14
Dərsin giriş hissəsində
dərsin məqsədi, məzmunu izah olunur, şagirdlərdə
motivasiya formalaşdırılır, dərs prosesində istifadə olunacaq hərəkətlərin orqa-
nizmə təsirinin qısa xarakteristikası verilir.
Dərsin hazırlayıcı hissəsi.
Məşğul olanların birgə hərəki fəaliyyətinin
təşkili üçün sıra fəndləri yerinə yetirilir. Bu hissədə istifadə olunan hərəkətlər or-
qanizmin qarşıdakı fiziki yükə hazırlamaq üçün qızışdırıcı-yeriş, qaçış, ümum-
inkişaf və xüsusi-struktur cəhətdən əsas hissədə veriləcək hərəkətlərə uyğun olan
aparıcı əzələ qruplarını bu işə hazırlayan hərəkətlərdən ibarətdir.
Dərsin əsas hissəsi
illik plan qrafikə müvafiq
olaraq hərəkətlərin icra
texnikasına yiyələnmə, onun təkmilləşdirilməsi, ayrı-ayrı hərəki qabiliyyətlərin
inkişaf etdirilməsi kimi vəzifələri həyata keçirir.
Dərsin tamamlayıcı hissəsi
orqanizmin funksional sistemlərini (tənəffüs,
nəbz) tədricən bərpası, qiymətləndirilmənin aparılması, fərdi ev tapşırıqlarının
müəyyən edilməsi vəzifələrinin həyata keçirilməsi üçün nəzərdə tutulmuşdur.
Fiziki tərbiyənin dərsdənkənar formaları.
Şagird sağlamlığının möh-
kəmləndirilməsinə, fiziki hazırlığının artırılmasına, hərəki qabiliyyətlərin inkişaf
etdirilməsinə, fəal istirahətin təşkilinə və s. istiqamətlənir. Burada əsas yeri idman
bölmələrində (atletika, idman oyunları,
təkmübarizlik növləri, gimnastika və s.) və
ümumi fiziki hazırlıq qruplarında məşğələlər tutur. Şagirdlərin dərsdənkənar fiziki
tərbiyəsinin digər forması idman və kütləvi bədən tərbiyəsi tədbirləridir. Buraya
idman bayramları, turist gəzintiləri və yürüşləri, idman-sağlamlıq günləri və s.
daxildir.
İdman bölmələri və idman təşkilatlarında (uşaq idman gənclər məktəbləri,
idman klubları və s.) şagirdlərin məşğul olması könüllüdür.
Şagirdlərin fiziki hazırlığında ailədə aparılan fiziki tərbiyə işləri xüsusi
əhəmiyyətə malikdir. Buraya aşağıdakılar daxildir:
-
gün rejimində sağlamlaşdırıcı tədbirlər (səhər
gimnastika kompleksi, or-
qanizmin möhkəmləndirilməsi tədbirləri);
-
məşq xüsusiyyətli müstəqil məşğələlər, fiziki tərbiyə üzrə ev tapşırıq-
larının yerinə yetirilməsi;
-
oyunlar, gəzintilər, idman əyləncələri;
-
ailəvi yarışlarda iştirak.
Siz öz maraq və hazırlıq səviyyənizdən asılı olaraq dərsdənkənar fiziki tər-
biyə formalarından hər hansını seçə və onunla məşğul ola bilərsiniz.
M
ÖVZU ÜZRƏ SUALLAR
1.
Fiziki tərbiyənin hansı formaları mövcuddur?
2.
Fiziki tərbiyə dərsləri hansı hissələrdən ibarətdir?
3.
Fiziki tərbiyənin dərsdənkənar formaları hansılardır?
Çap üçün deyil
15
Məşğələlər zamanı fiziki yükün tənzimlənməsi
və nəzarət üsulları
Fiziki yük anlayışı məşğul olanların yerinə yetirdikləri fiziki hərəkətlərin
orqanizmə təsirinin ölçü meyarıdır. Fiziki yük iki xüsusiyyəti ilə: fiziki yükün
həcmi və fiziki yükün intensivliyi ilə xarakterizə olunur.
Fiziki yükün həcmi yerinə yetirilən hərəkətlərin miqdarı,
sərf olunan vaxt,
qət olunan məsafənin kilometri və başqa göstəricilərlə təyin edilir.
Fiziki yükün intensivliyi hərəkətin icra tempi və sürəti, vaxt vahidi ərzində
yerinə yetirilən hərəkətin miqdarı və s. ilə müəyyən edilir. Fiziki yükün həcmi və
intensivliyi arasında əks asılılıq mövcuddur. Həcm artdıqca intensivlik aşağı düşür
və ya əksinə intensivlik artdıqca həzm azalır.
Adi halda fiziki yükün orqanizmə təsiri ürək vurğularının say göstəricisi və
yorulma əlamətləri (tənəffüs ritminin tezləşməsi, tərləmə,
üzün dərisinin rənginin
dəyişməsi) ilə müəyyən edilir.
Ürək vurğularının (nəbz vurğusu) sayı orqanizmin fiziki yükün təsirinə reak-
siyasını əks etdirən ən düzgün və informativ göstəricidir. Ürək-damar sisteminin
funksional imkanlarının artırılması məqsədi ilə tətbiq olunan fiziki yük zamanı
ürək vurğularının göstəricisi 130 vurğu/dəqiqədən aşağı olmamalıdır. Bu zaman
fiziki yükün optimal diapazonu ürək vurğularının 130-170 vurğu dəqiqəsi arasında
yerləşməlidir. Fiziki yükün tənzimlənməsi aşağıdakı üsullarla həyata keçirilir:
-
yerinə yetirilən hərəkətlərin icra sayının
dəyişdirilməsi;
-
icra olunan hərəkətlərin icra tempinin dəyişdirilməsi;
-
hərəkətin icra amplitudasının artırılması və azaldılması;
-
müqavimətin həcminin (ştanqa, qantel, öz çəkisi) dəyişdirilməsi;
-
hərəkətin asanlaşdırılmış və ya çətinləşdirilmiş şəraitdə icrası;
-
çıxış vəziyyətinin dəyişdirilməsi;
-
qət edilən məsafənin dəyişdirilməsi;
-
təkrarlar arası istirahət vaxtının artırılması və ya azaldılması.
Fiziki yükün həcmi və onun icra müddəti məşğul olanların yaş, cins, fiziki
hazırlıq, sağlamlıq vəziyyəti, həmçinin, qarşıya qoyulan məqsəddən asılı olaraq
müəyyənləşdirilir.
Fiziki yük üzərində nəzarət yorulmanın daxili
və xarici əlamətləri ilə,
həmçinin, ürək vurğuları göstəricisi ilə həyata keçirilir.
Yorulma – fiziki yükün təsiri ilə yaranan və orqanizmin iş qabiliyyətinin
azalması ilə müşayiət olunan vəziyyətidir.
Yorulmanın xarici əlamətlərinə dərinin rənginin dəyişməsi, tər ifrazının
artması, tənəffüs ritminin və hərəkət koordinasiyasının pozulması aid edilir. Fiziki
yük çox böyük olduqda bədənin həddindən artıq qızarması, dodaqlar ətrafı hissənin
göyərməsi, güclü tərləmə, tənginəfəslik, hərəkət koordinasiyasının pozulması
müşahidə olunur. Yuxarıda qeyd olunan halların əlamətləri
hiss olunduqda
hərəkətlərin icrası dayandırılmalı və istirahət edilməlidir. Yorulmanın daxili
Çap üçün deyil