430
uzaqlaşdı, mən də bunlara qarışıb sürətlə addımlamağa başla-
dım. Bir neçə qədəm getməmişdik, atlılar bizə yetirib məni
tutdular. Nə qədər çığırıb-bağırdımsa da etina etmədilər,
köməkləşib qollarımı bağladılar və atın üstünə qoyub apardılar.
Səni dağda gördükdə ümidim təzələndi. Lakin qanlı
müsadimə məni qəm dəryasına tulladı. Sənə qılınc dəydikdə
çığırıb qəşş etdim. Sonra özümə gəlib yenidən düşmənlərin
təcavüzünə müqabil gəldim. Amma bacarmadım. Məni atın
üstünə qoyub, meyiti və yaralını da (qılıncın zərbindən biri
ölüb, biri yaralanmışdı) götürüb getdilər. Axşam çağı bir
obaya gəlib çıxdıq. Alaçıq qurulmuşdu. Qabağında ocaq
yanırdı. Ətrafında mallar mələşirdilər. İtlər hərəsi bir
tərəfdə mürgü döyürdülər. Oba xalqı bizi görcək tökülüb
gəldi. Ölüm və yaralı xəbəri məlum oldu; ağlaşma düşdü.
Arvadlar acıqlarından mənim üstümə töküldülər, başladılar
döyməyə. Mən nə qədər bunlara çığırdımsa və sən barədə zülm
etdiklərini qandırdımsa da, qulaq asan olmadı. Axırda bizlə
gələnlərdən birisi özünü yetirib, məni bunların əlindən aldı və
atın üstə qoyub bir ayrı obaya apardı. Qabağımıza çıxdılar.
Bunlara acığım tutub kənar olmaqlarına işarə etdim. Məni bura
gətirəni Həsənqulu deyə adlandırırdılar. Həsənqulu məni özünə
arvad etmək fikrində idi. Anası bunu mənə qandırdı. Ölən əvvəl
mənim meylimdə imiş, sonra ki, Həsənqulu fürsətdən
istifadə edərək məni buraya gətirmiş imiş. Bunu bildikdə
bağrım az qalırdı çatlaya. Yemək verdilər, acığımdan almadım.
Ancaq yatacağım nə yerdə olduğunu soruşdum, alaçığı
göstərdilər.
Gecə arvadlarla alaçıqda uzanmışdım. Ətrafımda
laqeydanə xorultu gəldikdə mən qaçmaq fikrində idim. Yolları
gözümün qabağına gətirib, haradan getsəm ələ keçməyib
qəbiləmizə çataram, nə tərəfə getməliyəm; buradan nə təhər
xilas olmalıyam, – deyə öz-özümə suallar verirdim. Oba dərin
bir sükuta qərq olmuşdu. Xalq tamamən yatmışdı. Durub ala-
çığın divarına əlimi atdım – burada gündüzdən gözümə bir
431
qəmə dəymişdi. Onu götürüb, qınından çıxartdım və beləcə
alaçıqdan çıxdım. Gözlərimi qan örtmüşdü. Hər kəs qarşıma
çıxsa idi, davaya girişib ölməyə hazır idim. Lakin heç kəsə rast
gəlmədim. Hətta itlər də əvvəlki laqeydliyində mürgü
döyürdülər. Obadan uzaqlaşdım. Qarşımda iki yol var
idi: biri ilə getdikdə əvvəlki obaya çıxmağımı yəqin etdim. O
birisi nərəyə getdiyini bilmirdim. İkinci yolu əvvəlkinə tərcih
etdim. Xeyli zaman bu yolla gedib, axırda yorulub durdum.
Yuxusuzluq mənə aman vermirdi. Yoldan çıxıb kənara döndüm
və bir otluq təpəyə çıxıb uzandım.
Sabah gün qalxanda ayılmışdım. Yolla düşüb yavaş-yavaş
getdikdə iki qayanın arasına çıxdım və bir neçə addımdan sonra
əcib bir mənzərəyə rast gəldim: yaşıl bir biyabanın qarşısında
uca və gözəl dağ görünürdü. Dağın ətəyində şırıltı ilə çay
axırdı. Güman etdim ki, bu çay qəbiləmizin yanından axandır.
Hərgah çayaşağı getsəm, fikir etdim, yəqin qəbiləmizə çıxaram.
