250
pəndi. Gəlif öz komasına çıxdı. Uşağı yuyub-yaxalıyandan son-
ra, uşağı uşax həddinə salannan sora onu qoyun südünnən doy-
durdu. Həmən günnən qarı qoyun südünnən yedizdirə-yedizdirə
uşax dümağ ağarmağa başdadı. Ağ quzu kimi. Qarı da uşağı
Ağcaquzum deyə-deyə, öpə-öpə uşağı başdadı saxlamağa. O
günnən Əsmər qarı uşağa himayəlik eliyif uşağı saxlıyır.
Hasan paşa oya çıxmışdı. Əsmər qarıya qonaq olur. Görür
kü, bir uşax hərrəner:
– Qarı, bu nəyindi?
– Nəvəmdi.
– Qarı, mənnən pay olsun deyif, bu uşağa bir xeyli pul verir.
Qarı bunlara hörmət eliyir, qayıdır. Bir ildən sonra uşağın
neçə yaşıdı? – deyə soruşur Əsmər qarıdan. Deyir uşağın dörd ya-
şıdı. Bir ildən sonra qayıdıf gələndə deyir bu uşax hansı uşaxdı?
– Hasan paşa, keçən ilki uşaxdı.
Hasan paşa deyir:
– Bildir onun dört yaşıydı, indi neçədi?
– İndi beşdi.
– Mən buna on beş yaş deyərdim. Qarı, bu uşağı mana sata
bilərsənmi? Qoşunum içində, gələcəyim üçün lazım olar.
– Satmaram, ancax saxlamağa verərəm. Bir şərtnən. Mən
innən belə qocalıram, mənə sahablıx eləsin, mana yiyəlih eləsin.
– Əsmər qarı, ona söhbət yoxdu. Uşax havaxt böyüyər,
sənindi ki, sənindi.
Hasan paşa beləlihnən Ağcaquzunu apardı. Ustad dili yüy-
rəy olar. Ağcaquzunu məktəbə qoydu, müəllimə öyrətdirdi, dərs
oxutdu. Uşax on dört yaşına gəlif çıxan vaxtı pəhlivannıx öyrət-
mək lazım oldu. Pəhlivannar yanına qoydu, at çappax, qılınc oy-
natmax, suda üzmək, igidə nə ləyaxdı hamısını verer. Ağcaquzu
elə götürür kü, elə bil irəlidən bunun banisi, ustasıymış. On altı
yaşına çatıf, bunun şücaəti İstanbula yayılıf. Hasan paşanın
qoşununda hamı bunu tanıyır. Ağcaquzu deyən çağırıllar.
251
Cəfər paşanın qızı Pərzad xanım. Pərzad xanım Ağcaqu-
zuyu eşidif onu görmək arzusuna gəldi. Cəfər paşıya dedi:
– Baba can, əmim öyünə gedif-gəlmək isteyirəm.
– Qızım, get.
Ancax Pərzad xanım cadu məktəvini oxuyurdu. Hər bir
məktəfdən qurtarmışdı. Çox da gözəl idi. Elə gözəl idi ki, türkün
gözəli ələ keçmir, özünüz bilərsiniz.
Hasan paşanın iqamətgahına gələn vaxtı gördü qapıda bir
oğlan hərrəner. Vallah, elə bil Allah-talanın könlünün xoş olan
vaxtı yaradıf. Boy-buxun, gözəllih, insannıx, qara bığlar yenicə
çıxıf, tərriyif yeri. Kənizdən soruşdu:
– O kimdi?
– Ağcaquzudu. Babeyin ən yaxın istədiyi şəxsdi.
Göz gözü görəndə halını soruşar, Pərzad xanım Ağcaqu-
zuya vuruldu. Neyniyim, nə yolnan bunu yola gətirem? Yanın-
dakı kənizdərə, özünün qarabaşdarına sirrini bir-ikisinə açıf
dedi. Dedilər ki, aaz, bunu yanında məktəbə gətirginən, onda
daha yaxın olarsınız.
Babası Cəfərnən baravar Hasan paşanın yanına gəlmişdilər.
– Babeyi-mehriban, bu oğlan hər bir iyiddiyi, dərdi-dərmanı
biler, ancax cadunu bilmer. Mən istiyirəm əmoğlum mənnən
baravar cadunu da öyrənsin.
Hasan paşa da razı oldu, Cəfər paşa da razı oldu. Bu günnən
Ağcaquzuyu Pərzad xanım aparer mollasının yanına. Cadu
sirrərini başdadılar öyrənməyə. Bir gün, beş gün, on gün, bir ay,
bir il gəldi tamam oldu, Pərzad xanım içəridən özünü yeyer ki,
bu caduynan, bu kütüynən belə şey olmuyjax, mən neyleyim ki,
vüsalıma çatem?
Pərzad xanım bir gün cürətə gəlif əmoğlusuna dedi:
– Ağcaquzu, olarmı gəzməyə çıxax?
– Niyə olmur, xanım?
– Ancax bu şərtnən gəzməyə çıxax. Cadumuzu sınıyajıyıx,
görək sənmi qüvvəlisən, mənmi?
