7
altında müstəqil olaraq icra etməklə “sabit maqnitlər”, “maqnit sahəsinin induksiyası”, “düz,
dairəvi naqillərin və sarğacın maqnit sahə induksiyası”, “elektromaqnit”, “molekulyar
cərəyanlar”, “elektromaqnit induksiyası”, “induksiya cərəyanı” kimi yeni anlayışlar haqqında
sistemli bilik əldə edirlər. Onlar icra etdikləri eksperimentlərlə “Cərəyanlı paralel naqillər
arasındakı qarşılıqlı təsir” və “Elektromaqnit induksiyası” qanunlarını “kəşf” edir, “Maqnit
sahəsinin cərəyanlı naqilə təsiri – Amper qüvvəsi” və “Maqnit
sahəsinin hərəkətdə olan
yüklü zərrəciklərə təsiri – Lorens qüvvəsi” haqqında həm nəzəri, həm də əyani metodlar
əsasında sistemli məlumatlar əldə edirlər. Fiziki sahələrin
vahid qanunauyğunluğa tabe
olduğuna bir daha əmin olmaq üçün bu tədris vahidində “təlimə sinergetik yanaşma”
didaktik prinsipi əsasında qravitasiya, elektrik və maqnit sahələrinin müqayisəsinə həsr
edilən təqdimat dərsin quruluş və icra planı, “Biz
Yerin qravitasiya, elektrik və maqnit
sahəsində yaşayırıq” adlı debat dərsin məzmunu verilmişdir.
“İşıq hadisələri” fəslində verilən dərs materiallarında şagirdlər “İşığın düz xətt boyunca
yayılması qanunu”, “İşığın qayıtma qanunu” və “İşığın sınma qanunu” kimi mühüm
qanunları öyrənir, “şüa”, “işıq sürəti”, “həqiqi və mövhumi xəyal”, “cisim məsafəsi”, “xəyal
məsafəsi”, “fokus”, “tam daxili qayıtma”, “işığın qayıtması”, “işığın sınması”, “optik
qüvvə”, “böyütmə”, “nazik linza” və s. yeni anlayışlarla tanış olur, onları maraqlı təcrübələr
qoymaqla aşkarlayırlar. Tədris vahidinə uzunillik fasilədən sonra mühüm praktik əhəmiyyət
kəsb edən iki mövzu – “Sferik güzgü” və “Sferik güzgüdə xəyalın qurulması” mövzuları
daxil edilmişdir. Onlar haqqında verilən nəzəri və praktik materiallar “elmilik”, “uyğunluq”,
“varislik”, “əyanilik”, “inteqrativlik” didaktik prinsipləri əsasında seçilmişdir.
Təlim mate-
riallarında optik cihazların quruluş və iş prinsiplərinin elmi əsaslarına dair xeyli miqdarda
təcrübələr verilmiş, onlar sxem və cədvəllərlə təchiz olunmuşdur. Burada müstəvi və sferik
güzgülərdə, linzalarda cisimlərin xəyallarını qurmaq, onların əsas xarakteristikalarını təyin
etmək üçün keyfiyyət və kəmiyyət xarakterli məsələlər verilmişdir.
Tədris vahidinin bütün
mövzuları zəngin eksperimental araşdırmalarla təmin olunmaqla yanaşı, iki ayrıca praktik
dərsin quruluş və məzmunu da verilmişdir. Bunlar “Şüşənin sındırma əmsalının təyini” və
“Toplayıcı linzanın baş fokus məsafəsinin və optik qüvvəsinin təyini” üzrə praktik işlərdir.
Sonda verilən “Göz və görmə”, “Görmə qüsurları. Eynək” və “Fotoaparat” adlı mövzular
əsasında şagirdlər canlı və cansız optik sistemin iş prinsipindəki vahidliyi müqayisəli şəkildə
öyrənirlər.
