11
Azərbaycanın monetar orqanı – Mərkəzi bank bank və maliyyə sisteminin inkişafına, o
cümlədən bank sektorunda beynəlxalq standartların və maliyyə əməliyyatlarının innovativ xidmət
və məhsulların tətbiqinə xüsusi diqqət yetirilir və bu istiqamətdə məqsədyönlü, sistemli və ardıcıl
layihələr həyata keçirir. Bu nədənlə kitabda Azərbaycan Respublikası Mərkəzi bankın fəaliyyəti
geniş tədqiq edilmişdir.
Bank rəqabətinin güclənməsi, bank xidmətlərinin çeşidinin artırılması, investisiyaların
genişlənməsi və bank xidmətləri bazarında bu kimi digər meyllərin artması bankları müxtəlif
mənbələrdən vəsait cəlb etməkdə maraqlı edir. Belə bir şəraitdə əmanətçilərdən cəlb edilmiş
vəsaitlərinin etibarlı qorunması xüsusi aktuallıq kəsb edir. Bu məqsədlə əmanətlərin
sığortalanması mexanizmlərinin yaradılması üçün görülən tədbirlərin nəticəsi olaraq 29 dekabr
2006-cı ildə “Əmanətlərin sığortalanması haqqında” Azərbaycan Respublikasının Qanunu qəbul
edildi. Azərbaycan Respublikasında əmanətlərin sığortalanması sisteminin yaradılmasının
məqsədi banklar və xarici bankların yerli filialları ödəmə qabiliyyətini itirdikdə, fiziki şəxslərdən
ə
manətə qəbul olunmuş pul vəsaitinin itirilməsi riskinin qarşısını almaq, maliyyə və bank
sisteminin sabitliyini və inkişafını təmin etməkdir.
Bu gün Cənubi Qafqazda valyuta ehtiyatlarının 88%-i, bank aktivlərinin isə 68%-i
Azərbaycanın payına düşür. Ölkəmizin regional iqtisadiyyatdakı rolunun artması həm də onun
bank-maliyyə mərkəzinə çevrilməsində, bank kapitalı idxalı və ixracında özünü büruzə verir. Bu
gün Azərbaycanda bank sistemində xarici kapitalın iştirakına heç bir məhdudiyyət qoyulmamış,
xarici kapitallı bankların fəaliyyəti üçün əlverişli şərait yaradılmışdır. Bunun nəticəsidir ki, bu gün
ölkəmizdə 23 xarici kapitallı bank fəaliyyət göstərir. Onlardan 5-i 100%-lik xarici kapitala
malikdir. Ümumi bank kapitalında xarici kapitalın payı 18.2% təşkil edir.
Təsadüfi deyildir ki, qlobal maliyyə böhranının ən aktiv fazasında belə Azərbaycanın bank
sisteminə xarici kapitalın axını dayanmamışdır. Azərbaycanın yerli bankları da aktiv surətdə
xarici bazarlara çıxmaqdadırlar.
Bu gün Azərbaycan banklarının xarici ölkələrdə 2 törəmə bankı, 1 filialı, 6 nümayəndəliyi
fəaliyyət göstərir. Müxtəlif maliyyə xarakterli xidmətləri təqdim edən Azərbaycan Beynəlxalq
Bankı tədricən maliyyə korporasiyasına çevrilir və ABB xaricdə aşağıdakı strukturların təsisçisi
və sahibidir: «Azərbaycan Beynəlxalq Bankı–Moskva» MMC və «Azərbaycan Beynəlxalq
Bankı–Gürcüstan» MMC. Bankların xarici maliyyə bazarlarında fəaliyyətinin aktivləşməsi və nü-
fuzunun artması onların beynəlxalq reytinqin alınmasına marağını artırmışdır. Belə ki, təkcə ötən
il bank beynəlxalq reytinqə malik olmuş və qlobal böhran şəraitində banklar reytinq səviyyələrini
qoruyub saxlamışlar.
