Microsoft Word Dissertasiya-Mirkamal 2 Alizade Mirkamal docx
Yüklə 1,2 Mb. Pdf görüntüsü
|
73
gəmiqayırma, kimya və emal sahələrində yeni müəssisələr inşa ediləcəkdir. Sənaye müəssisələrində innovasiya yönümlü texnologiyaların tətbiqi stimullaşdırılacaq, ixtisaslaşmış və xüsusi təyinatlı sənaye şəhərcikləri yaradılacaqdır.Ölkədə iqtisadi rayonların potensial imkanları nəzərə alınmaqla xüsusi iqtisadi zonaların yaradılmasına və sənaye şəhərciklərinin qurulmasına üstünlük veriləcəkdir. Qeyri-neft sənayesinin ənənəvi istehsal sahələrinin (metallurgiya, maşınqayırma, elektrotexnika, yüngül sənaye, yeyinti sənayesi və s.) inkişaf etdirilməsi və ixrac imkanlarının artırılması ilə yanaşı, rəqabətqabiliyyətli yeni istehsal sahələrinin yaradılması da dəstəklənəcək.Ölkənin qeyri-neft senayesinə yerli və xarici investisiyaların cəlb edilməsinin intensivləşdirilməsi məqsədilə stimullaşdırıcı mexanizmlər tətbiq ediləcək, ixracyönümlü qeyri-neft sektorunun inkişafı məqsədilə dövlət və özəl sektorun investisiya əməkdaşlığı aparılacaq. Ə rzaq təhlükəsizliyi baxımından xüsusi əhəmiyyət kəsb edən sahələrdən biri kimi kənd təsərrüfatı məhsullarının istehsalı və emalına xüsusi diqqət yetiriləcək, bu sahənin inkişafı ə sasında müasir texnologiyaların tətbiqi yolu ilə mövcud emal müəssisələrinin istehsal gücünün artırılması və yeni belə müəssisələrin yaradılması istiqamətində kompleks tədbirlər həyata keçiriləcəkdir. Müəyyən edilmiş hədəflərə çatmaq üçün iki istiqamətdə qeyri-neft sənaye sahəsinin rəqabətqabiliyyətinin artırılması və strukturunun təkmilləşdirilməsi üzrə tədbirlər həyata keçiriləcək. qtisadiyyatın rəqabətqabiliyyətinin artırılması makroiqtisadi sabitliyin qorunması, monetar və fiskal siyasətin koordinasiyasının gücləndirilməsi, maliyyə xidmətləri bazarının inkişaf etdirilməsi, biznes mühitinin daha da yaxşılaşdırılması və özəl təşəbbüsün dəstəklənməsinin genişləndirilməsi kimi hədəflərə nail olunması da qeyri-neft sənayesinin inkişafına əsaslı təkan verəcək.Yaradılan əlverişli investisiya mühiti, təsərrüfat fəaliyyətinin inkişafı ilə bağlı həyata keçirilən islahatlar 2014-2020-ci illər ərzində qeyri-neft sənaye sahələrinin daha intensiv inkişafını təmin edəcək. nvestisiya fəallığı ölkənin istehsal sahələrinin, xidmət sektorunun sosial-iqtisadi nəticələrinin effektliyini artırıb, milli iqtisadiyyatın makroiqtisadi göstəricilərini yüksəltməklə
74
müasir inteqrasiya, qloballaşma dövrünün tələblərinə uyğun düşünülmüş, uzunmüddətli iqtisadi siyasət xəttinin əsas tərkib hissəsini təşkil etməkdədir. Qeyri-neft sənayesinə investisiya qoyuluşunun istiqamətləri aşağıdakıları əhatə edir: - yeni obyektlərin yaradılması və müasir tələblərə uyğun qurularaq fəaliyyət göstərən müəssisələrin inkişafı; -istehsal güclərinin artırılması məqsədilə müəssisələrin müəyyən fəaliyyət sahələrinin, yaxud mövcud sexlərinin genişləndirilməsi; -istehsalın texniki-iqtisadi səviyyəsini yüksəltməklə müəssisənin və ya ayrı-ayrı struktur bölmələrin, sexlərin texniki-texnoloji cəhətdən silahlandırılması; - müəssisənin əsas istehsal fondlarının modernləşdirilməsi; - müəssisənin