Egey dənizi sahillərinə çıxmaq məqsədi ilə Lidiya hökmdarı Aliatta ilə müharibəyə
başladı. Kiaksarın Lidiya ilə müharibəsi beş il (590-585) davam etdi. E.ə. 585-ci ildə
hər iki tərəf sülh müqaviləsi bağlamağa məcbur oldu. Diplomatik nigah bağlanır, yəni
Aliatta qızını Kiaksarın oğlu Astiağa ərə verir. Müqaviləyə görə, Kiçik Asiyanın Halis
(indiki Qızıl rmak) çayı iki dövlətin sərhədi kimi müəyyənləşdirilir və beləliklə Midiya
Ön Asiyanın qüdrətli dövlətinə çevrilir.
Kiaksarın vəfatından sonra hakimiyyətə onun oğlu Astiaq (e.ə. 585-550) gəlir.
Astiaqın hakimiyyətinin son illərində Midiyanın daxili və xarici vəziyyəti
mürəkkəbləşir. Harran vilayətinə görə qonşu Babilistan ilə münasibətlər kəskinləşir. Hər
iki dövlət bu vilayəti ələ keçirmək istəyirdi. Astiaq Harran vilayətinə hücum etdikdə
saray əyanlarının bir qismi Astiaqa qarşı bu fürsətdən istifadə etdilər. Daxili siyasətdə
Astiaq nəsli zadəganların hüququnu məhdudlaşdırdığı üçün hökmdar ilə əyanlar
arasında ziddiyyət yaranmışdı. Herodota görə Midiya sarayında fars meylli qüvvələr də
gizli fəaliyyət göstərirdilər. mərkəzi hakimiyyətə müxalif qüvvələrin sayəsində II Kir
ordusu ilə birlikdə Midiya torpaqlarına soxulur. O, üç il (e.ə. 553-550-ci illər) davam
edən bu müharibədə qalib gələrək Ekbatana şəhərini tutur. Digər rəvayətə görə Kir
midiya sarayında xidmət edirmiş. Astiq onu Azərbaycan ərazisindəki kadusiləri tabe
etmək üçün hərbi səfərə göndərmişdi. Lakin Kir kadusilərlə sazişə girərək, onların
köməyi ilə Astiaqa qalib gəlmişdir. Beləliklə e.ə. 550-ci ildə Midiya dövləti süquta
uğrayır və Midiya Əhəməni dövlətinə birləşdirilir.
7. Azərbaycanın Əhəmənilər imperiyasından asılı vəziyyətə
düşməsi və nəticələri
II Kir Midiyanı ələ keçirdikdən sonra Əhəməni fars dövlətinin əsasını
qoymuşdur. Əhəməni sülaləsinin banisi Əhəmən olmuşdur. Onun ilk vətəni ranın
cənub-şərqində yerləşən Fars əyaləti hesab olunur. Buradan farslar tədricən yayılmış və
Elamın Anşan vilayətinə yiyələnmişlər. Bəzi mülahizələrə görə farslar buraya e.ə. VIII
ə
srdə Parsua vilayətindən, Diyala çayının yuxarı axarından gəlmişlər. Parsua ölkə adı
onların etnik (pars, fars) adına çevrilmişdir. E.ə. VI əsrin əvvəllərində Anşan və Parsa
Midiyanın hakimiyyəti altına keçir. II Kir (e.ə. 558-530) fars tayfalarını birləşdirib
Midiyaya qarşı müharibəyə başlayır. E.ə. 550-ci ildə fars qoşunları Midiyanın paytaxtı
Ekbatana şəhərini tuturlar. II Kir özünü Midiya şahı elan edir. II Kir Midiyada öz
hakimiyyətini qanuniləşdirmək üçün Astiaqın qızı ilə evlənir. Farslar Midiya
mədəniyyətinin bir çox sahələrini, eləcə də dövlət idarə quruluşunu mənimsəyirlər.
Qədim yunanlar, misirlilər və başqa xalqlar Midiya taxt-tacının Kirin əlinə keçməsini
miras kimi başa düşür, çox hallarda isə əhəməni sülaləsinin şahlarını və farsları
“midiyalı” adlandırırdılar. Bir neçə il ərzində II Kir Midiya dövlətinin tərkibinə daxil
olan ölkələri özünə tabe etdi.
E.ə. 530-cü ildə II Kir massaget tayfalarına qarşı yürüş təçkil etdi. Herodotun
məlumatından belə nəticəyə gəlmək olur ki, II Kir Araz çayından şimalda yaşayan
massaget tayfalarına qarşı çıxış etmişdi. Məlumdur ki, hələ e.ə. VII əsrin birinci
rübündə Azərbaycan ərazisində skit və sak tayfaları məsgən salmışdılar. Massagetlər də
skit tayfa birliyinə daxil idilər. Dion Kassi Arazdan şimalda yaşayan albanları massaget
mənşəli hesab edirdi. Erkən orta əsrlərdə Şimali Azərbaycan əhalisinin bir hissəsi
massaget adlandırılırdı. Strabon qeyd etmişdi ki, skitlərin böyük bir hissəsi massaget və
sak adını daşıyırdılar. Ehtimala görə, II Kir Şimali Azərbaycanın ərazisində yaşayan və
massaget adlanan etnoslara qarşı yürüş təşkil etmişdi. Bu tayfaların hökmdarı Tomris
tərəfindən məğlubiyyətə uğradılaraq həlak olmuşdu. Beləliklə, əhəmənilərin Araz
çayından şimalda yerləşən torpaqları tutmaq cəhdi boşa çıxmışdı.