Belə də etdim. Bir də.... Qarşıma araba çıxdı. Arabaçı yoldaşı
ilə məni bir az danışdırdı. Bunların dilini anlamadığımdan
yolumla salıb getdim. Araba dayandı və iki tanımadığım kişi
düşüb dalımca yüyürdülər. Əvvəl qaçmağa üz qoydum. Sonra
gördüm məni tutacaqlar, dayandım. Yavıqlaşdılar. Onlardan
acıqlı soruşdum ki, niyə qoymurlar yolumla gedim. Arabaçı
qolumdan yapışdı və yoldaşı da o birisindən. Məni güclə çəkib
arabaya mindirdilər. Gəlib bir şəhərə çıxdıq. Qabağımızdan
qara bürüncəkli adamlar ötüb keçməkdə idilər. Bunların belə
qiyafədə olmaqları məni artıqlığınca təəccübə gətirdi.
İşarə ilə sual etdikdə, arabaçı məni göstərdi: bunların
adətincə arvadlar örtülü olurmuşlar. Bu adətdən belə acıdım ki,
cəmi şəhər əhlini gözlərim görmək istəmirdi.
Arabaçı məni evinə gətirdi. Anasına göstərib, nə dedisə
anası gülümsünə-gülümsünə məni bağrına basıb başladı
üzümdən öpməyə. Bundan xoşhallanıb təvəqqe elədim ki, məni
arabaya qoyub «Haqq» qəbiləsinə aparsınlar. Sözlərimi anlayan
olmadı. Arvad əvvəl şadlığından əllərini göyə qovzayıb duaya
432
qalxdı, sonra oğlunu göstərərək mənə
qandırdı ki, daha sən
mənim gəlinimsən, səni heç yerə getməyə qoymayacağam.
Arvada acıyıb dedim:
– Mən ərə gedə bilmərəm: mənim nişanlım var.
Arvad gülümsünərək qandırdı:
– Bir qız bir oğlanındır, o nişanlı olmasın, bu olsun, nə
təfavütü var?!
– Təfavüt odur ki, onu sevmişəm, amma sənin oğlun məni
zorla yoldan tutub gətirib.
«Sevmişəm» sözü arvadı artıq pərişan etdi,
barmağını ağzına tutub içini çəkdi və öz-özünə xeyli söyləndi.
Mənim asudə danışığım bunlara qəribə gəlirdi. Çünki onlarda
arvadın öz fikir və rəyi olmaz; arvadı qul kimi alıb satarlar.
Qarı hələ donquldanırdı, darvaza açıldı. Həyətə bir kişi girdi.
Tez mənim başıma bir yaylıq saldılar və üzümü örtdülər.
Yaylığı hirsimdən dartıb cırıq-cırıq elədim.
– Məni gizləməkdə mənim namusumu mühafizə etmək
istəyirsiniz? Onun sizə dəxli yoxdur! Namus mənimdir, onun
mühafizəsi də mənə bağlıdır. İndiyə kimi namus və iffətimi
təcavüzlərdən müdafiə etmişəm, ölənədək də edəcəyəm və bu
müdafiə bürünmək və kişilərdən gizlənmək vasitəsilə olmayıb!
Arabaçı yeriyib məni bir-iki vurdu. Almamışdan mənim
qeyrətimi çəkirdi. Qaçıb otağa girdim. Axşamadək burada
qaldım. Fikir məni
götürdü. Yenə qaçmaq yadıma düşdü,
layihələr tərtibinə girişdim. Lakin övza dəyişildi. Axşam arvad
yanıma gəlib, molla yanına getməyi təklif etdi. «Molla» sözünü
başa düşmədim. Qandırdılar ki, molla o şəxsdir ki, bizim
başımız ona bağlıdır. Haraya çəksə gedəsiyik.
Razı oldum. Dedim görüm oradan nə çıxacaq. Xilas olmaq
olacaqmı? Axır başı qurşağımdakı qəmə dururdu, mən durur-
dum. Əlacım hər yerdən kəsilsəydi, intihar məni bunların
cəngindən qurtaracaqdı.
