“Dantenin yubileyi”; xarakter, təsvir və təhkiyədə obyektivlik, insan taleyi
47
ağ köynəyin kirli yaxalığı – Eldarın gözləri-
nə yapışır, hafizəsində həkk olunurdu.
Feyzulla tam bir sadəlövhlüklə:
-
O vaxt mod deyildi, ay bala, - dedi, - hə-
rə özünə bir təxəllüs götürmüşdü.
Məcidin vurnuxan gözləri arabir Eldarın
nəzərləriylə tuşlaşır və bu ani baxışlarda hər
ikisi bir-birinin halını başa düşürdü. Eldar
içini yeyirdi. Məcid isə çoxdandı belə ləzzət
çəkməmişdi. Kəbirlinskini Eldarın gözü qar-
şısında əməlli-başlı dolayır, daha doğrusu,
Feyzulla heç bir şey duymadan-öz danışıq-
larıyla özü özünü dolayır, Məcidə sonsuz
zövq verir, Eldarı odsuz-tüstüsüz yandırırdı.
Bixəbər Feyzulla:- Hərə bir ad götürmüşdü,
-
deyə davam edirdi. – Ərəblinski, Sarabs-
ki, Ağdamski...” [1, səh,172]
Kəbirlinskinin bu qədər bəsit düşüncəli biri
olduğunu nəzərə alan Cahangir Məmmədov
“onu lağa qoyan Məcidin də hardasa haqlı-
lığına inanmaq istədiyini”. [8, səh,13] bildirir.
Məcid öz xarakterinin haqqını verən ən san-
ballı, “koloritli” obrazdır. Məcidin hər bir
hərəkəti təbiidir, realdır. Hətta demək olar
ki, povestin qəhrəmanı Feyzulla Kəbirlins-
ki belə bu səviyyədə xarakter sərgiləmir. Sə-
nətkarın povestdə ən böyük uğurlarından
biri Məcid obrazıdır. Anar, bu tipli xarakter
ləri yaratmaqla sələfi Mirzə Cəlilin yaradıcı-
lığına yaxınlaşır. Axı Mirzə Cəlil də, dolğun,
fəal xarakterlərin hərəkəti, davranışı zəmi-
nində real həyat lövhələrini sənət zirvəsinə
ucaldırdı. “Xudayar bəylərin, (“Danabaş
kəndinin əhvalatları”) ən adi etik davranı-
şından tutmuş qiyafətinə qədər elə fərdi və
ümumi cizgiləri yaradılır ki, xarakterin bü-
tün hərəkətləri, daxili və zahiri siması əsərin
vərəqləri arasından çıxıb gözlərimiz önün-
də canlanır... Bu baxımdan Cahangir Məm-
mədovun Anar və nəsri (xüsusi ilə “Dante-
nin yubileyi” povesti) haqqında fikrini təs-
diqləməli oluruq: “Anar bütün yaradıcılığı
boyu Mirzə Cəlil sənətinin gözəlliyini təsdiq
edir. Bu təsdiq adicə möhür deyil, həm də
bu təsdiqdə o, özünü layiqli bir xələf kimi gös-
tərir”. [8, səh,13]
“Bic – vələdüzna” Məcid əsərin zirvə nöqtə-
sinə doğru yol almasında böyük rol oynayır:
“Hörmətli, yoldaş Feyzulla Kəbirlinski! Sizi
böyük İtalyan şairi Dante Aligyerinin ana-
dan olmasının 700 illiyinə həsr olunmuş tən-
tənəli yığıncağa dəvət edirik... Gecənin tari-
xi də əllə yazılmışdı - mayın 11-i, yəni bu
gün”. [1, səh, 200] Artıq bu səhnədə Məcid
ən son oyununu da oynayır. Onun simasın-
da abırsızlıq kimi “insana” yad olan keyfiy-
yətlər kulminasiya nöqtəsinə çatır. Kəbirlins-
ki aldadılır. Aldanmaq, aldadılmaq bu insa-
nın saflığından, təmizliyindən doğan bir fa-
ciədir. Belə bir məqamda biz Fidanə Musa-