II Kirin oğlu Kambiz (e.ə. 530-522) Misir səfərində olarkən e.ə. 522-ci ildə
randa dövlət çevrilişi olur və hakimiyyətə onun qardaşı Bardi gəlir. Əhəməni nəslinin
digər qoluna mənsub olan Dara Qaumatanı yalançı Bardi kimi qələmə verərək sui-qəsd
təşkil edir və Bardi öldürülür. I Dara (e.ə. 522-486) sui-qəsd nəticəsində hakimiyyətə
gəlir. Əslində, I Dara II Kirin oğlu Bardini hakimiyyətdən salmış, Bisütun yazılarında
onu yalançı Bardi kimi qələm vermiş və onu Qaumata adlandırmışdı. Məhz buna görə
ə
həməni dövlətinin tərkibində olan bir çox ölkələr üsyan qaldırmışdılar. Üsyan qaldıran
ölkələr arasında Azərbaycanda yaşayan tayfaların və əhalinin adı çəkilməmişdir. Yəqin
ki, Cənubi Azərbaycan müstəqil daxili idarə üsulunu saxlamış və buna görə də üsyan
qaldırmamışdı. Herodotun məlumatına görə, Araz çayından şimalda yaşayan xalqlar
könüllü olaraq əhəməni dövlətini tanımış və ona xərac verməyə razılaşmışdılar.
Xarici siyasətində yad ölkələrin işğalı başlıca yer tutan I Dara e.ə. 519-cu ildə
ilk növbədə skit və sak tayfalarına qarşı yürüşlər təşkil edir. I Dara qələbədən sonra
sakların ancaq başçısını dəyişmiş və istədiyi adamı hakim qoymuşdu. Yəqin ki, sak adı
altında Azərbaycanın bir sıra etnoslarının adları cəmləşdirilmişdi, çünki bu zaman
bütövlükdə Azərbaycanı ifadə edən məfhum hələ işlədilmirdi.
I Dara işğal olunmuş ölkələri 20 satraplığa (canişinliyə) bölür və hər bir
canişinlik müəyyən vergi dairəsinə salınır. Bu və ya digər vergi dairəsinə Azərbaycanda
yaşayan etnoslardan kaspilər, saklar, utilər, müklər, matienlər və başqaları daxil
edilmişdilər.
I Daranın oğlu Kserksin (e.ə. 486-465-ci illər) ordusunda fars-yunan
müharibələri zamanı Azərbaycanda yaşayan həmin tayfaların iştirakı qeyd edilmişdir.
Azərbaycan ərazisində yaşayan bu tayfalar öz başçıları ilə birlikdə əhəməni ordusunda
vuruşurdular. Onlar Əhəməni sərkərdələrinin tabeliyində idilər. Herodotun
məlumatından belə nəticə çıxarmaq olar ki, Azərbaycan I Daranın dövründən etibarən
ə
həmənilərdən asılı vəziyyətə düşmüşdür.
8. Makedoniyalı skə ndə rin Şə rqə hə rbi yürüş lə ri.
E.ə. 336-cı ildə II Filippin ölümündən sonra hakimiyyətə oğlu skəndər (e.ə.
336-323-cü illər) gəldi. Iskəndər atasının siyasətini davam etdirərək şərq ölkələrinə
yürüşə hazırlaşdı. Bu zaman şərq ölkələri, o cümlədən qərbi Anadolu ərazisindəki
yunan şəhərləri əhəmnilərin hakimiyyəti altında idi.
E.ə. 334-cü ilin yazında skəndərin makedoniyalı və yunanlardan ibarət 35
minlik ordusu Şərqə doğru hərəkətə başladı. Əhəməni Şahı III Dara 40 minlik ordusu ilə
Qranik çayı yaxınlığında skəndərlə qarşılaşdı, lakin məğlub oldu.
E.ə. 333-cü ildə Anadolunun xeyli hissəsi skəndərin əlinə keçdi. III Dara böyük
qüvvə toplayaraq Suriyaya tərəf irəlilədi və so şəhəri yaxınlığında Makedoniya ordusu
ilə üz-üzə gəldi. Makedoniyalılar bu döyüşdə qələbə çaldılar. Əhəməni ordusunun qalığı
III Dara başda olmaqla döyüş meydanından qaçdı.
Bu qələbədən sonra skəndər Misirə yola düşdü. Misir müqavimət göstərmədi.
Dostları ilə paylaş: |