202
çevrildi? Arifin mənəvi iflasında, faciəsində günahkar kimdir?
Şagirdlərin diqqəti ilk səhnədə İblisin və Mələyin qanlı səhnələrə
münasibətindəki fərqlərə yönəldilir. Müzakirə zamanı belə qənaət
yaradılır ki, ilk səhnədə İblis və Mələyin sözlərində, gördükləri
dəhşətlərə münasibətdə həyatda iki qütbün – xeyirlə şərin mübarizəsi,
qarşılaşdırılması öz əksini tapır. Bu qarşılaşmada iki qüvvənin bir-
birinə zidd mövqeyi üzə çıxır. İnsanlar baş verən şər işlərdə İblisi
günahlandırır, lənətləyir, İblis isə insanların törətdiyi cinayətləri
onların öz əməllərinin nəticəsi sayır. Əsərdəki konflikt də bu
qarşılaşmadan doğur: Arifin təbiətində, taleyində özünü büruzə verən
bu qarşılaşmada kim qalib gələcək: Mələk, yoxsa İblis? Ondakı
humanizm, məhəbbət, mədəniyyət, yoxsa nəfs, mənfi ehtiraslar?
Şagirdlər həyatdakı real iblislərin – şərə uymuş, öz nəfsinin quluna
çevrilmiş kinli krallar, şahlar, ulu xaqanlar, tülkü siyasilər, məzhəb
çıxaran, yol ayıran xadimi-ədyanların iç üzünü açan bu monoloqu, eləcə
də əsərdəki digər obrazları təhlil edir, onlara əsaslandırılmış münasibət
bildirirlər.
Qeyd edilir ki, Arifin dünyadakı zülmü görməmək üçün göylərə qal-
dırılmaq istəyi, yalvarış sədaları cavabsız qalır, çünki o, hələ Allahın
eşidə biləcəyi mənəvi kamillik səviyyəsinə çatmamışdır. Bunu onun
sonrakı əməlləri də sübut edir. Arif yaşadığı mühitin, altun, şərab,
silahın pozucu təsiri ilə dəyişir, həqiqət axtaran, bəşərin səadəti
haqqında xəyallara dalan romantik ruhlu bir gəncdən qardaşı Vasifin və
bir zamanlar sevdiyi Xavərin qatilinə çevrilir.
Əsərdə Ariflə yanaşı, şəri təmsil edən digər obrazlar da diqqəti cəlb
edir. Vaxtilə müqəddəs kitab – “İncil” adı ilə Ermənistana qurşun,
silah-sursat daşımış erməni keşişi, Ərəbistanı qarışdıran, Dəccala
uymuş fransız casusu, nəfsinə uyub ingilis dəllalına çevrilmiş İran
şeyxi, qatil və soyğunçuya çevrilmiş ərəb zabiti İbn Yəmin obrazları ilə
dramaturq
şərin miqyasını, bəşəriyyətin bəlasına çevrildiyini
göstərmək istəmişdir. İnsanların səadətini arzulayan Mələklə yanaşı,
qeyrətli zabit olan Vasif, ədalət məhkəməsi qurub xainləri, qatilləri
cəzalandıran Elxan xeyiri təmsil edən obrazlardır.
İnsanlığın çıxış yolunu H.Cavidin nədə gördüyünü aydınlaşdıran
şagirdlər qeyd edir ki, şair nicatı humanizmdə, insana məhəbbət və
mədəniyyətdə, maarifdə görürdü. Digər sual əsərin ideyasını, müəllif
mövqeyini dəqiqləşdirməyə xidmət edir: “Dramaturqun insan xislə-
tindəki qüsurlardan söz açmaqda niyyəti nədir?”
Müzakirə zamanı şagirdlərə aydın olur ki, müəllif bu qüsurları acı
təəssüf hissi ilə göstərməklə onların insana yabançı, dağıdıcı mahiy-
yətini açmaq, oxucunu, tamaşaçını ayıltmaq, düşündürmək istəmişdir.
Sənətkarın fikrincə, xeyirxahlığın da, şərin də mənbəyini göylərdə
deyil, cəmiyyətdə, insanların daxilində, mənəviyyatında axtarmaq
lazımdır.
