126
3.
pul təklifini artırmaq yolu;
Beləliklə, iqtisadiyyatın mövcud qaynaqları özəl sektordan
dövlətə transfer edilir və bu durum daha çox borclanmaya yol açır.
Xarici borc ödəmələrində qarşılaşılan ikinci önəmli problem
valyuta ilə əlaqədardır. qtisadiyyatda valyuta ehtiyatlarının artımı
ixracatın artırılması ilə mümkündür. Ancaq üçüncü dünya
ölkələrinin hamısının ixracatlarını artırmağa çalışmaları, dünya
iqtisadiyyatında bir təklif çoxluğuna yol açaraq, bu malların
qiymətlərinin düşməsinə səbəb olur. Bunun nəticəsində isə xarici
ticarət balansının vəziyyəti daha da pisləşir. Borc böhranının
üçüncü problemi daha çox kredit verən ölkələrlə əlaqədardır.
Kreditor ölkələr bazarlarını inkişaf yolunda olan ölkələrin məhsulla-
rına açmalı və bu ölkələrə qarşı proteksionist siyasəti aparmamalı-
dırlar. Borclu ölkələr ancaq bir şeylər sataraq borclarını
ödəyəcəkləri üçün sənayeləşmiş ölkələr borclu ölkələrə qarşı sər-
bəst ticarət siyasəti aparmalıdırlar. Ancaq bütün bunlara
baxmayaraq, borc böhranı günümüzdə ən böyük iqtisadi və siyasi
problemlərdən biridir. Üçüncü dünya ölkələrinin xarici borclarının
azalmasında yeni bir texnika: xarici borc – səhm dəyişimidir. Son
zamanlar inkişaf etməkdə olan ölkələrin xarici borclarının azaldıl-
ması mövzusunda ortaya qoyulan yeni nəzəriyyələr arasında rast
gəlinən xarici borcun səhmlərlə ilə dəyişdirilməsi ilk dəfə 1995-ci
ildə həyata keçirməyə başlamışdır. 1995-ci ilin ortalarından sonra
Çili hökumətinin xarici banklara olan 14 milyardlıq borclarının 3,3
milyard dollarını xarici borc səhm dəyişimi edərək çeşidli, borc
konversiyası mexanizmlərindən istifadə edərək ödəmişdir. Argen-
tina, Braziliya, Çili, Kolumbiya, Kosta-Rika, Dominika, Ekvador,
Misir, Qonduras, Yamayka, Tunis, Nigeriya, Peru, Filippin,
Uruqvay və Venesuela kimi inkişaf yolunda olan ölkələr xarici
borc-səhm konvensiya proqramını böyük ölçüdə qəbul etmişlər.
7.3. BORC BÖHRANININ HƏ LL PROQRAMLARI
127
Borc böhranı ilə rastaldıqda, ölkələr öz problemlərini bir sıra
tədbirlərin köməyi ilə həll edirdilər. Bir tərəfdən onlar borcun bir
hissəsinin ödənilməsi üçün kifayət edən miqdarda daxili xərcləri
azaldır, digər tərəfdən borc yükünü real səviyyəyə endirmək üçün
kredit razılaşmaları şərtlərinin dəyişilməsi mümkünlüyünü öz
kreditorları ilə müzakirə edirdilər. 1985-ci ilin sonunda kreditor
ölkələr Beyker planı adı altında tanınan, şərtləri çox da ağır
olmayan siyasət təklif etdilər. Borclu ölkələr Beynəlxalq Valyuta
Fondu və Dünya Bankından əlavə finans yardımını almalı idilər.
Borclu ölkələrə qarşı finans vəsaiti artırmaq yerinə, bu ölkələrin
hökumətləri Beynəlxalq Valyuta Fondu Dünya Bankının nəzarəti
altında uzunmüddətli islahatlar keçirməyə öhdəlik götürdülər.
Kommersiya bankları və borclu ölkələr London klubu
çərçivəsində öz razılaşmaları üzrə danışıqlar apardığı müddətdə,
həm də Paris klubu çərçivəsində dövlətlərarası kreditlər müzakirə
olunurdu. Paris klubunda təqdim olunan banklar və kreditor ölkə
hökumətləri borc ödənməsi qaydasına yenidən baxmaq haqqında
razılığa o şərtlərlə gəldilər ki, borclu ölkələrin islahat proqramları
Beynəlxalq Valyuta Fondu tərəfindən təsdiq olunsun.