“Atom və atom nüvəsi” fəslində verilən materiallar əsasən “elmilik”, “əyanilik” və
“ardıcıllıq” didaktik prinsipləri əsasında seçilərək maddənin mürəkkəb əlaqəli sistem
olduğu, bu sistemin hər hansı şəkildə idarə edilmədiyi halda necə dəhşətli fəlakətlərə səbəb
olacağı öz əksini tapmışdır. Şagirdlər uyğun dərs materiallarını öyrənməklə “radiasiya”,
“radioaktiv şüalanma”, “radioaktiv çevrilmə”, “radioaktiv yerdəyişmə”, “nüvənin yük
ədədi”, “nuklon”, “rabitə enerjisi”, “kütlə defekti”, “yarımçevrilmə periodu”, “zəncirvarı
reaksiya”, “zərrəciklə bombardman”, “idarəolunan nüvə reaksiyası”, “atom və hidrogen
bombası”, “nüvə reaktoru”, “enerji ilə kütlə arasında əlaqə” və s. yeni anlayış və hadisələrlə
tanış olurlar. Çalışmalarda verilən tapşırıqları icra etməklə şagirdlər
nüvə çevrilmə və nüvə
sintez reaksiyaları zamanı ayrılan enerjini hesablama texnologiyasına yiyələnir, bu
reaksiyaların idarəolunması sahəsində dünya alimlərinin fədakarlıqları haqqındakı tarixi-elmi
materiallarla tanış olurlar. Sonda mühüm tərbiyəvi əhəmiyyəti olan “Alternativ enerji
mənbələri” mövzusunda təqdimat və “Nüvə silahı beynəlxalq sülhün qarantıdırmı?” mövzu-
sunda debat dərsin quruluş və məzmununu əks etdirən dərs materialları verilmişdir.
8
DƏRSLİK KOMPLEKTİNİN MÖVZULAR ÜZRƏ STRUKTURU
1. MÜXTƏLİF
MÜHİTLƏRDƏ
ELEKTRİK CƏRƏYANI
1. Metalların elektrik keçiriciliyinin klassik
elektron nəzəriyyəsi.
2.
Metalların müqavimətinin temperaturdan
asılılığı.
3. Məsələ həlli.
4. Elektrolitlərdə elektrik cərəyanı.
5.
Məsələ həlli.
6. Praktik iş.
Elektroliz hadisəsinin
araşdırılması.
7. Vakuumda elektrik cərəyanı.
8.
Məsələ həlli.
9. Qazlarda elektrik cərəyanı. Qeyri- müstəqil
boşalma.
10. Müstəqil qaz boşalması və onun növləri.
11. Məsələ həlli.
12.
Yarımkeçiricilər. Yarımkeçiricilərin məxsusi
elektrik keçiriciliyi.
13.
Yarımkeçiricilərin aşqar keçiriciliyi.
14. p-n keçidi. Yarımkeçirici diod.
15.
Yarımkeçirici cihazlar.
16.
Məsələ həlli.
17.
Müxtəlif mühitlərdə elektrik cərəyanı
(təqdimat dərs).
18. Maqnit hadisələri. Sabit maqnitlər.
19. Maqnit sahəsi. Maqnit sahəsinin mənşəyi.
20. Məsələ həlli.
21.
Maqnit sahəsinin induksiyası.
22.
Yerin maqnit sahəsi.
23. Cərəyanlı düz naqilin maqnit induksiyası.
24. Məsələ həlli.
25. Dairəvi cərəyanın və cərəyanlı sarğacın
maqnit sahəsi.
26.
Elektromaqnit və onun tətbiqləri.
27.
Məsələ həlli.
28.
Cərəyanların maqnit qarşılıqlı təsiri.
29.
Maqnit sahəsinin cərəyanlı düz naqilə təsiri.
Maqnit induksiyasının modulu.
30.
Məsələ həlli.
31.
Maqnit sahəsinin cərəyanlı çərçivəyə təsiri.
2. MAQNİT SAHƏSİ
FƏSİL
MÖVZU