8
«Borçalıda yaranan dastanlar» bir toplu olaraq böyük dəyər
qazanır. Onun dəyəri ilk öncə dastan ənənəsini, bu ənənənin
yaşarlığını öyrənmək baxımından əhəmiyyətlidir. Çünki türk
xalqlarının düşüncəsində ən aparıcı xətlərdən birini dastan yara-
dıcılığı tutur. Burada xalqın məişəti, tarixi, qayğıları, mübari-
zəsi, həyat, dünya sevgisi və s. hamısı toplaşır. Və öyrənilmə
ehtiyacında görünür. Bu dastanlar bir istiqamətdə bədii fakt,
dastan hadisəsi kimi əhəmiyyət daşıyırsa, digər istiqamətdə tari-
xə çevrilir. Bizim ulularımızın, keçmişimizin hansı zənginliklər-
dən sevinc və ağrılardan, mübarizədən keçib gəldiyini və haraya
getmək yollarını göstərir. Eyni zamanda keçmişlə, ilkin təsəv-
vürlərlə bu gün arasındakı zamanı, keçilmiş əlaqəni bərpa
l
…
9
zıya alınmış üçüncü variant) dastanlarını da buraya əlavə etdikdə
bu ənənənin masştabı, mahiyyəti daha da böyüyür. Və bizdə
belə qənaət yaranır ki, bu nümunələr sözün həqiqi mənasında
türkün həyat kitabıdır.
Elxan Məmmədlinin toplayıb ədəbi ictimaiyyətə təqdim
etdiyi dastanlar varislik ənənəsinə hesablanır. Qəhrəmanlıq və
məhəbbət anlamında özündə çox məsələləri ehtiva edir. Məlum
olduğu kimi, türk xalqlarının dastan yaradıcılığında mühüm bir
hissəni qəhrəmanlıq dastanları tutur. Və bu dastanlar sadəcə
olaraq hansısa bir təfəkkürün, düşüncənin hadisəsi kimi maraq
doğurmur. Orada xalqın bütünlükdə mübarizəsi, düşmənə qarşı
apardığı qanlı savaşlar, vətən, yurd sevgisinə hesablanan ideallar
dayanır. Xan Qazandan, Manasdan, Canqardan, Çorabatırdan,
Edigedən, Koroğludan başlayan bu yol bizə yaxın zamanın
hadisələri olan Mehralı bəydə, Səməd bəydə, Qaçaq İsaxanda və
bu silsilədən olan qəhrəmanlarda davam etidrilir. Məlum olduğu
kimi, qaçaq hərəkatı Qafqazda, onun bir hissəsi olan Azərbay-
canda müəyyən bir mərhələdir. Xalqın azadlıq mübarizəsi,
zülmə, istibdada qarşı savaşıdır, qəhrəmanlığının davamıdır. El-
obanın igid, cəsur oğlanları baş verən haqsızlıqlara dözməyərək
silaha sarılıb mübarizə yolunu seçmişlər. Və onların haqqında
yaranan dastanlar həmin qəhrəmanların şücaətinin, göstərdikləri
igidliklərin bir hissəsi kimi dastanlara yol tapmışıdır. Dastana
gəlib çıxma isə nəğmədən, əhvalatdan, hekayətdən, rəvayətdən
keçərək baş vermişdir. Aşıqların sazında dastanlaşmışdır. Son
dövrün dastan ənənəsi göstərir ki, aşıq repertuarından keçməyən
dastan yaşarılıq qazana bilmir. Yarımçıqlıqla, qüsurlarla xarak-
terizə olunur. Daha dəqiq desək, dastanın həyat vəsiqəsi, yaşarı-
lığı sazdan keçir. Məhz Elxan Məmmədli də kitabda qaçaq
hərəkatı ilə bağlı «Mehralı bəy», «Qaçaq İsaxan» dastanlarını
verir. Bu qəhrəmanlar Borçalıda yetişmiş igidlərdi. Tarixi
mənbələr, xalq arasındakı rəvayətlər onların necə qəhrəmanlıq
göstərdiyini, hansı amal uğrunda savaşdığını çox aydınlıqla
10
ifadə etmədədi. Xalq onların şəninə bir-birindən maraqlı nəğmə-
lər düzmüş, həmin qəhrəmanların sağlığında onların igidliyinə
öz sevgilərini ifadə etməyə başlamışlar. Elə dastanın yaranma
başlanğıcı da həmin vaxtdan qoyulmuşdur. «Mehralı bəy», «Sə-
məd bəy», «Qaçaq İsaxan», «Qaçaq Kərəm», “Qaçaq Tanrıver-
di», «Qandal Nağı», «Qaçaq İsmayıl» və bu silsilədən olan
digərləri xalqın qəhrəmanlıq tarixidi, onun yaşarlığına hasabla-
nıbdır. Bu qəhrəmanlar xalqın sevgisindən qoparaq dastanlaş-
mışdır. Bütünlükdə dastançılıq baxımından qəhrəmanlığa hesab-
lanır və dastan komponentlərini (başlanğıc, son, zaman, məkan
