Microsoft Word Borchali-Folklor-ornekleri-dastanlar
Yüklə 4,22 Mb. Pdf görüntüsü
|
142 Uşaqlar yeddi yaşa çatdılar. Bəkil Əziznən, Nağı xan uşaq- lara yaxşı bir sünnət toyu elədilər. Uşaqların sünnət toyuna, ağa- lar, xanlar, bəylər, sultanlar çağırılmışdı. Buraya həm də İsfahan şəhərinin ən yaxşı mollası, ən usta dəlləyi gəlmişdi. Molla uşaq- lara ad qoydu. Bəkil Əzizin oğlunun adını Səlim, Nağı xanın oğlunun da adını Rasim bəy qoydular. Toy qurtardıqdan sonra uşaqlar səkkiz yaşına keçdilər. Onlar üçün gülşən baxçasında məktəb açdılar. Uşaxları kamil bir mollaya tapşırdılar. Uşaqlar səkkiz il dalbadal oxudular. Günlərin bir günü Səlimlə Rasim yenə də məktəbə gəldilər. Gördülər ki, molla hələ məktəbə gəlməyib. Oturdular xeyli məktəbdə. Səlim bəy Rasim bəyə dedi: - Qardaş, get çarhovuzdan bir az su gətir içək! Rasim əmisi oğlunun sözünü yerə salmadı. Əlinə küzə götürüb suya getdi. Rasim suya getməkdə olsun, sizə kimdən danışım, Səlim bəydən. Rasim suya gedəndə Səlim bəy məktəb- də yatar. İndi isə nəql edək Qırxlar Pirindən. Qırxlar Piri Tur dağından enib məktəbə gəldilər. Ayaqlarını yerə vurub Səlim bəyə dedilər: - Səlim, oğul, oyan, aç gözlərini gör dünyada nələr var? Səlim oyandı. Gördü ki, başının üstə əlində bir piyalə dolu nurani bir qoca durur. Qırxılar piri dedi: - Oğul, bu badəni nuş elə! Səlim bəy aldı ki, nuş eliyə, Qırxlar Piri onun əlindən tutub dedi: - Badəni elə içməzlər. Bir sağlıq de, Allaha dua elə, sonra nuş elə! Səlim bəy dedi: - Ağam sağ olsun, bağışlayasınız, mən cahil uşağam toyda, məc- lisdə, kefdə olmamışam, mən haradan bilim ki, dua nədi, sağlıq nədi? Belə deyəndə Qırxılar pirləri dedi: 143 - Oğul, zərər yoxdu. Sən bilməsən də biz nə deyəciyik, sən onu təkrar elə, xeyir-dua ver sonra iç! Dedilər: - Oğul, deynən “bu sağlıq olsun özü bir, adı min bir, yernən göyü yaradan Allahtalanın eşqinə!”. Səlim bəy dedi: - Özü bir, adı min bir, yeri-göyü yaradan o qadir Allahın sağlı- ğına nuş edirəm! Bunu deyib dolu piyaləni başına çəkdi. Qırxlar pirləri ikinci badəni doldurub Səlim bəyə verəndə Səlim dedi: - O badəni də biz – Qırxılar pirlərinin sağlığına nuş elə! O, Qırxlar pirlərinin sağlığına ki, fağırı dövlətə yetirir, yetimi murazına, qürbətdəkini də vətəninə yetirir. “Dilərəm Allah- taladan ki,hər kimin qürbət eldə adamı var, Rəbbim onları öz ailəsi ilə qovuşdursun!”. Səlim bəy bu sözləri deyib nuş elədi. Qırxlar pirləri üçüncü badəni doldurub dedilər: - Oğul, al bu badəni də nuş elə! Səlim bəy soruşdu: - Ağa, bu badəni kimin eşqinə içim? Qırxılar piri dedi: - Oğul, bu badəni, Hindistan şəhərində vəzirin qızı Gülba- har xanımın eşqinə nuş elə. Səlim bəy də təkrar etdi ki, bu sağ- lığı Hindistan şəhərində vəzirin qızı Gülbahar xanımın eşqinə nuş eliyirəm. Səlim bəy üçüncü badəni içəndən sonra ürəyi də- mirçi kürəsi kimi alışıb yandı və ağasına dedi: - Ürəyim yandı, mənə bir əlac. Qırxlar piri dedi: - Oğul, yanmazsan, iki barmağımın arasından bax gör nə görürsən? Səlim bəy ağasının iki barmağının arasından baxanda Qırx- lar