Bilimsel Eksen-Sicientific Axis-Научный Меридиан/Yıl-Year-Год 2017/Sayı-Number-Число 20
101
AZERBAYCAN EDEBİYATINDA TASAVVUFÎ AKIMLAR
VE KİMİ ŞAİRLERİN ESERLERİNDE BELİRTİLERİ
AZƏRBAYCAN ƏDƏBİYYATINDA TƏSƏVVÜFİ
CƏRƏYANLAR VƏ NEÇƏ ŞAİRİN ƏSƏRLƏRİNDƏ
TƏZAHÜRÜ
THE SUFFISM MOVEMENT IN AZERBAIJANI LITERATURE
AND THE MANIFESTATION OF THE WORKS OF POETS
ТЕОСОФСКИЕ ТЕЧЕНИЯ В АЗЕРБАЙДЖАНСКОЙ
ЛИТЕРАТУРЕ И ИХ ПРОЯВЛЕНИЯ В ПРОИЗВЕДЕНИЯХ
НЕКОТОРЫХ ПОЭТОВ
Qumru ŞƏHRİYAR
*
Öz
Azerbaycan’da tasavvufun tarihi X. yüzyıldan başlamaktadır. Edebiyatta ta-
savvufî dönem olarak adlandırılan zaman kesitinde ünlü Azerbaycanlı sufî âlimler
yaşamıştır. Onlardan Ebu Hüseyin Dündarî-Şirazî, Hüseyin İbn Yezdinyar, Ebu
Hasan, Ebu Züra, Ebu Abbas, Ebu Sait, Abdal Bakuvi, Ali İbn Muhammed İbn
Abdullah Bakuvî, Hüseyin Şirvani, Ebu Abbas Ahmed, Ahi Ferec Zencani, Baba
Ferec, Hace Muhammed Hoşnam, Hüseyin Merendi, İbrahim Tebrizi, Ebulferec,
Ebulvahid Varsani, Said Berdeyi, Ebubekir Ehari, Abdulgahir Sühraverdi ve diğer
bir çok sufî âlimlerin adlarını anmak mümkündür.
XII. yüzyıl ise Azerbaycan tasavvufunda tarikatlar devrinin başlangıcıdır. İlk
kurulan tarikatlar arasında Azerbaycanlı sufîlerin kurdukları tarikatlar önemli role
sahiptir. Genellikle, Azerbaycan bu devirden itibaren tarikatlar merkezidir diyebili-
riz. Büyük tasavvuf hareketi olan Ahiliğin Anadolu kolu tarikatlerden Sühraverdi-
lik, Hûrifilik, Zahidilik, Safevilik, Halvetilik ve Halvetiliğin kolları Rövşenîlik ve
Gülşenîlik tarikatları Azerbaycan’da doğmuş ve buradan bütün İslâm âlemine ya-
yılmıştır. Genellikle İslâm âleminde yayılmış tarikatlar ve sufî cereyanların birçoğu
Azerbaycan kaynaklıdır.
*
AMEA Folklor İnstitutusü. Bakü/AZERBAYCAN
(nevayi-qumru@rambler.ru)
Bilimsel Eksen-Sicientific Axis-Научный Меридиан/Yıl-Year-Год 2017/Sayı-Number-Число 20
102
Makalede, tasavvufun Azerbaycan edebiyatına etkisinden, tarikatların edebi-
yatdaki tezahüründen, derviş hareketlerinden vb. söz edilecektir.
Anahtar Kelimeler: Azerbaycan, edebiyat, tasavvuf, tarikatlar, derviş, akım-
lar.
Xülase
Azərbaycanda təsəvvüfün tarixi X əsrdən başlayır. Ədəbiyyatda təsəvvüfi dövr
adlandırılan müəyyən zaman kəsiyində məşhur azərbaycanlı sufi alimlər
yaşamışdır. Onlardan Əbu Hüseyn Dündari-Şirazi, Hüseyn ibn Yəzdinyar, Əbu
Həsən, Əbu Züra, Əbu Abbas, Əbu Səid Abdal Bakuvi, Əli ibn Məhəmməd ibn
Abdullab Bakuvi, Hüseyin Şirvani, Əbu Abbas Əhməd, Əxi Fərəc Zəncani, Baba
Fərəc, Xacə Məhəmməd Xoşnam, Hüseyn Mərəndi, İbrahim Təbrizi, Əbülfərəc
Əbülvahid Varsani, Səid Bərdəyi, Əbubəkr Əhəri, Əbdülqahir Sührəverdi və digər
çox sufi alimlərin adlarını çəkmək mümkündür.