Yaradıcı tətbiqetmə mərhələsində şagirdlər qazandıqları bilik və
bacarıqları tətbiq etməklə belə bir sual üzrə mülahizələrini bildirirlər:
“Əsərin yazıldığı dövrdən yüz ilə yaxın bir vaxt keçir. Dramaturqun
qaldırdığı problemlər müasir dövrdə öz aktuallığını saxlayırmı?”
203
Şagirdlər bildirirlər ki, yaşadığımız dövrdə də insanın qarşısında xeyirə
tapınmaq, öz təbiətindəki şərdən xilas olmaq vəzifəsi durur. Şər
qüvvələrin törətdiyi, bəşəriyyətin sağalmaz xəstəliyinə çevrilmiş
ədalətsiz müharibələr, torpaqların işğalı, “altun və qurşuna” güvənmək
bu gün də dünyanın acı reallığıdır. İnsanın “nuri-həqiqət” axtarışları
hələ də davam edir. Öz idrakının gücü ilə kosmosu fəth edən, ən yeni
texnologiyaları kəşf edən insan xislətindəki şərlə bacarmır, ondan xilas
olmaqda hələ də acizdir.
Nəticə və ümumiləşdirmə mərhələsində qazanılmış bilik və ba-
carıqlar əsasında tədqiqat sualı üzrə araşdırma və müzakirələr
yekunlaşdırılır. Müzakirədə belə bir nəticə çıxarılır ki, müəllifin niy-
yəti bəşəriyyətə faciələr gətirən müharibə quzğunlarını ifşa etməklə
yanaşı, bəd əməllərin, xəyanətlərin, rəzalətlərin, ədalətsizliklərin mən-
bəyinin insanların şərə uymasında, altun və rəyasət düşkünlüyündə, öz
ehtiraslarının quluna çevrilməsində olduğunu açıb göstərməkdir. Əsər
müharibə əleyhinə yazılsa da, hərbin dəhşətlərinə, insanlara gətirdiyi
faciələrə münasibət bildirilsə də, sənətkarın fikrincə, müharibə səbəb
deyil, nəticədir.
Aparılan işlər yekunlaşdırıldıqdan sonra qiymətləndirmə həyata
keçirilir.
Müəllim dərslikdəki “Evdə iş” başlıqlı tapşırığın evdə yerinə
yetiriləcəyini şagirdlərə xatırladır.
204
Mövzu: H.Cavid. İblis (ixtisarla) – 4 saat
Dördüncü saat: Tətbiq. Müzakirə. Yaradıcı iş.
Dərsin tipi: induktiv, nitq inkişafı.
İş forması: fərdi iş, kiçik qruplarda iş, bütün siniflə birgə iş.
Metod və priyomlar: müsahibə, müzakirə, diskussiya, problemin həlli,
təqdimat.
İnteqrasiya: Az.d. 3.1.1. 3.1.2. 3.1.3.; X.d. 4.1.1. 4.1.2. 4.1.3.;
Az.tar.5.1.3.
Təchizat: dərslik, iş vərəqləri, lüğətlər, faciədən bir parçanın video və
ya səs yazısı, şairin əsərləri, yaradıcılığı ilə bağlı monoqrafiyalar.
Dərsin gedişi
Motivasiya, problemin qoyuluşu. Dərsdə vaxtın çoxu yazı işinin
yerinə yetirilməsinə ayrılır. Şagirdlərin diqqəti dərslikdə təklif olun-
muş mövzulara yönəldilir: a) “Arifin faciəsinin səbəbini nədə görürəm”
mövzusunda inşa yazın; b)“Çağdaş şər qüvvələr haqqında düşüncələ-
rim” mövzusunda esse yazın.
Şagirdlərin inşa və esse ilə bağlı bilik və bacarıqlarının yada salın-
ması məqsədilə yığcam müsahibə aparılır. Bu, tədqiqat sualının forma-
laşdırılması ilə yekunlaşdırılır.
Tədqiqat sualı: Faciə üzrə təhlil xarakterli inşa və essenin başlıca
xüsusiyyətləri hansılardır?