dövriyyə vəsaitlərinin investisiya təminatı; -qiymətli kağızlar (səhmlər, istiqrazlar, sertifikatlar) vasitəsilə müəssisəyə investisiya yatırımları; - yeni və orijinal məhsulların istehsalına investisiyalar; - fəaliyyətdə olan istehsal sahələri çərçivəsində yeni növ məhsullar istehsalına qoyulan investisiyalar; -intellektual dəyərlərin inkişafına yönələn investisiyalar (kəşflər, nou-hau, ixtiralar, elmi tədqiqatlar). nvestisiya ssenarisi qeyri-neft sənayesinə daxil olan ənənəvi sahələrin maddi-texniki bazasının təkmilləşdirilməsinə, onların rəqabətyönümlü məhsul istehsal etməsinə, infrastruktur sisteminin təkmilləşdirilməsinə, müəssisələrin ixrac
potensialının yüksəldirməsinə yönəldiləcəkdir.Bu ssenari kimya, maşınqayırma, metallurgiya, yeyinti, yüngül və digər sənaye sahələrinə investisiya yatırımı imkanını artıracaqdır.Ölkədə istehsal olunan avadanlıqların keyfiyyətinin artırılması və müasir bazar tələblərinə uyğunlaşdırılması ə saslı investisiya qoyuluşları vasitəsi ilə həyata keçiriləcək.Belə inkişaf tendensiyası əvvəllər xarici ölkələrdən idxal olunan bir çox malların tədricən Azərbaycanda istehsal olunmasına imkan yaradacaqdır. 75
Qeyri-neft sektorunun inkişafının müəyyən edilmiş prioritet istiqamətlərini nəzərə alaraq, həyata keçiriləcək investisiya qoyuluşunun stimullaşdırılması strategiyasının başlıca məqsədi ölkə iqtisadiyyatının qeyri-neft sektorunun inkişafının prioritetlərinə uyğun olaraq idxal əvəzləyici və ixracyönümlü xarici investisiyaların axınının stimullaşdırılması, qeyri-neft ixracının həcminin artırılması və yeni bazarlara çıxışın təmin olunmasıdır. Bu məqsədə çatmaq üçün aşağıdakı vəzifələrin həyata keçirilməsi vacibdir: - Qeyri-neft sektorunda biznes və investisiya mühitinin davamlı olaraq inkişaf etdirilməsi; - Qeyri-neft sektoruna xarici investisiyaların cəlb edilməsi üçün əsas istiqamətlərin müəyyənləşdirilməsi; - Ölkə iqtisadiyyatının qeyri-neft sektoruna yüksək əlavə dəyəri olan xarici investisiyaların həcminin artırılması və strukturunun təkmilləşdirilməsi; - nvestisiya mühitinin cəlbediciliyini yüksəldən kreativ (müəlliflik hüququna əsaslanan) iqtisadiyyatın inkişaf etdirilməsi; - Qeyri-neft sektoruna xarici investisiyaların cəlb edilməsinin intensivləşdirilməsi məqsədi ilə stimullaşdırıcı mexanizmlərin tətbiq olunması, dövlət və özəl sektoru arasındakı investisiya əməkdaşlığının inkişaf etdirilməsi; - Maliyyə bazarı vasitəsi ilə investisiyaların cəlb edilməsinin intensivləşdirilməsi; - Xarici investisiyaların iqtisadiyyatın şaxələndirilməsi məqsədi ilə qeyri-neft sektorunun prioritetləşdirilmiş sahələrinə daha intensiv cəlb edilməsi və sahəvi klasterlərin yaradılmasına yönəldilməsi; - Qeyri-neft ixracının təşviqi məqsədi ilə xarici ticarət prosedurlarının daha da sadələşdirilməsi və davamlı təkmilləşdirilməsi; - xracatçılara dövlət dəstəyinin artırılması üçün yeni səmərəli mexanizmlərin yaradılması; - Sahibkarlıq subyektlərinin ixrac qabiliyyətinin artırılması üçün informasiya və məsləhət xidmətlərinin əhatə dairəsinin daha da genişləndirilməsi; Yüklə 1,2 Mb. Dostları ilə paylaş:
|