Bredi planı. Beyker planının – borc problemlərinin hamısını
həll edə bilməməsi aydın olan kimi bir sıra analitiklər alternativ
proqramlar təklif etməyə başladılar. Təkliflərin çox olmasına
baxmayaraq, onların çoxusu 2 prinsipə əsaslanırdı:
1.
Borclu ölkələrin borc yükünü ardıcıl olaraq azaltmaq
zəruriliyi.
2.
Borc ödənməsi şərtləri yalnız o ölkələr üçün yumşaldıl-
malıdır ki, onlar beynəlxalq nəzarət altında aparılan radikal islahat-
lara əməl etsin.
Üçünçü prinsip tez-tez şübhə doğururdu, lakin, nəhayət, o da
tanındı. Ona uyğun olaraq, əgər banklar borc azaldılması
istiqamətində kredit razılaşmalarına yenidən baxmağa razı olsa,
gələcək itkilər zəminində kommersiya banklarına müdafiə təqdim
olunmalıdır. Bu cür müdafiə – borcun azaldılmasından sonra qalan
hissəsi üzrə dövlət zəmanəti formasında təqdim oluna bilərdi.
128
Yeni təyin olunmuş Buş hökuməti bir çox analitiklər üçün
gözlənilmədən Bredi planını irəli sürdükdən sonra, borc
böhranının həlli üçün yeni üsullar ətrafında gedən mübahisələr
daha da qızışdı. Yeni üsul Beyker planından əhəmiyyətli dərəcədə
onunla fərqlənirdi ki, o, problemin həllinin vacib addımı kimi
kommersiya banklarına olan borcların xeyli azaldılmasını təklif
edirdi. Bununla birgə, Bredi planı onu da nəzərə alırdı ki,
Beynəlxalq Valyuta Fondu və Dünya Bankı borc ixtisarını təmin
edən kredit siyasəti yeritməlidir. Bredi planı birmənalı qəbul
olunmuşdur ki, qısa və ortamüddətli əsas üzərində əlavə kreditlərin
verilməsi şərti olsa da, bir çox borclu ölkələr öz xarici borclarını
tam ödəyə bilməyəcək. Bredi planında konkret məlumatlar yox idi,
hər bir ölkənin öz xarici kreditorları ilə birlikdə gələcəkdə bütün
detalları işləyib hazırlanması gözlənilirdi. Lakin bu plan ilə borc
iztisarı mexanizminin əsas xüsusiyyətləri müəyyən olunmuşdu:
ölkələr ya əsas borc məbləği və ya faiz dərəcələrini endirmək yolu
ilə öz borc miqdarının azaldılması haqqında kreditor banklarla
razılığa gəlməli idi. Yeni sxemə uyğun olaraq borclu ölkə borc
ixtisarının mümkün vasitələri siyahısını banklara təqdim edirdi,
banklar isə bu siyahıdan optimal variantı seçməli idi. Bəzi
variantlar borcun ixtisarı əvəzinə borclu ölkələrə yeni kreditlər ve-
rilməsini təmin edirdi. Nə üçün banklar bu və ya digər ölkə üçün
borcun azaldılması istiqamətində danışığa gedə bilirdilər? Əsas
cəhət aşağıdakılardan ibarətdir: nəhəng miqyaslı borcların heç vaxt
tam həcmdə ödənilə bilməməsi faktını təsdiq etməkdən başqa
bankların ayrı çıxış yolu yox idi. Borcların hamısının
qaytarılmasına çalışmaqda, banklar borclu ölkələrdəki vəziyyəti
elə sabitsizləşdirə bilərdi ki, son nəticədə ödəmədən alınan məbləğ
danışıqlar zamanı borcu azaltmaq yolu ilə almaq mümkün olan
məbləğdən az ola bilərdi.
Bu amil «borc qoruyucusu» adı aldı. Ümidsiz borclar
çoxluğu faktiki olaraq ödəmələri həyata keçirmək üçün borcluların
uzunmüddətli imkanlarını ixtisar etdi. Danışıqlar prosesi zamanı
Dostları ilə paylaş: |