Bank fəaliyyətinin əsasları (Elmi-nəzəri və praktiki məlumat nəşri) kitabında beynəlxalq
standartlara uyğun müasir və rəqabətə dözümlü Azərbaycan maliyyə-bank industriyasının müasir
vəziyyəti və perspektivləri haqqında elmi cəhətdən əsaslandırılmış məlumatlar yer alır.
Bank fəaliyyətinə aid mövzuların tədqiqi, özəlliklə qlobal maliyyə böhranı sonrası mərkəzi
bankın məqsəd və vəzifələri; elektron ödəniş sistemlərinin fəaliyyətinin təhlükəsizliyi; Bank
fəaliyyətinin təşkili, idarə edilməsi,təşkilati strukturu və reqlamenti; bank öhdəliklərinin
formalaşması və onlann strukturunun optimallaşdırılması, öhdəliklərin mənbələrinin
keyfıyyətcə səmərəli idarə olunması və bank kapitalının ölçülməsi qaydası; bank aktivlərin təh-
lükəsizliyi; bankların kassa əməliyyatları və nağdsiz hesablaşmaların həyata keçirilməsi şərtləri;
Banklarda kreditlərin verilməsi proseduru; bank sistemində risklərin idarə edilməsi prosesi; bank
tərəfindən kredit sifarişlərinin qiymətləndirməsi meyarları; Bankların qiymətli kağızlar bazarında
investisiya fəaliyyəti; Beynəlxalq bank işi və bankların valyuta əməliyyatları; Banklarda
marketinq planı və maliyyə internet xidmətlərinin təkmilləşdirilməsi, Bank sistemində gəlirlərin
formalaşması və onlardan istifadənin qiymətləndirilməsi kimi mövzular bankçılıq elmində
tədqiqat obyekti kimi xüsusi əhəmiyyət kəsb edir və bu nədənlə yuxarıda qaldırılan bütün
sualların cavabı Bank fəaliyyətinin əsasları (Elmi nəzəri və praktiki məlumat nəşri) kitabı ətraflı
formada açıqlanmışdır.
Kitabın metodoloji və nəzəri əsası iqtisadi nəzəriyyənin, maliyyə və kredit nəzəriyyəsinin
müddəaları, maliyyə hüququ, Azərbaycan Respublikasının maliyyə-bank institutlarının
12
fəaliyyətini tənzimləyən Qanunlar və Azərbaycan Respublikası Mərkəzi Bankının bankların
fəaliyyətinə dair hazırladığı Normativ xarakterli sənəd və təlimatlar təşkil edir. Tədqiqat zamanı
Azərbaycan Respublikası Mərkəzi Bankının elmi-tədqiqat nəşrlərindən istifadə olunmuşdur.
Ə
ldə edilmiş nəticələr Azərbaycan maliyyə və bankçılıq iqtisad elmində ilk icmal məlumat
ə
səridir. Kitabın içində olan mövzuların hazırlanması prosesində xarici təcrübədən istifadə
olunmuş və anlayışların izahlı şərhi müasir Azərbaycanın bank sistemi təcrübəsinə əsaslanaraq
verilir.
«Bank fəaliyyətinin əsasları» məlumat informasiya kitabında yer alan mövzuların
ə
ksəriyyəti iqtisadi ədəbiyyatda ilk dəfə işlənmiş və hazırlanmışdır.
Bu kitab «Bank işi» fənninin tədrisi prosesində, istərsədə banklarda işləmək və imtahanlara
hazırlaşan məzunlar üçün yararlı və faydalı elmi nəzəri və praktiki məlumat kitabıdır. Kitab
orijinallığı ilə fərqlənir, cünki kitabın içində olan mövzuların əksəriyyəti ilk dəfədir işıq üzü
görür.
Azərbaycan ali məktəblərində «maliyyə və bankçılıq» ixtisası üzrə tədris planına daxil
edilmiş «bank işi» kurslarının tədrisində istifadəsi məqsədəuyğundur.
Ümumilikdə, kitab geniş oxucu auditoriyası, xüsusən də maliyyə və bankçılıq məsələri ilə
ə
laqədar məşğul olan mütəxəssislər, ekspertlər «maliyyə», «dünya iqtisadiyyatı», «mühasibat
uçotu və audit» ixtisasları üzrə tədris edən müəllimlər, təhsil alan bakalavr, magistr və
doktorantlar üçün nəzərdə tutulan elmi nəzəri və praktiki nəşrdir.