Fərziyyələr dinlənilir və qeyd edilir.
Standartlar
Təlim nəticələri
3.1.1. Yaradıcı yazıların məz-
mununa uyğun üslub müəyyən-
ləşdirir, müxtəlif mənbələrdən
seçdiyi inandırıcı faktlardan,
şəxsi təəssüratlarından istifadə
edir.
İnşanın (essenin) məzmununa uyğun
üslub müəyyənləşdirir, müxtəlif
mənbələrdən seçdiyi inandırıcı
faktlardan, şəxsi təəssüratından istifadə
edir.
3.1.2. Müşahidələrinə, əlavə mə-
lumatlara əsaslanmaqla
əsərin ideyasına, probleminə,
bədii xüsusiyyətlərinə müna-
sibət bildirir, ümumiləşdirmələr
aparır, nəticə çıxarır.
Müşahidələrinə, əlavə məlumatlara
əsaslanmaqla faciənin ideyasına,
probleminə münasibət bildirir,
ümumiləşdirmələr aparır, nəticə çıxarır.
3.1.3. 3,5-4 səhifə həcmində
nəqli, təsvir, təhlil xarakterli
mətnlər (ədəbi və sərbəst
mövzuda inşa, esse, məqalə,
məruzə) yazır.
Təhlil xarakterli inşa, esse yazır.
205
Yazı işlərinin yerinə yetirilməsi tədqiqatın aparılması mərhələsi
kimi qəbul olunur.
İşə başlamazdan əvvəl yığcam müsahibə aparılır. Müxtəlif mən-
bələrdən seçilmiş faktlardan inşada necə istifadə ediləcəyinə aydınlıq
gətirilir. Eləcə də faciədə ifadə edilmiş ideyalara, problemlərə,
obrazlara münasibət bildirərkən şəxsi təəssürat və əlavə məlumatlara
əsaslanmağın, müasir dövrlə əlaqələndirməyin yolları müəyyənləşdiri-
lir.
Şagirdlərə inşa, essenin yazılmasında fikrin ifadə tərzinin, üslubun
müəyyənləşdirilməsi ilə bağlı tövsiyələr verilir. Şəxsi hislərin,
düşüncələrin, müstəqil dəyərləndirmənin yer aldığı essedən fərqli
olaraq, inşada elmi üslubun aparıcı olduğu xatırladılır.
Müxtəlif mənbələrdən əldə olunmuş məlumatların saf-çürük
edilməsi, daha tutarlı, inandırıcı olanlardan istifadə edilməsi inşada
elmi üslubun çalarlarını xeyli zənginləşdirir. Essedə obrazlılığa,
məcazlardan gen-bol istifadəyə, fikrin sərbəst ifadəsinə, şəxsi hiss və
təəssüratın çatdırılmasına daha geniş yer verilməsi isə üslubda bədii
çalarların güclənməsinə səbəb olur.
Müsahibədə faciədə qaldırılmış problemlərin müasir dövrlə əlaqələn-
dirilməsinin zəruriliyi diqqətə çatdırılır. Yığcam müsahibədə şagirdlər
qeyd edir ki, əsərin yazıldığı dövrdən yüz ilə yaxın bir vaxt keçir. Dra-
maturqun qaldırdığı problemlər müasir dövrdə öz aktuallığını saxlayır.
Yaşadığımız dövrdə də insanın qarşısında xeyirə tapınmaq, öz
təbiətindəki şərdən xilas olmaq vəzifəsi durur. Şər qüvvələrin törət-
diyi, ədalətsiz müharibələr bu gün də dünyanın acı reallığıdır.
Yaşadığımız dövrdə şəri təmsil edən erməni işğalçılarının öz
havadarlarının köməyi ilə torpaqlarımızı işğal etməsi ilə barışmayan
xalqımız bu ədalətsizliyi tezliklə aradan qaldıracaq, vətənimizi
düşməndən azad edəcəkdir.
Yazının yerinə yetirilməsi prosesini diqqətlə müşahidə edən müəl-
lim, yeri gəldikcə, şagirdlərə istiqamətləndirici tövsiyələr verir.
