523
rəhbərlər ədalətli qanunların qəbul olunmasının və qanunlara
ədalətlə icra olunmasının tərəfdarları hesab edilirlər. Eyni
zamanda qeyd etmək olar ki, siyasi rejimlər həm də siyasi
institutlar və onların fəaliyyətlərinə bağlı olur. Möhkəm əsaslı
(burada kövrək olmayan) siyasi institutların, təkmil siyasi
qurumların
mövcud
olduğu
dövlətlərdə,
cəmiyyətlərdə
totalitarizmin formalaşması və təşəkkülü qeyri-mümkün
varianta çevrilə bilir. Təkmil siyasi institutlar daima
cəmiyyətin təkmil olması üçün fəaliyyət göstərirlər və cəmiyyəti
bir tərəfdən inkişaf etdirmək, digər tətəfdən də dəyərləri və
ümumilikdə cəmiyyəti qorumaq funksiyasını yerinə yetirirlər.
Dövlətin ali məqsədi öz cəmiyyətinə, əhalisinə, xalqına xidmət
etməkdən ibarətdir. Bu xidmət də nizam və idarəçiliklə, sistem
yaratmaqla, mexanizm qaydaları tətbiq etməklə yerinə yetirilir.
Onu da nəzərə almaq lazımdır ki, dövlətin və hakimiyyətin
normal fəaliyyəti cəmiyyətdəki ictimai və siyasi sabitlikdən
asılı olur. Əgər bu vəziyyət olmazsa, xaos yaranar və sistem
tamamilə dağılar. Cəmiyyətin özünün də normal quruluşu və
təkmil sistemi də dövlətin sabitliyinə xidmət edir. Dövlətin əsas
möhkəmliyi onun daxili sabitliyindən, ümumiyyətlə isə
sistemdən asılı olur. Dövlətlə cəmiyyət arasında üzvi vəhdət
təşkil edən və rəngarənglikdən ibarət olan bütövlüyün
möhkəmliyi üçün dövlət tərəfindən tənzimedici proseslər həyata
keçirilməlidir.
Dünya düzəni özündə həm dövlətlər daxilində, həm də
beynəlxalq arenada mövcud olan nizamlama proseslərini əks
etdirir, cəmləşdirir. Bu iki istiqamət ümumi strukturun tərkibi
olmaqla, bir-birindən asılı olur. Yəni dövlətin daxili siyasətinin
mahiyyəti və məzmunu onun xarici siyasətinə təsir göstərir.
Eləcə də xarici siyasət fəaliyyəti öz başlanğıcını daxili siyasətin
istiqamətlərindən götürür. Məsələn, bir dövlət özündə istehsalı
edilən strateji təyinatlı məhsulları digər dövlət ərazisində
istehlak etmək üçün həmin dövlətlə ticarət-iqtisadi və vergi ilə
bağlı razılaşmalar əldə edir, müvafiq sənədlər imzlayır. Digər