433
Qarı çarşabını örtdü. Məni də büründürdülər və kişi
fanusu götürdü, yola düşdük. Qaranlıq və dar küçələrlə gedib,
mollanın evinə daxil olduq. «Molla» deyilən bir iri gövdəli kişi
idi. Alt paltarında oturub sümük iliyi sorurdu. Bizi görcək
barmaqlarını yalaya-yalaya:
– Buyurun, yaxşı bozbaşımız var.
Xörək yeyən olmadı. Arvad oturcaq başladı:
– Qadan alım, ay ağa, bu bizim təzə gəlinimizdir, amma bir
az dəli kimidir. Buna bir dua yaz və kəbinini də bizim oğlana
kəs.
Molla sevinc bir halda:
– Allah çox xeyir versin! – deyib əlini sildi və bizi
məhkəməyə dəvət etdi.
Durub qonşu otağa keçdik. Burada divarın dibində bir
xeyli iri qayış cildli kitablar üst-üstə yığılmışdı. Onları toz-
torpaq basmışdı. Məhkəmənin küncləri tamam hörümçək
toru ilə tutulmuşdu. Molla bir çirkli döşək üstə oturub dua
yazmağa məşğul idi. Birdən çarşabımı atıb başladım:
– Cənab molla, yerimdən-yurdumdan uzaqlaşıb, əldən-ələ
keçəndən sonra gəlib buraya çıxmışam. Hüququma neçələri
təcavüz edibsə, müvəffəq ola bilməyib. İndi də bu gözlərinin
qabağındakılar məni özlərinə qul edib hüququmu tapdalamaq
fikrindədirlər. Lakin bunların da məqsədlərinə nail olmayacaq-
larına əminəm. Çünki mən sözümdəm dönməyəcəyəm. Bir
adamı seçib ona ömür yoldaşı olmağı vəd etdikdə vədimə
vəfasızlıq edə bilmərəm. Ölüm var, vəfasızlıq yoxdur! Ona
görə səndən təvəqqe eləyirəm, müqəddəs bilib etiqad etdiyiniz
haqqına məni bunların əlindən xilas et və kömək elə ayrı
düşdüyüm yurduma qayıdım!
Nitqimi molla başa düşmədi. Amma ərə getmək fikrində
olmamağımı duydu. Üzümü açmağımdan molla belə
mütəəssir oldu ki, qələm əlindən düşdü.
– Doğrudan bu lap dəli imiş, – dedi. Dua buna kar eləməz.
Bu gərək bir gecə bizim həyətdəki pirdə yatsın ki, ağlı başına
434
gəlsin. Bizim pir qeybdən çıxma pirdir. Onun kəraməti o
qədərdir ki, ziyarətə gələnin biri muradına çatmamış geri
qayıtmır.
Qarı molladan artıq razılıq edib və məni yatacaq
içində pirin yanında qoyub, əri ilə getdi. Bərk yorulmuşdum.
Əlimi qəmənin dəstəsinə qoyub yatdım, bu fikirlə ki, bir az
yuxulayıb sonra qaçacaq idim.
Həyətdə kolların arasından şıqqıltı gəldi. Ayıldım. Ağ
geyimli bir adam mənə tərəf gəlirdi. Bərk qorxdum.
Adam irəli yeridi. «Bəlkə pirlə işi var» – deyə fikrimdən
keçirdim. Bir az da gəldi. Piri keçib, yatacağıma yavıqlaşdı.
Yerimdən dik qalxdım.
– Qorxma! Qorxma! Siğə oxumuşam, – deyə adam əllərini
uzatdı.
Qarşımda molla durmuşdu. Namusumu ləkələmək
istəyirdi. Elə bil cəmi damarlarımda qanım soyudu. Titrədim.
Lakin özümü itirmədim. Qəməni çəkib dedim:
– Qana bais olma!
Molla guya sözlərimi eşitməyərək hücumunda davam
edirdi. Beləcə heyvani nəfsinin əlində qul olmuşdu. Bir də
qəməni çaldım... Molla yıxıldı və ürəyindən fışıldayan qan
tamam yatacağımı islatdı. İnsan öldürməyə bərk peşman
oldum, amma namus insan qanından da əziz olduğuna
təsəlli tapıb özümü toxtatdım. Qəməni silib, darvazldan
çıxdım. Şəhərin aşağı tərəfində dağ görünürdü. Şəhərin kənarı
yavıq olmağına dəlalət edirdi. Getdim. Belə getdim ki, çapar
at və uçar quş elə getməyə bəlkə qadir deyildi. Bir dəqiqədə
şəhərdən çıxdım. Yenə həmən çaya və uca dağa rast gəldim.