XII əsr isə Azərbaycan təsəvvüfündə təriqətlər dövrünün başlanğıcıdır. İlk
qurulan təriqətlər arasında azərbaycanlı sufilərin yaratdıqları təriqətlər mühüm rola
malikdir. Ümumiyyətlə, demək olar ki, Azərbaycan bu dövrdən etibarən təriqətlər
mərkəzi idi. Böyük təsəvvüf hərəkatı olan əxiliyin Anadolu qolu, təriqətlərdən
sührəvərdilik, hürufilik, zahidilik, səfəvilik, xəlvətilik və xəlvətiliyin qolları
rövşənilik və gülşənilik təriqətləri Azərbaycanda doğulmuş və buradan bütün İslam
aləminə yayılmışdır. Ümumiyyətlə, İslam aləmində yayılmış təriqətlər və sufi
cərəyanlarının neçəsi Azərbaycan mənşəlidir.
Məqalədə təsəvvüfün Azərbaycan ədəbiyyatına təsirindən, təriqətlərin
ədəbiyyatdakı təzahüründən, dərviş obrazlarından və s. bəhs ediləcəkdir.
Açar Sözlәr: Azərbaycan, ədəbiyyat, təsəvvüf, təriqətlər, dərviş, cərəyan
Abstract
It is seen that in Azerbaijan suffism and the history of suffism movement had
begun from the 10th century. During those periods many Azerbaijanian suffism
scientists had lived. Some of them were Abu Huseyn Dundari-Shirazi, Huseyn ibn
Yezdinyar, Abu Hasan, Abu Zura, Abu Abbas, Abu Said Abdal Bakuvi, Ali ibn
Muhammed ibn Abdullab Bakuvi, Huseyn Shirvani, Abu Abbas Ahmed, Akhi
Ferej Zenjani, Baba Ferej, Khaje Muhammed Khoshnam, Huseyn Marandi, Ibra-
him Tabrizi, Abulfaraj Abulvahid Varsani, Said Bardayi, Abdulgahir Suhraverdi
and others.
But the 12
th
centure is the beginning of the suffism sects in Azerbaijan. During
those years the sects created by Azerbaijanian suffists were very important among
the other sects. In other words, from that period Azerbaijan had become the centre
of sects. Being one of the suffism movements Akhilik which was the Anatolia
branch, Suhraverdism, Hurifism, Zahidism, Saffavism and Rovshanism and Guls-
hanism being the branches in Khalvatism and Halvatism appeared in azerbaijan
Bilimsel Eksen-Sicientific Axis-Научный Меридиан/Yıl-Year-Год 2017/Sayı-Number-Число 20
103
and had spread in whole Islam world. In general, investigating the history of sufism
all sects and some of Sufism movements it is seen that they were in Azerbaijan
origin.
In the article it will be said about the Suffism sects created, developed in diffe-
rent periods in Azerbaijan and the literary examples by the famous people of those
sects.
Keywords: Azerbaijan, literature, Suffism, sect, dervish, movement
Резюме
История теософии в Азербайджане начинается с Х века. В определённом
отрезке времени именуемым в литературе теософическим периодом жили
знаменитые Aзербайджанские учённые теософии. Среди них можно особо
выделить имена учённых теософов таких как Абу Хусейн Дюндари-Ширази,
Хусейн ибн Йездинйар, Абу Хасан, Абу Зюра, Абу Аббас, Абу Саид Абдал
Бакуви, Али ибн Мухаммед ибн Абдуллаб Бакуви, Хусейн Ширвани, Абу
Аббас Ахмед, Ахи Фарадж Занджани, Баба Фарадж, Хаджа Мухаммед
Хошнам, Хусейн Маранди, Ибрахим Табризи, Абульфaрадж Абульвахид
Варсани, Саид Бэрдэйи, Абубэкр Ахари, Абдульгахир Сюхрaверди и др.
А XII век в Азербайджанской теософии стал началом эры сектанства.
Среди первых созданных сект секты созданные Aзербайджанскими суфиями
имели важную роль. В целом можно сказать что, начиная с этого периода
Азербайджан стал центром сект. Являющаяся большим движением ахизма
секты Анотолийской ветви сухравердизм, хуруфизм, аскетизм, сафавизм,
отшельничество и разновидности отшельничества ровшанизм и гюльшанизм
родились в Азербайджане и отсюда распространились на весь Исламский
мир. В целом некоторые секты и суфиский течения распространившиеся в
Исламском мире Азербайджанского происхождения.
В статье повествуется об влиянии теософизма на Азербайджанскую
литературу, проявлении сектанства в литературе, образов дервишей и т.д.
Ключевые слова: Азербайджан, литература, теософия, секты, дервиш,
течения
Sasanilər imperiyasının ərəblər tərəfindən VIII əsrdə fəth edilməsi ilə impe-
riyanın tərkibində olan Güney Azərbaycan, Qafqaz Albaniyasının fəth edilməsi ilə
isə Quzey Azərbaycan ərəb xilafətinin tərkibinə daxil olmuşdur. Bununla da Azər-
baycan İslamın ilk dövrlərindən (641-643) müsəlmanlığı qəbul etmişdir. Əslində
bu ərazilərdə yaşayan xalqların müsəlman olmasında sufilərin rolu böyük idi.