yevanın fikri ilə razılaşmalı oluruq: “Kəbir-
linskinin süjeti irəlilədikcə bəlli olur ki, o,
gənc, istedadlı, lakin xudpəsənd rejissor Si-
yavuşdan, tanınmış, gənc, amma lovğa akt-
yor Cavaddan, mənsəb yiyəsi təkəbbürlü
Məciddən əxlaq və mənəviyyatca xeyli üs-
tündür”. [5, səh, 77]
Feyzulla bircə gün də olsa, deyingən arvadı
Həcərin umu-küsülərindən, tənələrindən ya-
xa qurtarmaq istəyir. Və bunun üçün onun
xüsusi sifarişini, əl-əl gəzsə də, heç kim ona
“bilet” vermir. Teatra bilet tapa bilməyən Kə-
birlinski Məcidin ona oynadığı oyuna alət
olur. Məciddən “vaxtı keçmiş dəvətnamə-
ləri alanda o nə qədər sevinmişdi. Hətta, o
dil-dodağı əsə-əsə:
-
Çox sağ ol, bala, -dedi, - çox sağ ol, - ayrı
söz deyə bilmədi. Qəhərlənmişdi”. [1,
səh,200]
Burada dərin sentimental kədər, qəhrəma-
nın fərdi-mənəvi aləmi, Kəbirlinski – Həcər
münasibətinin psixoloji, faciəvi məzmunu
bədii inikasın əsas predmeti kimi çıxış edir.
Bizlər Kəbirlinskinin Həcərin təhqirlərindən
necə “bezar” olduğunu, necə təlaşlandığını
duyuruq. O sevinir ki, heç olmasa bu gün
bir neçə saat Həcərdən “nalayiq” sözlər eşit-
məyəcəm. Bəlkə də, bu gün başımı yastığa
Ülvi Babayev
48
rahat qoyacağam. Həcər –Feyzulla münasi-
bəti əsərdə semantik mərkəz təşkil edir. Hə-
cər xaraktercə sərt, qaba, köntöy bir qadın-
dır. Hardasa onun hərəkətləri milli psixolo-
giyaya yaddır. Çünki o neçə illər bir yastığa
baş qoyduğu adamı incidir, ümumən qadı-
na zidd davranışı ilə Kəbirlinski kimi yum-
şaq xasiyyətli bir insanı belə əsəbiləşdirir.
Milli düşüncə dünyamıza görə, işdən yor-
ğun gələn kişinin qarşısına heç olmasa bir
stəkan çay qoyular, ondan istədiyi bir şeyin
olub-olmadığı soruşurlar. Əlbəttə, bu cür
münasibət təbii bir haldır. Qadının incəliyin-
dən, zərifliyindən xəbər verir. Həcər obrazı
sanki bütün bu insani keyfiyyətlərdən məh-
rumdur. Onun qəlbində şəfqət hissinin ye-
rini nifrət hissi doldurub. Bütün bunların
baiskarı kimdir? Feyzulla Kəbirlinski! (“Ha-
mı ərə gedir ağ günə çıxır, bu da adını ər qo-
yub” [1, səh,178] Feyzulla Həcəri istədiyi gü-
nə çıxara bilməyib. İşindəki uğursuzluq Fey-
zullanın ailə həyatına da təsir edir. Yazar
Həcər-Feyzulla münasibəti ilə bağlı elə səh-
nələr təqdim edir ki, artıq əlavə şərhə ehti-
yac qalmır:
“Feyzulla özünə çay töküb gətirmişdi, bala-
ca armudu stəkandan qurtum-qurtum içir-
di... Feyzulla çayını içdi, aparıb stəkanı əlüz
yuyanın altında suya çəkdi...” [1, səh,178)]
Həcər cürbəcür söyüşlərlə, təhqirlərlə, hərə-
kətlərlə Feyzullaya öz etirazını bildirməsə
belə, bu səhnədən aydın olur ki, onlar ara-
sında necə bir “ailə bağı” var. Feyzullanın
ailə həyatındakı uğursuzluğu onun işində-
ki “fərsizliyinin” təzahürləri kimi üzə çıxır.