təhkiyyə formulları) özündə ehtiva edir. Məsələn, «Mehralı bəy»
dastanında Mehralı bəyin qəhrəmanlığının başlanğıc kimi
maraqlı təqdimi var. «Bəli, sizə hardan, kimdən xəbər verim,
xəbəri sizə göydə qartalı gözündən vuran, yağıların-yadların
anasını ağladan, gavurlara qəbir qazan, Alosmanda, Qafqazda
ad-san alıb, paşalara-sultanlara Anadolu ağzında süfrə açıb məc-
lis quran Borçalının – qarapapaxların şir-aslan balası Darvazlı
Mehralı bəydən deyim». Və yaxud da «Qaçaq İsaxan» dasta-
nında oxuyuruq. «Əzizlərim, sizə xəbər verim Gürcüstandan,
Qarayazı mahalının Dəmirçihasanlı kəndindən. Dəmirçihasanlı
hal-hazırda Kosalı, Nazarlı kəndləridir. Hər iki kənddə varlı-
dövlətli kişilər çox olub. Bu var-dövlət sahibləri çox imanlı,
vicdanldı olublar. Hər il tutulan Oruc bayramında, Qurbanlıqda,
Novruz bayramında dolanacaqdan çətinlik çəkən kasıblara yar-
dım edib, var əllərini uzadarmışlar. Danəndə kişilər əziz bay-
ramlardan bir-iki gün əvvəl erkəklər kəsdirər, arabalarda qapı-
qapı düyü, yağ payladarlarmış. Özləri də deyərlərmiş ki, qoy
kasıbların da qazanları qaynasın». Bunlar («Mehralı bəy», «Qa-
çaq İsaxan» dastanından verilənlər) dastanın başlanğıc epizo-
dudur və qəhrəman və mühit haqqında müfəssəl məlumat verir.
Qalanlar demək olar ki, həmin epizodun, qəhrəmanlığın açımına
xidmət edir. Elə sonluq da ənəvilikdə həmin başlanğıca bağlanır.
Məsələn, «Mehralı bəy» dastanında deyilir: «Sadaxlı Aşıq
11
Məhəmməd qoşdu bu dastanı deyim». Və yaxud da «Qaçaq İsa-
xan» oxuyuruq: «Dünyagörmüş nənə-babalardan çox şey götü-
rən, bu dastanı yaradan Zahid Ələmpaşalı illər uzunu zamanın
çirkin əməlləri ilə barışmadı, öz elinin-obasının şənliklərində
sevinib, yaslarında qəm çəkdi». Onu da əlavə edək ki, bu dastan-
lardakı hadisələrin, eləcə də qaçaq hərəkatı ilə bağlı olan digər
dastanların hamısı bu və ya digər dərəcədə çarizmə, sovetlər
dönəmininin ilkin onilliklərində baş verənlərə bağlanır. Həmin
zamanın hadisəsi kimi dastanlaşır. Və dastan ənənəsində daha
yaxın zamanın nümunələri kimi maraqlı qənaətlərə gəlməyə
imkan yaradır.
Burada digər məsələ bizim dünya şöhrətli «Koroğlu» das-
tanımızla bağlı olanlardı. Belə ki, kitabda «Koroğlu» dastanının
«Ağcaquzu qolu» verilmişdir. Və xüsusi olaraq vurğulanır ki,
«Aşıq Aslan Kosalının ifasında üçüncü variant». Son dövrlərdə
«Koroğlu» dastanı ilə bağlı müxtəlif səpkili müsbət işlər görül-
mədədi. Ancaq bu dastanla əlaqədər görülənlərin sırasında bir
sıra uğursuzluqlarla səciyyələnən işlər də var. Necə gəldi
«Koroğlu» adına yozumlar, təhlillər, şərhlər aparılır. Bir növ
bunların mühüm bir hissəsi onun sarsıdılması, xalqın yaddaşında
olanların zədələnməsi, sıradan çıxarılması məqsədi daşıyır. Bir
qədər dərinə getdikdə mənəvi dəyərlərin sındırılması tendensi-
yasını da ortaya qoyur. Ancaq unutmaq olmaz ki, «Koroğlu»
Azərbaycan xalqının şah əsəridir. Ondakı hər bir epizod, mətn,
şeir nümunələri xalqın ürəyinin parçalarıdır. Qiyməti heç nə ilə
ödənilməyənlərdi. Folklorşünas E.Məmmədli müxtəlif illərdə
Borçalı mahalının ustad sənətkarı Aşıq Aslan Kosalıdan «Kor-
oğlu dastanının Ağcaquzu qolu»nu yazıya alması təqdirəlayiqdir
və bu tip işlər foklorşünaslıqda son dövrün ən uğurlu hadisəsidi.
Və belə yazıya almalara bir tarix kimi böyük ehtiyacımız var.
Bunun dəyəri isə sabahlar üçün daha böyükdü.
Kitabda verilən dastanların mühüm bir hissəsi məhəbbət
dastanlarıdı. «Cahangir-Mələksima», «İsmayıl və Qızyetər»,
Dostları ilə paylaş: |