Geniş İslam mədəniyyəti anlayışının içərisində zamanla yeni-yeni təriqətlər və
məzhəblər yaranmış, bəzən dövlətçilikdə, bəzən ölkənin ictimai-siyasi vəziyyətində
Bilimsel Eksen-Sicientific Axis-Научный Меридиан/Yıl-Year-Год 2017/Sayı-Number-Число 20
104
bu təriqətlər çox önəmli yerə sahib olmuşlar. Məsələn, Şah İsmayıl Xətainin şiəliyi
ön plana çəkərək dövlət səviyyəsinə qaldırması buna bariz nümunədir.
İslamın ilk illərindən sufilik Azərbaycanda mövcud olmuşdur. İstər şifahi,
istərsə də yazılı ədəbiyyatda təsəvvüf özünəməxsus yerlərdən ini tutur. Şifahi xalq
ədəbiyyatının ən qədim nümunəsi olan “Dədə Qorqud kitabı”nda Burla xatunun
Salur Qazana söylədiyi:
Quru-quru çaylara su saldım,
Qara donlu dərvişlərə nəzir verdim –
misraları ən qədim ədəbi mətnlərimizdə sufi dərvişlərdən bəhs edildiyini göstərir.
Yaxud böyük sufi şairi və dərviş olan Şəms Təbrizi yazır: “Elm üç şeydir: zikr edən
dil, şükr edən ürək, səbr edən bədən”. Və yaxud da Azərbaycanın hər yerində rast
gəlinən minlərlə pirlər, ziyarətgahlar vardır ki, bunlar da Azərbaycanda islamın
inkişafında sufilərin mövqeyini göstərir. Bu gün də Azərbaycanın çox bölgələrində
pir sahibinə, seyidlərə xüsusi diqqət və hörmət göstərilir (Şəhriyar, 2007).
sıra din, dini-fəlsəfi görüş və inanc sistеmləri ilə təsəvvüfi görüşlər arasında
ortaq nöqtələr tapmaq mümkündür. Şamanizm, zərdüştilik, buddizm, brahmanizm,
qədim yəhudi mistikası olan qabalizm, qədim yunan fəlsəfəsi platonizm və
nеoplatonizm, xristianlıq və başqa dini və fəlsəfi cərəyanlar xarakter və quruluşları
etibarı ilə təsəvvüflə, təsəvvüfi cərəyanlarla bənzərdilər desək, yanılmarıq.
Maraqlısı odur ki, bunlar arasında eyni nöqtələr tapmaq da mümkündür. Məsələn,
şamanizmdə ruhlarla danışmaq, ruhların işıqla yerə enməsi və yеnidən öz
bədənlərinə qovuşması (Göyüşov, 2004: 49-68), zərdüştilikdə xeyirlə şərin
qarşılaşması və mübarizəsi, hind mistikasında nəfislə mücadilə və ondan qurtuluş,
brahmanizmdə batini təmizliklə Yaradana qovuşmaq, yəhudi mistikasında Allahla
ünsiyyət, platonizmdə varlığın təkliyi, yalnız Allahdan ibarət olması (Babayev,
2007: 10), xristianlıqda zahidlik və s. bu kimi dini-fəlsəfi cərəyanlarda təsəvvüfi
görüşlər açıq şəkildə özünü göstərməktdədir.
Qeyd edək ki, Azərbaycanda islam dini VIII əsrdən sonra, təsəvvüf X əsrdə,
təriqətlər isə XII əsrdə yaranmış və təşəkkül tapmışdır. Təsəvvüfün yarandığı və
formalaşdığı dövrdə məşhur azərbaycanlı sufi alimlər yaşamışdır. Onların böyük
əksəriyyəti coğrafi ərazi olaraq bugünkü Güney Azərbaycan ərazisində doğul-
muşlar. Onlardan Əbu Hüseyn Dündari-Şirazi, Hüseyn ibn Yezdinyar, Əbu Həsən,
Əbu Zura, Əbu Abbas, Əbu Səid Abdal Bakuvi, Əli ibn Məhəmməd ibn Əbdullab
Bakuvi, Hüseyn Şirvani, Əbu Abbas Əhməd, Əxi Fərəc Zəncani, Baba Fərəc, Xacə
Məhəmməd Xoşnam, Hüseyn Mərəndi, İbrahim Təbrizi, Əbülfərəc Əbül-Vahid
Varsani, Səid Bərdeyi, Əbdülqahir Suhrəvərdi və başqalarının adlarını çəkmək
olar.
