәxmini iddiaların
artması faktorlarına әsaslanmaqla zәrәrin artması modellәrinin müәyyәn edilmәsi üçün istifadә olunan
aktuar metodlar әsasında müәyyәn edilir. Bu cür tәxminlәrin müәyyәn edilmәsi metodları vә son
ehtiyatların tәmin edilmәsi davamlı olaraq nәzәrdәn keçirilir vә yenilәnir. Yekun düzәlişlәr yarandıqları
dövrdә mәcmu gәlirlәr haqqında konsolidә edilmiş hesabatda әks etdirilir. İddiaların bildirilmәsi vә
ödәnişi üçün nisbәtәn sürәtli model olduğundan zәrәr ehtiyatı diskontlaşdırılmış әsasda hesablanır.
Sığorta riski
Hәr hansı sığorta müqavilәsi üzrә sığorta riski sığortalanmış hadisәnin baş vermәsi ehtimalını vә
nәticәdә qeyri-müәyyәn mәblәğdә iddianın yaranmasını әks etdirir. Sığorta müqavilәsinin növündәn
asılı olaraq bu risk çox nadir hallarda yaranır vә bu sәbәbdәn dә proqnozlaşdırılması mümkün deyil.
Qiymәtlәndirmә vә ehtiyatlarla bağlı ehtimal nәzәriyyәsinin tәtbiq olunduğu sığorta müqavilәlәri
portfeli halında, Qrupun öz sığorta müqavilәlәri ilә bağlı üzlәşdiyi әsas risk faktiki iddiaların vә sığorta
mәblәği ödәnişlәrinin sığorta öhdәliklәrinin balans mәblәğini aşmasından ibarәtdir. Bu, iddiaların
daha ciddi vә tez-tez yaranması vә onlarla bağlı ödәnişlәrin hesablanan mәblәğlәrdәn daha çox
olması sәbәbindәn baş verir. Sığorta hadisәlәri tәsadüfi hallarda yaranır vә iddiaların faktiki sayı,
mәblәği vә onlarla bağlı ödәnişlәr statistik vasitәlәrdәn istifadә etmәklә müәyyәn edilmiş sәviyyәdәn
asılı olaraq ildәn ilә dәyişәcәk.
Tәcrübә göstәrir ki, analoji sığorta müqavilәlәrinin portfeli nә qәdәr böyük olarsa, gözlәnilәn nәticәnin
nisbi dәyişikliyi bir o qәdәr az olar. Bundan әlavә, portfelin tәrkibi nә qәdәr müxtәlif olarsa portfelin
hәr hansı alt-qrupunda dәyişikliyin tәsirinin bir o qәdәr az olması ehtimal edilir. Qrup qәbul edilmiş
sığorta risklәrinin növlәri üzrә müxtәlifliyi saxlamaq vә gözlәnilәn nәticәnin dәyişkәnliyini azaltmaq
mәqsәdilә bu kateqoriyaların hәr birinin daxilindә risklәrin kifayәt qәdәr geniş populyasiyasına nail
olmaq üçün özünün sığorta anderraytinq strategiyasını hazırlamışdır.
Sığorta riskini pislәşdirәn amillәrә növ baxımından risklәrin müxtәlif olmaması, risklәrin mәblәği
coğrafi yer vә müvafiq olan sәnaye sahәsi daxildir.
Öhdәliyin adekvatlıq testi
Hәr hesabat tarixindә sığortaçıların cәlb edilmәsi ilә bağlı tәxirә salınmış әlaqәli xәrclәr çıxılmaqla
müqavilә öhdәliklәrinin adekvatlığını tәmin etmәk üçün öhdәliyin adekvatlıq testlәri hәyata keçirilir.
Öhdәliyin adekvatlığı testi yeni әn dәqiq tәxminlәrә әsaslanan ehtimalların qәbul olunmasını tәlәb
etdikdә, bu cür ehtimallar (әks kәnarlaşma üzrә marjalar tәtbiq edilmәdәn) hәmin öhdәliklәrin sonrakı
qiymәtlәndirilmәsi üçün istifadә edilir. Bu cür test nәticәsindә silinmiş hәr hansı tәxirә salınmış xәrclәr
sonradan bәrpa edilә bilmәz.