Yazı işinin və müzakirənin hansı formada təşkilindən asılı olma-
yaraq, şagirdlərin fərdi qiymətləndirilməsi həyata keçirilə bilər. Bu,
dərsdə reallaşdırılmış
məzmun standartlarına müvafiq olaraq
müəyyənləşdirilən meyarlar əsasında həyata keçirilir.
Müəllim dərslikdəki “Evdə iş” başlıqlı tapşırığın evdə yerinə
yetiriləcəyini şagirdlərə xatırladır.
206
Mənbələr
1.
Heydər Əliyev və mədəniyyət. 3 cilddə. Bakı: Nurlar, 2008.
2.
Azərbaycan Respublikası təhsil nazirinin “Ümumtəhsil məktəb
şagirdlərinin mütaliə vərdişlərinin təkmilləşdirilməsi və onlarda
mütaliə mədəniyyətinin formalaşdırılması ilə bağlı tədbirlər barədə”
əmri.(http://edu.gov.az/az/page/81/9763)
3.
Abbasov Ə. Şagird nailiyyətlərinin qiymətləndirilməsi: müasir baxış və
konseptual yanaşmalar.// Azərbaycan məktəbi, 2007 N 4.
4.
Azərbaycan Respublikasının Təhsil Qanunu. Bakı, 2009.
5.
Azərbaycan Respublikasında ümumi təhsil sistemində Qiymətləndirmə
Konsepsiyası.// Kurikulum, 2009, N 2.
6.
Azərbaycan Respublikasında təhsilin inkişafı üzrə Dövlət Strategiyası.
Azərbaycan müəllimi qəzeti.25 okt 2013. N 41 (8558).
7.
Azərbaycan Respublikasının ümumtəhsil məktəbləri üçün ədəbiyyat
fənni kurikulumu. V-XI siniflər. (Təlim Azərbaycan dilində olan
məktəblər üçün). www. kurikulum.az/ images/.../edebiyyat.pdf)
8.
Ağayev Ə. Təlim prosesi: ənənə və müasirlik. Bakı: Adiloğlu. 2006.
9.
Arif M. Seçilmiş əsərləri. I-III cild. Bakı, 1967.
10.
Aslanov Y. Ədəbiyyat tədrisi: ənənə və müasirlik. Bakı: APU-nun
nəşri, 2011.
11.
Bəylərov E. Formativ qiymətləndirmə. Kurikulum, 2009 N 2.
12.
Cəfər Ə. Əruzun nəzəri əsasları və Azərbaycan əruzu.Bakı: Elm, 1977.
13.
Cəfərov M.C. Sənət yollarında. Bakı: Gənclik, 1975.
14.
Cəfərov N. Klassiklərdən müasirlərə. Bakı: Çaşıoğlu, 2004.
15.
Энциkлопедия интераkтивного обучения. Е.Пометун. Kиев, 2007.
16.
Əlişanoğlu T.Azərbaycan “yeni nəsr”i. Bakı: Elm, 1999.
17.
Ərəb-fars sözləri lüğəti. I-II cild. Bakı: Şərq-Qərb, 2005.
18.
Əsgərli Z. Poetika. İzahlı sözlük.Bakı:Elm, 2014, 262 s.
19.
İnnovativ təlim metodları və texnologiyaların tezaurusu. Bakı: XXI
Əsr Təhsil Mərkəzi, 2014.
20.
Krouford A., Vendi Soul E., Metyu S., Makinster C. Düşünən sinif
üçün öyrətmə və öyrənmə üsulları. Bakı, Müasir Təhsil və Tədrisə
Yardım Mərkəzi, 2012.
21.
Qarayev Y. Azərbaycan ədəbiyyatı. XIX və XX yüzillər. Bakı: Elm,
2002. Bakı: EA-nın nəşriyyatı, 1965.
22.
Методиkа преподавания литературы. В 2-х частях. Под ред.
О.Ю.Богдановой, В.Г.Маранцмана.М.:Просвещение, 1995.
23.
Mikayılov Ş.,Bəkirova A., Əliyeva Ş. V-XI siniflərin ədəbiyyat
dərslərində təlim texnologiyalarından kompleks şəkildə istifadə.