Qeyd etdiyimiz kimi, XII əsr Azərbaycanda təsəvvüfi təriqətlərin başlanğıc
dövrüdür. Bu dövrdə yaranan təriqətlər arasında azərbaycanlı sufilərin əsasını qoy-
duqları təriqətlər xüsusilə diqqəti cəlb edir. Demək olar ki, Azərbaycan bu dövrdən
etibarən təriqətlər mərkəzinə çevrilmişdir. təsəvvüf hərəkatı olan əxilik, təriqət-
lərdən sührəverdilik, hürufilik, zahidilik, səfəvilik, xəlvətilik və xəlvətiliyin qolları
Bilimsel Eksen-Sicientific Axis-Научный Меридиан/Yıl-Year-Год 2017/Sayı-Number-Число 20
105
olan rövşanilik və gülşənilik təriqətləri Azərbaycanda yaranmış və buradan bütün
İslam aləminə yayılmışdır.
Bundan başqa, Azərbaycanda başqa təriqətlərin də təmsilçiləri var idi. Qə-
ləndərilik, bektaşilik, mövləvilik, nemətullahilik, məlamətilik və başqaları. Övliya
Çələbi XVI əsrdə Azərbaycan ərazisində sufi və təkkələrin olması ilə bağlı məlu-
mat vermişdir. Onlardan Şeyx İbrahim Şirvani, Mərəzədə Diri Baba, Şeyx Rza
Sultan, Əfşar Baba ziyarətgahı və s. adlarını çəkmək olar. Məhəmmədəli Tərbiyyət
də “Danişməndani-Azərbaycan” əsərində təxminən 100 sufi haqqında məlumat
vermişdir (Tərbiyyət, 1995).
Xәlvәtilik – İslamda ən geniş yayılmış sufi təriqətlərindən i xəlvətilikdir. X
əsrdə yaranan xəlvətilik sufi təriqətinin təməli İbrahim Gilani və Ömər Xəlvəti
tərəfındən qoyulmuşdur. Bu təriqətin qurucuları azərbaycanlı idi. O dövrdə baş
vermiş ictimai-siyasi vəziyyətlə əlaqədar olaraq zəifləyən təriqət Seyid Yəhya Ba-
kuvi tərəfindən XV əsrdən etibarən yenidən quruldu və bu dəfə təriqət artıq ədəbi,
fəlsəfi, sosial və siyasi gücə sahib oldu.
Seyid Yəhya Bakuvi hər tərəfə mürşidlər göndərərək xəlvətiliyi məhəlli təriqət
olmaqdan çıxarıb, demək olar ki, bütün Şərq ölkələrinə yaymışdır. Xəlvətilik
Azərbaycanın hər tərəfınə, xüsusilə Şamaxı, Bakı və Təbrizə, İrana və Osmanlı
dövlətlərinə də yayılmışdır. Balkan yarımadasında, Orta Asiyada, Quzey Afrikada,
Qafqazda və Anadoluda ən böyük təriqət olan xəlvətiliyin təxminən 20 qolu, yüz-
lərlə təkkəsi və yüz minlərlə müridi vardı. Daha sonralar qol və bölmələrinin sayı
qırxdan çox olmuşdur.
Sührәvәrdilik vә ya işraqilik – Bu təriqət Azərbaycan təsəvvüf məktəbinə aid
olan və dünyada ən geniş yayılmış sufi təriqətlərindən idir. Təriqətin banisi Şeyx
Məqtul və Şeyx İşraq ləqəbləri ilə tanınan Şəhabəddin Ömər Sührəvərdidir. O,
1154-cü ildə Güney Azərbaycanın Sührəvərd kəndində anadan olmuş, 1191-ci ildə
vəfat etmişdir. O, fiqh, fazil, sufi, inanc sahibi, zahid, arif, həqiqət elmində za-
manının ən tanınmış şeyxlərindən i idi.
Şəhabəddin Sührəvərdi çox mürşid yetişdirmişdir. Eyni zamanda o, təsəvvüf və
təriqətlə bağlı çox əsərlərin də müəllifidir. Onun əsərləri bu dövrün ilk ədəbi və
təsəvvüfi əsərləridir. “İlamül-Xuda və əqidət ərbabüt-Tüqa”, “Nüğbətül-Bəyan fi
təfsirül-Quran”, “Risalə fi lübsül-Hirqa”, “İrşadül-Müridin və nicatüt-Talibin”,
“Risalə fit-Təsəvvüf ”, “Sünuhül-Fütuh bi zikrür-Ruh”, “Qayətül-İmkan fil-
Kəlam”, “Nemətül-Fiqh”, “Əs-Seyr vət-Teyr” adlı əsərlər müəllifin ən məşhur
əsərlərindəndir.
