5
Əyanilik prinsipi – nəzəri məlumatlarla işləyərkən çətin təsəvvür olunan proseslərin
təsviri onların asan qavranılmasına imkan verir.
Dərslik şəkil, sxem, diaqram, foto şəklində
verilmiş müxtəlif illüstrasiyalarla təmin edilmişdir.
DƏRSLİK KOMPLEKTİNİN STRUKTURU
Dərslikdə təlim materialları 4 fəsildə qruplaşdırılmışdır:
Fəsil-1. Müxtəlif mühitlərdə elektrik cərəyanı
Fəsil-2. Maqnit sahəsi
Fəsil-3. İşıq hadisələri
Fəsil-4. Atom və atom nüvəsi fizikası
HƏR BİR MÖVZU ÜZRƏ TƏLİM MATERİALLARININ
XARAKTERİNƏ GÖRƏ QRUPLAŞDIRILMASI
Hər bir mövzu üzrə təlim materialları xarakterinə görə aşağıdakı kimi qruplaşdırılmışdır:
Maraqoyatma (motivasiya). Mövzuya maraq oyatmaq üçün müxtəlif situasiya və
hadisələr təsvir edilir, motivasiya yaradılır və suallarla yekunlaşır. Verilən suallar əvvəllər
qazanılmış biliklərə əsaslanır və şagirdləri aktiv fəaliyyətə cəlb etməyi nəzərdə tutur.
Araşdırma. Maraq yaradılan hadisələrin araşdırılmasına, bu hadisələrin səbəb-nəticə
əlaqələrinin müəyyən
edilməsinə yönəldilmiş təcrübə, laboratoriya işləri və müxtəlif praktik
tapşırıqlar verilir. Həmin işlər fərdi və qrup şəklində yerinə yetirilə bilər. Bu tapşırıqlar
mövcud biliklərlə öyrənilən yeni təlim materialı arasında əlaqə yaratmağa xidmət edir.
Yerinə yetirilmiş işin nəticəsini müzakirə etmək, səhvləri araşdırmaq üçün suallar verilir.
İzahlar. Fəaliyyət zamanı müəyyən edilən faktlarla bağlı bəzi açıqlamalar verilir. Əsas
anlayışlar, mövzu ilə bağlı izahlar, təriflər, qaydalar, bir sözlə, dərsin əsas məzmunu burada
əks olunur.
Yaradıcı tətbiqetmə. Mövzuda öyrənilənləri möhkəmləndirmək,
tətbiq etmək və onlara
münasibət bildirmək məqsədilə verilən tapşırıqlardır.