252
– Olar, xanım.
Ancax Ağcaquzunun meylində vuruf-tutmax, asıf-kəsməh,
at çapbax, qılış vurmax idi. Heç cadu beyninə girmerdi. Öyrən-
mişdi, o qədər öyrənməmişdi, xüləs, Pərzad xanımnan atdanıf
meşiyə çıxıllar. Meşiyə çatan vaxtı Pərzad xanım beyqafıldan
bir tülkü olor, atdan hoppanıf tüşör. Ağcaquzu belə baxer, bir
pələng donuna girer, tülkünün dalınan yetirən vaxtı tülkü dönüf
yekə bir fil olur. Bu vaxtı Ağcaquzu bir balaca siçan olor,
hoppanır filin qulağına girir. Bu vaxtı darı olur, yerə səpiler. Bu
vaxtı Ağcaquzu toyux olur bunu dənnəməyə. Bu vaxtı qız bir
qırmızı alma olur. Bu vaxtı Ağcaquzu bir pıçax olur, başdıyır
almeyi kəsməh istiyer. Xüləs, bir də qız dönör bir şahmar ilan
olur. Ağcaquzu ilannan elə qorxor ku, gəl ki görəsən. Qorxuf
geri çəkiləndə Pərzad xanım aslan libasına girif dedi:
– Ağcaquzu.
– Hə.
– Sən ta gəlif məni cadudan azad edif aparmamış mənnən
sana yar oldu yoxdu. Məhəbbətin varsa gəl məni apar. Yoxdusa,
aslannara ulaşıf çöllərə qarışeram ki, qarışeram.
Bəli, Ağcaquzu qaldı mat-məəttəl. Qayıdan vaxtı soruş-
dular:
– Oğul, Pərzad xanım hanı?
Başına gələn əhvalatı Cəfər paşıya danışdı.
Cəfər paşa dedi:
– Oğul, başarığın var qızı qaytar. Bir ay sana möhlət
vererəm, qaytaranmasan, başın fərmandı.
Ağcaquzu xeyli fikirə getmişdi, bir nəfər şəxs gəldi Əsmər
qarıdan qara xəbər gətirdi:
– Can üstədi, nənən səni axtarır.
Ağcaquzu o yerdə yetirdi ki, Əsmər qarı ömrünü dünyaya,
Allahına tapşırıf. Ancax bir qolçax qoyuf ki, bunu ona çatdırar-
sınız. Qolçağı qoluna bağlıyıf, Əsmər qarıyı dəfn eliyif gəlif
xeyli fikirrəşən vaxtı gözünə yuxu getdi. Yuxusunda gördü kü,
253
bir gözəl nurani kişidi. Əlini Ağcaquzunun kürəyinə sürtör,
deyir:
– Oğul, qəm libasını geyinmə. Sənin dərdinə böyük dərman
var. Ara, axtar, Qoç Koroğlu kimdi, onu tap. Dərdinə sənin o
Qoç Koroğlu illac eliyər, özgə heç kim yox. Ancax onu tapbasan
sənin dərdin düzələn döyü.
Diksinif yuxudan qalxanda gördü kü, kürəyində doğurdan
da əl izi var. Ağcaquzu yuxudan durdu gəldi Hasan paşanın
yanına. Pərzad bunun başına nə gətirif hamsını ona danışdı.
– Babeyi-mehriban, vardan-yoxdan nə varsa mana verər-
sənmi? Mən bir səyahətə çıxem. Göröm mən onu tapa billəmmi.
– Oğul, bu qatarnan dəvələr, bəzirgannar, kimi Bağdata
geder, kimi uzax Çinə geder, kimi Maçinə geder, kimi bir tərəfə.
Bax bunnarın hansını isteyirsən onun birinnən yola tüş get seyr
elə, hareyi isteersən gəz.
Dedi:
– Yox. Baba, elə olsun mənim özümün də varım-döylətim
olsun.
Bir neçə dəvələrə ayınnan-oyunnan yüklööf Ağcaquzuya
verdilər. Ağcaquzu günə bir mənzil, teyyi-mənazil, günü-günnən
yuxuyu görənnən bəri qüvvələner. Özündə böyük qürur hiss
eleer. Gəlhagəl, gəlhagəl, Çənlibelin alt yanında Ağ qaya var,
Ağ qayanın ətəyinə gəlif çatmışdı. Koroğlu baxırdı, gördü kü,
kəcavə gəler, yeddi-səkkiz dəvədi. Ancax bircə nəfər var üstün-
də. Qeyri adam yoxdu. Qıratın belinə sıçrıyıf özünü yetirdi. Ba-
xanda gördü dəvənin üstündə cavan oğlandı, Allahın könlü xoş
olan vaxtı yaradıf. Oğlanı görən kimi dedi:
– Oğul, kimsən?
Dedi:
– Əlöyküsalam.
Koroğlu durdu:
– Oğul, salam Allahındı, gərək vereydim. Vermədim, səhv
elədim. Kim olduğunu mana de.
Dostları ilə paylaş: |