Çayın kənarında oturub bir az yornuğumu aldım. Üzümü
yuyub, yuxudan xilas olub, yola düşdüm. Sübh işıqlananda bir
obaya çıxdım. Obaya girməkdən ehtiyat edib, ətrafında
fırlandım. Oba xalqının kənd məişətinə nəzər yetirdim. Burada
da arvadlar şəhərdəkilərə bənzəyirdi. Yenə qorxuya düşdüm.
Yəqin burada da mənə bir «nişanlı» tapılacaq idi. Bir az
435
fikirdən sonra başıma bir əsgi parçası salıb, dilənçi qiyafəsində
yolun kənarında oturdum və ötüb keçənə əl açdım. Bir az
oturmuşdum, gördüm iki atlı gedir. Bunlar bizim dildə
danışırdılar. Gördüm biri o birinə deyir:
– Daha bundan artıq Nuşanı axtarmaq olmaz; tapılmır.
Görəsən biçarə necə oldu?
Bu sözlərdən belə şad oldum ki, az qaldım atları və
minikləri duz kimi yalayam.
– Atlı qardaşlar, Nuşanımı axtarırsınız?
Atlılar ayaq saxladılar.
– Nuşanı! Nuşanı! Bəlkə nişan verəsən?
– Verərəm, niyə vermərəm! Ancaq məni «Haqq» qə-
biləsinə aparın, Nuşanın ata və anasından bir xələt alıb,
ondan, söyləyim.
– Xələt nədir, özün ağırlığı qızıl verməyə hazırıq, təki
Nuşa qəbiləmizə qayıtsın. Onsuz cəmi qəbiləmiz qara geyinib.
Əvvəl atlılardan səni soruşub, salamatlığını bildim.
Günorta qəbiləmizə çatdıq. Carçılar «Nuşadan xəbər var» –
deyə filfövr xalqı «Ədalət» meydanına topladılar. Natiq
daşına çıxıb, bilafərqcins tamam xalqımız qarşısında əsgi
parçasını başımdan atdım...
Ətraf şadlıq və heyrət dəryasına batdı. «Yaşasın Nuşa!» –
deyə min yerdən çığırdılar. Macəramı xalqımıza nağıl etdim.
Məni alqışladılar. Bu uzun sərgüzəştdən sonra indi qarşında
oturub gözlərimi o həsrətində odlandığım üzünə dikib, doymaq
və usanmaq bilmirəm.
Nuşa sözlərini qurtarıb sükuta getdi. Yaş damcıları
kirpiklərinin arasına toplanıb od kimi parıldayırdı.
***
Bilmərrə yaxşı olub xəstəxanadan çıxmışdım. Qəbiləmizin
köhnə həyatı yenə təzədən ehya olunmuşdu. Toya hazır-
laşırdılar. Adətən toy baharda olurdusa, bu səfər bizə üz verən
436
bədbəxtlik səbəbinə payıza qalmışdı. Gül-çiçək əvəzinə
«Səadət» meydanı əlvan meyvələrlə bəzənmişdi. Bu da
qəbilədə yeni bir vəqə idi ki, indiyə kimi görünməmişdi. Toy
günü nişanlı qız və oğlanlar sübh tezdən durub, qəbiləyə
məxsus evləri dolanmağa başladıq. Əvvəl «Yetimlər evinə»
getdik. Burada qəbiləmiz xərci ilə tərbiyə və tə'lim alan uşaqları
ziyarət edib, onları pul və şirniyyatla sevindirdik. O gün toy
münasibətilə uşaqlara təzə paltar verilmişdi. Buradan çıxıb,
«Zəiflər evinə» getdik. Burada da qəbilə xərci ilə
kor, şil,
şikəst və zəif adamlar bəslənib saxlanırdı. Adətimizə görə,
cismən və əqlən zəif və azarlı adamların , evlənməyə ixtiyarı
yox idi. Çünki bunlardan əmələ gələn uşaq da zəif olub, nə
özünə, nə də xalqa bir mənfəət gətirə bilməzdi. Ona görə
bunların mallarını müsadirə edib, özlərini də burada
bəsləyirdilər.