piri soruşdu: - Oğul, nə görürsən? Səlim dedi: 144 - Bir gülşən bağ görürəm. Qırxlar piri dedi: – Oğul, daha nə görürsən? Səlim bəy dedi: -Gülşən bağında qırx incə belli qızlar görürəm. İçində də bir mələkmisallı nazənin bir xanım görürəm. Qırxlar piri dedi: – Oğul, gördüyün şəhər Hindistan şəhəridi. O mələk misallı qız vəzirin qızı Gülbahar xanımdı. Onu sənə, səni də ona buta verirəm. Gedin xoşbəxt olun. Səlim bəy Gülbahar xanımı görəndə bir könüldən min könülə ona vuruldu, Gülbahara aşiq oldu. İndi isə xəbər verək kimdən, Rasim bəydən. Rasim bəy sudan gəlib gördü ki, Səlim bəy yatır. Ağzından da köpük aşıb tökülür. Rasim Səlim bəyi bu vəziyyətdə görəndə bir yanıqlı ah çəkib başladı ağlamağa. Rasimin ağlamaq səsinə molla içəri girdi. Gördü ki, Rasim ağlıyır. Soruşdu: - Oğul, niyə ağlıyırsan? Rasim dedi: - Necə ağlamayım. Səlim bəy gör nə hala düşüb. Molla Səlimə baxdı, onu bu vəziyyətdə görəndə Rasimə dedi: - Get Səlimin ata-anasını bura çağır! Rasim getdi. Səlimin ata-anasına xəbər verdi ki, Səlim bu dərəcədədi. Bəkil Əziz, Nağı xan, arvadları və bütün qohum- əqrəbaları ağlıya-ağlıya üz-gözlərini yola-yola məktəbə sarı axışdılar. Bəkil Əziz oğlunu bu vəziyyətdə görəndə uşaq kimi hönkürüb ağlamağa başladı. Oraya toplaşan ağsaqqallar-qara saqqallar, dünya görmüş kişilər dedilər: – Bəkil Əziz, niyə ağlayırsan? Şükür Allahın böyüklüyünə. Səlim bəyə nə olub ki, ağlayırsan? Allah eləməsin düşündüyün olsa bizim şəhərimizdən adlı-sanlı mollamız var, Səlimin üstə dua yazar və onu bu dərddən azad edər. Bəkil Əziz soruşdu: 145 – Bu nə şəərdir? Dedilər: – Bəli, dünyada üç şəir var, bunlardan biri də sevgi şəridir. Çətindir o şəri oyatmaq. Yeddi molla ola, yeddi qazı o şəri oyada bilməz. Oyatsa, söyda anaxtarı oyadar. Bəkil Əziz dedi: – Bəs sevdə anaxdarı nədir? Dedilər: – Sevdə anaxdarı sazdı. Gətirin bir cürə sazı Səlimin yatan yerdə qulağının dibində sazın telinə barmaq vurun. Əgər oyansa onda bilərik ki, sevdə şəridir. Getdilər bir cürə sazı gətirdilər. Səlimin yatdığı yerdə qulağının dibində çaldılar. Səlim də gözlərini açib öksürərək ayağa qalxdı. Atası Bəkil Əziz dedi: - Oğlum, dərdin nədir, söylə bizə. Səlim bəy dedi: - Atayi-mehriban, başıma gələnləri, gözümə görünənləri di- liminən desəm dilimə od düşüb yanar. İzin ver başıma gələnləri sazla deyim. Səlim bəy bu sözü deyəndə Bəkil Əziz ağlamağa başladı və dedi: - Oğul, sən hara saz hara? Sən ki, iki sözü calaşdırıb söyləyə bilmərsən. İndi saz səsi verirsən ? Yenə də Ağsaqqallar məsləhət elədilər ki, qoy dərdini sazla bəyan etsin. Səlim bəyə bir saz gətirdilər. Səlim bəy sazı köklədi. Saz bülbül kimi cəh- cəh vurdu. Sazı götürüb sinəsinə, düşdü eşqin binəsinə. Görək orada Səlim bəy nə dedi, orda olanlar nə eşitdi. Biz burada Səlimin tərəfindən zəhmət çəkib deyək, eşidən dostlar şad və xoşbəxt olsun. Aldı Səlim sazı görək nə dedi: Yuxuda eşitdim həsrət sədəsi, Üstümə xışmınnan gəldi də getdi. Tez ayırdı məni, qoydu qəmlərdə, Az vaxtı yanımda qaldı da getdi. Yüklə 4,22 Mb. Dostları ilə paylaş:
|