Şəhabəddin Sührəvərdinin onlarla əsərinin müxtəlif zamanlarda surəti çıxa-
rılmış, təxminən 100 əlyazma nüsxəsi dünyanın otuzdan çox kitabxanası, əlyazma
vəqflərində mühafizə olunur. Onların qismi Azəbaycan Milli Elmlər Akademi-
yasının Əlyazmalar İnstitutunda, Sankt-Peterburqda Şərqşünaslıq İnstitutunda,
Türkiyədə Sultan Fateh, Yusif Ağa, Əsəd Əfəndi, Saray III Əhməd, Raqib, Rza
Paşa, Aşir, Cərullah, Ayasofiya muzeyi, İstanbul Universiteti, Laləli, Nuri-Osma-
niyə, Əmniyyə, Şəhid Əli Paşa kitabxanalarında, İranda Astanqüds Rzəvi, Səltənət,
Bilimsel Eksen-Sicientific Axis-Научный Меридиан/Yıl-Year-Год 2017/Sayı-Number-Число 20
106
Milli Şura Məclisi, Tehran Universiteti, Sepehsalar Ali mədrəsəsi, Firdovsi Milli
kitabxanalarında, Suriyada Zahiriyyə, Misirdə Hidiviyyə, Darül-Kütub, Bələdiyyə
kitabxanalarında, İraqda Bağdad Universiteti Kitabxanasında, Hindistanda Banki-
pur Kitabxanasında, İngiltərədə Britaniya Muzeyi Kitabxanasında və Fransada Pa-
ris Milli Kitabxanalarında mühafizə olunur.
Bәktaşilik – Bəktaşilik türk sufisi xorasanlı Hacı Bəktaşi Vəlinin adı ilə
bağlıdır. Monqollar Səlcuqilər dövləti və xilafətin qalıqlarını dağıdandan sonra o,
Kiçik Asiyaya mühacirət edib. Hacı Bəktaşinin öz ruhani silsiləsini Əhməd Yəsə-
vidən götürdüyü və onun vasitəsilə imam Museyi-Kazıma çıxdığı deyilir. Hacı
Bəktaşinin əsərləri qalmadığından onun təlimi haqda əsaslı fikir yürütmək çox
çətindir. Mənbələrdə Hacı Bəktaşi Vəlinin ərəb dilində “Məqalət” adlı əsərin müəl-
lifi olduğu iddia edilir. Amma bu əsərin orijinalı qalmayıb. zamanlar Hacı Vəlinin
qələndəriyyə təmayüllü olduğu ehtimal olunur. Bu, sonralar bəktaşilikdə dərin izlər
buraxıb. Qələndəriyyələr hinduist və buddist ənənələrindən təsirlənən və adətən
sədəqə toplamaqla dolanan dərvişlər idi. Ən zəruri şəxsi əşyalardan savayı heç
əmlaka sahib olmazdılar. Sərgərdan həyat tərzi sürən qələndərlər nigahsız yaşa-
yırdılar. Qələndərlərin qisminin çox ekzotik görünüşü vardı: onlar başlarını,
üzlərini, bığ, saqqal, hətta qaşlarını da tərtəmiz qırxır, qısa xirqə geyinirdilər.
Başlarına konusşəkilli papaq qoyur, üstlərində isə ağır dəmir bəzəklər – boyunbağı,
üzük, bilərzik və s. gəzdirirdilər. Onların həyat tərzi çox sadə idi. Bahalı olan bütün
şeylərə nifrət edir, həmişə gülərüzlü olur, daim səfərlərdə dolanardılar.
Bəktaşilik 1450-ci ildən sonra hürufiliyin güclü təsirinə məruz qalmağa
başlayır. Teymurilər tərəfindən təqib olunan Fəzlullah Nəiminin edamından sonra
hürufilərin böyük hissəsi Anadoluya keçir. İmadəddin Nəsimi Anadoluda Hacı
Bəktaşi Vəli ilə görüşmək istəmiş, amma ikincinin ehtiyat etməsi üzündən bu görüş
baş tutmur. Anadoluda da təqib olunan hürufilər buradakı qələndəri təkkələrinə üz
tuturlar. Nəticədə, onlarla qaynayıb-qarışdılar, bəktaşilikdən dəstək aldılar, onun
içində söz sahibi oldular və Fəzlullah Nəimini də bəktaşiliyin digər övliyaları ilə
likdə müqəddəsləşdirdilər. Hürufiliyin ardından səfəviyyə də Anadolu ərazisinə
nüfuz etməyə başladı və buna, demək olar ki, nail oldu.
Bəktaşilik özünə dəstəyi kənd əhli içərisində tapmışdı. O, inkişaf etdikcə çoxlu
icma və məbədləri əhatə etməklə ciddi ierarxiya qaydaları olan təriqətə çevrildi.
Özünün xüsusi mərasimləri və ayinləri, rəmzləri və paltarı olan bu təriqət sürətlə
gücləndi. Təriqətin ən ciddi təşkilatlanma dövrü Bəlim Sultanın (1516-cı ildə ölüb)
adı ilə başlayır. Bəlim Sultan özünü Hacı Bəktaşi Vəlinin varisi elan etmişdi. Onun
apardığı islahatlar təriqətin nüfuzunu daha da artırdı.