Sənətkar bütöv bir insan ömrünün necə puç
olduğunu, həyatda qərar tuta bilməməsini
onun işi, peşəsi ilə də bağlı olduğunu göstə-
rir. Hər şey, hər kəs Feyzullanın istəklərinə
zidd hərəkət edir. Bu isə, sevindirici bir hal-
dır ki, ədib qəhrəmanın həyatına müdaxilə
etmir. Onun bu təhqirlərindən, tənələrindən
bezib düzəlməsinə də heç bir işarə yoxdur.
Axı sənət fitri istedadla bağlıdır. Feyzulla isə
bunun həm fərqindədir, həm də yox! Sənət-
kara əzab verən cəhətlərdən biri də budur
ki, zaman axıb getsə də, Feyzullada daxili
bir oyanış yoxdur. Anar qəhrəmanını öz is-
təyi ilə baş-başa buraxır. Feyzulla ən sonda
“metro səyahətində” möcüzə axtarırr. San-
ki metronun fərqli mühiti onun həyatını də-
yişəcək. Bu cür istək də ancaq və ancaq Fey-
zulla kimi bəsit düşüncəli, sadəlövh birinə
xas olan xüsusiyyətdir. “Dantenin yubile-
yi”ndə iştirak etmək planı baş tutmadıqda,
bu səfər Həcəri metronun “qəribəlikləri” ilə
heyrətləndirmək istəyir. Feyzullanı düşdü-
yü pərt durumdan qurtaran Həcər isə, həyat
yoldaşını məmnun etdiyi kimi, bizləri də razı
salır. Oxucuda Həcərə qarşı sevgi, hörmət
hissi yaranır.
“Feyzullayla Həcər küçəyə çıxdılar... Həcər
dinmirdi. Beləcə lal-dinməz addımlayaraq
metro stansiyasına çatdılar.
Həcər:
-
Metro, - dedi.
Feyzulla boğuq səslə:
-
Hə - dedi.
Çırtma vursaydılar ona, qan damardı. Hə-
cər Feyzullanın çoxdan yadırğadığı yumşaq
və həlim səslə:
-
Gəlsənə metroya gedək, gəzək, ay Fey-
zulla, - dedi.
Feyzulla:
-
İstəyirsən gedək, - dedi, sonra xəbər aldı,
- heç metroya minmisən?
Həcər ani sükutdan sonra:
-
Yox, - dedi, - hələ minməmişəm...
Həcər:
-
Bıy, ay Feyzulla, bu nə qiyamət şeydir,-
dedi.
Feyzulla təəccübündən daha da həvəslənir,
təcrübəli bələdçi kimi metronun müxtəlif
möcüzələrini Həcərə göstərir, danışır, izahat
verirdi.
Həcər də elə hər şeyə təəccüblənir, hər şey-
dən zövq alır, elə hey için çəkirdi.
Sabah yəqin ki, Həcər yenə deyinəcək, söy-
lənəcək, Feyzullanın gününü göy əsgiyə dü-
yəcəkdi. Amma bu gün onun könlünü qır-
“Dantenin yubileyi”; xarakter, təsvir və təhkiyədə obyektivlik, insan taleyi
49
maq istəmirdi. İstəmirdi Feyzulla bilsin ki,
düz iki aydır - metro açılandan bəri Həcər
hər səhər həmin bu qatarla bazara gedib gə-
lir”. [1, səh, 203]
Əsərin finalı ilə zirvə nöqtəsi bir yerdə, bir
məqamda kəsişir. Feyzullanın aldadılması
və Həcərin birdən-birə dəyişməsi povestin
kulminativ sonluqla başa çatmasına səbəb
olur. Həcər artıq mənən sınmış Feyzullanın
qəlbinə toxunmur. Metro açılandan bəri hər
gün onunla bazara gedib-gəlsə də, özünü
elə aparır ki, sanki metroya birinci dəfə mi-
nir. Yazar, insan qəlbinin dərinliklərinə enir
və hardasa Həcər kimi sərt, amansız bir in-
sanın belə qəlbində böyük bir acıma duyğu-
su, şəfqət hissi olduğunu göstərir. Bu cür hal
nə qədər insani məzmunlu bir keyfiyyət ol-
sa da, bir o qədər yazıçı mövqeyi, yazıçı sə-
mimiyyəti də nəzərə çarpır. Oxucu Anarın
nəsr dünyasından incik ayrılmır. Yazarın