Bank fəaliyyətinin əsasları kitabı on üç fəsildən ibarətdir. Kitabın bütün fəsillərində ən çox
istifadə olunan anlayışların izahlı elmi şərhi verilir.
I fəsildə - «Maliyyə-bank xidmətləri industriyasi» geniş formada tədqiq edilir. Bu fəsildə yığım
və investisiya arasında əlaqə, finans sisteminin strukturu, maliyyə xidmətləri üzrə vasitəçı
insitutların fəaliyyəti haqqında hərtərəfli və geniş icmal xarakterli təhlillər aparılır və məlumatlar
verilir.
II fəsil - «Bank sistemi» mövzusuna həsr edilib. Bu fəsildə Azərbaycan Respublikasının
Bank sisteminin hüquqi əsasları, Bank infrastrukturu, xarici ölkələrin pul- kredit sistemi, Bank
sistemində diaqnostik sistem, Bank sektorunda bazar riski kateqoriyaları, Bank sistemində
maliyyə sabitliyinin təminatında Mərkəzi Bankın rolu, Stress testlərin keçirilməsi qaydası, Bank
Sistemində Böhran, Bank sistemində antiböhran tədbirlər proqramı, Bank sistemində nəzarət
modelləri, Bank sistemində əmanətlərin sığorta modeli kimi mövzular təhlil edilir.
III fəsil - «Mərkəzi Bank»ın fəaliyyətinə həsr edilmişdir. Bu fəsildə xarici ölkələrdə Mərkəzi
Bankların fəaliyyəti, Azərbaycan Respublikasının Mərkəz Bankının fəaliyyətinin ümumi əsasları və
ə
məliyyatları, AR Mərkəzi Bankın təşkilati strukturu və idarə olunması, Mərkəzi Bankın pul siyasəti,
Qlobal böhranlarin şiddətlənməsi mühitində Azərbaycan Mərkəzi Bankının pul siyasətinin
istiqamətləri təhlil edilir.
IV fəsil - «Ödəniş Sistemi»nin çalışma mexanizmini əhatə edir. Bu fəsildə Ödəniş Sistemi
haqqında ümumi məlumatlar verilir, AZ PS, XÖHKS və KÖM S ödəniş sistemlərinin fəaliyyətləri
və kredit kartlarından istifadə qaydaları açıqlanır.
V fəsil - «Bank fəaliyyətinin təşkili, idarə edilməsi, təşkilati strukturu və reqlamenti»
mövzusuna həsr edilmişdir. Bu fəsildə Bank fəaliyyətinin özəllikləri, bankçılığın əsas prinsipləri,
bankların idarəetmə strukturu və bank fəaliyyətində risklərin növləri və risklərin idarə edilməsi
sistemi, bankın fəaliyyətinin yoxlanılması kimi mövzular işlənib hazırlanmışdır. Burada AR
Mərkəzi Bankın Normativ xarakterli sənəd və təlimatlarlarından, o cümlədən - « Banklarda
risklərin idarə olunması haqqında Qaydalar», «Bank yoxlamalarının həyata keçirilməsinin prose-
dur qaydaları», «Banklarda korporativ idarəetmə standartlarının tətbiqi qaydaları» və «Bank
lisenziyalarının və icazələrin alınması üçün müraciət qaydaları» haqqında təlimatdan istifadə
edilib.
VI fəsil - «Banklarin öhdəlikləri və kapitalı» mövzusuna həsr edilmişdir. Bu fəsildə bankın
öhdəliklərının mahiyyəti, kapital anlayışı, bank kapitalının funksiyası, məcmu kapitalın əsas
məqsədi, bank məcmu kapitalınının qiymətləndirmə prosesi, öhdəliklərin likvidlik göstəriciləri,
kapitalın adekvatlıq əmsallarına dair tələblər və onların hesablanması qaydaları açıqlanır. Burada
Dostları ilə paylaş: |