Fəsil 8. Fyuçers və opsion birjaları
8.1. Dünyanın əsas fyuçers və opsion bazarları
Beynəlxalq iqtisadiyyatda, eləcə də müxtəlif ölkə və
qitələrdə fyuçers və opsion bazarlarının formalaşması prosesi
müxtəlif coğrafi məkanlarda tarixi keçmişin və xalq
təsərrüfatının inkişafı xüsusiyyətlərini özündə əks etdirir. Onu
da qeyd edək ki, hər bir konret ölkədə bütün bu bazarlar dövrün
mövcud iqtisadi-siyasi vəziyyəti ilə yanaşı, müəyyən əmtəə
növlərinə, istehsal və satış problemlərinin təsiri altında
formalaşmışdır. Bütün bu bazarların içində əlvan metallar,
kənd təsərrüfatı məhsulları, neft və neft məmulatları, həmçinin
maliyyə-kredit resurslarının fyuçers və opsion bazarları xüsusi
seçilir.
Fyuçers ticarəti əsasən müddətli fyuçers kontraktları
(əqdləri) vasitəsilə birja əmtəəsilə birja ticarəti formasıdır.
Fyuçers
əqdi
sövdələşmə
zamanı
tərəflər
arasında
müəyyənləşdirilmiş qiymətlə müqavilədə göstərilmiş müddətdə
birja aktivinin göndərilməsi üzrə standartlaşdırılmış birja
müqaviləsidir.
Hələ XIX əsrin sonlarında dünyanın bütün
birjalarında əlvan metallarla ticarət əməliyyatları, kapitalist
təsərrüfatçılığı metodlarının xüsusilə Avropa dövlətləri və
ABŞ-da maşınqayırma və metallurgiya sənayesinin sürətli
inkişafının təmin etməsi nəticəsində, həddindən artıq
fəallaşmışdır. lk dövrlərdə birjalarda misin və qalayın
topdansatışı, sonralar isə istehsal imkanlarının artması, daxili
və xarici bazarların genişləndirilməsi nəticəsində həmin əlvan
metallara qurğuşun və sinkin əlavə edilməsi, XIX əsrin sonu
XX əsrin əvvəllərində elektroliz sobalarında elektrik
enercisindən alunit filizinin sənaye emalında istifadə edilməsi
adı çəkilmiş metalların sırasına alüminiumu da əlavə etdi.
Beləliklə, təcrübədə əlvan metalların ixtisaslaşmış bazarlarının
birja forması ümumdünya etirafını qazandı.
Əlvan metallar üzrə beynəlxalq fyuçers və opsion
bazarlarının əsas xüsusiyyətləri, onların dünyanın müxtəlif
şəhərlərinin, müəyyən ixtisaslaşmış əmtəə birjalarında
cəmlənməsindən ibarətdir. Dünya bazarlarının tərkibində əlvan
metalların ən yüksək dövriyyəsi London metal birjasının
üzərinə düşür ki, burada bir il ərzində orta hesabla 27 min
kommersiya əqdi satılır. Əlvan metalların reallaşdırılmasına
görə ikinci yeri ABŞ-ın Nyu-York şəhərində fəaliyyət göstərən
Komet birjası tutur. Həmin birja cəmi Amerikanın əmtəə
birjaları arasında bir il ərzində təxminən 13 min əqdin
dövriyyəsini təmin edərək, dünyaya gücünə görə dördüncü yeri
tutur.
Müasir dövrdə keçmiş Sovetlər ölkəsində sosialist
sisteminin dağılması və bir sıra mövcud sosialist dövlətlərində
müxtəlif səpkili azad iqtisadi zonaların yaradılması ilə
əlaqədar, beynəlxalq əmtəə və digər birja sistemində də ciddi
dəyişikliklər baş verməkdədir. Belə ki, Çin Xalq
Respublikasının 1991-ci ildə Quandun əyalətinin Kuala-
Lumpura şəhərində dünyanın əlvan metallar üzrə fyuçers bazarı
yeni ixtisaslaşmış birja ilə əlavə olundu. Həmin birja vasitəsilə
kütləvi miqyasda mis, qurğuşun, qalay, alüminium, sink, nikel,
sürmə və maqniy satılır.
ngiltərənin paytaxtı London şəhərində metallar
birjası 1876-cı ilin sonundan fəaliyyət göstərir. Müxtəlif
dövrlərdə həmin birja qara və əlvan metallar və o cümlədən,
gümüşün kütləvi satışı ilə məşğul olmuşdur. Lakin illər
keçdikcə həmin metal birjası vasitəsilə satışın məhsullarının
dairəsi bir qədər daralaraq mis, alüminium, sink, qurğuşun,
nikel və qalayla kifayətlənmişdir. Nəhayət 1988-ci ildə
Londonun metal birjası xüsusi dövlət qeydiyyatından
keçdikdən sonra beynəlxalq birja statusu almışdır. Həmin
birjada xarici və yerli şirkətlər broker yerlərinin 80%-i öz
əllərində cəmləşdirərək, əsasən xarici müəssisələrinin
kommersiya əməliyyatlaının reallaşmasını təmin edirlər.
London metal birjasının tərkibinə daxildir:
- öz adlarından, həmçinin bilavasitə alıcı və ya
satıcıların sifarişlərilə əqdlər bağlayan hesablaşma palatalarının
(rinqlərin) üzvləri;
- hesablaşma palatısının üzvləri olan və hətta olmayan
ticarət şirkətləri;
- broker şirkətləri (onların bəziləri hesablaşma
palatasının tərkibinə daxildir, digərləri isə nisbətən
müstəqildir).
Londonun metal birjasının cari işləri ilə 1986-cı ildə
yaradılmış 15 nəfərdən ibarət (onlardan 10 nəfəri rinqin
üzvləridir) darə şurası məşğul olur
1
.
Hal hazırda London metal birjasında baş tutan bütün
sövdələşmələr faktiki olaraq təminatlıdır, hesablaşma palatası
isə müstəqil səhmdar şirkəti kimi çıxış etməkdədir. Həmin
birjada mis, qurğuşun, alüminium, nikel və sink üzrə opsion
ticarət sistemi azı 10 il əvvəl tətbiq edilib. Onu qeyd edək ki,
opsion dedikdə pulla müəyyən zaman müddətində əvvəlcədən
təyin olunmuş qiymətlə maddi qiymətlərinin alınması və yaxud
satılması hüququnun əldə edilməsi başa düşülür.
London metal birjasında hələ 1988-ci ildə qəbul
edilmiş yeniliklər fyuçers əməliyyatlarının bir qədər qeyri-
mütləqliyindən müddəti başa çatmaqda olan əqdlərin mütləq
yerinə yetirilməsi və həqiqətən real əmtəələrin göndərilməsinə
keçidin əsasını qoymuşdur. Bununla vasitəçi kimi çıxış edən
satıcının birjada qeydiyyatdan keçmiş metalların markası ilə
yanaşı, məhsulların təhvil verilməsi məntəqəsini də seçmək
hüququnun əsası qoyulmuşdur.
London metal birjasında kəmiyyət və keyfiyyət üzrə
metalların satış üçün qəbul edilməsinin sərt qaydaları
mövcuddur. Məyyən metalın birjada qeydiyyatdan keçməsi və
1
Дегтярова О.И, Кондинская О.А. Биржевое дело: Учебник для вузов.
– М.: Банки и биржи, ЮНИТИ, 1997, с. 364-368.
Dostları ilə paylaş: |