Zəifləri də ziyarat edib, xəstəxanaya getdik. Belə-belə
qəbilə evlərini dolanıb, sonra «Səadət» meydanına toplandıq.
Burada qəbilə xərcinə böyük bir nahar qayırılmışdı. Nişanlıları
dəvət etdilər. Oturduq. Musiqi çalınırdı. Bəzi arvad və kişilər
tərəfindən şairanə nitqlər söylənirdi, nəğmələr oxunurdu və
peydərpey nişanlıları təbrik edib, başlarına gül-çiçək səpirdilər.
Nahar qurtardı. Nişanlılar və xalq yayılıb getdilər. Mən də
Nuşanı evlərinə ötürüb qayıtdım ki, yatıb dincəlim.
Yuxudan ayılanda gün bathabat idi. Cəld yuyunub,
geyinib, Nuşanın dalınca getdim. Nuşa ağ toy libasında və
başında əklil qarşıma çıxdı. Qol-qola «Səadət» meydanına üz
qoyduq. Meydanın qiyafəsi bilmərrə dəyişilmişdi. Ətraf
məşəllərlə tənvir olunmuşdu. Nişanlılar tamamən ağ libasda
cəm olmuşdular. Musiqi çalınırdı. Bir də fırlana-fırlana fişəng-
lər qalxdı. Rəqs başlandı. Cavanlar alqışlandı və əlvan
çiçəklər, güllər səpilib meydanla bir oldu. Bir də, fişənglər
atıldı. Cürbəcür libasda adamlar meydanın ortasına yüyürüşüb,
qəribə-qəribə oyunlar göstərməyə başladılar. Yenə fişənglər
fırlandı. Bir dəstə pəhləvan çıxıb güləşməyə girişdi. Bunlar
437
da yox oldu. Heyvanat qiyafəsində təzə bir dəstə göründü. Bir
neçə vaxt belə keçdikdən sonra top atıldı və səsinə xalq girişib
aram tapdı. Sakitlik bərpa oldu. Natiq daşında bir arvad
görünub gödək, lakin atəşli bir nitq söylədi. Nitq Nuşaya
dair olub, bu sözlərlə tamam oldu: «Minlərcə Nuşalar Qızlar
bulağından vəfa suyu içib və içəcək.
Yaşasın o möcüzanə
çeşmə! Yaşasın namuslu Nuşalarımız!»
«Yaşasın!» – deyə ətrafdan minlərcə səs qopdu və sonra
hazirundan razılıq olunub, nişanlılara və qəbiləmizə əbədi
səadət diləndi. Nişanlılara yanılı məşəllər paylanmışdı.
Musiqi «Vəfa» marşını çaldı. Xalq təzim üçün dizi üstə
düşdü. Nişanlılar ayaq üstə durmuşdular. Əlimizdəki məşəlləri
yuxarı qovzadıq. «Vəfa» marşı qurtaran kimi üç dəfə «Sağ
olsun namus, ölsün vəfasızlıq!» – deyə çığırdıq. Əzəmətli bir
səs əmələ gəldi. Başımızda tüklərimiz ürpərdi. Sonra qol-
qola keçirərək alaqapılardan «Səfa bağçasına» rəvan olduq.
Burada nişanlılar üçün bir çox çadırlar qurulmuşdu. Adətən
cavan zövc və zövcələr qırx gün bu bağçada qəbilə xərcinə
laqeyd bir ömür sürüb, sonra evlərinə qayıdardılar.
***
438
Bu il taxılımız həmişəkindən də artıq olmuşdu. Çuvallara
yığıb, qonşu qəbilələrə aparıb satmaq lazım gəldi. Fikrim bu idi
ki, bir həftəyədək geri qayıdam. Heyfa, səfərim bir az uzun
oldu, vaxtında evə gələ bilmədim. Çapar dalımca gəlib,
qəbiləmizdə yüzədək salamat uşaq anadan olduğunu xəbər
verdi. Keçənlərə görə bu il zəif uşaq az doğulmuş imiş. Bunları
adət üzrə anaları aparıb qəbristanlığa qoyublar və süd
verməkdən boyun qaçırdıblar.
Taxılı satıb şad bir halda qəbiləmizə qayıtdıq. Xalqa
səadət üz vermişdi, millətimizin artmasına hamı sevinirdi.