Bəktaşilikdə islamdan əvvəlki türk inanclarından olan şamanizm, buddizm və
s. dinlərdən sıra ritual və ayinlərə aid elementlər müşahidə olunur. Qeyd edək ki,
bəktaşilər getdikləri yerlərdə yerli əhalini asanlıqla islamlaşdırır, onlara hörmətlə
yanaşaraq öz təriqətlərini təbliğ edirdilər. Burada məhərrəmlik mərasimi də
özünəməxsus şəkildə qeyd olunur. Sazın müşayiəti ilə ilahilər oxunur. Onlar Həzrət
Əlini yüksək tutur, şiə bayram və ayinlərini icra edirlər. Müsəlmanlığı qəbul edən
xristianlar da çox vaxt bəktaşiliyə üz tuturlar.
Bilimsel Eksen-Sicientific Axis-Научный Меридиан/Yıl-Year-Год 2017/Sayı-Number-Число 20
107
Hacı Bəktaşın özü böyük mütəsəvvif idi. Başına dördkünc tac qoyurdu.
Bəktaşilikdə bu, təsəvvüfün dörd qapısı – şəriət, təriqət, mərifət və həqiqət kimi
qəbul olunmuşdu. Təriqətin maliyyə işləri vəqflər vasitəsi ilə həyata keçirilirdi.
Əxilik – İslamda sufi təriqətlərindən idir. İran, Azərbaycan, Orta Asiya və
Anadoluda yayılan bu sufi cərəyanı İslam ölkələrində geniş yayılmışdır. Bu
təriqətin qurucusu Əxi Əvrən adı ilə məşhur olan azərbaycanlı sufi alim Şeyx Nəs-
rəddin Mahmud əl-Xoyidir. O, getdiyi hər yerdə insanları təşkilatlandırırdı. Belə-
liklə, Əxi Əvrən, Anadolu şəhərlərini gəzərək Əxi təşkilatlarını qurmuş, bütün
Anadolu əxilərinin şeyxi qəbul edilmişdir. Əxi Əvrən təsəvvüf fəlsəfəsi və ədəbiy-
yatı ilə bağlı sıra əsərlərin müəllifidir. Bunlardan ən məşhuru “Mətaliul-İman”,
“Mənahici-seyfi”, “Təfsiratül-Mübtedi”, “Təzkirətül-Müntəhi”, “Yezdani-şinahi”,
“Müridül-Kiyafə”, “Ağaz-u əncamp”, “Medhi-fakru zəmmi-dünya”, “Risaleyi ərz”,
“Mukatəbat beynə Sadrud-Din Konyəvi”, “Cihadnamə” əsərləridir.
Əxilik Azərbaycanda XIII–XV əsrlərdə daha geniş yayılmışdır. Burada Əxi
Əbülfərəc Zəncani (?–1062\1065), Sadəddin Əbülqasım Təbrizi (?–1181) və yüz-
lərlə məşhur əxi şeyxləri vardı.
Zahidilik – Bu təriqətin banisi məşhur sufi alimi Seyid Cəmaləddin Təbrizinin
xəlifəsi İbrahim Gilanidir. Şeyx İbrahim Zahid çox xəlifə və dərviş yetişdirmişdir.
Onlardan ən məşhurları Şeyx Səfiəddin Ərdəbili, şirvanlı Şeyx Əxi Yusuf, gəncəli
Şeyx Pir Hikmət və Şeyx Əxi Məhəmməddir. Onun ölüm tarixi ilə bağlı
tədqiqatçılar müxtəlif fikirlər irəli sürürlər. Onun xələfi və kürəkəni olan Səfiəddin
Ərdəbili onun təriqətini qəbul etdikdən sonra o, 25 il yaşadığı haqda məlumat var.
Səfiəddin Ərdəbilinin 1334-cü ildə vəfat etdiyini düşünsək, onda İbrahim Zahidin
təxminən 1309-cu ildə vəfat etdiyini söyləyə bilərik. O, Azərbaycanda Lənkəranın
Şıxakəran kəndində dəfn edilmişdir. Azərbaycan sovetlər liyinin tərkibində olduğu
illərdə Şeyxin məzarı dağıdılmışdır (1944). Azərbaycan müstəqilliyini əldə
etdikdən sonra onun məzarı yerli əhali tərəfindən yenidən bərpa edilmişdir.
