prosesinin çətinlikləridir. Tullantıların toplanması, onların sortlaşdırılması,
ayrılması, təmizlənməsi və s. eləcə də təkrar emal üçün xüsusi avadanlıqların
olmaması emalın çətinlikləri hesab olunur. Ona görə hal-hazırda polimer
tullantıların əksər hissəsin ya yandırılır, yaxud da onlar üçün ayrılmış xüsusi
torpaq sahələrində basdırılır. Bu isə torpağın və torpaq sularının toksiki
maddələrlə çirklənməsinə səbəb olur, ətraf mühitə hiss olunacaq dərəcədə zərər
vurulur, ekoloji durum daha da kəskinləşir.
Azərbaycanda polietilen materiallara olan tələbat onun istehsalını üstünləyir.
Hesablamalar göstərir ki, ümumilikdə polietilen tullantıların 20-25%-ni təkrar
emal etməklə xalq təsərrüfatının polietilen materiallara olan tələbatını ödəmək
mümkün olar. Lakin hazırda yalnız tullantıların 2-3% təkrar emal olunur. Tələbatı
ödəmək üçün PE tullantıların toplanması və ondan istifadənin səviyyəsi
yüksəldilməlidir.
Çox təəsüflə qeyd etməliyik ki, Azərbaycanda polimer tullantıların təkrar
emalı yox dərəcəsindədir. Belə tullantılar və başqa bərk sənaye tullantıları
yandırılır. Bu isə atmosferin, torpağın zəhərli toksiki maddələrlə çirklənməsinə
səbəb olur.
Bakı və Abşerondakı tullantıların tərkibində xüsusi yer tutan linoleum, divar
kağızları, pəncərə-qapı çərçivələri (PVC), elektrik avadanlıqları və plastik
butulkaların hazırlandığı xammalın-polixlorbifenellərin 1 kq-nın yandırılması
zamanı 50 milliqram dioksin əmələ gəlir. Bu miqdar 50 min laboratoriya
canlısında xərçəng şişlərinin əmələ gəlməsinə səbəb ola bilər. Insan orqanizmi
üçün dioksinin maksimum səviyyəsi fərdi xüsusiyyətlərdən asılıdır və dəqiq
müəyyən olunmayıb. Dioksinlər daha çox insanın ümumi sisteminə və
reproduktiv sağlamlığına təsir göstərməklə ətraf mühitə çirkləndirən təhlükəli
çirkləndirici hesab olunur.
II FƏS L. BƏRK SƏNAYE TULLANTILARININ TƏKRAR
EMAL TEXNOLOG YALARI VƏ
ALINAN MƏ
HSULLAR
2.1.Metalo-lomların tə
krar emal texnologiyası alınan mə
hsullar
I fəsildə qeyd edildiyi kimi metallurgiya və maşınqayırma sənayesinin
tullantıları və istismar müddəti başa çatmış metal avadanlıqlar metal
tullantılarına (metalo-loma) çevrilirlər. Bu tullantılar icazə verilmiş və yaxud
icazə verilməmiş zibilxanalara atılaraq, ətraf mühiti çirkləndirərək böyük
ekoloji problemlər yaratmaqla yanaşı, onların tərkibində olan qiymətli
metallar istifadəsiz qalır. Halbuki bu tullantıların tərkibindəki qiymətli
metallar böyük xammal bazası ola bilər. Odur ki, belə tullantıların təkrar
emalı dövrümüzün ən aktual problemi sayılır. Azərbaycanda metalların
təkrar emalı demək olar ki, yox səviyyəsindədir. Qara metalın tullantılarını
təkrar emal etmək üçün “Bakı Steel Company” şirkəti fəaliyyət göstərirdi,
onlar da fəaliyyətini saxlayıblar. Qara və əlvan metalların tullantılarını
təkrar emal texnologiyaları bir-birindən fərqlənir [ 26].
Lazımi tərkibdə təkrar emal poladı və ərintiləri istehsal etmək üçün
xüsusi üsullar yaradılmışdır. Bunlar vakkum elektrik-qövs, sobalarında
ə
ritmə, elektrik-posa ilə təkrar əritmə. Istənilən təkrar emal poladın
tərkibində O, N, H, P, S kimi elementlər olur. Bu elementlər təkrar emal
poladın tərkibində müxtəlif oksidlər, sulfidlər, nitridlər, fosfidlər və sair
birləşmələr şəklində olur və onun fiziki-kimyəvi xassələrinə mənfi təsir
göstərir. Bu səbəbdən bəzi hallarda sənayenin bir sıra sahələrində zərərli
sayılan elementlərə görə yüksək təmizliyə malik polad və ərintilərin tətbiq
edilməsi tələb olunur.
Tullantı materialların (şixtənin) növü və onların şixtənin tərkibindəki
miqdarı istehsal ediləcək təkrar emal poladın kimyəvi tərkibinə görə təyin
edilir. şixtə materialları elə seçilməlidir ki, əritmə prosesi zamanı ayrı-ayrı
elementlərin yaranmasını da nəzərə almaqla şixtənin kimyəvi tərkibi
alınacaq poladın kimyəvi tərkibinə uyğun olsun.
Elektrik-qövs sobasında poladəritmədə şixtənin tərkibinə daxil ola bilən
materiallar cədvəl 2.1-də verilmişdir.
Cə
dvə
l 2.1
Ş
ixtənin tərkibinə daxil olan materiallar
Ş
ixtənin tərkibinə daxil olan materiallar
Materialın şixtədə miqdarı, %
Polad tullantıları :
1.Məxsusi istehsal tullantıları
2.Satınalma məhsul tullantıları
Təkrar emal çuqunları
Ferromanqan
Ferrosisisium
Texniki dəmir
30-40
20-60
40
0,8-1,0
0,8-1,00
10-30
Karbonun qıtlığını azaltmaq üçün texniki dəmir vurulur.
Istifadə olunan polad tullantıları məxsusi və satınalma istehsal tullantısı
olmaqla iki qrupa ayrılır. Satınalma istehsal tullantısı özü də kimyəvi tərkibinə
görə A və B kateqoriyalarına uyğun olaraq legirlənmiş və adi polad tullantıları aid
edilir.
Ş
ixtənin tərkibinə daxil olan polad tullantılarının və digər materialların
kimyəvi tərkibi və miqdarı cədvəl 2.2-də verilmişdir.