Evimizə çatdım. Otağa girdikdə gördüm Nuşa zəif əlləri ilə
balasını bağrına basıb əmizdirir. Pak bir səmimiyyətlə dizi üstə
çarpayının qabağına düşüb, ana və analığa təzim etdim.
Təbiətdən həm qəbiləmizə, həm də yeni külfətimizə
xoşbəxtlik istədim. Qarşımdakı gözəl mənzərənin hüsn-təsiri
altında gözlərimdən yaş aramsız axmada idi.
Duadan sonra Nuşadan razılıq edib, alnından öpdüm.
Qızcığazımı qucağıma verdilər. İlk dəfə olaraq atalıq səadəti
duydum. Ürəyim fəxrlə doldu.
439
M Ü N D Ə R İ C A T
Səh.
Şaqqulunun xeyir işi…………………………………
3
Kənddən şəhərə göndərilən bir kağız………………
15
Sərhəd məsələsi……………………………………....
17
Cənnətin qəbzi………………………………………..
21
Müsəlman arvadının sərgüzəşti………………………
47
Millətpərəstlər………………………………………
50
Vətən………………………………………………..
52
Borclu………………………………………………… 54
Toy…………………………………………………… 57
Hərrac………………………………………………..... 60
1905 – ci il……………………………………………
62
Məlik Məhəmməd……………………………………
64
Ağsaqqal……………………………………………… 76
Ağ buxaqda qara xal…………………………………
79
Məşədi və Kərbəlayı…………………………………
86
Əziz…………………………………………………… 88
Həkim………………………………………………..
90
Cümə axşamı…………………………………………
94
Hacı…………………………………………………..
98
«Yeni fars»…………………………………………..
100
Zeynal bəy……………………………………………
103
Qız məktəbində………………………………………
110
Dəli……………………………………………………. 113
«Dinayrı qardaşlar»………………………………….
117
Divanə………………………………………………... 122
Dərdli Züleyxa………………………………………..
125
Cavan…………………………………………………
130
Yuxu………………………………………………….. 133
Polis paltosu………………………………………….
138
Mərsiyəxan…………………………………………...
143
Xanın qəzəbi………………………………………….
147
440
Son bahar…………………………..
149
«Dərs»………………………………………………... 152
Yeni bir aləm…………………………………………
155
Qumarbazın arvadı……………………………………. 160
Nahaq qan……………………………………………
165
Bir qəpik…………………………………………….
169
Ayrılıq axşamı………………………………………… 172
Şair…………………………………………………..
176
Nitq…………………………………………………..
181
Dürnisə və Kərbəlayı Eyvaz………………………….. 184
Doqquz ay keçmiş……………………………………
193
Üç ……………………………………………………. 195
Üç gecə……………………………………………….
198
Dərviş məsələsi………………………………………. 202
Sidi…………………………………………………… 206
Osman Dövlətşin……………………………………..
210
Qoz ağacı……………………………………………..
216
«Yaramaz»…………………………………………… 220
«Namussuz»………………………………………….. 227
Ruhnəvaz xanım……………………………………..
233
Zeybək qızı…………………………………………… 239
Mariya………………………………………………..
246
Qazanc yolunda………………………………………
253
Bir qaçqının dəftərindən……………………………… 263
Son səhifə…………………………………………….. 271
Tanqo…………………………………………………. 280
İmamın zühuru……………………………………….
286
Qayınanın oyunları…………………………………..
290
Yaş söhbətləri………………………………………..
297
Gələcək şəhər………………………………………..
301
Qibleyi – aləmin xalısı………………………………
313
Aprelin birində……………………………………….
315
Xasiyyətləri tutmamış………………………………… 320
İki çocuq……………………
323
441
Lüzumsuz arzu üçün………………………………….. 326
Qoca nənənin ölümü münasibətilə………………….
330
Qusar mülkədarları………………………………….
335
Mirzə Əbdülvahab…………………………………...
339
Yüksəliş………………………………………………. 344
İstirahət günü………………………………………...
353
Vasvası ………………………………………………. 355
Beş dəqiqə……………………………………………. 359
Üsuli – cədid………………………………………….
367
Kamal………………………………………………… 371
Soyuq busə…………………………………………… 377
«Fokusnik»dən……………………………………….
384
Qızlar Bulağı (Xəyali hekayə)………………………...
Dostları ilə paylaş: |