insana olan rəğbəti, insan sevgisi “ittiham”
dolu baxışını üstələyir. Bu baxımdan Anar
nəsrində “müsbət” və “mənfi” qəhrəman an-
lamı yoxdur. O, fərqli-fərqli xarakterlər can-
landırır və həmin xarakterlər azad, hür in-
sanlardır. Yəni hadisələr müəllif istəyi ilə
cərəyan etmir. Hər bir obrazın özünə xas
fərdi-ictimai, sosial-mənəvi dünyası var. Sa-
dəcə olaraq həmin insanlar mübarizə mey-
danı olan həyatda cürbəcür sınaqlara çəki-
lirlər və həmin sınaqdan öz iradələri, düşün-
cə dünyaları sayəsində ya üzü ağ çıxırlar,
ya da ki, bizim Kəbirlinski kimi “qəribəlik”
axtarırlar. Axı Anarın qəhrəmanları sosial-
mənəvi həyatlarında yeri səhv düşmüş in-
sanlardır. Yaşar Qarayev bu cəhəti hardasa
riyazi dəqiqlik səviyyəsində ifadə edir:
“Anarın nəsrindəki yer üzündə “boş ərazi”
yoxdur. Buradakı genişliyin xəritəsi həm də
mərtəbələr, zirzəmilər və liftlər arasında bö-
lünmüşdür. Burada müsbət və mənfi qəhrə-
man bölgüsü də yoxdur, yalnız diblərin, mər-
təbələrin və zirvələrin sakinləri vardır. Kə-
birlinski öz mərtəbəsində yaşamayanların
nümayəndəsidir. Həmidə xala da, poçtalyon
da, asılqandakı qadın da onunla “həmyerli-
dir”. [6, səh,153]
Povestdə Kəbirlinski - Eldar xətti də çox mü-
hüm əhəmiyyətə malikdir. Əsər boyu bu iki
insan arasında heç bir səmimi münasibət,
ünsiyyət nəzərə çarpmır. Ancaq Eldarın “mə-
nəvi iztirabları” atası Feyzulla Kəbirlinski-
nin “fərsizliyindən” irəli gəlir. Eldar atasının
cəmiyyət arasında gülünc vəziyyətə düşmə-
sini, təhqir olunmasını həzm edə bilmir. Bu
cür hallar Eldarın həyatına böyük “mənə-
vi” əzab, təhqir kimi təsir göstərir. Lakin El-
dar mənəvi-psixoloji baxımdan müəyyən
problemləri olan insandır. Eldarın münasi-
bətindən, davranışlarından aydın olur ki, o,
Kəbirlinski ilə övlad-ata münasibəti yaşama-
yıb. Əlbəttə, Kəbirlinskinin Eldara olan sev-
gisinə şübhə etmirik. Çünki Eldar Feyzulla-
nın öz oğlu olmadığı halda onun böyüyüb
boya-başa çatmasında pay sahibidir. Hər
bir insan Feyzullanın etdiyi fədakarlığı edə
bilməz; o, ölən baldızının oğlunu övladlığa
götürür, ona öz canından, qanından biri ki-
mi münasibət bəsləyir. Eldar isə, bütün bu
olub-bitənlərdən xəbərsizdir. Eldarı düşün-
dürən, ona əzab verən tək bir şey var: Atası-
nın fərsiz olmağı, cəmiyyət tərəfindən lağa
qoyulmağı! Ümumiyyətlə, Kəbirlinski kimi
atanın sağ olmasını belə qəbul edə bilmir.
Eldarda daxili eqoizm olduqca güclüdür.
O, cəmiyyət tərəfindən daima xoş qarşılan-
maq istəyir və buna əsas maneə kimi atasını
görür: “...mənim atam axı niyə belə fərsizdir.
Mənə də... onun ucbatından hamı yuxarıdan
aşağı baxır. Atam olmasaydı,... heç olmazsa
bilərdim ki, yetiməm, biri mənə gözün üstə
qaşın var deyə bilməzdi, amma bu sağdır,
hamı bunu görür, tanıyır, hamı buna gülür,
rişxənd eləyir, ələ salır, mən də qalıram içi-
mi yeyə-yeyə”. [1, səh,167)] Mətnin özündən
də aydın olur ki, Eldar bir gənc kimi daima
gündəmdə olmaq istəyir, özü və ailəsi haq-
qında həmişə xoş sözlər eşitməyi arzulayır.