Sәfәvilik – XIV əsrdə Güney Azərbaycanın Ərdəbil şəhərində sufi Şeyx
Səfiəddin tərəfindən qurulmuş islam təriqətidir. Bu təriqət zamanında Güney Azər-
baycan, Qərbi Anadolu və Cənubi Qafqaz bölgələrini əhatə etmişdir. Ərdəbildə
anadan olan Şeyx Səfiəddin İshaq Şiraza səfər etdikdən sonra Gilana yerləşmiş və
burada Şeyx Zahid Gilaninin tələbəsi olmuşdur. Daha sonra Zahidin qızı ilə ailə
quran Şeyx Səfiəddin zahidilik təriqətinin baş müridi olmuş və təxminən 1309-cu
ildə Şeyx Zahidin vəfatından sonra təriqətin piri olmuşdur. Elə o zamandan eti-
barən də təriqət səfəvilik adlandırılmışdır.
Hürufilik – XIV əsrin sonu – XV əsrin başlanğıcı Azərbaycanda, Anadoluda
və İranda yayılan sufi təriqətlərindən idir. Bu təriqətin əsas ideyası iudaizmdə
mövcud olan mistik qabalistika təlimində olduğu kimi Quranın hərf sistemi ilə
açıqlanmasıdır. Hürufilikdə 7 rəqəmi müqəddəs hesab edilir. Təriqətin banisi
Fəzlullah Nəimidir (1339/40–1401). Fəzlullah çox gənc yaşlarında ilahiyyatla
maraqlanmış, 18 yaşında təsəvvüfə yönəlmişdir. 1386-cı ildə öz təlimini Təbrizdə
elan etmiş, daha sonra İsfahanda bu təriqəti yaymağa başlamışdır. Yeni təriqətin
yayılması hakim dairələrin narahatlığına səbəb olmuşdur. Əmir Teymurun oğlu
Bilimsel Eksen-Sicientific Axis-Научный Меридиан/Yıl-Year-Год 2017/Sayı-Number-Число 20
108
Miranşahın əmri ilə Fəzlullah həbs edilmiş, 1401-ci ildə Naxçıvanda Əlincə qala-
sında edam edilmişdir. Onu ayaqlarından ata bağlayaraq şəhərin küçələrində sürü-
müşlər. Fəzlullah Nəimi “Cavidani-kə”, “Ərşnamə”, “Növmnamə”, “İskəndər-
namə” adlı əsərlərin müəllifidir.
Qeyd edək ki, hürufulik özündən sonra digər təriqətlərə də təsir etməsi ilə
yanaşı, Azərbaycan ədəbiyyatında da dərin izlər buraxmışdır. Haqqında
danışdığımız təsəvvüfi təriqətlər Azərbaycanın ictimai-siyasi həyatında əvəzsiz rol
oynayıblar. Qeyd edək ki, bu təriqətlərə bağlı sufilərdən başqa çox müstəqil yazıb
yaradan sufilər də vardır ki, onların heç təriqətə bağlılığı bilinmir. Məsələn,
İzzəddin Həsənoğlu, Əssar Təbrizi, Marağalı Əvhədi, Cahanşah Həqiqi, Şah Qasım
Ənvar, Məhəmməd Füzuli, Nizami Gəncəvi, Məhsəti Gəncəvi, Mahmud Şəbüstəri,
Şəms Təbrizi və başqaları. Bu sənətkarların əsərlərində ilahi eşq mövzusu geniş yer
tutur. Məsələn, Quranın əl-Bəqərə surəsində (ayə 115): “Şərq də, qərb də
Allahındır. Hansı tərəfə yönəlsəniz (üz tutsanız), Allah ordadır” ayəsi İmadəddin
Nəsimidə:
Hər yanə kim dönər üzüm, yarı (Allahı – Q.Şəhriyar) görər anda gözüm,
Çün bu qəmindən qəm yedim, şadani məsrur olmuşam.
şəklində qarşımıza çıxır. Şah İsmayıl Xətai isə yazır:
Keçmək gərək dörd qapıdan (şəriət, təriqət, həqiqət, mərifət – Q.Şəhriyar),
Qurtulasan mürəbbidən,
Mürəbbidən, müsahibdən
Əli gərək yol əhlinin.
Bundan başqa, Həllac Mənsurun “Mən yoxam, məndə olan da Haqdır” sözləri
özündən sonra böyük ədəbi məktəb olmuşdur desək, yanılmarıq. Onun “ənəllah” və
ya “ənəlhaq” – “Haqq mənəm”, “Haqq məndədir” sözləri böyük ədəbi cərəyanın
yaranmasına zəmin yaratmışdır. Fəzlullah Nəimi yazır:
Hər qətrədə, hər zərrədə tapdınsa təcəlla,
Ol dəmdə “ənəllah” səsi zərrətdən ucaldı.
İmadəddin Nəsimi yazır:
Haqdürür qövli-ənəlhaq deyişi Haqqa ki, mən
Şahi-sultan məclisindən şahi-sultan gəlmişəm.
Mahmud Şəbüstəri “Gülşəni-Raz” əsərində yazır:
O mütləq varlığa etsən işarə,
Onu bildirməyə “mən”dir ibarə.
