60
Hazırki vəziyyətdə faktiki ödəmələr xüsusi maraq doğurur. Belə ki, vaxtında
qaytarılan bu vəsaitlə dövlət orqanlarının ödəmə qabiliyyəti müəyyənləşdirilir.
qtisadiyyatın digər sahələrində əmtəə və xidmətlərə tələb aktivləşir. Beləliklə,
pul-kredit, vergi büdcə sferasında formalaşması, tədiyyə balansının, gəlirlər və
xərclər siyasətinin tənzimlənməsi əsas etibarı ilə faktiki ödəmələri və maliyyə
vəsaitlərinin qalıqlarını özündə əks etdirən maliyyə kateqoriyaları səviyyəsində
həyata keçirilir. Bu məqsədlə daim Dövlət orqanlarının ödəmələri üzərində
maliyyə nəzarət sistemi təkmilləşdirilməsi və eyni zamanda sadələşdirilməlidir.
Belə ki, movcud büdcə xərcləri sistemi hökumətə yalnız büdcə xərclərinin
baş hesabından təşkilatların hesablarına köçürülən maliyyə vəsaitlərinin məqsədli
xarakterinə əməl olunmasına demək olar ki, nəzarət edilmir.
Dövlət maliyyəsinin idarəedilməsi iqtisadiyyatın digər sektorlarından köklü
surətdə fərqlənən funksiyaları yerinə yetirir: gəlirlərin yenidən bölgüsü, dövlət
maliyyə siyasətinin aparılması və qeyri-bazar xarakterli xidmətlərin göstərilməsi.
Dövlət maliyyəsinin idarə edilməsi haqda informasiyanın əsas hissəsi büdcələrin
icrası barədə hesabatlarda, mühasibat hesabatlarında, habelə statistik məlumatlarda
toplanılır. Təcrübə göstərir ki, bu informasiya dövlət maliyyəsinin vəziyyəti və
istiqamətləri barədə düzgün nəticə çıxarmağa imkan vermir. Maliyyə strukturlarının
düzgün qurulması, göstəricilərin azlığı-bunlar dövlət maliyyəsi üzərində nəzarətin
təşkilinin mənfi tərəfləridir.
Yaxın gələcəkdə əsas məsələ stabil iqtisadi artımın təmin edilməsidir.
Bunun üçün dövlət siyasətini investisiya fəaliyyətinin stimullaşdırılmasına
yönəltmək, xüsusi kapital qoyuluşları üçün maksimal əlverişli şərait yaratmaq,
xüsusi mülkiyyətçilərin hüquqlarının qorunmasını təmin etmək, idarəetmənin
bütün səviyyələrində xərclərə qənaət edilməsinə nail olmaq lazımdır (61).
Dövlət büdcəsinin sağlamlaşdırılması strategiyasının üç əsas istiqamət üzrə
həyata keçirilməsi məqsədə müvafiqdir:
- gəlir bazasının artırılması;
- büdcənin xərc hissəsinə yenidən baxılması;
61
- büdcə proseduraların sadələşdirilməsi.
Büdcə-vergi strategiyasının əsas istiqaməti həm dövlətin, həm də bazarın
digər iştirakçılarının fəaliyyəti üçün fiskal şəraitin təmin edilməsi olmalıdır. Bu
zaman vergi islahatlarının əsas məqsədi büdcə gəlirlərinin artırılması ilə yanaşı,
istehsalın canlandırılması məqsədi ilə sahibkarlıq fəaliyyəti üçün əlverişli şəraitin
yaradılmasıdır.
Büdcə-vergi siyasətinin səmərəliliyini artırmaq üçün özündə aşağıdakıları
birləşdirən vergi siyasətinin həyata keçirilməsi vacibdir:
- vergi qanunvericiliyinin təkmilləşdirilməsi;
- vergi güzəştlərinə yenidən baxılması və mümkün ləğvi;
- vergidən yayınma hallarına qarşı vergi ödəyiclərinin məsuliyyətlərinin
artması və vergi mədəniyyətinin yüksəldilməsi;
- vergiqoyma bazasının genişləndirilməsi;
-vergi məzənnələrinin aşağı salınması.
Ölkənin büdcə-vergi sisteminin stabilləşdirilməsi üçün vergi güzəştlərinə
yenidən baxılması və onların kütləvi ləğvi mühüm əhəmiyyət kəsb edir. Zəruri
hallarda güzəştlərin ləğvi büdcədən birbaşa ayırmalar vasitəsilə kompensasiya
edilə bilər. Bu məqsədlə büdcə-vergi qanunvericiliyinin dəqiqliyini və şəffaflığını
təmin etmək zəruridir. Bunun üçün mühasibat uçotu sadələşdirilməsi, məsrəflərin
iqtisadi cəhətdən əsaslandırılmış tərkibi müəyyən edilməlidir..
Maliyyə vəsaitlərinin məhdud olduğu bir şəraitdə birinci dərəcəli əhəmiyyət
kəsb etməyən və növbəti ildə ixtisara salına bilən xərc maddələrinin bir daha
nəzərdən keçirilməsi vacibdir.
Mühüm əhəmiyyətli xərclər içərisində aşağıdakıları göstərmək olar:
- büdcə xərclərinin tərkibində xüsusi çəkisi əhəmiyyətli dərəcədə artan sosial
xərclər;
- maliyyələşdirmə səviyyəsi saxlanılan hərbi xərclər;
- məhkəmə sisteminin saxlanılması xərcləri.
62
Dövlət xərclərinə qənaət məqsədilə aşağıdakı tədbirlərin həyata keçirilməsi
məqsədəmüvafiqdir:
- dövlət büdcəsi vəsaitləri hesabına maliyyələşən orqanların bir-birini
təkrarlayan işçi heyətinin bir daha inventarlaşdırılması və ixtisara salınması;
- dövlət borcu xərclərinin optimallaşdırılması;
- kreditor borcların həcminin tənzimlənməsi.
Fikrimizcə, hazirki şəraitdə maliyyə mexanizminə davamlı müvafiq iqtisadi
tənzimləmə və nəzarət alətləri tələb edən yeni elementlər əlavə olunur. Bu
mərhələdə dövlət maliyyəsi yenidən bölgü kateqoriyasından transformasiya
edilməlidir. Dövlət maliyyəsi, sadəcə olaraq dövlətin fiskal təminatı funksiyasını
yerinə yetirməməlidir. O, həmçinin təkrar istehsal prosesinin potensialının dinamik
inkişaf strategiyasının işlənib hazırlanması və onun qısa müddətdə həyata
keçirilməsini təmin etməlidir.