Bütün bu arzular isə, təbii haldır. Lakin El-
darın istəkləri daha çox mənlikdən, eqoist-
likdən gələn sarsıntıların fəsadlı təzahürlə-
ridir. Bu cür halların baş verməsində Kə-
Ülvi Babayev
50
birlinskinin ən böyük günahı oğlu Eldarla
istənilən münasibəti qura bilməməsidir. Mə-
sələyə psixoloji aspektdən yanaşası olsaq gö-
rərik ki, Eldarın uşaqlıq illəri də atasından
mənəvi uzaqlıq zəminində keçib. Doğrudur,
povestdə Eldarın uşaqlığı əks olunmur. La-
kin yazar Eldar-Feyzulla əlaqəsini o qədər
dolğun, mənəvi-psixoloji gerçəkliklər zəmi-
nində təsvir edir ki, artıq müəyyən, konkret
həyat materialları əsasında problemin sosial-
mənəvi səbəblərini bir bütöv halında görə
bilirik. Bədii sözün yığcam, lakonik şərhi biz-
lərə hazır, üzdə olan material vermir, əksinə,
məsələnin estetik-ictimai yönlərini araşdır-
mağa, bir ailənin taleyi üzərində düşünməyə
imkan yaradır. Və Feyzullanın gərəkli mü-
nasibəti qura bilməməsi onun Eldara qarşı
olan sevgisinin azlığından irəli gəlmir. Bu
cür münasibət onun xarakteri ilə bağlı təbii
bir haldır. Lakin mətnlə daha ətraflı tanış ol-
duqca Feyzullanın Eldarı necə böyük bir
məhəbbətlə sevdiyinə şahid oluruq:
“Həcər:
-
Lül-piyan gəlib, - dedi.
-
Harda içib, kimnən?
-
Mən nə bilim, - ... yazıq dərdindən içir
də. Cavandır, geyinib-gəzmək istəyir.
Gördüyü nədir, sənin sir-sifətin.
Feyzulla qaranlıqda Həcərin çarpayısına tə-
rəf çevrildi.
-
Bilirsən, Həcər, -dedi, - mən çox fikirlə-
şirəm. Düz deyirsən, o mənə görə xəca-
lətli niyə olsun. Niyə düzünü açıb demə-
yək. Deməyək ki, bala, sən də balaca ki-
şinin oğlu deyilsən. Sənin atan da beş
kişinin biri idi.
Qaranlıqda Həcərin üzünün ifadəsini gör-
mədi...
Həcər ovcuyla bərk-bərk onun ağzını yu-
mub:
-
Sus, sus, görüm, - deyə pıçıldadı.
Feyzulla özü də bilirdi ki, heç bir vaxt həqi-
qəti Eldara aça bilməyəcəkdir...” [1, səh,196]
Sənətkar, bu cür səhnələrdə qəhrəmanı bi-
zimlə baş-başa buraxır. Sanki Kəbirlinski oğ-
lu Eldarı nə qədər sevdiyini bizlərlə paylaşır...
Bir də Anar müəyyən, kədərli situasiya xət-
rinə qəhrəmanın xarakterində süni dəyişik-
liyə yol vermir. Əgər Feyzulla Eldara həqi-
qəti deyə bilsə idi, onun övladına olan mə-
həbbətindən bu qədər maraq və ehtiramla
söhbət açmazdıq... Heç Kəbirlinskinin incə
ruh dünyası belə hadisələrin başqa məcra-
da davam etməsinə imkan verməzdi... Yazıçı
bu cür səhnələrlə əsərə polifonik, estetik ça-
larlar qazandırır, bir insanın taleyi, sosial-
mənəvi özəllikləri təkcə qoyulan problemin
özü ilə yansıdılmır. Feyzulla Kəbirlinskinin
xarakterindəki zəif yönləri müşahidə etdiyi-
miz kimi, onun böyük, mənəviyyat aləmi ilə
də, yaxından tanış oluruq. Kəbirlinskinin
öz istedadına uyğun peşə seçməməsi onun
fərdi-ictimai, sosial-mənəvi həyatında böyük
faciəyə səbəb olur...