Bakı:Çaşıoğlu, 2008.
24.
Mir Cəlal, P.Xəlilov. Ədəbiyyatşünaslığın əsasları. Bakı: Maarif, 1988.
25.
Muradov B. Orta məktəbdə ədəbi əsərlərin öyrədilməsi. Bakı:Maarif,
1992.
26.
Müasir Azərbaycan ədəbiyyatı. I-II cild.Bakı:Bakı Universiteti. 2007.
27.
Müstəqillik dövrü Azərbaycan ədəbiyyatı. I-II cild. Bakı: Elm və təhsil.
2016.
207
28.
Müəllim hazırlığının və orta təhsilin perspektivləri. (Qərb təhsil
sisteminin təcrübəsi əsasında). Müəllim üçün vəsait. Bakı,İREX, 2005.
29.
Osmanlı V. Azərbaycan romantikləri. Bakı: Yazıçı, 1985.
30.
İnteqrativ kurikulum: mahiyyəti və nümunələr. Müəllim üçün vəsait.
Bakı, İREX, 2005.
31.
Hacıyev A. Ədəbiyyat nəzəriyyəsi. Bakı: Mütərcim, 1996.
32.
Hacıyev T. Yazıçı dili və ideya-bədii təhlil. Bakı: Maarif, 1979.
33.
Həbibbəyli İ. Ədəbi şəxsiyyət və zaman.Bakı: Elm və təhsil. 2017.
34.
Həsənli B.A. Ədəbiyyatın tədrisi metodikası. Bakı: Müəllim, 2016.
35.
Həsənli B., Abdullazadə. N. İfadəli oxu. Bakı:Müəllim, 2015.
36.
Hüseynoğlu S. Ədəbiyyat dərslərində yeni texnologiyalar:
fəal/interaktiv təlim. Bakı, 2009.
37.
Hüseynoğlu S. İfadəli oxunun əsasları. Bakı: ADPU-nun nəşri, 2009.
38.
Hüseynov A. Nəsr və zaman. Bakı: Yazıçı, 1980.
39.
Salamoğlu T. Müasir Azərbaycan ədəbiyyatı. Bakı, 2012.
40.
Salamoğlu T. Azərbaycan ədəbiyyatının müasir problemləri. Bakı:EL
NPŞ. 2014.
41.
Veysova Z.A. Fəal/interaktiv təlim. Bakı, 2007.
42.
Vəliyev Ş. Füyuzat ədəbi məktəbi. Bakı: Elm, 1999.
43.
Yusifov F. A. Ədəbiyyatın tədrisi metodikası. Bakı: ADPU-nun nəşri.
2010.
208
BURAXILIŞ MƏLUMATLARI
Ədəbiyyat – 11
Ümumtəhsil məktəblərinin 11-ci sinfi üçün
Ədəbiyyat fənni üzrə dərsliyin
metodik vəsaiti
Tərtibçi heyət:
Müəlliflər:
Bilal Ağabala oğlu Həsənov
Aynur Cəfər qızı Mustafayeva
Soltan Hüseyn oğlu Əliyev
Nəşriyyat redaktoru Kəmalə Abbasova
Texniki redaktor
Zeynal İsayev
Dizayner
Taleh Məlikov
Korrektor
Aqşin Məsimov
Azərbaycan Respublikası Təhsil Nazirliyinin qrif nömrəsi:
2018-170
© Azərbaycan Respublikası Təhsil Nazirliyi – 2018
Müəlliflik hüquqları qorunur. Xüsusi icazə olmadan bu nəşri və yaxud onun
hər hansı hissəsini yenidən çap etdirmək, surətini çıxarmaq, elektron
informasiya vasitələri ilə yaymaq qanuna ziddir.
Hesab-nəşriyyat həcmi 11,6. Fiziki çap vərəqi 13. Səhifə sayı 208.
Kağız formatı 70x100 1/16. Tiraj 7200. Pulsuz. Bakı – 2018
“BAKI” nəşriyyatı
Bakı, AZ 1001, H.Seyidbəyli küç. 30
Qərb” ASCin mətb
Dostları ilə paylaş: |