Bu fikir Yunus Emrə yaradıcılığında daha poetik şəkildə ifadə olunmuşdur:
Məni məndə demə, məndə deyiləm,
Mən vardır məndə məndən içəri.
Bu misralar təsəvvüfun monoteist dinlərin sonuncusu olan islamı ən təmiz və
pak yolla izah etdiyini göstərir. Əslində təsəvvüfdə eşq anlayışı tanrı deməkdir.
Fəzlullah Nəimi yazır:
Bilimsel Eksen-Sicientific Axis-Научный Меридиан/Yıl-Year-Год 2017/Sayı-Number-Число 20
109
Eşq ki işində möhkəm oldu,
Eşqə qovuşan da Adəm oldu.
Torpaq ilə su qarışdı möhkəm,
Karxana az da möhkəm oldu.
Məhəmməd Füzulidə:
Eşq olmasaydı, olmaz idi hüsn müşdəhir,
Hüsn olmasaydı, eşq itirmişdi şöhrətin.
Və ya başqa yerdə şair yazır:
Can vermə qəmi-eşqə ki, eşq afəti-candır,
Eşq afəti-can olduğu məşhuri-cahandır.
Marağalı Əvhədi isə yazır:
Eşqın camından oldu o bağü-bahar məst,
Dövranü-dəhrü aşiqü-eşqü nigar məst.
Nahid məst oldu, qəmər də onun kimi,
Gün məst çıxdı, oldu fələkdə nə var məst.
Göründüyü kimi, çox təsəvvüf təriqətlərinin Azərbaycanda qurulması
ədəbiyyata da təsirsiz ötüşməyib. Pirlər, övliyalar, dərvişlər, mədrəsələr və təkkələr
orta əsr Azərbaycan ədəbiyyatının əsas mövzularındandır. Zaman keçdikcə bu
mövzu ədəbiyyatda daha çox oturuşmuş, ədəbi cərəyanlar, hətta ədəbi məktəblər
səviyyəsinə qədər yüksəlmişdir.
Azərbaycan Şərq mədəniyyətinə, elm, fəlsəfə, ədəbiyyat, sənət, memarlıq və
daha çox sahələrdə dəyərli nümunələr bəxş etmişdir. Bunlardan i də, heç şübhəsiz,
təsəvvüf və təsəvvüf ədəbiyyatı olmuşdur. Azərbaycan ədəbiyyatında Baba Kuhi
Bakuvi, Nizami Gəncəvi, Məhsəti Gəncəvi, Mahmud Şəbüstəri, İmadəddin Nəsimi,
Fəzlullah Nəimi, Şah Qasım Ənvar, Dədə Ömər Rövşani (xəlvətətiliyin rövşanilik
qolunun yaradıcısı), İbrahim Gülşəni (xəlvətiliyin gülşənilik qolunun yaradıcısı),
Şah İsmayıl Xətai, Məhəmməd Füzuli, Əbülqasım Nəbati, Mir Həmzə Nigari,
Mirzə Şəfi Vazeh və başqa bu kimi sufi şairlər təsəvvüf ədəbiyyatında ölməz
əsərlər yaratmışlar.
QAYNAQLAR
1. Abbasov, İ. (2013), Din təhlükədir, yoxsa cəmiyyət təhlükədədir? Zərdabi
LTD, Bakı
2. Babayev, Y. (2007), Təriqət ədəbiyyatı: sufizm, hürufizm. Ali məktəblərin
filologiya fakültələri üçün dərs vəsaiti. Nurlan, Bakı.
3. Fuzuli, M. (2005), Əsərləri. 6 cilddə, I-VI. cildlər, Şərq-Qərb, Bakı
4. Göyüşov, N. (2004), Quran və irfan işığında. «İgtisad Univеrsitеti»
nəşriyyatı, Bakı
5. Mikayıl, B. (2001), Tarihin ışığında Nesreddin Hoca ve Âhi Evren. İstanbul
Bilimsel Eksen-Sicientific Axis-Научный Меридиан/Yıl-Year-Год 2017/Sayı-Number-Число 20
110
6. Nəimi, F. (1970), Vəsiyyətnamə. “Azərbaycan” qəzeti, № 5, Bakı.
7. Nəsimi, İ. (2014), Seçilmiş əsərləri. 2 cilddə, II. cild, Lider, Bakı
8. Şəbüstəri, M. (1978), Gülşəni-raz. Bakı,
9. Şəhriyar, G. (2007), Zəngilanda toy adətləri və ya əsir düşmüş ənənə. “Kre-
do qəzeti”, sentyabr
10. Tərbiyyət, M. (1995), Daneşməndani-Azərbaycan. Bakı
11. Бертельс, E.Э. (1965), Суфизм и суфийская литература. Избранные
труды. Москва, Наука
12. Massignon, L. (1968), Essai sür les origins du lehigue technigue de la mys-
tigue musulmane. Paris
Dostları ilə paylaş: |