Kəbirlinskini Anarın digər əsərlərinin qəhrə-
manlarından Fuadla (“Macal”) qarşılıqlı şə-
kildə təhlil edə bilərik. Hər iki povestin qəh-
rəmanı yeri səhv düşən, yanlış mərtəbədə
qərar tutan insanlardı.
Fuad özündən qat-qat varlı olan bir ailənin
qızı ilə ailə quraraq öz “mərtəbəsini” dəyiş-
diyi kimi, bir çox mənəvi dəyərlərdən də
uzaq düşür. Artıq iş, vəzifə, iclaslar... və bir
də arvadı Rumiyənin arzuları (bu daha çox
əmr məzmunludur) Fuadın maddi-mənəvi
həyatını idarə edən əsas faktorlardır...
Kəbirlinski isə, illər öncə bir “qərar” verib,
“aktyor olmaq” qərarı! Bu qərar onun bütün
həyatını idarə edən əsas amildir. Yəni gənc
Feyzullanın verdiyi qərar, ahıl Kəbirlinski-
nin faciəsinə səbəb olub. Bizlər Kəbirlinski-
nin həyatına nəzər saldıqca görürük ki, o,
təkcə cəmiyyət arasında təhqir edilmir. Ey-
ni münasibət arvadı Həcərin saysız-hesab-
sız tənələr, acı sözləri oğlu Eldarın “mənəvi”
əzabları şəklində təzahür edir... Fuadın Ru-
“Dantenin yubileyi”; xarakter, təsvir və təhkiyədə obyektivlik, insan taleyi
51
miyə ilə evlənmək istəyi reallaşandan sonra
onun həyatında böyük bir dəyişiklik baş ve-
rir. Artıq Fuad sosial baxımdan “zirvəyə”
doğru pillələr qət etdikcə, mənəvi dəyərlər
baxımdan pillə-pillə geriləyir. Vəziyyət elə
bir həddə çatır ki , Fuad bir neçə dəqiqə ol-
sun belə “özü ilə görüşə” bilmir. “Macal” ta-
pıb özünü hesaba çəkməyi mümkün olmur.
Anar bu cür halları bədii sözün predmeti ki-
mi işıqlandırmaqla insan mənəviyyatının hər
bir yönünü bədii inikasa çevirir. Axı insan
özündən, öz mənəvi dünyasından, yaşadığı
mühitdən (hələ bu kasıb bir insanın varlı bir
cəmiyyətə düşməyi ilə nəticələnibsə...) ailə-
sindən, sevdiklərindən maddi təməllər əsa-
sında ayrılırsa, bəzən geriyə qayıtmaq çox
çətin olur... Və Anar nəsrindəki məziyyət-
lərdən biri də budur ki, bütün sadaladığımız
mənəvi-psixoloji durumlar hər hansı fikir,
düşüncə, ritorika kimi canlandırılmır. Bütün
bu özəlliklər bir insanın taleyi ilə ədəbi də-
yər qazanır. Bizlər Fuadın uşaqlıq xatirələri-
ni, tələbəlik illərini müəyyən təəssüratlar əsa-
sında izləyirik... Bütün bu təsvirlər Fuadın
mənəvi-psixoloji yöndən dəyişməsinin əsas
səbəbləri kimi də təzahür edir. “Qurban oğlu
Fuadla”, “Şövqü Şəfizadənin kürəkəni, şə-
hərdə böyük mənsəb yiyəsi olan” Fuad canlı,
real, konkret həyati təsvirlərlə qarşılaşdırı-
lır. [2, səh, 347] “Dantenin yubileyi” poves-
tində Feyzullanın həyati o qədər geniş isıq-
landırılmasa da, bizlər Kəbirlinskini daima
hərəkətdə görürük. Qəhrəman zamanın axa-
rı ilə birlikdə fəaldır, onun bütün davranış-
ları həyatidir. Kəbirlinski istər ailə üzvləri
ilə, istərsə də cəmiyyətdəki insanlarla mü-
nasibətdə özü-özünü şərh edir. Söhbətimi-
zin əvvəlində qeyd etdiyimiz kimi bu povest-
də dramaturji əyanilik, obrazların davranış-
larında gizlənən psixologizm o qədər dolğun
əks olunur ki, bu keyfiyyət yalnız Anar nəs-
rində deyil, bütünlükdə Azərbaycan bədii
nəsrində böyük tapıntıdır.
Ancaq sənətkar digər povestdə Fuadın hə-
yatını işıqlandırmaq üçün, onu bizə tanıtmaq
üçün əlavə şərhlərə, müəllif məlumatına eh-
tiyac duyur. Axı Fuad obrazı Feyzulla Kəbir-
linski kimi “fəal” deyil. Yəni Fuadı hadisələr
içində hərəkətdə görmürük, əlbəttə, onu da
demək olar ki, Fuad yaşadığı mühitdə robo-
ta çevrilib, onu idarə edən iş, vəzifə, rütbə,
var-dövlət... kimi amillərdir. Lakin Anar onu
bizə təqdim etmək üçün çətinlik çəkir. Fua-
dın uşaqlıq xatirələri, indiki durumu, mənə-
vi əzabları... təkrar-təkrar bədii-fəlsəfi cəhd-
lərin obyektinə çevrilir...
Feyzullanın “bu gecə, bu qoca, bu ocaq”
kəlmələrini tələffüz edə bilməməsi isə, onu
tanımaq üçün yetərli dəlil olur... Onu da qeyd
etməliyik ki, Kəbirlinski - Fuad süjetləri fərqli
mövzudadır, bu iki insanın düşüncə dünya-
sı da fərqlidir. Kəbirlinski bir çox hallarda
etdiyinin fərqində olmayan insandır. Necə
ki, bütün ömrünə təsir edən aktyor olmaq
həvəsi “qonşu qonşuya baxar özünü oda ya-
xar” -qəbilindəndir. Lakin Fuadın ziyalı in-
tellekti genişdir, əhatəlidir. Hətta onun mə-
nəvi əzabları belə sadə bir detal deyil. Fuad
hər şeyin fərqindədir. O, böyük uçurumda
olduğunu dərk etdiyi üçün “mənəvi sarsın-
tılar” keçirir, müəyyən xatirələr, məqamlar,
təəssüratlar birdən-birə Fuadın mənəvi oya-
nışına təkan verir. Lakin Feyzulla Kəbirlinski
hadisələri birdən-birə dərk edəcək iqtidar-
da deyil. Hətta yazıçı əsərin sonunda Feyzul-
lanın dəyişməsi istiqamətdə ən xırda detala
belə işarə etmir. Bu cür hal həyat və sənət
həqiqətlərinə istinaddan xəbər verir. Kəbir-
linski “metro səyahətində” belə ömürboyu
etdiyini edir. Nə olur, olsun təhlükədən qur-
tulmaq, bircə gün də olsun Həcərin töhmət-
lərindən yaxa qurtarmaq istəyir...
ƏDƏBİYYAT
1. Anar.
Seçilmiş əsərləri. 2 cilddə. 1-ci cild. B.
Azərnəşr,1988.- 400 s.
2.
Anar. Seçilmiş əsərləri. 2 cilddə. 2-ci cild. B.
Azərnəşr,1988.- 352 s.
3.
Qabil. Seçilmiş əsərləri. Bakı, Şərq-Qərb, 2004,
202 s.
Ülvi Babayev
52
4.
Əmin Əfəndiyev, Zakirə Əliyeva. Anar: “Ömür
yolu və yaradıcılığı”. “ Çağdaşları Anar haq-
qında”, Bakı, 2011, 526 s.
5. Fidanə Musayeva. Anar nəsrində xarakter prob-
lemi , Filologiya elmləri namizədi alimlik dərə-
cəsi almaq üçün təqdim olunmuş dissertasiya.
BAKI-2004. 104 s.
6. Qarayev
Y. Meyar- şəxsiyyətdir. B., Yazıçı, 1988,
455 s.
7. Məmmədov A. M. Sözümüz eşidilənədək. B.
Yazıçı, 1988, 248 s.
8. Məmmədov C. Sənətkar gözü, nəsrin sözü. B.
Yazıçı, 1990, 192 s.
9. ANAR. Əsərlər. I cild, Nurlan, Bakı, 2003, 578 səh.
Dostları ilə paylaş: |